Меңләгән катнашучы, йолдызлы жюри, иң матур җырлар! «ШАЯН ТВ» каналында «Сәйлән» балалар телевизион җыр фестиваленең 2нче сезоны башланды.

Аның максаты – татар халык җырларын популярлаштыру, сәләтле балаларга иҗади үсеш мөмкинлеге булдыру. Үзенчәлеге: катнашучылар бары тик татар телендә генә җырларга тиеш.
Фестивальгә 6-14 яшьлек балалардан 1000 гә якын гариза кабул ителде. Шулар арасыннан мәртәбәле жюри 32 катнашучыны чираттагы этапка сайлап алды. Әлеге катнашучылар өчен, «ШАЯН ТВ» каналы сайтында 31 нче августка кадәр тавыш бирү бара. Тизрәк сез дә shayantv.ru сайтына кереп, үзегезгә ошаган катнашучы өчен тавыш бирегез. 20 июльдән 31 августка кадәр узган онлайн тавыш бирү нәтиҗәләре буенча, иң күп тавыш җыйган балаларны ярымфиналда йолдызлы жюри бәяләячәк. Фестивальдә катнашучылар өчен вокал, актерлык осталыгы, сәхнәдә үз-үзеңне тоту буенча мастер-класслар уздыру да планлаштырыла. Ә җиңүчеләрне исә зур бүләкләр көтә.
Бу проект яшь йолдызларга тагын да яктырак балкырга, гомумән, татар халкының матур җырларын танытырга ярдәм итә.

Тавыш бирү ссылкасы – https://shayantv.ru/seilen/vote

Запись «Сәйлән» фестиваленең икенче сезоны впервые появилась Tatar Today - татар яңалыклары..

16 февраль Болгарда “Кыш Батыр” исемле фестиваль узды. Борынгы кораллы сугыш уеннарын күрсәтеп оештыручылар мөселманнар өчен изге саналган урыннарга җәен генә түгел, кышын да туристларны җәлеп итмәкче, дип яза Azatliq radiosi.

Чарада Татарстан һәм күрше төбәкләрдән төрле авырлыкта сугышчылар көч сынашты. Тамашачылар уен, ярышларны карап, элеккеге чордагы ризыкларны авыз итеп, Болгарга багышланган экскурсияне карады.

Узган ел әлеге фестивальне оештырырга ярдәм иткән 28 яшьлек Валентина быел үзе дә катнашырга булган.

“Кыш көне фестивальләр бик аз. Интернеттан карасагыз да күбесе җәй көне уза, костюмнары да җәйге. Кыш көне дә һава торышы яхшы. Өйдә генә утыруның мәгънәсе юк, кыш көне дә сәяхәт итәргә була. Моны кызык дип табучылар бик күп”, дигән Валентина “Azatliq”ка.

“Кыш Батыр” фестивален Татарстанның мәдәният министрлыгы, туризм комитеты, Болгар музей-тыюлыгы, “Үткәнгә сәяхәт” тарихи берләшмәсе ярдәме белән оештырыла.

Әлеге чараларны күреп кайткан Алмаз әфәнденең күңеле әрни, әмма камерага карап фикерен әйтергә теләмәде. Аның сүзләренчә, татар оешмалары актив булмагач, Изге Болгарны хәзер урыс, казак берләшмәләре басты, алар үзләре теләгән фестивальләрен оештыра, изге җирде җәен генә түгел, кышын да сугыш уеннары уздыра. Исеме генә “Кыш батыр”, ә бит монда мәктәп балаларына, туристларга миллилек, татарлык күрсәтелми, Болгарны башка милләтләр яулап алуын күрәбез”, дигән Алмаз “Azatliq”ка.

