1 сентябрь Азат Абитов беренче тапкыр операция өстәленә ята. Сәбәбе: 2010 елны тезенең связкалары өзелә, ләкин ул операцияны 2020 нче елга кадәр кичектереп килә.  Операция катлаулы, ләкин уңышлы уза.

” Кемнәр минем иҗатны күзәтеп бара, алар белә: мин үлеп футбол яратам һәм бу мәхәббәт нәтиҗәсез калмады: 2010 нчы елда мин теземнең связкаларын өздердем. Операция күптән планлаштырылган, ул күптән кирәк иде, әмма төрле сәбәбләр аркасында, 10 елдан соң гына ясаттым.

Моңа мин бик шат (шуңа фотода бәхетле күренәмдер) Операция әйбәт үтте, диделәр, ләкин “Без уйлаганнан әз генә авыррак килеп чыкты”, диде табиб.

Минем связкаларны алыштырдылар һәм мениск удалить иттеләр. Икенче аякка да шундый операция кирәк, ансы 2017нче елда өзелде! Так что, әле 7 ел түзеп була.

Шуның өчен үзегезне, аяк-кулларыгызны саклагыз, дуслар, табибларга вакытында мөрәҗәгать итегез. Ә минем хәлем хәзер әйбәт: тиздән өйгә кайтам һәм гастрольләргә әзерләнә башлыйм. Күптән көтелгән операция узды, хәзер күптән көтелгән концертлар җитә, Алла бирса.

Сентябрьның икенче өлешендә сәхнәдә очрашырбыз! “, дип яза Азат Абитов

Чыганак: Азат Абитов инстаграм бите

Запись Азат Абитов оперция өстәленә ята… [видео] впервые появилась Tatar Today - татар яңалыклары..

Россия Конституциясе көненә багышланган фестивальдә Россиянең 16 төбәгеннән килгән командалар көч сынашкан. Турнир биш матчтан торган. Башкорт командасына иң көчле командаларның берсе – Мәскәү диаспорасы җыелмасы, Свердловск өлкәсенең, Түбән Новгород һәм Санкт-Петербургның Страко командасы белән уйнарга туры килгән.

“Без беренче унлыкка кердек, 16 команда арасында тугызынчы урынны алдык. Иң зур плюсларыбыз тизлек һәм прессинг булды. Нигездә музыкантлардан торган команданың бердәлемеген дә әйтәсем килә. Без соңгы мизгелдә генә барырга уйладык, тик бик озак әзерләнгән кебек булды. Безнең команда музыкаль чыгышларда да бик актив булды”, – дип сөйләде Айдар Галимов.

Башкорт командасы составында танылган эстрада башкаручысы Вильдан Фәйзуллин, “Башкортстан” тавыш яздыру студиясе җитәкчесе, баянчы Айрат Нәбиев, яшь җырчы Айназ Низаметдинов чыгыш ясаган. Ә Татарстан командасын чыгышы белән Башкортстаннан булган җырчы Филүс Каһиров җитәкләгән.

Эчке эшләр министрлыгы каршындагы Мәдәни үзәк оркестры музыканты Арслан Умырзаков “Иң затлы уенчы” дипломын алды.

“Арт-футбол” проекты авыр чир белән авыручы балаларга акча җыю максатыннан оештырыла. Чемпионат 2007 елда Сочида башланган. Ел саен анда Россиядән һәм чит илдән танылган башкаручылар катнаша.

Чыганак: tatar-inform

Фото: Башинформ

Запись Айдар Галимов акча җыю өчен Мәскәүдә футбол уйный впервые появилась Tatar Today - татар яңалыклары..

Башлангыч мәгълүматлар буенча, бу хәл 7 октябрь көнне кичен була. Түбән Кама стадионнарының берсендә малайның баш мие имгәнә. Баланы медицина учреждениесенә китерәләр һәм ярдәм күрсәтәләр.

Тикшерү барышында, бу хәлнең нечкәлекләре, сәбәпләре ачыкланачак. Шулай ук, хокук саклаучылар спорт-физкультура хезмәтләре күрсәтелгәндә закон таләпләре үтәлешен тикшерәчәк.

