//Татар Тудей//Татар Бүген//

Запись Филүс Каһиров Уфада яңа шартларда үткән концертының нечкәлекләрен сөйли [видео] впервые появилась Tatar Today - татар яңалыклары..

Филүс Каһиров концертларына кызык ысул белән чакыра. Җырчыларга пародия күрсәтеп, концертлары турында сөйләп алды ул.

“Безнең концертларда мине гел моңсу яки опера җырларын башкара дип уйлыйлар. Ялгышасыз (җырлап). Безнең концертларда төрлесе бар, төрле жанрлар, төрле телләрдә җырлыйбыз. Тере музыка кораллары, тере тавыш, беркачан да фонограммага җырламыйбыз. Шуларга концертларга килеп инана аласыз… Пародияләр дә булыр бәлки…” дип сөйләде җырчы Филүс Каһиров.

Запись Филүс Каһиров яңа пародияләрен күрсәтә [видео] впервые появилась Tatar Today - татар яңалыклары..

4 февраль Татарстанның атказанган артисты Филүс Каһировның иҗат төркеме Башкортстанга барган вакытта автобуслары каплана.

“Һава шартлары начар булу сәбәпле, безнекеләр Казаннан 16 сәгать тирәсе киләләр, таулы урыннарда автобусны этәргә дә туры килә. Бер авылдан алар бөтенләй үтә алмый. Мәләвездәге дуслар ярдәмгә килә, алардан прицеп һәм аппаратураларны алалар.

Мәләвезгә килеп җиткәндә, алардан “без әйләнеп капландык, ярдәм кирәк”, дигән хәбәр килде. Без шок хәлендә идек. Шалтыратып хәлләрен белештек, аларны алырга машиналар җибәрдек.

Концертны инде күчерергә җыенган идек, кәеф төште. Шулай да төркемне көттек. Алар: “Бик нык ардык, ләкин концертны куябыз”, диделәр. Шундый батырлык күрсәткән төркемебезгә, безне аңлаган тамашачыларга, төркемебезне ашаткан, сыендырган Рәхмәтуллиннар гаиләсенә, безгә ярдәм иткән кешеләргә зур рәхмәтебезне җиткерәбез”, ди бу хакта Филүснең администраторы Эльмира Каһирова.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись “Ярдәм иткән кешеләргә зур рәхмәт” – Филүс Каһиров иҗат төркеменең Башкортстанда автобуслары каплана [фото-видео] впервые появилась Tatar Today - татар яңалыклары..

Танылган композитор-җырчы Зөфәр Хәйретдиновның 60 яшьлек юбилей концерты булып узды. Бу зур чарада күп кенә җырчылар чыгыш ясады. Шулай ук алар Зөфәр Хәйретдиновка, аның иҗатына һәм аңа карата булган мөнәсәбәтләре турындагы сорауларга җавап бирделәр. Сезгә шуларның кайберләрен тәкъдим итәбез.

Филүс Каһиров: “Хәтерлим, кечкенә чакта Зөфәр Хәйретдиновның “Пар алмагач” җырын җырлый идем. Ялгышмасам, бүгенге көндә бу җырны Әнвәр Нургалиев яңарткан. Бу бик әйбәт, чөнки аны тыңлаучылар күп. Шушы ретро җырларны башкару безнең җыр сәнгатенә файда гына инде. Димәк, урта буын гына түгел, яшьләребез дә тыңлап үсә.”

Ришат Төхвәтуллин: “Миңа “Шомырт бәйләме” җыры килеп әләкте. Зөфәр абый үзе шушы җырны башкаргач, сөйгән ярын тапкан икән. Миңа да шул җыр ярдәм итмәсме икән дип, мин дә шул җырны башкарып карадым. 3-4 ел җырлап йөрдем, тик файдасы булмады. Зөфәр абый, замана куып, иҗат итә торган композитор димәс идем. Җәй җәй түгел, кышы кыш түгел, ә җыры җыр түгел. Шуңа мин менә мондый элекке җырларны башкарырга яратам.”

Лилия Муллагалиева: “Ике дә уйламыйча ул миңа “Җыр керсен күңелгә” җырын бирде. Шушы җырыма беренче клибымны да төшердек. Шул заман өчен ул, руслар әйтмешли, модный иде. Бүген дә ул клип үз ролен уйнар иде.”

