“Хөрмәтле милләттәшләрем, дин кардәшләрем, дусларым! Иң якын кешеләрем белән истәлекле юбилеем хакында клип ясарга насыйп булды. Бәйрәмне гомергә истә калырлык иткән мөхтәрәм кунакларым өчен дә “Илле яшь” клибы бер истәлек булыр. Киләчәктә дә исән-сау булып, бәхетле гомерләрдә бергә булып, бердәм милләт булып яшик!”, ди клипның авторы Фәрит әфәнде Мифтахов.

“Илле яшь” клибын безнең сайтта, социаль челтәрләрдә һәм “Мәйдан” каналында күреп була. Tatar-today.ru 

Запись Фәрит Мифтаховның “Илле яшь» клибы Равил Шәрәфиевләрне, йөзгә якын танылган татарларны күрсәтә [яңа клип] впервые появилась Tatar Today - татар яңалыклары..

Фәрит Мифтаховның 50 яшьлек юбилей чарасында Татарстан хәзерге мөфтие, элекке мөфти, Татар конгрессы рәисе, республиканың депутатлары, министрлар, хәзрәтләр, журналистлар, иҗатташ дуслар арасында популяр җырчы, Татарстанның атказанган артисты, юбилярның якташы Фирдүс Тямаев та булды. Без ул бу көнне Фәрит әфәндене яңа яктан ачуын сөйләде.

– Бүгенге юбилейга  килеп Фәрит абыйны икенче яктан ачтым. Шаккатып утырдым. Фәрит абыйны 100 %тан 10%ын да белмим икән. Чыннан да бик зур шәхесләр, хөрмәтле кунаклар чыгып сүз әйтәләр. Төрле төбәкләрдән дә килгәннәр. Ул Мәскәү дисеңме, Түбән Новгород, Пенза,  бөтен Татарстаннан хәзрәтләр җыелган. Миңа икеләтә шатлык, чөнки беренчедән якташ, икенчедән без Фәрит абый белән таныш. Гаиләләр белән йөрешмәсәк тә, эш буенча еш күрешәбез. Фәрит абый шундый мактаулы кеше, аның кылган изгелекләрен, милләт җанлылыгын  Аллаһ тәгалә кабул итсен”, диде ул.

Бәйрәмдә халык шагыйре, күренекле җәмәгать һәм сәясәт эшлеклесе Разил Вәлиев юбилярны котлап, Фәрит Мифтаховка изге теләкләрен теләде һәм  аңа багышланган 50 яшьлеккә багышланган шигырен укып үтте.
Ислам динен кабул итүгә 1000 ел исемендәге мәдрәсә ректоры Ильяс хәзрәт Җиһаншин  Фәрит Мифтахов белән бәйле хатирәләрен искә алды.

“Мин Фәрит Фәиз улы белән үзем Татарстан җөмһөрияте мөселманнары диния нәзәрәтендә аппарат җитәкчесе булып эшләгәндә,  2002 елда таныштым. Ул минем янга мәчетләр төзү тәкъдиме белән килеп керде һәм шуннан безнең сөйләшүләр башланып китте. Үзенең туган авылында, газиз әнисенең исеменә мәчет төзи башлавыннан , аның Аллаһка якын булуын аңладым. Бүгенге көндә ул гаиләсендә үрнәк әти дә, хезмәт сөючән, спортка һәм иҗатка, җырга , язуга мәһабәтле кеше дә. Аның сәләтләре көннән – көн ачыла бара. Бәлки без белмәгән һөнәрләре дә бардыр. Ул бөтен яктан килгән , кешегә ярдәмчел, бервакытта да кеше авыр хәлдә калдырмый. Кызганыч, андый шәхесләр аз хәзер. Аның кебек кешеләр күп булсын иде”, дип сөйләде Ильяс хәзрәт.

Кунаклар арасында Нияз Җәләлов, Илсөя Бәдретдинова, Айдар Галимов  кебек танылган җырчылар да бар иде. Алар үзләренең котлауларын җырлары аша җиткерде.