Күзәтчелек оешмасы тикшерү нәтиҗәләре буенча чаралар күреләчәк. Баланың имгәнүе буенча башлангыч тикшерү үткәрү Татарстан прокуратурасы контролендә.

Чыганак: Татар-информ

Фото: pixabay.com

Запись Татарстанда уйнарга дип чыккан балага, футбол капкасы килеп төшә впервые появилась Tatar Today - татар яңалыклары..

Төп уен вакыты 1:1 исәбе белән төгәлләнде. Өстәмә вакыт бирелгәч, командалар бер-бер артлы голлар белән алмашты. Пенальтилар буенчча Хорватия командасы 3:4 исәбе белән җиңеп чыкты.

“Мы завершаем свой путь на Чемпионате мира, но мы отдали всё…” дип язылган Россия җыелмасының Инстаграм аккаунтында.

Ничек кенә булса да, бөтен Россия егетләргә матур футбол өчен рәхмәт әйтә.

https://www.instagram.com/p/Bk8fIHCnCY6/?tagged=сборнаяроссии2018

View this post on Instagram

A post shared by Дмитрий Губерниев (@guberniev_dmitry)

View this post on Instagram

A post shared by Сборная России по футболу (@teamrussia)

Запись Россия җыелма командасы Хорватия командасына җиңелде впервые появилась Tatar Today - татар яңалыклары..

Эш сәгате кыскартылу Татарстан башкаласында Бразилия һәм Бельгия җыелма командалары арасында Футбол буенча дөнья чемпионаты кысаларында чирек финал матчы узу белән бәйле.

Эш көнен кыскарту җәмәгать транспортында кеше агымын җиңеләйтүгә китерәчәк һәм шәһәр халкына, кунакларга уңайлыклар тудырачак, диелгән Татарстан Президенты матбугат хезмәте хәбәрендә.

Бразилия — Бельгия футбол матчы 6 июльдә 21.00 сәгатьтә «Казан Арена» стадионында узачак.

Фото: pixabay.com

Запись Казанда эш сәгате 14:00 бетә впервые появилась Tatar Today - татар яңалыклары..

Уенның төп вакыты 1:1 исәбе белән тәмамланды. 11 минутта Русия яклаучысы Сергей Игнашевич үз капкасына ялгыш гол кертте, 41-нче минутта исә Артем Дзюба пенальти ярдәмендә тигезлеккә иреште. Өстәмә вакыт эчендә такымнар гол кертә алмады, пенальти чиратында Русия футболчылары 4:3 исәбенә җиңде.

Азатлык Бауман урамына чыгып Дөнья футбол беренчелеге җанатарларыннан Казан, Татарстан турында фикерләрен сорашты. Читтән килгән җанатарлар арасында фикерләрен татарча белдерергә теләүчеләр дә шактый булды.

Футбол беренчелеге вакытында Казанда җанатарлар өчен махсус мәйданчык булдырылды. Анда барлык уеннарны зур экраннардан карап була, концертлар җыр-биюләр оештырыла.

Айзирәк Гәрәева (Facebook-тан алынган фикер):

Кеше футбол карый дип, мин дә карыйм. Казанда үткәннәрен күбрәк. Менә хәзер дә карыйм дип, Казан турында әйтерләрме дип көтеп утырам инде)))

Төрек комментаторы әле генә уен башында һава торышы белән таныштырды: Казанда һава торышы бик еш үзгәреп тора, ди. Коеп яңгыр яуды. Аннары кояш чыкты да киптереп бетерде, ди. Әле суык иде. Хәзер кыздыра ди.

Кыскасы, аязучан болытлы һава икән, дип уйлап куйдым. Бераздан: Казан – Татарстан җөмһүрияте башкаласы. Волга буенда, һава бик дымлы, диде.

Ә менә тәнәфес бетеп барганда инде бөтенләй мактап ташлады. “Шоферлар юл кагыйдәләрен бозмый”, “төрле халыклар яши, яртысы татар. Бер җәмигъ салсалар, бер җирдә чиркәү салалар”, “татарлар олы-олы кешеләр, дип сөйләшәләр. Сораган идем ни дигәнне аңлата дип, карт кешеләрне әйтәләр икән”, “безгә татарча бик якын. саннары да төрекчә белән бер”…

Тагын… Германия командасында Германиядә яшәгән төрек Мәсгуть уйный. “Мәсгуть атты! Мәсгуть типте! Супер Марио тупны тотты!” Кыскасы, кичәге Месси онытылып китте))

Германиядә яшәүче 9 яшьлек Тукай әти-әнисе белән үз иле такымы өчен җан атарга дип Казанга килгән. Бу Тукайның Казанга беренче килүе.