Зөһрә Шәрифуллина: “Безнең арада иҗади дуслык кына булмады, без гаилә дуслары. Без чит илләргә бергә ял итәргә йөрдек, балалар бергә укыды. Бүгенге көндә дә аралашып яшибез. Ә инде җырларга килгәндә, мин аның иң күп җырларын җырладым. Ул язган җырларын күбесен миңа бирә иде. Әлбәттә инде, иң популярларыннан “Су буенда учак яна” һәм “Соң булса да, уң булсын”. Популяр җырлары бик күп инде. Әмма минем иҗатымны популяр иткәне шул “Су буенда учак яна” җыры. Бездән соң да бу җырлар җырланачак.”

Фирдүс Тямаев: “Тавышың да, моңың да, үзеңнең энергетикаң да бар” – дип әйтә иде ул миңа. Бу сүзләрне ишеткәч миңа рәхәт булып китә иде. Һәрбер композиторның тарихка кереп калган җыры бар. Бүгенге көндә Зөфәр абыйның җырлары булмаган булса, нәрсәдер җитмәгән кебек булыр иде.”

Зөфәр абый җиде йөздән артык җыр иҗат иткән икән. Бер җыр озынлыгы өч минут булса, бөтен җырын тыңлап бетерергә якынча 2100 минут кирәк булачак. Кыскасы, 35 сәгать тоташ Зөфәр Хәйретдинов җырлары! Концертта шушы җиде йөз җырның кырык бере генә яңгырады.

Зөфәр Хәйретдинов татар эстрадасына яшәү чыганагы булып торган автор. Эстраданың яшәү көче булсын өчен берсеннән-берсе матур җырлар иҗат итеп торырга кирәк. Алга таба да татар эстрадасында нәкъ менә аның кебек авторлар булсын иде.

Запись Җырчылар Зөфәр Хәйретдинов турында нинди фикердә? [видео] впервые появилась Tatar Today - татар яңалыклары..

Татарстанның атказанган артисты Филүс Каһировның тормыш иптәше Эльмира Каһирова инстаграмда үзләре белән булган хәлләрне сөйли килә. Бу юлы ул уллары Айдар белән сөйләшен язды.

Эльмира Каһирова әйтүенчә, олы уллары әти-әнисенә башка бәхәсләшмәскә кушкан. Әнисенең “без бәхәсләшә башласак, кисәтү ясарсың”, дигән сүзенә Айдар: “Яхшы, әника! Ләкин мин ике тапкыр кабатламаячакмын”, – дип җавап биргән. “Филүс, шулай булгач, башка ачуланышмыйбыз”, – дип комментарий калдырган Эльмира.

View this post on Instagram

A post shared by Гастроли Путешествия Бизнес (@kagirovaelmira86)

Мәгълүмат Эльмира Каһирова инстаграмыннан

Запись Эльмира Каһирова: “Филүс, шулай булгач, башка ачуланышмыйбыз” впервые появилась Tatar Today - татар яңалыклары..

Айдар Фәйзрахманов һәм Филүс Каһиров бергә “Су буеннан әнкәй кайтып килә” җырын башкарганнар.

“Су буеннан әнкәй кайтып килә” дип аталган жырны мин үсмер чакта телевизордан ишеттем, ә әбекәйдән бу кем җырлый дип сорагач, “кызым бу безнең кияу-Айдар Фәйзрахманов”,- диде”, – дип үзенең Инстаграм битенә Люция Мусина Айдар Фәйзрахманов һәм Филүс Каһировның җырлавын керткән.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Мәгълүмат Люция Мусина Инстаграм битеннән

Запись Айдар Фәйзрахманов үз җырын кем белән җырлый? [видео] впервые появилась Tatar Today - татар яңалыклары..