Журналистика факультеты мөгаллиме Илһам Фәттәхов  Фәрит Мифтахов белән Ислам динен кабул итүгә 1000 ел исемендәге мәдрәсә ачылган вакытта танышкан. Шунда ук аның бик актив кеше икәнен аңлап алуын, изге теләкләрен әйтте.

“Ул элек-электән бизнеста да, иҗтимагый тормыш та да, депутатлык эшчәнлегендә дә бик актив. Бүген дә шундый актив кешеләрнең берсе булып кала. Фәрит абыйның хәйриячелек юнәлешендә эшләгән эшләрен дә ассызыклап үтәргә кирәк. Ул чыннан да, ихлас йөрәктән мохтаҗларга ярдәм итә”, диде Илһам Фәттәхов.

Тарихчы Наил Таиров исә юбилярны элекке данлыклы татар байлары белән чагыштырды.

“Мин тарихчы буларак, күп кенә татар байларының тарихын өйрәндем. Апанаевлар, Юнысовлар, Акчуриннар, Казан һәм башка төбәкләрдән халык өчен хезмәт иткән байлар бик күп. Мин Фәрит әфәндене шул чорда хезмәт иткән татар байларына охшатам. Чөнки бүгенге көндә андый кешеләр сирәк. Аның алга таба да шулай халыкка хезмәт итүен телим. Ул искиткеч игелек татар бае дип әйтер идем мин”, диде сүзен йомгаклап Наил әфәнде.

Мөхтәрәм кунакларның Фәрит Мифтахов турындагы башка фикерләрен видеодан карый аласыз.

Запись Җылы сентябрь истәлеге – Фирдүс Тямаев: “Якташым Фәрит абый Мифтаховны яңача ачтым” впервые появилась Tatar Today - татар яңалыклары..

– Сөенечкә, мондый чаралар соңгы вакытта бик еш үткәрелә башлады. Аны оештыруы, кешеләр җыюы җиңелләрдән түгел, әмма шул ук вакытта концертның сыйфаты яхшы булырга, халык күңеленә хуш килергә, башкаларны берләштерергә тиеш. Хәйрия алучылар да, хәйрия эшләүчеләр дә – барысы да бер җәмгыятьтә яши һәм мин башкалар кайгысына битараф булмаган, күңелендә башка кешеләргә ярдәм итү теләге көчле булган кешеләрне берләштерүне кирәкле эш дип саныйм, чөнки һәркайсы: кемдер концерт карарга килеп, кемдер җырлап Аллаһ Тәгалә алдында изге эшкә үз өлешен кертә. Концерттан җыелган акчалар исә мохтаҗ кешеләргә тапшырыла, – дип белдерде Фәрит Мифтахов.

“2003 елдан бирле хәйрия фондларында эшлим, бик күп рәхмәт сүзләре ишеттем. Халыкның догасы, рәхмәте белән 2005 елда шәһәр Думасы депутаты, 2009 елда Дәүләт Думасы депутаты булдым. Депутат булу – матур сүзләр сөйләп йөрү генә түгел бит, халык белән эшләргә, ярдәм итәргә кирәк. Мисал өчен, өлкәннәргә пенсия түләү бер, әмма җәмгыяви тормышта алар белән бергә булу, ярдәм итү башка мәсьәлә”, диде  Фәрит әфәнде.

– “Мең рәхмәт” дип кемгә әйтәсез?

– Һәрбер якын кешемә әйтәм. Рәхмәт әйткән кеше күп бәладән коткарыла, рәхмәт әйтү һәм рәхмәт ишетү зур бәхет, минемчә. Рәхмәт әйтүне үзе бер хәйрия эше дип саныйм.

Фәрит Мифтахов популяр җырлар авторы, хәзерге көндә Германиядә яшәүче ярдәмгә мохтаҗ Ирек Габдрахманов белән якыннан таныш булмаса да, аның сәламәтлеге белән бәйле мәсьәләләрне интернеттан ишетеп белә.