Хыяллары челпәрәмә килгән: гамәлдәге дөнья чемпионы Германия Көньяк Корея белән уенда 2:0 исәбенә җиңелә һәм беренчелектән төркем уеннары вакытында ук төшеп кала. Букмекерлар өчен шаккатыргыч күренеш. Интернет инде бу хакта шаяртулар белән тулы.

Азатлык

Запись 9 яшьлек Тукайның хыяллары челпәрәмә килә [фото-видео] впервые появилась Tatar Today - татар яңалыклары..

Моңарчы Казанда шундый ук граффити легендар спортчы Криштиану Роналдуга багышлап төшерелгән иде.

Фото, видео: “Бизнес ОНЛАЙН“

Запись Казанда Роналду урынына Мессины ясыйлар [фото-видео] впервые появилась Tatar Today - татар яңалыклары..

Һәрвакыттагыча, Кытайдан башлыйк. “Тупка аяк белән тибү” (Тсу Чу) уены турында мәгълүмат Кытайда безнең эрага кадәр 3 гасыр элек язылган документларда очрый. Императорның туган көнен бәйрәм иткәндә уйналган. Ә капка урынына җирдән өстә урнашкан туптан зуррак “тишек” булган.

Япониядә туплы уен “кемари” дип аталган. Хәзерге кебек уенчылар тупны җирдән тәгәрәтмәгәннәр, бер-берсенә һавага чөеп тапшырганнар. Кемарины бары байлар гына уйнаган. Ә бүген исә киресенчә: кем уйный — шул бай…

Мисырда туплы уеннар бөтенләй аксаган икән. Бары тик чәчү вакытында, уңыш мул булсын дип, басу өстеннән туп тәгәрәткәннәр. Барыннан да бигрәк Бөекбритания футболы тормыш өчен бик куркыныч саналган. Бер авыл икенче авылга “гол” кертергә тырышкан. Шуңа да аны “төркем белән футбол уйнау” дип атаганнар. Бу уенда, үтерүдән башка, бар нәрсә дә рөхсәт ителгән.

Рәсәйгә футбол 1880 елларны килеп керә. Шул вакытта безнең илдә эшләгән инглиз диңгезчеләре сәбәпче була моңа. Шул рәвешле, бу уен рәсәйлеләрдә дә кызыксыну уята.

Әфганистан, Кампучия һәм Гренландия кебек илләрдә футбол уены бөтенләй тыелган. Рәсми рәвештә. Моның сәбәпләре итеп футбол мәйданының чиркәүгә якынлыгын, террорлык көчле булуны, илнең ФИФА әгъзасы түгеллекне һ.б. күрсәтәләр. Кайсыбер мөселман илләрендә шулай ук футбол уйнамыйлар.

Болардан аермалы буларак, Иранда футбол бары хатын-кызлар өчен генә “табу” уен төре. Ләкин алар бирешми. Ир-атлар кебек киенеп, сакал-мыеклар беркетеп, күп тапкырлар инде хатын-кыз җанатарлар мәйданга килгән. 1979 елда ислам революциясеннән соң, хатын-кыз затларга уен мәйданнарына йөрү тыела. Сәбәбе гади: чит ир-атлар янында йөрергә ярамый, агрессив уен холыкка начар тәэсир итә, мәйданда уен вакытында күп сүгенәләр.

Футбол төрле илләрдә үзгә булып барлыкка килсә дә, һәр халык аны үзенчә кабул итсә дә, бүгенге көндә бар дөньяны берләштерергә сәләтле уен дәрәҗәсенә үсеп җитте.

Интернеттагы мәгълүматларга нигезләнеп, Ләйлә Исламова әзерләде, Идел

21

Запись Футбол килеп чыгу тарихы: ирләр кебек киенгән, сакал-мыеклы хатын-кызлар впервые появилась Tatar Today - татар яңалыклары..

