Архивы дуэт - Tatar Today - татар яңалыклары.

Ришат Төхвәтуллин туры эфирда: “Элвин Грей белән дуэт…” [видео]

kadria — Tue, 04 Aug 2020 15:33:18 +0000

// Татар Тудей // Татар Бүген //

3нче август, Татарстанның һәм Башкортстанның атказанган артисты Ришат Төхвәтуллин туры эфирга чыкты. “Элвин Грей белән дуэт булачак”, дип хәбәр итте.

Туры эфирда: “Элвин Грей белән дуэт булачакмы?”-дигәч, “Мин каршы түгел, булыр, Алла Боерса”- дип җавап бирде Ришат Төхвәтуллин. Җырчы язылучыларның теләкләрен дә үтәде: гитарада уйнап, өч җыр башкарды! Элвин Грейның “Роза” җырын да үз вариантында, гитарада уйнап, җырлап күрсәтте.

Видео Ришат Төхвәтуллин инстаграмыннан

Запись Ришат Төхвәтуллин туры эфирда: “Элвин Грей белән дуэт…” [видео] впервые появилась Tatar Today - татар яңалыклары..

Айдар Фәйзрахманов үз җырын кем белән җырлый? [видео]

Alina — Fri, 31 Jan 2020 14:11:48 +0000

//Татар Тудей // Татар Бүген //

Айдар Фәйзрахманов һәм Филүс Каһиров бергә “Су буеннан әнкәй кайтып килә” җырын башкарганнар.

“Су буеннан әнкәй кайтып килә” дип аталган жырны мин үсмер чакта телевизордан ишеттем, ә әбекәйдән бу кем җырлый дип сорагач, “кызым бу безнең кияу-Айдар Фәйзрахманов”,- диде”, – дип үзенең Инстаграм битенә Люция Мусина Айдар Фәйзрахманов һәм Филүс Каһировның җырлавын керткән.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Мәгълүмат Люция Мусина Инстаграм битеннән

Запись Айдар Фәйзрахманов үз җырын кем белән җырлый? [видео] впервые появилась Tatar Today - татар яңалыклары..

Элекке “Казан егетләре”: “Әйтерсең лә 15 ел буена без ясаган исем заяга булган” [интервью]

Чулпан — Sat, 06 May 2017 07:00:05 +0000

Яңадан башлау һәрвакыт авырга килә, диләр. Тик ни генә булса да, алга карап яшәргә өндиләр түгелме соң безне? Шулай булгач, нигә дип бер урында тукталып калырга? Нигә, яңадән үзеңнең халәтеңә әйләнеп кайтып, яраткан эшең белән шөгыльләнмәскә? //Татаr today//

Татар эстрадасында әлеге тормыш кагыйдәсенә туры килерлек мисаллар юк түгел. Мәсәлән, “Артур-Марат” дуэты. Белгәнебезчә, дуэтның солисты Марат Галимовның сәламәтлегенә зыян килү аркасында, ул үз эшен төркемдә дәвам итә алмады. Аның белән аралашып, янәдән сәхнәдә үз исемеңне булдыру ничегрәк икәнен ачыкладым.

– Әңгәмәне туры сораудан башлыйк әле. Марат, нинди сәбәпләр аркасында иҗаттан китәргә мәҗбүр булдың?

– Ни кызганыч, йортымны буяганда, егылдым. Бик катлаулы операция ясатырга туры килде. Бер ел дәвамында урын өстендә яттым.

– Ходайга шөкер, бүген син сау-сәламәт. Ни өчен “Казан егетләре” төркемендә эшләвеңне дәвам итмәдең?

– Операция ясаган көнне үк миңа алмашка башка егетләр таптылар. Моны белү бик аяныч иде. Алар минем терелүемә ышанмады. Әйе, табиблар да бик өметләнмәскә кушканнар иде, тик Ходай ярдәме белән мин сәламәтләндем.

– Барысын да яңадан башлау җиңел бирелмәгәндер? Халык ничек кабул итте?

