Исегезгә төшерәбез, 30 апрель көнне Фирдүс белән Резеда гаиләсендә икенче сабыйлары туды. Аңа Кәрим дип исем куштылар. Уллары Раян хәзер абый “статусына” ия булды.

Татар-тудейның “Раян белән Кәримгә иптәшкә бер кыз да алып кайтырга уйлыйсызмы соң?” дигән соравына җырчы: “Гаиләдә биш бала булса, шәп инде” дип җавап кайтарган иде.

Парикмахерский ачтым?????? балаларыгызны алып килегез бушка??#тямаевприколы #фирдустямаев #тямаев #фирдустямаев??? #безнентямай

Публикация от Фирдус Тямаев (@firdustamaev_official) 8 Май 2018 в 3:07 PDT

Запись Фирдүс Тямаев балалар өчен чәчтарашханә ача [видео] впервые появилась Tatar Today - татар яңалыклары..

“Аллага шөкер, Резеда һәм сабый үзләрен яхшы хис итәләр. Бәбинең авырлыгы 3850, буе 57 см булып туды. Чын баһадир! Кәрим дип исем куштык”, дип уртаклашты Tatar-today белән Фирдүс.

“Раян белән Кәримгә иптәшкә бер кыз да алып кайтырга уйлыйсызмы соң?” дигән сорауга җырчы: “Гаиләдә биш бала булса, шәп инде” дип җавап кайтарды.

 

Ин бэхетле минутлар ????❤#фирдустямаев#безнентямай

Публикация от Фирдус Тямаев (@firdustamaev_official) 4 Май 2018 в 4:16 PDT

Запись Фирдүс Тямаев Резеда белән кечкенә улын балалар тудыру йортыннан каршы ала [фото] впервые появилась Tatar Today - татар яңалыклары..

 – Мин җырчы түгел, дигән идең бер әңгәмәдә. Алайса кем буласың, җырлаучымы?

 – Мин җырчы түгел, автор-башкаручы, дидем ул чакта. Чөнки минем  консерватория белемем юк. Лениногорскидагы музыка учи­лищесында укыганда вокал дәресе керде, ләкин бу белем генә җитәрлек түгел. Көй язгач, язган җырларыма өстенлек бирәм. Шуңа үземне автор-башкаручы дип атыйм. Җырчымы, җырлау­чымы икәнен исә тамашачы үзе билгели. Монда үзеңә үзең бәя биреп булмый.

 – Җыр язучыларның кайвакыт нота белемнәре дә булмый. Син көйне нотага сала аласың­мы?

– Көй языйм әле дип, нота кәгазе алып утырып булмый. Ул кулыңа баян алып утырганда, синтезаторда уйнаганда туарга мөм­кин. Аннан аны нотага төшерәсең. Әгәр Аллаһы Тәгалә күңелеңә көй язу сәләте салган булса, нота белү-белмәү алай мөһим түгел. Оркестр өчен музыка язам дисәң, анда нота белеменнән башка булмый. Чөнки музыка төрле инструментлар өчен языла.

– Үзеңне татар Лепсы дип атауларына ничек карыйсың?

– Лепска охшаган дип әйткәч, кызык ясап, аныңча булсын дип, күзлекләр киеп чыгыш ясаган да бар. Ә болай, Лепс күчермәсе буласы килми. Быелгы концертка Лепсны чакырырга исәп бар иде. Ләкин ул сораган бәяне без түли алмыйбыз. Бәлкем киләчәктә бер­гә чыгыш ясарга насыйп булыр.

– Сабантуйларында, гадәт­тә, син чыгыш ясаган сәхнә ти­рәсенә иң күп тамашачы җыела. Моның сере нидә?