Хәлиткеч матч
Беренче уеннарында Польша Сенегалга 1:2 , Колумбия Япониягә 0:1 итеп оттырды. Сенегал Япония белән ничьяга – 2:2 уйнады. Шушы уеннар Польша-Колумбия очрашуын хәлиткечкә әйләндерде: кем җиңелә, шул төшеп кала. Ничья уйнасалар, икесе дә төшеп кала. Хәлиткеч матч иде бу.

Карлос Санчес кына “бинават”
Колумбиянең Япониягә оттыруы гаҗәп хәл. Бу Латин Америкасы илендә туган балалар ана карынында яралгач ук аяк тирәләрендә футбол тубы барлыкка килә дип сөйлиләр. Футбол уеннары көннәре Колумбиядә бәйрәм көне дип игълан ителә. Россиядә Яңа ел, 1 май бәйрәмнәре нинди изге һәм кадерле булса, боларга футбол шулай кирәк. Колумбиялеләр футбол турында татарлар ашка бару, Сабан туе, республика ифтары турында сөйләгән кебек хөрмәт белән сөйлиләр. Шуңа күрә алар Япониягә җиңелүләрен очраклы хәл дияргә дә була. Әмма футболда да очраклы хәлләр булгалый. Матч башланганда аеруча. Андый очраклы хәл колумбияле Карлос Санчес иде.

Япония белән уенның өченче минутында Карлос Санчес капкага кертмәс өчен кулы белән тупны бәреп очырды. Шул сәбәпле кызыл карточка алып, уеннан куылды. Аның гаебе аркасында пенальти вакытында японнар Колумбия капкасына туп кертте. 1:0 исәбе белән японнар җиңде.

Мәгълүмат чаралары язунчы, Карлос Санческа җанатарлар тарафыннан күпсанлы янаулар килгән. Аның аркасында команда җиңелде бит! “Ассошейтед пресс” журналисты әйтүенчә, Карлос хәзер өенә кайтырга куркып йөри, имеш. Колумбия дөньяда наркотиклар җитештерә торган ил буларак та билгеле, ул илдәге наркобароннарның кылган явыз гамәлләре турында начар хәбәрләр еш ишетелә. Билгеле, криминаль вәзгыять тә яман. Анда закон – джунгли, шул ук джунгли ук прокурор да. Карлосның шүрләп йөрүе бер дә гаҗәп түгел. Алла сакласын!

Европа хулиганнары
Ә Польшаның Сенегалга җиңелүе гаҗәп түгел. Полякларны “европа хулиганнары” дип атап йөрсәләр дә, уеннары белән бөтен дөньяны шаккаттыра алганнары юк. Алар җанатарлары белән генә шаккаттыра. Менә быел да Интернетта поляк җанатарларының видеолары таралды – имеш, Ростов фонтаннарында шәрә килеш су коенганнар икән.

Ике Камил һәм бер Фәрит
Уенчылар исемлеген карагач, кызык булып китте – полякларныңике уенчысының исемнәре Камил. Камил Глик белән Камил Гросицки. Әмма алар турында тулы мәгълүмат табып булмады – чыгышлары белән татар булганга Камилләрме алар, әллә инде Камил исемле поляклар да бар микән? Менә анысын әле ачыклап булмады.

Монда Камилләр булгач, тегендә кемнәр икән дисәм, эзләнүем дә буш булмады. Колумбиядә Фәрит бар икән! Запастагы уенчы, Фарид Альфонсо Диас Ренальс тулы исеме. Фәрит алдырамы, Камилләрме?

Билгеле, уен башында ук күп кенә спорт комментаторлары да, җанатарлар да Колумбиянең җиңәчәген фаразлаган иде. “Казан-арена” стадионы да сап-сары җанатарлардан тора. Аклы-кызыллы поляклар алай күп түгел. ” матч Казан-Арена”га 42 873 кеше килгән иде, бу – стадион тарихындагы рекорд.

