«Кадерлеләрем, яңалыгым белән бүлешергә ашыгам. «Кил дөньяга, балам» җыры барлык музыкаль мәйданнарга чыкты! Талантлы Оскар Усманов һәм Ләйлә Дәүләтова тарафыннан 2013 елда язылган бу җырны халык бик яраткан иде. Аны үзем дә бүгенгәчә яратып башкарам. Җырны чыгаруымны күптәннән сорый идегез. Ниһаять, без моны эшләдек!» – дип язды җырчы, яңалыгы белән уртаклашып.

Шушы ук постында җырчы тамашачысына үзенең күңелен дә ачкан. Белүебезчә, Дилә Нигъмәтуллина икенче тапкыр әни булу теләге белән яна, ләкин, Аллаһы Тәгәләнең һәр кешегә карата үз планнары…

«Кайчандыр минем зур хыялым бар иде… Мин икенче тапкыр әни булырга һәм бу хисләрне яңадан кичерергә теләдем … Ләкин, кызганыч, барлык хыяллар да тормышка ашмый. Минем өчен бу – бик авыр тема, мин бу турында сөйләргә яратмыйм. Шуңа күрә сезгә зур үтенечем бар. Зинһар, миңа йөклелек турында сораулар бирмәгез һәм башка бу теманы күтәрмәгез. Шул рәвешле сез әле төзәлеп бетмәгән яраларны кузгалтасыз», – дип тә үтенгән артист.

ЧЫГАНАК: https://intertat.tatar/news/kil-donyaga-balam-dila-nigmatullinadan-kunelle-xabar-5876756

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Дилә Нигъмәтуллина бала көтәме? впервые появилась Tatar Today - татар яңалыклары..

“Айлык зарплатаң күпме?” дигәнгә Элвин Грей башта “Белмим, акча минем кулда түгел, администратор саный” дип, сораудан качып калырга тырыша, аннан соң да бик авырдан гына җавап бирә.

“Бик күп эшләгән айларда керемебез 5 млн сум була” ди җырчы. Ләкин шунда ук үзен төзәтеп: “Тамашачы ах итмәсен, бу сумма минем кесәгә генә керми, ә гел әйләнештә йөри. Яңа җырлар яздыру, клиплар төшерү, музыкаль аппаратураны көйләү, яңасын сатып алу, гастрольләрдә бензин һәм транспорт чыгымнарын каплау – барысы да шушы миллионнардан каплана. Акча бүген бар, иртәгә юк ул, алдагысын карап, уйлап эшләргә кирәк. Мәсәлән мин бүген кафе-ресторанда ашасам, иртәгә рәхәтләнеп “доширак” та пешереп ашый алам һәм моннан оялмыйм. Мин иҗат кешесе һәм төп максатым алга таба да яраткан тамашачыма үз иҗатымны бүләк итү. Яраткан эшең өчен берни кызгынмыйсың һәм аны берниниди акча белән дә чагыштырып булмый” ди Элвин Грей.

сайт архивыннан 2018 ел

Запись Элвин Грей ничә миллион акча эшләвен һәм аларны ничек куллануын сөйли впервые появилась Tatar Today - татар яңалыклары..

«Үзеңнән яшьрәк егетләр белән мөнәсәбәтләр корганың бармы?» – дип сораганнар җырчыдан.

«Юк! Хәзерге егетем белән бик яхшы мөнәсәбәтләрдә. Ул миннән яшьрәк. Аллаһка шөкер!» – дип җавап биргән ул.

ЧЫГАНАК: https://intertat.tatar/news/ilmira-nagyimova-xazerge-egete-turyndagy-sorauga-avap-birgan-5873278

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ильмира Нәгыймованың егете яшьрәкме? впервые появилась Tatar Today - татар яңалыклары..

Чыганак: Ватаным Татарстан

Запись Илсөя Бәдретдинова: «Шап итеп җиргә төштем. Диагноз куйдылар…» впервые появилась Tatar Today - татар яңалыклары..