– Халык мине үз тиңе, үз кешесе дип кабул итә. Бәлкем сәбәбе шулдыр. Аннан беркайчан да фонограммага җырлаганым юк. Хәтта тавышыма зыян килсә дә. Арып китсәм, артка ике егетне бас­тырам, алар миңа ярдәм итә. Ә инде чирләп китсәм, концертны чигерәм. Узган елны беренче мәртәбә концертларны башка вакытка  күчердем. Сөйләшергә дә тавыш калмаган иде. Ә концертта 3 сәгать сикереп-сикереп җыр­лар­га кирәк. Шуңа күрә хатыным сентябрьдән витаминнар, иммунитетны күтәрә торган дарулар белән организмны ныгытырга тотына.

– Синең ачуыңны китергән нәрсә – эстраданы тәртипкә салырга маташу бугай.

– Юк, ачуым килми. Аның нәрсәсен тәртипкә саласың соң? Әллә берәрсенең ыштанын салып биегәне бармы, әллә бе­рәр­се чыгып сүгендеме? Яисә хөкү­мәткә каршы җыр җыр­лады­лармы? Безнең эстраданың үз урыны бар. Анда моңлы җыр­чылар да бик күп. Әйтик, Фи­лүс  Каһировның моңы шаккаткыч. Ришат Төхвәтуллинның үз тамашачысы бар. Сиринә Зәй­нетдинова – моңлы җырчы. Шоу яратасың икән, Данир Сабиров, Рифат Зариповка барып күңел ачып кайтып була. Биисең килә икән, Радик Юлъякшинга барып, яшь­легеңне искә төшерә аласың. Әзрәк энергия, көч туплыйм, тормышка башкачарак карыйм дисәң, Тямаев концертына ба­расың. Эстрада төрле, шунысы белән кызыклы да ул. Шуңа күрә тәртипкә салу дигәннәре – юк сүз. Әле бер­көнне “Яңа Гасыр” каналыннан бер тапшыру карадым. Өлкән җыр­чыларыбыз яшь башкаручыларны сайлый. Шундый кызык: моңлы җырласа, сайлаудан үтә, юк икән – төшеп кала. Ә нишләп эс­трада моңлы тавышка гына корылырга тиеш? Башкаруда нинди генә алымнар юк бит: академик тавыш бар, джаз һәм башкалар. Нишләп эстраданы бер кысага куып кертергә? Гаиләдә ике игезәк бала бар ди. Туу арасы берничә генә минут булса да, аларның зәвыклары төрле була бит. Бер­сенә кызыл төс ошый, мәсәлән, икенчесенә – зәңгәр. Ризык сайлаулары да төрлечә. Тамашачы да нәкъ шундый. Берсенә моңлы җырчы ошый, икенчесенә – башкасы. Эстраданы тәртипкә салабыз дип, худсовет төзиләр икән, миңа кызык: жюрида кемнәр утырачак?

– Төрле өлкә белгечләре, продюсерлар, композиторлар, режиссерлар,  диләр.

– Продюсер? Татарстанда продюсер дип әйтерлек кешене белмим әле мин.  Эстрада режиссерлары да юк бездә. Мин һаман шул фикердә калам: җырчыга бәяне халык бирә. Җырчының сәхнә гомере дә аның тамашачысына бәйле. Аңлыйсызмы, Татарстан бит аерым дәүләт түгел. Ул Рос­сиядә кечкенә генә бер урынны биләп тора. Менә шушы җирдә яшьләр үз телләрендә иҗат итәргә, җырларга тырыша икән, ник кысарга соң аларны? Кире­сенчә, ярдәм итәргә кирәк. Татарча сөйләшсеннәр, җырласыннар, биесеннәр, киенсеннәр. Ә бездә юк җирдән проблема уйлап чыгаралар, тырнак астыннан кер эзлиләр. Фонограммага җырлый, дөрес киенми, имеш. Ә ничек киенергә тиеш соң без? Монда бик күп бәхәсләшергә була. Әйтегез әле, татар эстрадасы кемнән үрнәк алырга тиеш? Европаданмы? Алайга китсә, кызлар сәхнәгә коену костюмнарыннан чыгарга тиеш була. Мин – ир-ат җырчы. Миңа костюм-чалбар кисәм, шул җитә. Чын ир-ат җырларын башкарганга, сәхнәгә гамаж киеп чыга алмыйм бит инде. Безнең үзебезнең тәрбия бар. Мин – абый киемен киеп үскән кеше. Шуңа күрә, нәрсә алсам да, ул миңа кадерле. Бездән соңгы буыннар башка шартларда үсте. Алар матур киенә, тормышка карашлары да башкача. Эстраданы үзләре тамашачы җыя алмаган җырчылар күбрәк тәнкыйтьли. Чөнки кайбер артистларга тамашачы йөри, кай­берләренә юк. Эчләре поша.