Сүз уңаеннан сары һәм зәңгәр киемле колумбия җанатарлары соңгы көннәрдә Казанның һәр почмагынд иде. Россиядәге матчларга барлыгы 60 мең колумбияле килгән ди. Шундый эмоцияле халык – акырышалар, үзләре шат, рәхәтләнәләр җан атып. Әйтәм бит, ашка барабыз дигән татарлардан кимен куймыйлар. Ә поляк җанатарлары агрессив булып тоелды.

Колумбиялеләр башта ук җиңәчәкләренә ышана иде. Чөнки стадионда без күпчелек һәм безнең уенчылар көчле диде алар.

Минаның дөрес эшли торган каты башы уенны хәл итте
Уен башта бик гайрәтле башланып китте. Футбол тубы бер якка авышты дип әйтеп булмый. Поляклар да, колумбиялеләр дә көчле-көчле һөҗүмнәр ясады.

Футбол – куркыныч спорт төрләренең берсе, футболчылар даими рәвештә травмалар ала. Бу уенда поляк уенчысы Левандовски шатырдатып Ерри Минаның кулына басты. Бутсы белән! Нихәл чыдагандыр, мескен.

Әмма Ерри Мина кулына басканның үчен алды. Беренче голны ул кертте. Баш белән бәреп, оста гына туп керткәч, полякларның күңелләре сүрелде, колумбиялеләргә дәрт керде бугай. Уенда инициативаны Колумбия үз кулына алды. Берсен берсе уздырып чабыша башладылар. Янәшә ике көндәш чабып бара икән, колумбияле полякны һичшиксез узып китә, тубын да тартып ала.

Икенче таймда стадиондагы коточкыч тизлектә чапкан зәңгәр футболкалы колумбиялеләрне күргәч, күңелдә студент чагындагы күренеш килде. Тулай торакта өстәл тартмасын ачсаң, анда коточкыч тизлектә тараканнар чабыша башлый иде. Гуя шул тараканнарны зәңгәр төскә манганнар да, стадионга чыгарганнар. Шундый ук тизлектә чабыша иде колумбия футболчылары.

Колумбиялеләр стадионда күпчелек булгач, уендагы һәр хәрәкәткә эмоцияләрен белдерәләр. Артыңда андый теләктәшлек булганда, җиңүе дә җиңелдер.

Полякларның рәтләре китте, гыж-гыж сулый башладылар. Йөзләренә җиңелгән төс керде. Җанатарлары да куркынган йөз белән утыралар, бисмилла укыгандагы кебек итеп кулларын битләренә күтәрәләр. Җиңелү ачысы яман була икән.

Колумбия уенчылары Фалькао, Хуан Куадрадолар да берешәр гол кертеп, исәпне 3:0 ясады.

Ә полякларның Колумбия капкасына нибары бер генә көчле һөҗүме булды. Тупны капкачы капка өстенә чөеп җибәрде. Нәтиҗәдә, поляклар пыр тузып җиңелделәр, клиндер тишеге – ноль очко алдылар.

Поляк тренеры: шәп уйнадык!

Уеннан соң матбугат конференциясендә Польша тренеры Адам Петр Навалка бик агрессив иде. Ул үзен гаепләрләр дип уйлаган иде күрәсең һәм ялгышмады. Польша журналисты аңа кыямәт мәчесе кебек ябышты.

Әмма тренернең теле телгә йокмый. Бу хурлыклы җиңелүне ул шундый итеп сурәтләде – һөдһөд тоткан кебек мактанып сөйләп утыра. Әле Россиядә дә озак булмады бу Адәм дигән адәм, каян шулай күз буярга һәм оста ялганларга өйрәнгән? Матчтан алдагы көнне матбугат конференциясендә Колумбияне җиңәбез дип сөйләгән иде, хәзер киресен сукалый.

– Бездә бик яхшы уенчылар. Ә Колумбия бик куркыныч көндәш. Безнең бу состав бик көчле. Бу оптималь состав. Уенның башында ук гол кертмәкче идек, барып чыкмады. Колумбияне котлыйм…

– Эссе һава торышы ярамадымы әллә сезгә? – дип сорады Россия журналисты.

– Юк, аңа түгел.

Нервланган Польша журналисты, әйберләрен атып бәреп, матбугат конференциясеннән чыгып китте. Псих!