Чит ил агентлыгы Azatliq radiosi

//Tatar today//

Әлеге ярышларда Алексеевск, Яшел Үзән, Түбән Кама районна[]рыннан, Казан, Йошкар-Оладан егермендән артык команда катнашты. Стартка беренчеләрдән булып 12 яшьлек иң яшь чаңгычылар басты, аннан 16-18 яшьлекләр һәм 18дән узганнар узышты. Аларның барысына да арбалеттан ату, балта һәм сөңге ыргыту буенча билгеле дистанция узарга кирәк иде. Әлеге трасса борынгы шәһәрчекнең үзәге, тарихи-архитектура һәйкәлләре яныннан үтте. 

Нәтиҗәдә, гомумкоманда беренчелегендә

12-15 яшь категориясендә – Антоновка мәктәбе,
16-18 яшьлекләр арасында – П. А. Карпов исемендәге кадет интернат-мәктәбе командасы,
18 яшьтән өлкәнрәкләрдә 1 нче Болгар урта мәктәбе җиңүче дип табылды.

Шәхси зачетта Анастасия Медведева, Илья Володин һәм Артем Главнов җиңүче булды. Алар барысы да медальләр, дипломнар, акчалата сертификат һәм истәлекле сувенирлар белән бүләкләнде.

Моннан тыш, фестиваль вакытында төрле күңел ачу мәйданчыклары оештырылды. Мәсәлән, “Урта гасыр” лагерендә тимерче һәм күнче остаханәләрен күрергә, “Тарихи кухняда” кыздырылган ит, кайнар коймак, самавырдан чәй татып карарга була иде.

Биредә сәүдә рәтләре халык-сәнгать һөнәрчелеге эшләнмәләре дә тәкъдим итте. Фестивальдә катнашучыларга «Любо», «Спасская Станица», Рәмилә Исхакова, Айдар Вәлиуллин үзешчән сәнгать номерлары тәкъдим итте.

Оештыручылар белдергәнчә, фестивальдә барлыгы 2000 гә якын кеше катнашкан.

Запись Изге Болгарда “Кыш Батыр”ы булыр өчен балта, кылыч тотып сугышалар [фото-видео] впервые появилась Tatar Today - татар яңалыклары..

Илһам Шакиров вафатыннан соң, Минтимер Шәймиев аның исемендәге фестиваль булдырырга тәкъдим итте. Бу фестивальга карата бик күп артистлар фикерләрен җиткерде.  Шул уңайдан без Винарис Илъегетнең фикерләрен сораштык, иҗаттагы хәлләрен дә белештек.

“Илһам Шакиров – бөек шәхес. Аның исеме онытылырга тиеш түгел. Оештырыла калса, бик әһәмиятле, дәрәҗәле фестиваль булыр дип уйлыйм. Әлбәттә, бу фестивальда бик теләп катнашыр идем”, дип уртаклашты Винарис.

Иҗатындагы хәлләргә килгәндә, бүгенге көндә Винарис Илъегетнең гастрольләре билгеләнгән, йөреп торалар. “Йолдызлы хид-парад” концерты белән март аенда Себер якларына, апрельда Башкортстанга чыгалар. Ләйсән Мәхмутова белән сольный концертлар да планлаштырылган. Казанда апрель аенда “Пирамида” яки “УНИКС” концертлар залында куярга уйлыйлар.

Сүз уңаеннан, 8 февральда Винарисны Казаннаң “Шутка-бар” банкет залында Хәмдүнә Тимергалиева һәм аның шәкертләре катнашындагы “Йолдазлы кичә”дә күрергә була. Анда Винарис Илъегет, Илназ Минвәлиев һәм Илһам Шәриф катнаша.

https://www.instagram.com/p/Bs_INVBApBs/?utm_source=ig_web_copy_link

Биредә өстәл артында утырыга һәм бию мәйданчыгына билетлар алып була.

Белешмәләр өчен телефоннар: 8(987)2251770, 2251770

Запись Илһам Шакиров фестивалендә Винарис Илъегет беренче булып катнашырга тели впервые появилась Tatar Today - татар яңалыклары..

Салават фестивальдән баш тарткан?