– Чыннан да, кайбер популяр дип аталучы җырчылар зал­ны оешмалар аша тутыра. Ә син та­машачыңны ничек җыя­сың?

– Аллага шөкер, оешмаларга йөргәнебез юк. Тамашачы билет алып килә. Ләкин ул көн безгә дә килеп җитәр. Менә шушылай сорап йөрмәс өчен, берәр  нәрсә уйлап табарга кирәк. Бизнес җәһә­теннәнме, башка яктанмы. Яңа маркетинг адым уйлап чыгарырга тырышабыз. Без бу хакта уйланабыз инде.

– Сораштыруларда үз бәяң­не яшермичә әйтәсең. Күпләр тел яшерергә тырыша бит.

– Ә нигә яшерергә? Бәяне беркайчан да яшергәнем булмады. Чөнки үзем өчен генә түгел, төркемдәге кешеләргә дә хезмәт хакы түләргә кирәк. Бу яктан берсен дә кыерсытканым юк. Читкә чыгып китсәк, аларны үз исәбемә яхшы кунакханәләрдә яшәтәм, әйбәт ашатам. Шәхси тормышларында проблемалары килеп чыкса, ярдәм итәргә тырышам. Салымын түлибез, авторлык хокукларын бозмыйбыз, аренда хак­ларын түлибез. Бүген мәдә­ният йортында аренда хакын да түлибез, кассирга да, идән юучысына да. Миңа калса, безгә ярдәм итәргә кирәк, кысаларга кер­тергә түгел.

– Сезнең төркем кайда яши?

– Безнең төгәл урыныбыз юк. Төрле җирләрне арендага алабыз. Төзеп куйсыннар иде бер эстрада бинасы. Без, җырчылар белән үзара сөйләшеп, кемнең кайчан репетиция ясаячагын билгеләр идек. Бүген “Пира­мида”га керсәң, аның бәясе – 250 мең сум. Диск сатарга чыгам дисәң, өстәл өчен  5 мең түлисең. Фотога төшәр өчен баннер ясап урнаштырсаң, аның урыны өчен 3 мең сорыйлар. УНИКСка килсәк, аның аренда хакы – 130 мең. Ян-яктагы экраннарны куллансаң, тагын 30 мең түлисең. Чыгымнар менә шулай җыела. Районнарга чыксаң, ике рәт чакыру билетлары өчен калдырыла. Нәрсә өчен дисезме? Чөнки район түрәләре концертка акча түләп керми. Сыер савучылар, пенсионер апалар, 400 сум акча түләп, концерт карый, түрә андый акча таба алмый. Бу бит – адәм мәсхәрәсе. Бүген Саба главасы,  беркем дә чакыру билеты сорамаячак, дип кистереп әйтте. Аннары Апаста чакыру билеты сорамыйлар. Бәлкем башка районнарда да вәзгыять үзгәрер. Чөнки шушы ике рәт акчасына без аренда хакын түли алабыз. Бу исә – хөкү­мәткә керем була дигән сүз. Үзем 10 елдан артык мә­дәният йортында эшләгәнгә күрә, бу хәлләрне яхшы беләм.