Дон Хосе алдында оятка калмагаем!
Колумбия тренеры Хосе Нестор Пекерман яңа гына каймак ялап чыккан мәче кыяфәтле иде. Әлбәттә инде! Җиңдем дип изрәп сөйләп утыруы рәхәт бит. Аны “Дон Хосе” дип олылап тәкъдим иттеләр. Шулай дип әйткәч, үзем дә сизмәстән, күлмәк якаларын, микрофоннарны, наушникларны рәтләп куйдым. Дон Хосе алдында оятка калмыйм тагын!

Дон Хосе иң башта теге Карлос Санчесны искә төшерде. Бу уен шул Карлос Санческа багышлана диде ул. Шул рәвешчә, кызыл карточка алган бичараны да искә төшерде.

Билгеле, поляклар хәлсез, чабарга сулышлары җитми дип сөйләү ул үзен кимсетү булыр иде. Шуңа да полякларны галәмәт зур футбол батырлары итеп сөйләде инде. Без үзебезнең стильне полякларга тактык, алар шуннан арына алмадылар, шуңа күрә без бу триумфка ирештек, дип мактанды.

Уен азагында Дон Хоседан “Карлос Санческа җанатарлар янаганмы?” дип сорадылар. “Мин андый хәлне белмим”, – дип котылды.

Монысы да яңа гына Россиягә килгән, ә үзе күзгә төтен җибәрергә өйрәнгән инде. Белмимнең башы авыртмый шул.

Колумбия кызы өстәл астында

Урамда гына түгел, матбугат үзәгендә дә колумбиялеләрнең тантанасы иде. Бөтенесе шат, кемдер яза, кемдер шалтырата, берәүләре микрофонга сөйли… Матбугат үзәгендә шау-шу, Колумбиядән бер кыз, өстәл астына кереп “хрипак” яздыра. Тавышын туган иленә кайтарып җиткерергә кирәк, ә тавышсыз урын юк. Шуңа күрә өстәл астына кереп качкан да. Мин аны фотога төшереп алдым, әмма кызның күзләрен җиңү тантанасының элпәсе каплаган иде. Үзен төшерәләрме, менгерәләрме – аны аерыр хәлдә түгел иде ул.

Шул рәвешчә, Польшаның футбол чемпионатының плей-оффына чыгу хокукын югалтты. Рюкзакларын тутыра башласалар да була.

Казанда 27 июнь көнне Германия белән Көньяк Корея уйный. 30, 6 июльдә 1/8 финал уеннарында Иран, Марокко ишеләр генә түгел, Польша кебекләр дә төшеп калган була.

Автор: Рәмис ЛАТЫЙПОВ
Фото: Михаил Захаров, Интертат

Запись Ике Камил, бер Фәрит: футбол чемпионатында чит ил спортчылары арасында татарлар бармы? [фото-видео] впервые появилась Tatar Today - татар яңалыклары..

Казандагы футбол атмосферасы да рухландырмыймы, дип сорыйм аннан. “Юк, менә шушы рухландыра мине” дип тамашачыларга ишарәләде. Исегезшә төшерәбез, җырчы Габдулла Тукай исемендәге Татар дәүләт филармониясе бакчасында иҗатташ дуслары белән хәйрия концерты үткәрде. Җыелган акчалар ДЦП белән авыручы бертуган игезәк малайлар Альберт һәм Артур Мостафиннарны дәвалауга тотыла.

– Бик зур рәхмәт монда килүегезгә. Монда булганыгызга мин бик шат, чөнки бөтен Казан “чаша” янында гүләйт итә. Анда футбол карыйлар. Мин футболны бик яратып бетермим, шуңа караганым да юк, карыйсым да килми. Мин футболны соңрак карарга җыенам. Бездә шәп футболистлар беләсезме кайчан туачак? Бер 20 елдан. Менә болар эшләрен эшләп кайтып киткәч, бездә яхшы футболчылар, “кара татарлар” туачак, – дип көлдерде Салават тамашачыларны.

Гөлнар ГАРИФУЛЛИНА, Интертат

Запись Салават Фәтхетдинов 20 елдан бездә “кара татарлар” туачак ди впервые появилась Tatar Today - татар яңалыклары..