Катнашучылар ике көн дәвамында хореография, вокал, нәфис сүз осталыгы буенча көч сынашты. Җырчылар Әлфия Авзалова репертуарыннан да җырлар башкарды. Бәйгенең географиясе киң иде. Кытай, Америка, Һиндстан, Палестина, БДБ илләреннән, Россия төбәкләреннән бик күп җырчылар, биючеләр, нәфис сүз осталары килгән иде. Аларга бәяне җыр буенча халык артистлары – Венера Ганиева белән Зилә Сөнгатуллина, Хәмдүнә Тимергалиева һәм атказанган артист Алинә Шәрипҗанова бирделәр. Нәфис сүз сөйләүчеләрне шулай ук халык артистлары – Рәшит Сабиров белән Гүзәл Мостафина бәяләде. Биючеләрне Айрат Хәмитов сайлады. Мәртәбәле жюри әгъзалары арасында Салават кына күренмәде. Алдан аны фестиваль белән бәйләп, жюри әгъзасы дип тәкъдим иткәннәр иде, тик җырчы бу сүзләрне кире какты.

“Минем фестивальгә бернинди катнашым да юк. Мин Әлфия апаны исән чагында кадерләдем, бик хөрмәт иттем, хәзер дә яратам. Фестивальгә катнашым булмаса да килдем. Әлфия апага багышлап җырымны җырлыйм да, кайтып китәм” – диде Салават әфәнде. Мәшһүр җырчыбыз Әлфия апа Авзалованың беренче фестивалендә рухына дога булырлык чыгыш, чакырылмаган кунак, халык артисты Салават Фәтхетдиновныкы булды. Сүз уңаеннан, остазның бер укучысы да әлеге бәйгедә катнашмады.

Нәфис сүзгә игътибар аз

Җиденче яртыда башланачак концерт программасын режиссерга кичке дүрт тирәсендә генә тапшырылуын ишеткәч, чара оешкан төстә уза дип әйтергә буламы икән? Концертны Венера Иванова-Аитова белән Байбулат Батулла алып бардылар. Дөрес, тамашачы алып баручы ролендә бик күп еллар Әлфия апа Авзалова төркемендә эшләгән Рәшит Сабировны көткән иде. Ләкин бу вазыйфаны яшьләргә тапшыруны кулай күргәннәр. Рәшит әфәнде үзенең аһәңле көр тавышы белән Лена Шагыйрьҗанның “Татар артисты” әсәрен укыды. Тел, милләт, нәфис сүзнең киләчәге турында борчылуын әйтте.

“Ниһаять, татар халкының бөек җырчысы, моңлы сандугачы, милләт кызы Әлфия апа Авзаловага багышлап Казанда халыкара бәйге-фестиваль оештырылды. Моңарчы конкурсларда нәфис сүзгә бернинди дә игътибар булмады. Бүген республика мәктәпләрендә татар балаларына ана телен укытырга кирәкме? – дигән мәгънәсез сорау туган вакытта, әлбәттә, нәфис сүзгә дә игътибар кимеде. Әлфия Авзалова конкурсы нәфис сүз осталарын барлауны башлады. Киләчәктә республикада нәфис сүз буенча бәйгеләр игълан ителсен иде. Телне саклыйк дисәк мондый конкурслар бик кирәк”, дип Рәшит әфәнде бәйгенең киләчәгенә зур өметләр баглады.

Чакырып китерелгән Голливуд йолдызы “Күбәләк”нең канатын сындырды

Америкадан махсус чакырылган кунак Лесли Стивенс фестивальдә “Күбәләк” җырын башкарды. Илле еллык сәхнә стажы булган Хәмдүнә Тимергалиева Голливуд йолдызының чыгышын күргәннән соң, “Сындырдылар “Күбәләк”нең канатын”, дип тел шартлатты.