– Билет бәясен ничек куя­сың?

– Кайда чыгыш ясауга карап. Район җирлекләрендә – 400 сум. “Пирамида” комплексында узган концертта 3000гә кадәр куйдык. Чөнки чыгымнар күп булды. УНИКС­та билет бәясе 1500 сумга кадәр. Рекламага килсәк, аңа бер сезонга миллион ярым сум акча кертәм. Чыгым дигәннән, ул – нормаль күренеш. Без аңа өйрәнгән. Безне тәнкыйть итәләр, ярдәм итүче генә юк.

– “Үзгәреш җиле” ярдәм мак­сатыннан оештырылды тү­гелме соң инде?

– Ул берничек тә ярдәм итә алмый. Әгәр бу фестивальдә катнашкан җырчы икенче көнне мегапопуляр булып китсә, аңлар идем әле. Аннан аны джаз стилендә ясадылар. Татар халкы исә гомер-гомергә джазны кабул итмәде. Джаз­ны үзем дә яратмыйм.  Ул бит – Америка музыкасы, нишләп миңа якын булсын ул?! “Үзгәреш җиле” берни дә үзгәртмәде. Бу фестиваль белән оештыручылар  үзебезнең оркестр, ансамбль­ләр­не, вокал укытучыларын ким­сет­теләр генә. Нәрсә, безнең үзебез­нең оркестр юкмы? Көчле укытучыларыбыз калмаганмы? Җыр­чыларны нинди таләпләргә туры китереп чакырулары да аңла­шыл­мый. Үземне әйтмим, Ришат Төх­вәтуллин, Данир Сабировны, Радик Юлъякшинны, Гүзәл Уразованы, Илсөя Бәд­ретдинованы ча­кыр­сыннар әнә. Бүген халык “Үз­гәреш…”тә җырла­ганнарга түгел, мин санап киткән җырчыларга йөри бит. Бу – минем шәхси фикерем, әлбәттә.

– 35 яшемә юбилей туры оештырдым, дисең. Ул әле дә дәвам итә. Аның үзенчәлеге нидә?

– Анда шушы яшемә кадәр ирешкән эшләрем чагыла. Ир-ат үз гомерендә йорт салып ке­рергә, малай үстерергә, агач утыртырга тиеш. Боларны эш­ләдем, моннан тыш үземнең җырларым да эстрада тарихына кереп бара, дип уйлыйм. Концертта башкарган җыр­лар­ның 98 проценты үземнеке. Төр­ләндереп җибәрү өчен Фир­зәр  Мортазин, Айдар Тимербаев, Нияз Вәлиев җырларын алам. Сүз­ләрен болай сайлым: көй язуга, Сәкинә апа Хәйруллинага шалтыратып тыңлатам һәм темасын әйтәм. Ул миңа шигырь җибәрә. Мин бер автор белән эшләүне кулай күрәм. Сәкинә апа – Нурлат шагыйрәсе, 30 ел район газетасы редакторы булып эшләгән кеше. Аның сүзләренә язылган “Гомер үтә”, “Ташлап китмә, әнием” – бик фәлсәфи җыр­лар.

– Җырларыңны башка җыр­чыларга бирәсеңме?

– Бернинди каршылык юк. Җыр яшәсен өчен, аны җыр­лау­лары кирәк.

– Тормышта күбрәк нәрсә комачаулый?