Татарстанның атказанган артисты Филүс Каһиров концертларда гына түгел, ә һәрдаим яхшы кәеф бүләк итәргә омтыла. Талантлы гаиләнең инстаграмда кызыклы видеолар урнаштыруы моңа дәлил булып тора. Әле күптән түгел генә Филүс һәм Эльмира Каһировлар үзләренең уен коралларында уйнаганнарын видеога төшереп керткән иде. Бу тамашачыда зур кызыксыну уятты.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Филүс Каһиров сәхнәдә бик җитди күренсә дә, тормышта бик шаян, юмор хисле, якыннарына яхшы кәеф өләшүче кеше. “Туган тел” каналының “Сер итеп кенә” тапшыруында җырчының хатыны Эльмира Каһирова танышкан вакытта ук Филүснең гадилеге белән җәлеп итүен искә алды һәм аның төп җанатары булуын сөйләде. Филүс Каһиров хезмәттәшләренең дә үзенә бу хакта еш әйтүләрен билгеләп үтте. Танылган юмор остасы Данир Сабиров үзенең концертында тамашачыларга мөрәҗәгать итеп: “Сез Филүсне бик җитди кеше дип уйлыйсыздыр инде, ә ул чынлыкта минем кебек бер юләр”, дип шаяртып та алган булган.

Филүс Каһировны якыннан белгән кешеләр аның турында юмарт, шаян күңелле гади кеше буларак сөйлиләр. Аның төркемендә эшләгән алып баручы Зәмирә Рәҗәпова шушы сыйфатлары өстенә, аның үзенчәлекле моң иясе булуын да бик ачык итеп, аерым бер җылылык белән тасвирлый. “Мин аның концертын тыңлаганнан соң, башка җырчыны тыңлый алмыйм. Шушы илаһи моң бөтен күңел дөньяңны биләп ала”, ди ул.

Татарстанның атказанган артисты Филүс Каһировның концертларына рәхим итегез!
⠀
ФЕВРАЛЬ (Башкортстан)
4 Мәләүз
5 Кыргыз Миякә
7 Югары Яркәй
8 Дүртөйле
9 Нефтекамск
11 Октябрьский
12 Туймазы
⠀
МАРТ
8 МӘСКӘҮ
10, 11 КАЗАН

Запись “Башка җырчыны тыңлый алмыйм” – Филүс Каһиров турында хезмәттәшләре нинди фикердә? [видео] впервые появилась Tatar Today - татар яңалыклары..

Татарстанның атказанган артисты Филүс Каһиров декабрдә ТАССРның 100 еллыгына багышланган чарада Артур Исламов белән “Кем идек” җырын башкарган иде. Җырчыларның бу чыгышлары күпләрнең күңелләренә кереп калды, чөнки җыр һәм тулаем чыгыш та республикабызның суверенитетка ирешкән елда булган вакыйгалар белән бәйле иде. Филүс Каһиров Татар Тудейга бу җырны башкарганда үзендә нинди уйлар барлыкка килгәнен, алга таба булган планнарын сөйләде һәм татар-башкорт эстрадасы берлеген булдыру турындагы фикергә үз мөнәсәбәтен белдерде.

– Илһам Шакиров исемендәге залда “Кем идек” дигән җыр белән ТАССРның 100 еллыгын башлап җибәрдегез. Үзеңдә нинди хисләр туды, чөнки анда зал да башкарак?

– Икенче тапкыр мин ул залда чыгыш ясадым. Әлбәттә, 3 мең кешелек залның масштабы да сизелә. Зур залларда җырлау – ул бүтән төрле атмосфера бирә. Бәләкәйрәк залларда чыгыш ясаганда, үзеңне тамашачы белән бергә бәләкәй бер бүлмәдә булган кебек хис итәсең.

– Ул җырны башкарганда, анда экран аша тарихи кадрлар, республикабызның суверенитет алган вакытлары күрсәтелде. Нинди фикерләр килде үзеңә?

– Борылып шул видеоны карыйсы килде, борылырга гына ярамый иде. Ул видеоларны мин алдан узган репетицияләр вакытында да яртылаш кына күреп калдым, ТНВ каналы кабатлау күрсәткәндә генә, тулысынча карый алдым. Аның җыры да тирән мәгънәле, видеолары да тарихка бәйле вакыйгалар иде, сәхнәдә басып торганда беләм видеоның шуның хакында икәнен, оркестр уйнап тора, зал тулы тамашачы шуны карап тора “Эх, үзем дә тиз генә залга төшеп, халык белән бергә шуларны барысында карап алсам иде”, дигән фикер килеп алды чыгышым вакытында.