– Кешегә ярдәм итү уйлап табылган әйбер түгел, гомер буена шулай кабул ителгән. Киләчәктә дә хәйриячелек эшчәнлеге белән шөгыльләнүче изге күңелле кешеләр артсын иде дигән теләктә калам, – дип җаваплый хәйрияче.

Энҗе Ризванова

Запись Фәрит Мифтахов: «Рәхмәт әйтүне дә хәйрия эше дип саныйм» впервые появилась Tatar Today - татар яңалыклары..

Быел чараны Норлат якташлар җәмгыяте рәисе, Татарстан Дәүләт шурасының элекке депутаты, Татар конгрессының Казан бүлеге җитәкчесе, хәйрияче Фәрит Мифтахов оештырды. Беренче тапкыр искә алу кичәсендә 2006 елда, ягъни Кариевның 120 еллык юбилеенда катнашкан булган Фәрит әфәнде. Ул вакытта татар театрына нигез салучыны аның үзенең туган авылында – Күлбай Морасада хөрмәтлиләр. Чараны анда Норлат районы хакимият башлыгы Фатыйх Сибагатуллин оештырган була. Габдулла Кариевның киләсе 125 еллык юбилеенә багышлап “Җыен” фонды белән берлектә китап чыга. Узган елны исә Норлат хакимияте Татарстанның мәдәният министрлыгы һәм татар театрлары белән берлектә  Күлбай Мораса җирлегендә 130 еллык юбилеен үткәргән иде.

“Быел 8 май көнне Бөтендөнья татар конгрессының Казан бүлеге һәм Норлат якташлыгы исеменнән Габдулла Кариевның каберенә чәчәкләр куярга,  зиярәт кылырга карар иттек”, ди Фәрит Мифтахов.

Мәшһүр татар режиссерының иҗатына игътибар елдан ел арта. Күлбай Мораса авылындагы Кариев музее мөдире Люзия Вәлиуллина шулай дип белдерә. Драматургның татар сәнгате өчен нинди зур әһәмиткә ия шәхес икәнлеген тагын бер кат искәртә ханым.

“Габдулла Кариев татар милләтен театрлы итү өчен бик күп көч куйган. Театр булдырам дип үзенең булган бар мал-мөлкәтен, хәтта киемнәрен саткан ул”, диде музей мөдире.

Чарада катнашучыларның күпчелеге мондый шәхесләрне онытырга хакыбыз юк дигән сүзне кабатлады. Фәрит Мифтахов та һәр кеше үзенең тарихын белергә тиеш дип белдерде. Мәктәптә укыган елларында ул Тукай, Кариев кебек шәхесләр турында тирәнтен белем бирелмәвен, ягъни чын исемнәрен, язмышларын, кайда җирләнгәннәре турында сөйләнелмәвен әйтте. Шуңа да милләтебезне алга илткән ул-кызлары турында мәгълүмат туплап, аны киләчәк буынга тапшыруны эшләрендә катнашырга тырыша икән.

Ә якташлар берлеге рәисе Кариев исемендәге театр фестивален булдыруга ничек карый? “Бу мәсьәләне иҗтимагый рәвештә хәл итә алмыйбыз. Шулай да театр сөюче һәм шул ук вакытта шәхесләрнең якташы буларак мондый фестивальләр белән бик кызыксыныр идек”, ди Фәрит Мифтахов.

Якташлар җәмгыяте рәисе Күлбай Мораса авылына “күчтәнәч” белән кайтачаклары турында да әйтте. 13 майда алар мәдәният министрлыгы, театр артистлары белән бергә кабат Кариев каберенә барып чәчәкләр куярга, аннары драматургның туган авылындагы музеена кайтырга, кичен мәдәният йортында спектакль куярга җыеналар. Кариев театры артистлары тамашачылар игътибарына “Гашыйклар утравы” пьесасын тәкъдим итәчәк.

