Беренче сорауны Ришат Фазлыйәхмәтов биргән. “Нинди төстәге трусик киеп чыктыгыз?”

Бу сорау Илнат Фәрхуллинга туры килгән. Ул бу сорауның авторын чамалаган. “Фазлыйәхмәттән андый әйберне булыр!” ди ул.

• Оранжевый… Тулы төс түгел ул. Әйтүе кыен.

Илнатның соравы: “Халык ничек кабул итте икән, халыкны күтәреп алып булды микән?”

Илнатның бу соравына Рөстәм Асадуллин җавап бирә.

• Бик яхшы, бик шәп каршы алды. Халык һаман шалтырата, – ди дә Рөстәм Асадуллин, шалтыраткан булып кылана: “Әй, халык! Бик хөрмәт итеп җырлашып йөрим”.

Рөстәм Асадуллин соравы: “Бер концертка күпме аласың?”

Бу Гөлназ Асаевага туры килгән:

• Чынлап артист бирдеме моны? – дип гаҗәпләнә ул. – Ул артист белергә тиеш бит, төрле җирдә төрлечә.  Бу сезонда иң күбе 160 мең.

Гөлназ Асаева соравы: “Нәрсә дип җәй уртасында концерт куярга булдыгыз?”

Бу сорауга Ринат Рахматуллин җавап бирә:

• Җәй уртасында, бер кеше куймаганда Рахматуллин гына куя! Мин көтелмәгәнчә эшлим.

• Бөтен кеше ял итә, бәрәңгедә, – ди Олеся.

• Килгән кеше килә инде ул! – ди Рахматуллин.

Аның киләсе артистка соравы: “Нәрсә кеше җырларын урлап җырлыйсың?”

Бу сорауга Илназ Гарипов җавап бирә:

• Минем гомердә бер генә җырны урлап җырлаган булды. Федор Марунның “Не спеши” дигән җырын “Ашыкма” дип җырлыйм.

Илназ Гариповтан сорау: “Топ артистлардан көнләшүләрен ничек яшерәләр?”

Бу сорауга Гөлназ Сәфәрова җавап бирә.

• Мин көнләшмим. Валлаһи, ант итеп әйтәм.

Аның соравы: “Ул үзен башкалардан өстен дип саныймы?”

Илназ Минвәлиев җавап бирә:

–  Юк, санамыйм. Мин үземчә генә Илназ Минвәлиев булдым дип саныйм.

ЧЫГАНАК - Олеся Лесная блогы
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Кайсы артист нинди төстәге трусик кия, кем күпме акча эшли – Олесядан сораштыру впервые появилась Tatar Today - татар яңалыклары..

“Минем иң якын подружкам, әбинең туган көне бүген! Аның кебек кеше юк бу җир йөзендә һәм булмаячак та!
Гөлсинә Зәкиевнага теләкләремне теләдем, алган халатны ошатты, киеп тә куйды. Сезгә сәлам ди”, – дип яза Гөлназ. Гөлсинә әби оныгының инстаграмы аша күп укучыларның яраткан әбисенә әйләнде, шуңа да аңа ныклы сәламәтлек, бәхетле картлык телиләр.

Запись Гөлназ Сәфәрова: “Минем иң якын подружкамның туган көне бүген” [видео] впервые появилась Tatar Today - татар яңалыклары..

Гөлназ Сәфәрова инстаграм битенә портретын куйган. «Миңа портрет ошаган сирәк очрак. Миңа охшаганмы?» — дип язган ул.

Алып баручыны кемгә генә түгел, нәрсәгә дә охшатканнар: «Сөембикә ханбикә шундый булгандыр», «Фиргавен кызы Клеопатра», «Тимер ханым», «Аватар», «Тэ 3000» модельле робот, «Бу бит җырчы Алсу», «Юлия Началова дип карадым», «Цилиндрдагы пешкәк кебек күренәсең».

Шагыйрә Сания Әхмәтҗанова: «Сөембикә диюләре ошады», — дип язган.

«Бу портретыгыз бик шәп чыккан. Ниндидер көч беркелә»

«Сезнең кабатланмас булуыгызны чагылдыра»

«Бик шәп булган», – дип язган инстачылар.

Портретны ошатмаучылар да бар.