– Җырны кабатлау буламы? Концерт программасына кертелмәдеме?

– Артур Исламов опера театры белән Голландиядә гастрольдә иде, шуңа күрә үз концертымда мин аны башкара алмадым. Март аена көтеп калам, ләкин анда да театр иҗади сәфәрләр белән Голландиягә китәчәк, шуңа күрә, әлегә барысын ничек килештереп булыр икәнен белмим. Ә Артурның концертында без ул җырны башкардык.

View this post on Instagram

A post shared by Певец Эстрада Гастроли (@kagirov.filyus)

– Рөстәм Миңнеханов каршында җырлау ничек? Аерым сөйләшүдә алар алдында җырлау бигрәк рәхәт дип әйткән идең.

– Әйе, Рөстәм Нургали улы каршында да, Миңтимер Шәрип улы каршында да җырлау бигрәк тә рәхәт, чөнки беррәттән халык та, беррәттән җитәкчеләребез дә залда утырганда концерт тагын да мәртәбәлерәк кебек тоела.

–Бер җыр эчендә бөтен хисне биреп бетереп буламы?

– Кайчагында. Әгәр шул җырга күңелеңдә булган бөтен уйларыңны, хисләреңне җыеп әзерләнеп чыксаң, була.

– Синең сәфәрләр бармы соң? Виза да алдың…

– Әлегә сәфәрләр юк. Виза – ул киләчәккә, без бит киләчәкне уйлап яшибез.

– Америкага, башка чит илләрдәге концертларның әлегә төгәл даталар билгеле түгелме?

– Тиздән билгеле булачак.

–“Корстон” күңел ачу комплексында Финляндиядә яшәүче милләттәшләребез белән очрашкан идең күптән түгел.

– Әйе, үземнең концертларыма чакыру төшерергә дип кергән идем Корстонга. Баксаң, анда Бөтендөнья татар конгрессы вәкилләре җыелган, чит илләргә күп йөргәч, чит илдә үткән дәүләт чараларында да даими катнашкач, күпләр белән таныш, шуңа күрә анда булганнарының һәрберсе чыгып исәнләшә башлады, сөйләшеп алдык кайберләре белән. Шулай итеп бер көн үтеп тә китте, видеоны тәки төшерә алмадым ул көнне.

– Татар-башкорт эстрадасы берлеген төзү кирәкме, һәм аның рәисе кем була алыр иде, синеңчә?

– Андый берлек, минемчә, кирәк. Халык бит инде барыбер артистларга карый, аларны кайбер мәсьәләләрдә үрнәк итеп күрә. Шуңа күрә мондый берлекне оештыру да, минемчә, урынлы булыр иде. Бер-беребезгә таяныч, терәк булып дус-тату яшәсәк, тамашачыга тагын да зур үрнәк була алыр идек. Ә инде рәис, җитәкчегә килгәндә, минемчә, бу эшне Салават абый башкара алыр иде, чөнки ул үзе Башкортстаннан һәм Татарстанда яшәп ничәмә ничә еллар дәвамында сәхнәне тотып тора. Ә бәлки, Салават абый белән Айдар абый Галимовны рәис итеп куеп булыр иде. Алар икесе дә төрле проблемнарны киңәшләшеп, “шапылдатып” чишеп куярлык кешеләр.

Запись Филүс Каһиров: “Салават Фәтхетдинов белән Айдар Галимов моны бергә җитәкли ала” [видео] впервые появилась Tatar Today - татар яңалыклары..

14 декабрь Казанның Пирамида залында “Болгар радиосы” Милли музыкаль премиясен тапшыру тантанасы үтте. Бу чарада Филүс Каһиров катнашмады. Моның сәбәбен белер өчен, Татар Тудей җырчы һәм “Болгар радиосы” белән элемтәгә керде.

– Филүс, нигә “Болгар радиосы”ның милли музыкаль премиясендә катнашмадыгыз? Ялгышмасак, “Болгар радиосы” оештырган быелгы концертларда гомумән күренмәдегез, ТНВның Яңа ел бәйрәме тамашасы төшерүләрендә дә булмадыгыз кебек?