Татар театрының атасын искә алганнан соң, килүчеләр Яңа бистә зиратыннан ерак түгел урнашкан Ал мәчет белән таныштылар, чәй эчтеләр. Мәчет-мәдрәсәдә экскурсияне мәчетнең имам-хатыйбы, “Ислам динен кабул итүгә 1000 ел” исемендәге мәдрәсә мөдире Ильяс хәзрәт Җиһаншин үткәрде. Ул исә, һәр килгән кешене кулыбыздан килгәнчә кунак итәчәкбез дип безнең белән елмаеп саубуллашты.

Раилә Вәлиуллина

Запись Фәрит Мифтахов: Якташыбыз Габдулла Кариевның туган көнен догадан башладык [видео] впервые появилась Tatar Today - татар яңалыклары..

17 февральдә Татар конгрессының Казан бүлеге чарасының башкаладагы музыка мәктәпләренең берсендә үтүе очраклы түгел. Утырышның активистлары фикеренчә, үз телеңә мәхәббәт, милли рух булдыру балалардан башлана. Бер яктан татар конгрессы мәктәп тормышын күрә, сәләтле балаларның чыгышларын карый. Икенчедән, яңа буын милли җанлы шәхесләрне үзләрендә күрә, татар телле булып та зур кеше булуына ышанычлары арта.

“Казан татарлар өчен үзәк, Мәккә. Шуңа күрә, Казанда яшәгән татарлар якташлары, Татарстанның башка районнарында яшәгән татарлар белән бергәләшеп эшләгәндә конгресс алдында куелган план да, һичшиксез, үтәләчәк. Бер-берсенә ярдәм итәргә, халыкка үзебезнең сәнгати, мәдәни, милләт йөзен дөньяга танытырга өйрәтү, җиткерү Казан татарлары эше дип уйлыйм”, ди Фәрит Мифтахов.

Монда килгән милли җанлы татарларның максаты – еллык эшкә нәтиҗәләр ясау, татар теленең кулланылышын, яшьләрнең туган телен белү сыйфатын тагын да үстерү, татар халкына хас булган гореф-гадәтләрне саклау, дөньядагы татарларны берләштерү иде. Шулай ук яңа елда эшләнәсе эшләрнең комплекслы программын карау, утырышта катнашучылар белән фикер алышу да булды.

Мөхтәрәм кунаклар арасында ЮНЕСКОның дөнья мәдәнияте институты ректоры, галим Энгел Таһиров, Бөтендөнья татар конгрессы рәисе урынбасары Марс Тукаев, Татарстан муниципаль берәмлекләре шурасының сәркатибе урынбасары Лилия Фәррәхова, “Казан нуры” халыкара фестивале җитәкчесе Иркә Мусина, Казанның балалар хор музыкасы мәктәбе директоры Евгений Кубышкин,  Апас, Кайбыч, Норлат,Тәтеш, Арча районнарының якташлар җәмгыяте җитәкчеләре бар иде. 

“Бүген Бөтендөнья татар конгрессы башкарма комитетында әгъза булып торган иҗтимагый оешмалар саны 500 якын. Бу Русия һәм чит илдә татарларны берләштергән оешмалар. Татарстанның һәрбер районында, Казанда җирлек бүлекчәләребез бар. 2017 елга эш планына кергән чаралар: март аенда Бөтенрәсәй татар авыллары эшмәкәрләре җыены, Бөтенрәсәй татар төбәк тарихын өйрәнүчеләр съезды, апрель аенда Бөтендөнья татар хатын-кызлары форумы узачак”, дип  сөйләде Бөтендөнья татар конгрессы рәисе урынбасары Марс Тукаев. Ул 2011 елдан бирле Бөтенрәсәй күләмендә федераль Сабантуйлар үткәрелүен искә алып үтте. Бу елны иң дәрәҗәле Сабантуй 12-13 майда Әстерхан шәһәрендә уздырылачак икән. 

Фәрит Мифтахов белдергәнчә, яшьләр өчен күп кенә бәйге, фестивальләрне халыкара дәрәҗәдә үткәрергә планлаштыралар. Шундыйлардан: “Яз гүзәле” конкурсы, олылар белән эшләүгә зур игътибар биргән “Ак яулыклы дәү әни” бәйгесе, 23 февраль, 8 Март, Җиңү көне кебек бәйрәмнәрнең зуррак масштабта, бөтен асылын күрсәтеп уздырасы иде, ди Фәрит әфәнде.