“Әлфия апа көчле тавышлы, халык тыңлый торган җырчыларны ярата иде. Тавышым калын булгач, мине дә бик яратты. Сеңлем, миннән кала иң көчле җырчыларның берсе син, дип әйтә килде. Мине сәхнәдә алиһә диде ул. “Концертта ул булса, мин килмим”, дип талантлы кешеләрне үзләренә якын җибәрмәүче җырчылар бар бездә. Әлфия апаның андый күңел хәерчелеге булмады, ул талантлы кешеләрне яратты”, дип хәтирәләре белән уртаклашты Хәмдүнә ханым. Җиңүчеләрне билгеләгән вакытта бу минем укучым, моны урынсыз калдырырга ярамый, дигән вакытлар булдымы? – дигән сорау биргән идек. Соравыгызның юнәлеше дөрес, дигән кебек елмайды да, “Мин андый вак мәсьәләләргә игътибар итмим, үземнең сүземне, фикеремне генә әйтәм”, диде халык артисты. Шул рәвешле ул сәхнә артындагы серләрне ачмаска булды. Әлеге сорауны бирүебез очраклы түгел иде. Гала-концерт алдыннан социальчелтәрләрдә Кирам Сатиев язган түбәндәге юллар таралды:

Конкурста кемнәр җиңә?

I урын: Кемнең кесәсе калын

II урын: Кемнең укытучысы яки яклаучысы җюрида утыра

III урын: Чын талант

Ә гран-при кемгә?

Кемнең итәге кыска яки “төсе” туры килә! (Кирам Сатиев)

Әлфия апаның кызы Зөлфия ханым җырлый

Беренче коймак төерле

Тамашачылар арасында халык артистлары, җырчылар һәм башка сәнгать әһелләре дә бар иде. Залның ярым буш булуы, кайбер җырчыларның чыгышлары күңелләренә шом салган булса кирәк. Сәхнәдән башкарылган
җырларның күбесенә “Үзгәреш җилләре” тигән – көйләре башка, моң качкан. Тәнәфескә чыккач барысы да тәмләп “беренче коймакның” төерләрен санадылар.

“Бу фестивальнең киләчәге юк, акча туздыру гына! Түли-түли Америкадан кеше китерү көлке. Әлфия апаның Американы форточка аша да күргәне булмады. Татарстан районнарыннан барла син талантларны, шуларга түлә, үстер. Америкалар үзләре акча түләп безне карарга килсеннәр, менә булыр дәрәҗә” – диде исемен әйтергә теләмәгән билгеле шәхес.

Венера Ганиеваның үзенең дә фикерен белергә булдык, “Гадел үттеме бу фестиваль?” дигән соравыбызга, “Гадел әлбәттә, без монда профессионаллар утыргач, шунда ук ишетәбез, кеше талантка ияме, юкмы”, дип җавап бирде жюри рәисе.

Әлеге фестиваль-бәйгене оештырырга Әлфия апаның кызлары бик күп көч куйган. Концертта иң ихлас кешеләр шулар булдылар.

“Фестиваль ике елга бер тапкыр уздырылачак. Безнең максат – талантлы яшьләрне ачыклау, үстерү, аларга ярдәм итү. Әни талантлы кешеләрне бик ярата иде. Бүген бик дулкынланам, моңланам. Күңелемнән аның белән сөйләшеп йөрим. Концертка килгәндә дә юл буе еладым”, дип Әлфия апаны искә алды Зөлфия Нигъмәтҗанова.

Әлфия Авзалованың һәйкәле булачакмы?

Тиздән Әлфия апаның һәйкәле булачак. Безнең чыганаклар әйтүенчә, президенттан акча күчкән инде. Әлбәттә, бөтен гомерен сәнгатькә багышлаган моң алиһәсе моңа лаек, ди бер тавыштан сәнгать әһелләре.

“Бүген яшьләр Әлфия апаның иҗаты белән кызыксына, җырларын өйрәнеп җырлый икән – бу үзе зур һәйкәл. Әлфия апаның җырлары беркайчан да яңгыраудан туктамасын, җырчылар шул җырларның моңын, эчтәлеген югалтмыйча киләчәк буыннарга тапшырсыннар иде. Әлфия Авзалова исемен йөрткән фестивальнең киләчәге дәвамлы булсын”, дип халык артисты Зилә Сөнгатуллина теләкләрен җиткерде.

