Архивы эвакуатор - Tatar Today - татар яңалыклары.

Казанда ГАИ эвакуаторының бәясе арта

Гузель — Tue, 25 Sep 2018 10:36:44 +0000

Машиналарны тиешле җирдә калдырмасаң, хәзер ГАИ эвакуаторлары килеп җитә дә, алып та китә. Машинаны кайтарыр өчен, 2590 сум штраф түләргә туры килә.

5 нче октябрьдан Казанда эвакуатор бясе нәкъ 344 сумга арта икән. Машинаңны, әлеге дә баягы, көнендә алып китә алмасаң көндәлек бәя дә өстәлеп барачак.

Иң кулае, штраф түләмәс өчен, машинаны бары тик тиешле туктау урынында гына калдырырга кирәк.

Чыганак: novosti.rt

Фото: yandex.ru

Запись Казанда ГАИ эвакуаторының бәясе арта впервые появилась Tatar Today - татар яңалыклары..

Казанда баласын машинада калдырган ананы җинаять җаваплылыгына тартырга телиләр

Редактор1 editor1 — Tue, 16 Aug 2016 05:41:57 +0000

Казанда 6 айлык баласын эсседә автомобильдә калдырган хатын-кызны җинаять җаваплылыгына тартырга мөмкиннәр. Моның өчен нигез бар дип саный Татарстанда бала хокуклары буенча вәкәлатле Гүзәл Удачина.

Искәртеп үтик: шимбә, 13 августта ханым машинасын Мәскәү базары янында калдырып, кибеткә кергән. Хатын-кыз парковка кагыйдәләрен бозу сәбәпле, автомобильне эвакуаторда штрафстоянкага алып киткәннәр. Автомобильнең тәрәзәләрендә тонировка булу сәбәпле, ЮХИДИ хезмәткәрләре машинаның арткы утыргычында автокреслода бала утырганын күрмәгән.

Әни кеше ЮХИДИ хезмәткәрләренә телефон аша эвакуацияләнгән автомобиль эчендә бала булуын хәбәр иткән. Ул штрафстоянкага эвакуациядән соң ярты сәгатьтән килгән.
ЮХИДИ инспекторлары белдергәнчә, баланы машинадан алганда, ул эсселектән шактый талчыккан булган. Бу хәл фаҗига белән тәмамланырга мөмкин булган.

Гүзәл Удачина фикеренчә, мондый очракларда ата-ана гаебен “Ата-ана тарафыннан балигъ булмаган балаларны карау һәм тәрбияләү вазифаларын үтәлмәү” маддәсе буенча административ җаваплылык кысаларында гына билгеләргә кирәкми, ә Русия Җинаять кодексының “Куркыныч хәлдә калдыру” һәм “Балигъ булмаган баланы тәрбияләү вазифасын үтәмәү” маддәләре кысаларында бәя бирү зарур.

Татарстанда бала хокуклары буенча вәкәлатленең шул хактагы мөрәҗәгате Балигъ булмаганнар эшләре комиссиясенә һәм хокук органнарына җибәрелгән.

Татар-информ

Запись Казанда баласын машинада калдырган ананы җинаять җаваплылыгына тартырга телиләр впервые появилась Tatar Today - татар яңалыклары..

Казанда машинаны 6 айлык бала белән бергә эвакуацияләгәннәр

Редактор1 editor1 — Sun, 14 Aug 2016 08:26:51 +0000

Казанның Мәскәү базарыннан эчендә 6 айлык бала белән Hyundai автомобилен эвакуацияләгәннәр.

Эвакуация хезмәте вәкилләре сабыйны машинаның кара тәрәзәләре аркасында күрмәгән. 30 градуслы кызуда баласын машинада калдырган өчен машина хуҗасына әни вазыйфаларын тиешенчә башкармаган өчен штраф яный.

Машинаны парковка кагыйдәләрен бозган өчен эвакуацияләгәннәр. Автомобиль салонында бала булуы турында машина хуҗасы махсус стоянкага килгәч, 30-35 минуттан гына билгеле була. Башта әни кеше берничә минутка бәдрәфкә киткән идем дип аклана. Әмма соңыннан кибеткә барганын таный.

Интертат

Запись Казанда машинаны 6 айлык бала белән бергә эвакуацияләгәннәр впервые появилась Tatar Today - татар яңалыклары..