күмәк фото

Утырышка йомгак ясап чыгыш ясаган Дөньякүләм мәдәният институты ректоры (ЮНЕСКО) Энгель Таһиров утырышта җыелучыларга системалы эш итәргә киңәш бирде.

“Татарстанның районнарын, авылларын күтәрергә, мәктәпләрен ныгытырга, яшь хезмәткәрләрне авылларга кайтартырга, экологияне яхшыртырга зур көч кирәк. Бүген экология дигәндә, технологик мәсьәләдән тыш, кешенең эчтәлеге, мәдәнияте, дөньясы турында да сүз алып барыла. Без моны аңлап, мәдәниятнең нигезен һәм экологик карашын дөрес табарга тиеш. Бу татар халкыбызны, республикабызны алга атларга этәрә торган максатларны билгеләүдә зур роль уйный. Татарстанның дөнья күләмендә әһәмияте бик зур. Безгә шуны аңлау мөһим”, диде галим.  

Запись Фәрит Мифтахов: “Дин һәм тел булганда безнең киләчәгебез булыр”. Мөһим утырыш впервые появилась Tatar Today - татар яңалыклары..

Норлат якташлар җәмгыяте татар театры атасы Габдулла Кариевның туган җире – Күлбай Мораса авылындҺәрбер кешегә үз туган җире якын. Анда туып үскән бөек шәхесләр районнарның, хәтта кечкенә генә авылларның дәрәҗәсен күтәреп, җирле халык күңеленә җылылык өсти. Фәрит әфәнде фикеренчә, һәрбер кешенең күңеле нечкәреп, үз туган туфрагын сагынган чагы була. “Авыллар бетә дибез. Алар бетмәсен өчен сөйләп кенә түгел, районнарга кайтып, авыл халкының дәрәҗесен күтәреп, ярдәм күрсәтә белү дә кирәк”, ди ул.

Норлат якташлар җәмгыяте үз район, авылларына даими кайтып торалар икән. 22 мартта алар мөһим мәсьәләләр турында сөйләшү өчен Казаннан бер төркем делегация – Габдулла Кариев театры җитәкчесе Мансур Ярмиев, Ислам динен кабул итүгә 1000 ел исемендәге Казан югары мөселман мәдрәсәсе ректоры, “Ал”  мәчет имам-хатыйбы Ильяс хәзрәт Җиһаншин, җырчы Нияз Җәләлов, Нурлат мөхтәсибе Ирек хәзрәт Сәйфуллин, Норлат районы башлыгы урынбасары Әлфия Галәутдинова белән Норлат җирендә янә бергә җыелыштылар.

Якташлар җәмгыятенең беренче тукталышы Күлбай Мораса авылының Габдулла Кариев исемендәге музее иде. Монда ачык йөз белән Казан кунакларын музей мөдире Люзия Вәлиуллина каршы алды. Быел театр атасы Габдулла Кариевка 130 ел тула һәм шул уңайдан якташлар җәмгыяте аның юбилеен зурлап үткәрергә кирәк дигән карарга килде. Әлеге мәдәни чара 14 майга билгеләнде. Әңгәмә барышында Күлбай Морсада Кариевка музей-йорт булдыру теләге дә барлыкка килде. Әлеге мәсьәлә белән Фәрит Мифтахов озакка сузмыйча шөгыльләнә башлаячакларын әйтте.

Норлат якташлар җәмгыяте

Норлат районының Кизләү авылы гаять бай һәм тирән тарихлы авылларның берсе. Якташлар җәмгыяте сәфәренең күп вакыты Кизләү авылында үтте. Кунакларга әлеге авыл 100 еллык мәчете һәм татар милләтенең данлыклы шәхесләре, мәгърифәтчеләре, дин әһелләре  укыган мәдрәсә белән истә калды. “Бу мәдрәсәдә Татарстаннан тыш, күрше республикалардан, илнең танылган дин әһелләре белем алган. Бүген ул авыл балалары өчен мәктәп ролен башкара. Аның ташлары, диварлары  – барысы да шушы чорлардан бирле сакланып килгән, димәк аларда гасырлар авазы яңгырый”, ди Фәрит әфәнде. Аның теләге – шушы мәдрәсәнең Россия күләмендә дин әһелләренең туплану урынына әверелдерү һәм таныту, дәрәҗәсен күтәрү.