Язманы укучыларга чыгарырга әзерләнгәдә татар сайтларында концертны караган кешеләрнең фикерләре дә безнеке белән аваздаш булуын күрдек.

“Татар моңын йөрәге аша үткәреп, үзенең мәңге кабатланмас тавышы белән татар халкының моңлы сандугачына әйләнгән, ничә буын җырчыларга якты маяк булып янып торган Әлфия апабызны искә алу концертын төрле милләт вәкилләренең чыгышы белән чуарлау ник кирәк булды икән? Әгәр үзе исән булса бөтен барлыгын, гомерен, көчен милләтенә багышлаган моң алиһәбез моңа риза булмас иде”, дигән Галия Фәрхетдинова.Tatar-today.ru 

Запись “Күбәләк”нең канатын сындырдылар” – Венера Ганиева Әлфия Авзалованың фестивален халыкара “солянка”га әйләндерә? [видео] впервые появилась Tatar Today - татар яңалыклары..

Филармониядәге концертларына бер ай вакыт калды, шуңа күрә болар ябыгырга уйлаган. Дөресрәге, Айсылу уйлаган, ә Рәнисне иптәш итеп сайлаган. Айсылу Габдинова фикеренчә, Рәнис үзе дә “бургер кебек булган”. 1 ай эчендә Рәнис белән Айсылу 5 килограмга ябыгырга тиеш! Кем ябыкмый, шул Бауман урамы буйлап шләпә тотып җырлый икән.

View this post on Instagram

A post shared by Айсылу Габдинова (@aisylu_gabdinova)

Запись Айсылу Габдинова белән Рәнис Габбазов бер-берсенә каршы дуэльга чыга [видео] впервые появилась Tatar Today - татар яңалыклары..

Үз эшләрен фестивальнең оештыру комитетына 2016 елгы Канн кинофестивале призеры, Әфганстан режиссеры Шарбану Садат, таныдган Кытай продюсерлары һәм режссерлары Ван Сюэбо белән Чжан Вей, Таҗикстан кинорежиссеры һәм сценаристы Шарофат Арабова һ.б.

казан кинофорумына җиткерелгән гаризаларның статистикасы фестивальнең популярлыгы артуын дәлилли – мөрәҗәгать итүләр саны арта, «география» киңәя. 2013 елда 30 илдән 300 тирәсе гариза кабул ителгән булса, 2015тә 53 илнең кинематографистлары 600 эш җибәргән. 2017 елда исә катнашырга теләк белдергән илләр саны 60 арткан, ә гаризалар саны 800 якынлаша.

«Күрсәткечләрнең артуы төп максат булмаса да, бу бик шатландыра, – ди КХМКФ программа директоры Альбина Нәфыйгова. – Бер кояшлы көнне бөтен 193 илдән дә Казан кинофестиваленә режиссерлар килсен дип омтылмыйбыз без: бөтен җирдә дә кинематограф тиешле дәрәҗәдә үсеш алмаганлыктан булса да бу хәл мөмкин түгел. Өстәвенә, фестивальнең концепциясе аның «география»сендә дә чагыла. Гаризалар сану артуны без профессиональ җәмгыятьтә Казан кинофестиваленең популярлыгы артуы буларак кабул итәбез һәм бу бик шәп».