– Яңа баштан башларга гел авыр. Әлегә безне һаман да “Казан егетләре” төркеме дип кабул итүчеләр бар. “Артур-Марат” дуэтын белеп бетермиләр , чөнки без яңа исем. Аллаһ ярдәме белән бар да булыр, җырлы-моңлы юлыбызның башында гына бит әле без.

– “Казан егетләре” төркеменең солистлары белән аралашасызмы? Ни өчен?

– Юк, аралашмыйбыз. Юри генә тамашаларын күрәсе килү максаты белән карарга барган идек. Ни кызганыч, күңелне җәлеп итә алмадылар. Гомумән, башка йөз алар хәзер. Әйтерсең лә 15 ел буена без ясаган исем заяга булган.

– Сезне нәкъ менә “Артур-Марат” исеме астында танысыннар өчен ни кылырга кирәк икән?

– Әлбәттә, яңа җырлар яздырырга, клиплар төшерергә кирәк! Әле менә быел “Әгәр мине бик сагынсаң” җырына затлы клип төшердек.

– Яңа җырларга килгәндә, нинди композицияләрегез бар?

– Мәрхүм Ринат абый Гөбәйдуллинның өч җыры бар. Мәсәлән, “Без утырткан сириннәр” җыры. Үләр алдыннан биреп калдырды әлеге җырны безгә композиторыбыз, бик яратып башкарабыз. Аның рухына дога булып ирешсен иде!

– Сезнең уйлавыгызча, татар мәдәниятен үстерүдә үз өлешегезне кертәсезме?

– Әйе, ретро җырлар башкарып, өлеш кертәбез дип уйлыйм. Мәсәлән, “Моңнар кайтсын авылга”, “Әгәр мине бик сагынсаң”, “Су буеннан әнкәй кайтып килә” һ.б. Егетләр, сез 15 елга алдан чабасыз, диләр иде безгә. Минемчә, татар мәдәниятен агартуда безнең дә өлеш юк түгел. Татар эстрадасында талантлы кешеләр күп, алар булып торсын. Булганга күрә, татар җыры онытылмас.

– Талантлы кешеләр дип кемнәрне атыйсыз?

– Алар – профессиональ җырчылар. Мәсәлән, Ришат Төхвәтуллин, Фирдүс Тямаев. Әлеге җырчылар белән бик яхшы мөнәсәбәттә торабыз.

– Нәкъ менә сәхнә юлын сайлаганга үкенмисезме? Гаиләгез каршы түгелме?

– Юк, бер дә үкенмим. Гаиләмә килгәндә, тормыш иптәшем “Кыю кызлар” төркемендә җырлый. Без бер-беребезне аңлап яшибез, икебез дә яраткан эш белән шөгыльләнәбез.

– Ә кызыгыз җырчы булырга теләмиме?

– Бу сорауга төгәл җавап бирә алмыйм. Сәләте бар, күптән түгел “Балалы солянка” проектында катнаштык. Әгәр дә теләге булса, каршы килмәм.

– Алга таба да әлеге өлкәдә үсәргә телисезме?

– Әлбәттә, үз эшеңне яратып һәм аңа бирелеп эшләсәң, бар да булып чыгарга тиеш. Тырышлыгыбыз һәм максатларыбыз бар. Ходай ярдәме белән үсәрбез дип ышанам.

Алинә АЙДАРОВА

Запись Элекке “Казан егетләре”: “Әйтерсең лә 15 ел буена без ясаган исем заяга булган” [интервью] впервые появилась Tatar Today - татар яңалыклары..