– “Болгар радиосы” премиясенә, дөресен генә әйткәндә, белмим, ни өчен чакырмаганнардыр. Ул көнне мин катнаша ала идем. Ләкин чакыру килмәде. Бу сорауны “Болгар радиосына” бирергә кирәк дип уйлыйм, бәлки катнаштырасылары килмәгәндер. Ә ТНВ Яңа ел съемкасында булдым.

“Болгар радиосы” премиясендә генә катнашмадым. Дөресен генә әйткәндә, премиядә генә түгел, “Болгар радиосы” үткәргән чараларда соңгы мәлләрдә катнашканым юк. Чакырулар килми, белмим, бәлки мин ул программаларга сыя алмыймдыр, бәлки җырчыларның яхшыраклары бардыр, диде Татар Тудей порталына Татарстанның атказанган артисты Филүс Каһиров.

2017 елгы фото, “Болгар радиосы” студиясендә 

View this post on Instagram

A post shared by Филюс Кагиров (@kagirov_filyusfun_official)

Безнең сорауга “Болгар радиосы”ның баш мөхәррире, радио продюсеры Илфар Кәримов аңлатма бирде:

– Без Филүс белән хезмәттәшлек итәбез. Әлбәттә, ул концертларның бер бизәге. Ләкин быел ул яңа җырлары белән әллә ни сөендермәде. Бәлки әле яңа җырларының эфир өчен әзерләнгән варианты гына юктыр. Ә “Болгар радиосы” эфирында бүгенге көндә барган җырлары инде “Болгар радиосы” Милли музыкаль премиясенә лаек булган иде.

Запись Филүс Каһиров нигә “Болгар радиосы” концертларында, “Милли премия”дә катнашмый әллә катнаштырмыйлар? впервые появилась Tatar Today - татар яңалыклары..

Татарстанның атказанган артисты Филүс Каһиров һәм тормыш иптәше Эльмира Каһированың танышуына китергән сәбәпләр турында язган идек. Шушы көннәрдә Эльмира Каһирова язылучыларына бу тарихның  дәвамын да сөйләде. 

– Музыка көллиятендә яхшы укыдым. Барлык биюләрне, җырларны тиз өйрәндем. Ул вакытта мине бик нык дусларым да хупладылар.  Ансамбльдә авырган яки башка сәбәпләр аркасында килми калган теләсә нинди кызны алыштыра ала идем. Мине мактадылар, башка студентларга үрнәк итеп куйдылар. Әмма барысы да үзгәрде…  Бер ел үткәннән соң гына да без Филүс белән аралаша башладык, дуслашып киттек. 2003 елның 19 декабрендә безнең көллияттә Света концерты булды, һәм без шунда бергә бардык. Шул көннән бирле  һәр җирдә дә бергә йөрдек. Шәһәр дус кызларым миннән читләште, авыл егете белән дуслашуымны аңламадылар. Укытучылар өчен дә мин акыллы, яхшы студент булудан туктадым. Алар фикеренчә, безнең мәхәббәт укуга комачаулый иде.

Беренче елларда минем вокал буенча бик көчле һәм яхшы  укытучым бар иде. Әмма аңа Италиягә китәргә туры килде. Әгәр көчле укытучы белән шөгыльләнсәм, чыннан да, вокал ягыннан бик яхшы үсәр идем. Тагын бик күп нәрсәләр булды әле. Филүсне башка кызлар белән дуслаштырырга теләделәр. Минем белән очрашмасын өчен шартлар куйдылар. Әмма йөрәккә әмер биреп булмый…

Шуннан соң миндә комплекслар барлыкка килде. Казанга килгәч, музыка укытучысы миндәге потенциалны күреп, вокал бүлегенә күчергә киңәш бирде. Ләкин минем җырларга теләгем юк иде. Шуңа күрә Филүс белән бергә өйдә һәм машинада җырлыйбыз.

View this post on Instagram

A post shared by Гастроли Путешествия Бизнес (@kagirovaelmira86)

Мәгълүмат Эльмира Каһированың инстаграмыннан

Запись Эльмира Каһирова: “Филүс минем белән очрашмасын өчен шартлар куйдылар” впервые появилась Tatar Today - татар яңалыклары..