Әлеге тарихи мәдрәсәдә бөек дин әһеле, Норлат районы Күлбай Мораса авылында туган Әхмәтзәки хәзрәт Сафиуллин да белем алган. Әхмәтзәки хәзрәткә килеп гыйлем алучылар арасында Тәлгать Таҗетдин, Әстерхан имамы Юныс хәзрәт, хәзерге вакытта Яшел Үзән районы имам-мөхтәсибе Габделхәмит хәзрәт, шулай ук Татарстанның беренче мөфтие Габдулла хәзрәт Галиуллин, Госман хәзрәт Исхакый һәм башка олуг дини шәхесләрне атап үтәргә була. Очрашу барышында Норлат җирлегендә беренче тапкыр Әхмәтзәки хәзрәтнең укуларын үткәрергә дигән сүз булды. Әлеге чара 12 майга планлаштырылды.

Норлат якташлар җәмгыяте

Кизләү авылында игътибарга лаек 100 еллык мәчет басып тора. Бүгенге көндә ул эшләми, ләкин әлеге мәчет турында шулай ук фикер алышу булды. Мәчетнең вазыйфасы  – тарихи истәлек булып авылның йөзен чагылдыру. Авыл хакимиятенең теләге – аны төзекләндереп музей бинасы булдыру. Әлеге мәчет белән ЮНЕСКО да кызыксынган булган. “Бу бинага кичекмәстән төзекләндереп, сулыш йөрергә, яшәтергә кирәк”, диде Фәрит Мифтахов.Авылның тарихи музее әлегә мәктәптә урнашкан. Музей экспонатларын караган вакытта кунаклар үзләре өчен яңа исем – Альфред Халиковны ачты. Әлеге данлыклы археолог шулай ук Норлат районы Кизләү авылында туган. Заманында ул укыткан студент-археологлар экспедиция белән Кизләүгә кайтып эзләнү эшләрен башкарганнар. Табылдыклар арасында мамонт сөяге, 14 гасырга барып тоташкан көн-күреш әйберләре күренде. Музейда Альфред Халиковка багышланган кечкенә генә стенд та эшләп килә.

Фәрит Мифтахов фикеренчә, бер милләт, бер диндә булган татарлар үз туган җирләреннән тыш, республиканың башка якларына да игътибар итү фарыз.

“Татарстан – ул безнең бердәм йортыбыз. Без мөмкинлегебез булганча һәрбер районнарга кайтып ярдәм итеп, изге эшләр башкарарырга тиеш”, ди ул. Үзе шулай даими рәвештә Тәтеш, Апас һәм башка районнарга да эшлекле сәяхәте белән кайтып тора икән.

Кайтыр юлда Татарстанның Дәүләт шурасының элекке депутаты туып-үскән авылы Көрнәле Әмзәгә кермичә булдыра алмады. Монда Фәрит әфәнде әнисе Әминә апа истәлегенә гыйбадәтханә төзетә. Ул “Әминә” мәчете дип аталып 2003 елның 22 мартында Госман хәзрәт Исхакый, Шамил абый Исхаков, Ильяс хәзрәт Җиһаншин кебек билгеле дин әһелләре, якташлары, туганнары, авылдашлары катнашында зурлап ачыла. Мәчет бүген дә актив эшләп килә, кайткан берсенә намаз уку мөмкинлеге бар. Кунаклар да намаз укып, дога кылгач, изге теләкләр белән Норлатка сәфәрне тәмамлап, Казанга юл алды.

Запись Фәрит Мифтахов: “Районнарга кайтып, авылны үстерергә кирәк” [видео] впервые появилась Tatar Today - татар яңалыклары..