Салават&Гүзәлем дуэты арасына “Татар радиосы”ннан Айваз Садыйров килеп керә

Редактор1 editor1 — Wed, 26 Oct 2016 17:52:52 +0000

Татар эстрадасына зур шау-шу белән килеп кергән әлеге пар инде күптән үз тыңлаучысын тапты. Концертның сценариен “Татар радиосы”ның баш мөхәррире Айваз Садыров

Аларны кемдер пафостан гына торалар дип тәнкыйтьли, кемдер клипларын карагач “кеше кыланмаганны” дип куя. Ләкин яшьләр дә, әби-бабайлар да ярата аларны. Салават үзе дә бу хакта:
– Мине әбиләр ярата, Аллага шөкер, – ди.
– Билгеле, бу техник яктан бик катлаулы. Ләкин тамашачы алдында җырчы исемен күтәрү өчен бу кирәкле адым. Безнең халык фонограммага җырлаганга күнеккән, шуңа күрә концертлардан да бизә башладылар, – ди Салават Миңнеханов.
Узган елгы чыгышлардан чыгып Гүзәлем:

– Кайвакытта сүгеп аталар, кайвакыт мактыйлар. Тамашачы фикеренә карап үз өстеңдә ныграк эшли башлыйсың.

Теге елгы концертларга Гүзәлем белән Салават Чаллыда үз өйләрендә әзерләнгән булган. Репетицияләр дә шунда барган. Ә хәзер зур состав булгач алай барып чыкмый, дип елмаялар алар. Шунысын да искәртеп үтәргә кирәк, сәхнәдә бер юлы 15 кеше чыгыш ясаячак.

“Cафари” төркеменең җитәкчесе Дмитрий Понамарев төркеменең талантлы музыкантлары белән таныштырды:
– Без интернациональ төркем. Бездә немец та бар, башкорт, украин, удмурт, татарлар да бар. Алар барысы да зур тәҗрибә туплаган, музыканың нәрсә икәнен аңлап, тәмен белә торган кешеләр. Басистыбыз Сайбель легендарь “Сак-сок” төркеменнән. Гитаристыбызның исеме Ричард, ләкин репетицияләрдә без аны Ришат дип йөртәбез. Күңелле яшибез, – дип елмая ул.

Салават аның сүзен дәвам итеп:
– Араларында бөтенләй татарча аңламаганнары да бар. Аларга җыр текстын тәрҗемә итеп бирәбез. Шул рәвешле алар татар телен өйрәнә.

Концерт темасыннан кайтып, үзләре, яшәешләре турында да сөйләделәр. Салават Миңнехановның намазга басканы берәүгә дә сер түгел. Әлеге вакыйгадан соң ул туй мәҗлесләрен, туган көннәрне исерткеч эчемлекләрсез генә үткәрергә ярата икән:
– Әйдәгез хәләл итеп үткәрәбез. Без сезгә шушындый күләмдә ташлама тәкъдим итәбез, дип әйтәм. Һәм күпләр ризалаша, – ди ул.

Гастрольләр туры 2 нче ноябрьдән Мөслим районныннан башланып китәчәк. Җанлы музыка тыңлап, кызыклы концерт программасы карыйсыгыз килсә – рәхим итегез. Гүзәлем һәм Салават Миңнеханов сезне көтеп кала!
Узган ел алар “Телепортация” исемле шоу белән район-шәһәрләрдә чыгыш ясаса, быел аларның концерт программасы тагын да кызыклырак булачак. Татар эстрадасында моңарчы тиңе булмаган форматта узачак тере концертның исеме – “Син һәм мин”. Концертның сценариен “Татар радиосы”ның баш мөхәррире Айваз Садыров язган. Салават Миңнеханов моны аерылып торасыбыз килә дип аңлатты:
– Без артистлар, бер урында гына торырга тиеш түгел. Алай булса сине оныталар. Үз коллегаларыңнан да калышасы килми бит. Шуңа күрә без тамашачыны гел шаккаттырып, яңа алымнар кулланып үзебезгә җәлеп итәбез.
Концертның “йөземе” нәрсәдәме? Тере тавыш. Алай гына да түгел җырчылар инструменталь ансамбль, аерым куела торган утлар, бэк-вокал белән гастрольләргә йөриячәк.

Шәһри Казан

Запись Салават&Гүзәлем дуэты арасына “Татар радиосы”ннан Айваз Садыйров килеп керә впервые появилась Tatar Today - татар яңалыклары..