– Хәл ителмәс проблема киртә була алмый. Холкым азрак комачаулыйдыр, мөгаен. Туры сүзле­ле­гем. Мин бит үз фикеремне әй­тәм. Беркемне дә түбән­сет­мим. Ясалма буласым килми. Сүземне йөрәгем әрнегәнгә әйтәм. “Туган тел” җы­рын татар телен кысу башлангач, Инстаграмга иң беренче мин чыгардым. Аннан флешмоб оешты. Аңа тәнкыйть тә булды. Әлбәттә, тән­кыйтьне урамга чыкмаган кеше­ләр әйтте. Диванда яткан килеш кеше чәйнәп утырасы рәхәт бит ул. Үзем гомердә дә икейөзле кешене яратмадым. Беләсеңме нәрсә борчый: бүген без төр­лебез төрле якка караган. Кире­сенчә, бер­ләшергә, проблемаларны бергәләп хәл итәргә кирәк безгә. Ә бездә нәрсәдер эшләргә тырышкан кешеләрне, үсенде­рәсе урынына, тәнкыйть­ләргә тырышалар. Сине чикләгән саен, дәшми калырга ярамый, дип уйлыйм мин. Үз фикерен әйтмәгән халык беркемдә дә ихтирам уятмый.

Запись Фирдүс Тямаев: « Сыер савучылар акча түләп, концерт карый, түрә андый акча таба алмый» впервые появилась Tatar Today - татар яңалыклары..

Әлеге чараның төп максаты – татар эстрадасы артистлары катнашкан фестивальдә җыелган акчаны Анжела Вавилова фондына (Казан һосписына)тапшыру һәм популяр җырлар авторы, тумыштан ук авырлык чиреннән интегүче Ирек Габдрахмановка Башкортстандагы йортын төзекләндерергә ярдәм итү. 

Катнашалар: 

– АсылъЯр 
– Фирдүс Тямаев 
– Рәсим Низамов 
– Гүзәлия һәм Хаким 
– Илшат Вәлиев 
– Гөлназ Сәфәрова 
– Илназ Гарипов 
– Ләйлә Дәүләтова 
– Филүс Каһиров 
– Гөлдания Хәйруллина 
– Әсхәт (Дөбер-шатр) 
– Лилия Муллагалиева 
– Дилә Нигъмәтуллина 
– Фәрит Мифтахов 
– Нурбәк Батулла һәм Ислам Валеев 
– Сәйдә Мөхәммәтҗанова 
– Илнар Ялалов 
– Гөлнара Габидуллина 
– Айваз Садыйров 
– Нурзадә

Запись «Җирдә яшәү үзе бәхет!» ди «Мең рәхмәт» проекты җырчылары [афиша] впервые появилась Tatar Today - татар яңалыклары..

Татар эстрадасының буйдак егетләренең берсе — Илназ Гарипов, билегеле, ашарга пешерә. Хәтта ярата да. Илназның үз фишкалары, яраткан ризыклары күп. Кирәк булса җырчы пешекче дә була ала икән. Аның өчен зур коллективка ашарга пешерү бернинди авырлык тудырмаячак.

Мөнир Рахмаев тәмле ашарга яратса да, аш бүлмәсендә кайнашырга яратмый. Гомумән андый теләге дә юк. Җырчы өчен ресторан, кафеларга барып төшке аш ашап, дусалары белән сөйләшеп утыру күпкә кызыклырак. Бәлки берәр вакыт үземдә мондый талант ачармын, ләкин моңа иртәрәк әле, дип белдерде ул.

Лилия Гиматдинова пешерергә ярата. Теләгем булса, тәкъдим итсәләр шеф-повар да була алам, дип горур гына җавап кайтарды Лилия. Җырчы аш бүлмәсендә гел экспериментлар ясый икән. Гади генә ризыкка да үз идеясен салып, башка төсмер өстәвен җиткерде.

Ильвина повар булырга әзер. Мин буш вакытым чыкса, болай да үземне пешекче кебек тотам. Аш та пешерәм, аның янына икенче ризык та әзерлим, нык хыялланып куйсам баллы ризык та ясап куям, дип белдерде җырчы.