2017 елда кинофестивальдә катнашуга чираттагы илләр гариза җибәргән: Әзербайҗан, Албания, Әфганстан, Алжир, Армения, Австралия, Бахрейн, Бангладеш, Босния һәм Герцеговина, Беларусь, Болгария, Венгрия, Грузия, Греция, Дания, Мисыр, Израиль, Иордания, Ирландия, Индонезия, Һиндстан, Иран, Ирак, Италия, Испания, Казахстан, Кыргызстан, Канада, Катар, Кытай, Кувейт, Латвия, Ливан, Мальта, Малайзия, Марокко, Монголия, Мьянма, Непал, Нидерландлар, Нигерия, БГӘ, Палестина, Польша, Россия, АКШ, Словакия, Сирия, Таҗикстан, Төркия, Үзбәкстан, Франция, Филиппиннар, Финляндия, Шри-Ланка, Швеция, Швейцария, Көньяк Африка, Югославия, Япония. Мальта (копродукция), Мьянма һәм Филиппиннар кинематографистларының эшләре беренче тапкыр тәкъдим ителде.

А.Нәфыйгова сүзләренә караганда, быел Көньяк һәм Көньяк-Көнчыгыш Азия илләреннән (Непал, Шри-Ланка, Һиндстан, Малайзия, Индонезия, Бангладеш) гаҗәеп күп эш җибәргәннәр, Россиядә җитештерелгән фильмнар саны арта, Мисыр һәм гарәп илләре кинематографы да бик киң тәкъдим ителгән. Фестиваль фильмнарын кино белгече Сергей Лаврентьев (Мәскәү) җитәкчелегендәге махсус комиссия сайлап ала. Анда шулай ук Иван Форгач (Венгрия), Сергей Анашкин (Мәскәү) и Әдилә Хәйбуллина (Казан). Сайлап алучылар үз карарын бер айдан соң игълан итәчәк.

XIII Халыкара мөселман киносы фестивале Казанда 5-11 сентябрьдә узачак.

***

Казан халыкара мөселман киносы фестивале (КХМКФ) – Татарстан башкаласында уздырылучы иң зур кинога бәйле чараларның берсе. Ул 2005 елдан бирле үткәрелә. Фестиваль эчтәлеге аның сөрәнендә чагыла: “Мәдәниятләр диалогы аша – аралашу мәдәниятенә”. Форум программасына үзендә тынычлыкны саклау, диннәргә тигез караш, толерантлык идеяләрен йөртүче, милләтара диалог төзү ысуллары турында сөйләүче фильмнар сайлап алына.

Фестивальнең рәсми сайты: http://kazan-mfmk.com

1 июнь көнне XIII Казан халыкара мөселман киносы фестиваленә гаризалар кабул итү тәмамланды. Оештыру комитетында дөньяның 61 иленнән 782 гариза теркәлгән. Сайлап алу комиссиясе әгъзалары фильмнар белән танышуны башлады инде: уен, документаль һәм анимацион тасмаларның шорт-листы 1 июльгә әзер булачак.

Үз эшләрен фестивальнең оештыру комитетына 2016 елгы Канн кинофестивале призеры, Әфганстан режиссеры Шарбану Садат, таныдган Кытай продюсерлары һәм режссерлары Ван Сюэбо белән Чжан Вей, Таҗикстан кинорежиссеры һәм сценаристы Шарофат Арабова һ.б.

казан кинофорумына җиткерелгән гаризаларның статистикасы фестивальнең популярлыгы артуын дәлилли – мөрәҗәгать итүләр саны арта, «география» киңәя. 2013 елда 30 илдән 300 тирәсе гариза кабул ителгән булса, 2015тә 53 илнең кинематографистлары 600 эш җибәргән. 2017 елда исә катнашырга теләк белдергән илләр саны 60 арткан, ә гаризалар саны 800 якынлаша.

«Күрсәткечләрнең артуы төп максат булмаса да, бу бик шатландыра, – ди КХМКФ программа директоры Альбина Нәфыйгова. – Бер кояшлы көнне бөтен 193 илдән дә Казан кинофестиваленә режиссерлар килсен дип омтылмыйбыз без: бөтен җирдә дә кинематограф тиешле дәрәҗәдә үсеш алмаганлыктан булса да бу хәл мөмкин түгел. Өстәвенә, фестивальнең концепциясе аның «география»сендә дә чагыла. Гаризалар сану артуны без профессиональ җәмгыятьтә Казан кинофестиваленең популярлыгы артуы буларак кабул итәбез һәм бу бик шәп».