Данир Сабиров шәхси аккаунтына видеоязма куйган һәм аны «Деревенский Саб-Зиро» дип исемләгән. Җырлый-җырлый бәкедә коена ул. «Су өстендә балык уйный, иртә дими, кич дими… » дип моңлана юморист. Горур кыяфәт белән судан чыгып: «Туңган булсам да, җылы кыяфәт ясыйм әле» дип китеп тә бара. Данирны җанатарлары бик күп комментарийга күмгәннәр. Кемдер пиар бу дисә, кайсыдыр аның сәламәтлеге өчен борчылган. «Үләм, мин киенеп тә туңучан кеше буларак, сиңа карап теш сызлый ук башлады монда…» дип язган берәү. Шулай шул. Кыш көне һава температурасы ун градустан да төшмәсә ярар иде дип йөргән кешеләргә, кая инде ул суык суга чуму! Алар, хәтта, бу видеоязманы караганда да туңып утыралардыр.

Данир да бу адымга барыр алдыннан күпмедер чыныкккандыр дип инанып калабыз. Аның чаңгыда йөрүенә, салкын су коенуна күпләр шаһиттыр. Әледән әле ул аларның видеоязмаларын инста тасмага элеп бара.

Пиармы, әллә сәламәт яшәү рәвешеме, ни булса да, зыян гына булмасын, дип яза Сәхнә.

сайт архивыннан 2018 ел

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Данир Сабиров халыкны борчуга сала впервые появилась Tatar Today - татар яңалыклары..

«Күпләр бу хакта сизенде. Әмма бу постым белән үземнең барлык имеш-мимешләргә нокта куясым килә. Тормышта төрлесе була: күтәрелүләр дә, түбән төшүләр дә. Бу теләсә кайсы өлкәгә кагыла!

15 ел бергә яшәдек! Барысын да нульдән башладык. Гастрольләр, меңләгән концертлар, җыр-хитлар, адымлап төзелгән карьера, иҗат, бизнес, йорт. Ике кызыбыз бар. Боларның барысы артында да зур ышаныч, бер-беребезгә терәк булу торды.

Барысы өчен дә рәхмәтлемен. Әлбәттә, минем өчен балаларым бар нәрсәдән дә кадерлерәк, әмма кайвакыт бу тормышта сайлау алдында каласың. Безнең тарихка нокта куелды. Без Рөстәм белән аерылыштык.

Безнең икебез өчен дә хәзер тормышта яңа этап башлана. Ләкин, бернигә карамыйча, безгә алга барырга кирәк. Бу теманы алга таба да куертасым килми. Бу – безнең карар. Бер кешенең дә безне гаепләргә хакы юк. Бу – тормыш. Һәм анда һәр кеше үзе сценарист һәм режиссер, – дип язган Ләйлә Галиева социаль челтәрләрендә.

Чыганак: https://vatantat.ru/2025/02/163356/

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись 15 ел бергә яшәгән татар эстрадасы җырчылары аерылышкан впервые появилась Tatar Today - татар яңалыклары..

«Казан шәһәр филармониясендә эшлим һәм 2 ел үз төркемем белән сольный концертлар куям бит инде. Аена уртача 350-400 мең сум тирәсе акча эшлим», – дип җавап биргән җырчы.

Комментарийларда бу акчаның тулысы белән ротацияләргә китеп бетүен аңлаучылар да бар. Шулай ук җырчының «чын» булганы өчен яратуларын белдерүчеләр дә бар.

чыганак: https://intertat.tatar/news/yrcy-sirina-zainetdinova-aena-nica-sum-akca-eslaven-aitte-5870883

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Җырчы Сиринә Зәйнетдинова аена ничә сум акча эшли? впервые появилась Tatar Today - татар яңалыклары..