Фирдүс Тямаевның ашарга пешерә торган таланты әллә ни юк. Ләкин ачтан үлмәс өчен ашарга пешерә ала. Тулай торак мине барысына өйрәтте , дип елмайды җырчы. Ә менә пешекчеләргә килгәндә, Тямаев аларга авыр дип саный. Ә менә туганнарына киресенчә бик рәхәттер дип уйлый. Көн дә яңа ризык, көн дә бәйрәм , дип белдерде Фирдүс.

Запись Мөнир Рахмаев тәмле ашарга ярата, Ильвина повар булырга әзер [сораштыру] впервые появилась Tatar Today - татар яңалыклары..

Җырчының гадилеге йөзенә чыккан. Аның фикеренчә, шул сыйфаты аркасында халык аны ярата да инде. Залның тулы булуы бер дә аптырашта калдырмый, чөнки тамаша дәверендә халыкның йөзеннән елмаю төшмәде. Әлбәттә, уйландыра торган җырлар да булмады түгел. Кайбер шәһәрдәшләребез күзләрендә хәтта күз яшьләре күренде. Быел аның юбилей – сәхнәдә булуына 5 ел. Тамашачыны гел үзеңә тартып торырга бик авыр. Халык туймасын өчен, яңа җырлар язып торырга, үзеңне яңа яктан гел ачып торырга кирәк, ди үзе Фирдүс.

Чаллы тамашачысына чиксез хөрмәтен һәм рәхмәтен белдереп, Фирдүс әйләнеп кире кайтырга сүз бирде.

Запись Фирдүс Тямаев халык яратсын өчен ни эшләргә кирәклеген әйтте [видеорепортаж] впервые появилась Tatar Today - татар яңалыклары..

Концертка билетлар булдыру – 8нче мартка менә дигән бүләк! Юбилей концерты, көчле энергетика, танылган хитлар! Язны Фирдүс Тямаев белән каршы алыйк!

Запись “5 ел сәхнәдә!” Фирдүс Тямаевның юбилей концертлары була [афиша] впервые появилась Tatar Today - татар яңалыклары..

Рөстәм Миңнеханов “Татар җыры”ның беренче бүлегеннән соң чыгып китте. Тамашачылар арасында “Бу – кешеләрне мыскыллау” дип концертны ташлап чыгып китүчеләр булды. “Барс медиа” ширкәте мөдире Камил Гәрәев Азатлыкка Татарстан президенты нинди фикердә булуын, Салаватның ни өчен концертта катнашмавын аңлатты. //Azatliq.org//

Запись 200 меңлек билет алучылар: “Бу – “Татар җыры” түгел, тамашачыны мыскыл итү” [видео] впервые появилась Tatar Today - татар яңалыклары..

Фотограф Риназ Замалиев “Татар җыры-2016” фестиваленнән үз күреме һәм фотоаппарат объективы аша ясалган махсус фотолар белән бүлеште.

Фотоларда “Алтын барс” алучылар, чыгыш ясаучылар, алып баручылар, матур концерт программасы мизгелләре дә бар.

Запись Риназ Замалиевтан “Татар җыры – 2016” фестиваленнән көчле фотолар впервые появилась Tatar Today - татар яңалыклары..

Фирдүс улын үзе белгән барлык һөнәргә, шөгыльгә өйрәтергә булган, диярсез. Әле күптән түгел генә малаен намазга өйрәткән фотоларын бастырса, бүген ул Раянны гармун уйнарга өйрәтә.

“Улым белән концертка әзерләнәбез”, диеп язган ул. Фото астындагы фикерләр дә берсеннән-берсе матур: “Нинди матурлар, күз тимәсен!”, “Тольяттига улыңны алып киләсеңме?”, “Икегез дә бик матур, күзләр тимәсен!”, “Улыгыз шулай зур мени инде? Менә бит вакыт дигәнен!”, дип язучылар бар.

Запись Фирдүс Тямаев улын кем итәргә теләвен әйтте [фото] впервые появилась Tatar Today - татар яңалыклары..