2017 елда кинофестивальдә катнашуга чираттагы илләр гариза җибәргән: Әзербайҗан, Албания, Әфганстан, Алжир, Армения, Австралия, Бахрейн, Бангладеш, Босния һәм Герцеговина, Беларусь, Болгария, Венгрия, Грузия, Греция, Дания, Мисыр, Израиль, Иордания, Ирландия, Индонезия, Һиндстан, Иран, Ирак, Италия, Испания, Казахстан, Кыргызстан, Канада, Катар, Кытай, Кувейт, Латвия, Ливан, Мальта, Малайзия, Марокко, Монголия, Мьянма, Непал, Нидерландлар, Нигерия, БГӘ, Палестина, Польша, Россия, АКШ, Словакия, Сирия, Таҗикстан, Төркия, Үзбәкстан, Франция, Филиппиннар, Финляндия, Шри-Ланка, Швеция, Швейцария, Көньяк Африка, Югославия, Япония. Мальта (копродукция), Мьянма һәм Филиппиннар кинематографистларының эшләре беренче тапкыр тәкъдим ителде.

А.Нәфыйгова сүзләренә караганда, быел Көньяк һәм Көньяк-Көнчыгыш Азия илләреннән (Непал, Шри-Ланка, Һиндстан, Малайзия, Индонезия, Бангладеш) гаҗәеп күп эш җибәргәннәр, Россиядә җитештерелгән фильмнар саны арта, Мисыр һәм гарәп илләре кинематографы да бик киң тәкъдим ителгән. Фестиваль фильмнарын кино белгече Сергей Лаврентьев (Мәскәү) җитәкчелегендәге махсус комиссия сайлап ала. Анда шулай ук Иван Форгач (Венгрия), Сергей Анашкин (Мәскәү) и Әдилә Хәйбуллина (Казан). Сайлап алучылар үз карарын бер айдан соң игълан итәчәк.

XIII Халыкара мөселман киносы фестивале Казанда 5-11 сентябрьдә узачак.

***

Казан халыкара мөселман киносы фестивале (КХМКФ) – Татарстан башкаласында уздырылучы иң зур кинога бәйле чараларның берсе. Ул 2005 елдан бирле үткәрелә. Фестиваль эчтәлеге аның сөрәнендә чагыла: “Мәдәниятләр диалогы аша – аралашу мәдәниятенә”. Форум программасына үзендә тынычлыкны саклау, диннәргә тигез караш, толерантлык идеяләрен йөртүче, милләтара диалог төзү ысуллары турында сөйләүче фильмнар сайлап алына.

Фестивальнең рәсми сайты: http://kazan-mfmk.com

Регина ШИҺАБЕТДИНОВА

Запись XIII Казан кинофестивалендә дөнья илләренең өчтән бере катнашырга теләк белдергән впервые появилась Tatar Today - татар яңалыклары..

15 май Казанда Салих Сәйдәшев залында 2017 елның Ваһапов фестивален йомгаклау чарасы узды. Сәхнәгә чыккан җырчылар арасында Рәшит Ваһапов турында белмәүчеләр дә бар. //Татаr today, Азатлык//

Ваһапов вакыфы җитәкчесе Рифат Фәттахов фикеренчә, фестиваль үсештә.

Фестивальдә “татар җыры әнисен” дә билгеләделәр. Татарстанның халык артисты Флера Сөләйманованы әнә шулай зурладылар һәм Ваһапов бүләген аңа да тапшырдылар. Ул үз чоры җырчылары арасыннан ялгызы гына калып баруы турында әйтте.

Татар тудей порталы әлеге масштаблы чараның мәгълүмати партнеры иде.

Фотолар: Рөстәм Исхакый

Запись Tатар тудей Ваһапов фестиваленең сәхнә артын, Гөлсиринне кочагына алучыны күрде [фото-видео] впервые появилась Tatar Today - татар яңалыклары..