– Моң әти-әниемнән килгән, – дип башлады сүзен Сиринә. – Алар зур җырчылар булмаса да, бик моңлылар. Төп чыгышлары белән Нурлат районы Үрнәк авылыннан. Хәзерге вакыта Нурлатта яшиләр. Әтием Фәнис гомер буе полициядә эшләде, инде лаеклы ялда, майор. Әнием Фатыйма балалар бакчасында пешекче булып эшли. Без гаиләдә өч бертуган кыз: мин – олысы.

Гаиләдә әнә шул өч кызның берсе генә сәнгать юнәлешен сайлый. 2007 елда институтны тәмамлагач, Сиринәне Казан шәһәр филармониясенә эшкә чакыралар. Моңа кадәр аның сәләтен “Татар моңы” халыкара конкурсында күреп алалар.

– Сиринә, ни өчен күбрәк халык җырларына өстенлек бирәсең?

– Әйе, ретро җырларны бик яратам. Баянга җырлавым да – күңел халәте. Мине кечкенәдән “моңлы бала”, диләр.

– Җырларны сатып аласыңмы?

– Юк дияр идем, бер-ике тапкыр сатып алганым бар икән. Җыр сайлаганда эчтәлекле, мәгънәлеләренә тукталам. Интернеттан күп җибәрәләр. Җырның җитешсез ягы булса, авторлар белән киңәшләшеп, аларны үпкәләтми генә, бергәләп иҗат итәбез.

Кызы белән

– Гаиләң, иреңнең фотоларын социаль челтәрләргә куймыйсың, бу турыда сөйлисең дә килми. Ни өчен?

– Күз тиюдән куркам.

– Шулай да кызың турында берничә сүз? Бик яшь булуына карамастан, уртак дуэтыгыз да бар. Ул да сәхнәгә тартыламы?

– Эльвинага 13 яшь. Җәйге каникулга чыккач, ел да Нурлаттагы дәү әнисе белән дәү әтисе янына кайтып китә иде. Менә быел “Сәләт” лагерена язылдык әле. Эльвина җырга, биюгә гашыйк, чит телләр белән кызыксына. Әтисе дә гитарада уйный, җырлый. Мәҗлесләргә җыелышкач та, табын артында качып утыра торганнардан түгел ирем. Эльвина да ул яктан бик әрсез, актив.

– “7 яшькә кадәр әбисе-бабасы янында үсте”, дидең. Ни сәбәпле?

– Укуымны тәмамладым. Аннан Казанда эшкә урнашып, бераз эшләгәч кенә кызымны алып килдем.

Әти-әнисе һәм бертуган сеңелләре янәшәсендә

– Син нинди хуҗабикә?

– Мактанырга яратмыйм. Үземне “бар яктан да килгән”, диләр инде. Пешергән ризыкларымны телне йотарлык, дип ашыйлар. Бакча эшләрен дә умырып эшлим. Сыер да сава беләм, тавык та йолкыйм, бәлешен дә пешерәм.

– Күп тамашачы сине сәхнәдәге тыйнаклыгың өчен ярата…

– Мин халык алдына чыккач, шау-гөр килеп биеп, күп сөйләп йөрмим. Сәхнәдә тик басып торып кына җырымны тавышым, күзләрем аша тамашачыга җиткерергә тырышам. Аннан, сәхнәдә кемдер күлмәк белән алдыра, кемдер тембры белән. Ә минем амплуа – моңлы җырларга өстенлек бирүем. Халыкчан тембрлы тавыш мине башкалардан аерып тора.

– Продюсерың бармы?

– Продюсер – үзем. Сәхнә киемнәрен дә үзем тектерәм. Җырчы булу җиңел түгел. Үз өстеңдә эшләп, яңа җырлар тупласаң, радио-телевидениядә күренеп торсаң гына иҗат итеп була. Дөрес, бүген продюсерсыз авыр. Дөньясы шундый. Ләкин бу юлга баскансың икән, барырга кирәк. Җир сөреп булса да барырга…

– Шуңа да сәхнәгә институтны тәмамлауга чыкмадыңмы?