“Нәүрүз”нең төп максаты – Россия Федерациясе һәм аннан тыш яшәүче төрки халыкларының мәдәни һәм рухи бәйләнешләрен ныгыту. XIII “Нәүрүз” афишасына Алтай, Башкорстан, Кабардино-Балкария, Казахстан, Татарстан, Тыва, Хакасия һәм Якутиянең иң яхшы 18 спектакле кергән.  Алдагы “Нәүрүз” Казахстанга багышланган булса, быел ул Якутия театр сәнгате эгидасы астында узачак. 

Фестивальнең репертуары үзенең төрлелеге белән аерылып тора: монда чит ил классикасы да, этник кыйссалар да, заманча драматургия дә урын алган. Катнашучы спектакльләрнең режиссерлары арасында таныш исемнәр дә бар: Сергей Потапов, Фәрит Бикчәнтәев һәм башкалар. Фестиваль 400дән артык катнашучы җыячак.

Фестивальне оештыручылар: Россия Федерациясенең мәдәният министрлыгы ярдәме белән Татарстан Республикасының мәдәният министрлыгы, Россия Федерациясенең Театр эшлеклеләре берлеге ярдәме белән Татарстан Республикасының Театр эшлеклеләре берлеге, Г.Камал исемендәге Татар дәүләт Академия театры.

Запись Театр яратучылар колагына: “Нәүрүз” фестивале яңа репертуар әзерләгән впервые появилась Tatar Today - татар яңалыклары..

Без сезгә кызыклы чаралар исемлеген тәкъдим итәбез. Әлеге тамашаларга керү өчен өч кешелек гаиләдән 1 мең сумнан азрак акча чыгачак. //Шәһри Казан//

Запись Казанда кышкы ялларда гаилә белән кайда барырга? [афиша] впервые появилась Tatar Today - татар яңалыклары..

17 декабрь көнне Казанның “Пирамида” күңел ачу үзәгендә татар эстрадасы дөньясының мөһим вакыйгасы, зур концерты “Татар җыры” фестивале узачак. Унҗиденче ел рәттән үткәрелә торган әлеге күркәм тантанада иң популяр артистларга “Алтын Барс” халык премиясе тапшырылачак.

Оештырылу дәрәҗәсе, масштабы белән дат тоткан “Татар җыры”ның артистлары гына түгел, тамашачылары да үзенчәлекле. Фестивальнең мәртәбәле кунаклары арасында Татарстан Республикасы җитәкчелеге, спортчылар, күренекле сәясәтчеләр, чит илдә яшәүче милләттәшләребез һәм башка дәрәҗәле шәхесләр бар.

Фестивальне оештыручылар ел да тамашачыны сюрпризлар белән сөендерә, ел да камиллеккә омтыла. Тамаша шулай ук техник яңалыклар, уникаль проекцияләр, махсус эффектлар, оригиналь ачышлар белән шаккатырудан туктамый. Быел да “Барс-Медиа” татар медиагруппасының көчле командасы фестивальнең баш режиссеры Ирина Алешина белән берлектә яңалык әзерли.

Тамашаны, гадәттәгечә, “Татар җыры”ның алыштыргысыз алып баручылары – “Татар радиосы” радиостанцияләрнең баш мөхәррире Айваз Садыйров һәм Татарстанның атказанган артисты Гөлназ Сәфәрова алып барыр дип көтелә.

“Татар җыры”н “Барс-медиа” татар медиа группасы, “Татар радиосы” радиостанцияләр челтәре һәм “ТМТВ” татар телеканалы оештыра. Билетларны Голубятников урамы, 20 А адресы буенча сатып алырга мөмкин. Тамаша 17 сәгатьтә башлана. Белешмәләр өчен телефон: 5196 196.

Интертат.ру

Запись “Татар җыры” һолливуд артистларын чакырмакчы впервые появилась Tatar Today - татар яңалыклары..