– Сәләтле кеше сәхнәгә әкрен генә чыга ул. Һәрбер менгән баскычым үз көчем белән.

– Җырчы булмасаң, кем булыр идең?

– Һөнәрләр күп бит: йә юрист, йә пешекче, йә укытучы. Миннән машина йөртүче генә чыкмый. Транспорттан куркам. Дүрт ел элек машина йөртү таныклыгы алдым, ләкин рульгә утырмадым. Күңелем тартмый. Барасы җиргә таксига утырам да чыгып китәм. Җаным тыныч.

[архив материалы]

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Сиринә Зәйнетдинова кызының ни өчен әби-бабай янында үсүен аңлата впервые появилась Tatar Today - татар яңалыклары..

Тик сәхнә йолдызының балалары җәмәгатьчелекнең мондый зур игътибарына әзер булмаган икән.

“Балалар инде үсте. Кызларым инде үз тормышлары белән яши диярлек. Кече улым да шактый зур: аңа сигез яшь. Шуңа күрә мин, әлбәттә, үземә дә, эшкә дә игътибар бүлергә вакыт табам. Әмма, балалар белән даими элемтәдә торам. Хәтта гастрольләрдә булсам да, аларның нәрсә белән шөгыльләнгәнен һәрвакыт беләм. Мин алар өчен беренче чиратта — әни. Улым белән дәресләр әзерлим. Ул математиканы бик ярата, саннар белән яхшы дус. Аңа булышам: беренче-икенче сыйныф дәрәҗәсендә мин әле барысын да аңлыйм. Әниләренең танылган артистка булуы алар өчен, дөресен генә әйткәндә, сәер дә. Әлегә кадәр, без каядыр чыгып, кемдер мине таныса, фотога төшәргә килсә, алар гаҗәпләнәләр. Бу аларны бераз борчый һәм кыенсындыра”, — дип уртаклашкан Алсу сәхнә арты тормышы белән.

Ә сез ничек уйлыйсыз, танылган сәхнә йолдызының баласы булу җиңел микән?

чыганак: https://kiziltan.ru/articles/raznoe/2024-09-18/alsuny-balalary-n-rs-d-n-kyensyna-3933671

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Алсуның балалары нәрсәдән кыенсына? впервые появилась Tatar Today - татар яңалыклары..

Алсу яңа җыр чыгарган. Лирик моңсу композициядә гашыйклар мөнәсәбәтләрендә кризис кичерә. Җырда гашыйклар үз хисләрен саклап кала алырлармы икәнлеген аңларга тырыша.

Алсу быел экспериментларга батырчылык итүен һәм үзен яңа жанрларда һәм дуэтларда сынап карарга әзер булуын белдерде. Шул ук вакытта күпләр артистка бу трекны август ахырында аерылышкан элекке иренә багышлаган дип карар кылган. “Мине соңгы тапкыр күкрәгеңә кысып кочакла”, — тректа шундыйрак юллар бар.

Җырчы янә фикер алышулардан читтә кала алмады.
“Сезнең комментарийларны укыйм һәм күрәм, күпләр күңеллерәк җырлар җырлавымны тели. Бары тик шуны аңлатырга телим, мин моңлы җырларны сагышланганга күрә һәм аларны кемгә дә булса багышлап башкармыйм. Миңа алар ошый, һәм шундый җырларда үземне табигый хис итәм”, – дип комментарий биргән Алсу.

Артистка ассызыклаганча, 25 ел эчендә аның репертуарында җырларның 90 проценттан артыгы нәкъ менә шундый: акрын һәм кайчакта «газаплы»

чыганак: https://kiziltan.ru/articles/raznoe/2024-09-16/alsu-so-gy-tapkyrday-kysyp-kochakla-3930504

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Алсу: “Соңгы тапкырдай кысып кочакла…” впервые появилась Tatar Today - татар яңалыклары..