View this post on Instagram

A post shared by Gulnaz Safarova (@saffarka)

Чыганак: Гөлназ Сәфәрова инстаграмыннан

Запись Алып баручы Гөлназ Сәфәрованың портреты буенча фикер алышалар: кемгә охшатканнар? впервые появилась Tatar Today - татар яңалыклары..

Мәгълүмат чит ил агентлыгыннан

Запись Айваз Садыров, Гөлназ Сәфәрова туй, мәҗлесләргә бәйле көтелмәгән фикер әйтәләр впервые появилась Tatar Today - татар яңалыклары..

18 февраль Гөлназ Сәфәрова Инстаграм битендә кызыклы яңалык белән уртаклаша.

“Зур яңалыгым белән бүлешәм! Мин, ниһаять, озак әзерләнгәннән соң, көз көне тест рәвешендә ” телевидение буенча” курслар алып барганнан соң, балалар өчен үземнең телевидение мәктәбен ачып җибәрергә булдым…” дип хәбәр итә Гөлназ.

Әлегә башка төгәл мәгълүмат бирмичә, тиздән старт икәнен генә әйтә ул.

View this post on Instagram

A post shared by Gulnaz Safarova (@saffarka)

Мәгълүмат Гөлназ Сәфәрова Инстаграм битеннән

Запись Гөлназ Сәфәрова: “Зур яңалыгым белән бүлешәм!” впервые появилась Tatar Today - татар яңалыклары..

Татарстанның атказанган артисты Гөлназ Сәфәрова инстаграмда гаиләсендәге шатлыклы вакыйганы хәбәр итә.

Популяр алып баручы Гөлназ Сәфәрова үзенең инстаграм битендә сеңлесенең икенче тапкыр әни булуы хакында яза. Гөлназ икенче тапкыр апа булган.

View this post on Instagram

A post shared by Gulnaz Safarova (@saffarka)

Мәгълүмат Гөлназ Сәфәрованың инстаграм битеннән

Запись Гөлназ Сәфәрова гаиләсендә шатлыклы вакыйга впервые появилась Tatar Today - татар яңалыклары..

— Гөлназ, тапшыруга гаризалар күп киләдер. Катнашучыларны ничек сайлыйсыз?

— Атнасына алты-җиде гариза килә. Һәр кешенең үз тарихы, һәм әлеге тарихның үзенчәлекле булуы безнең өчен мөһим. Кемнеңдер язмышында кайгы булган, ә менә бер вакыт безгә шәхси бизнесы булган ханым килгән иде. Кешеләрнең язмышларының төрлелегенә шаккатам, һәм үземә гыйбрәт алам. Татарча белү – шарт. Руслар яза, ләкин алар турында без тапшыру төшермибез.

— Гаризаларның төрлесе бардыр. Берәр кызыгын искә төшерче.

— «Минем тешемне яматасым бар иде», — дип язганнар иде берсендә. Әйтер сүзем юк. Безнең тапшыру теш ямату белән шөгыльләнми бит. Күпләргә шалтыратмыйбыз, алар арасында үпкәләүчеләр бар.

— Бюджет кайдан аласыз?

— Иганәчеләр ярдәм итә. Мәсәлән, табибларга барып күренү мөмкинлеген, төрле алтын эшләнмәләр бүләк итәбез. Болар барысы да иганәчеләр ярдәме белән.

— Бу проекттан син үзеңә акча аласыңмы?

— Юк, бу шөгылем миңа акча китерми. Мин бит әлеге тапшыруны үземне күрсәтер өчен эшләмим. Тапшыруларның күбесендә җырчыларны, артистларны күрсәтәләр. Ә минем гади халыкны күрсәтәсем килә.

— Актуаль сорау: сездә төшәр өчен акча кирәкме?

— Юк! Берсендә шундый хәл булды: бер егет безгә әнисен алып килде. Ханым турында тапшыру төшергәч, ул: «Мин сезгә күпме тиеш соң?» — дип сорады. Бушка эшләвебезгә ышанмады — улы түләгәндер дип уйлады. Тагын бер кабатлыйм: бездә төшәр өчен акча кирәкми.

— Командаңны ничек туплыйсың?

— Башка кешенең профессионал булуына ышанырга тиешмен. Гадәттә аларны үземдә сынап карыйм. Һәм, әлбәттә, төп шартларның берсе — татар телен белү! Безнең тапшыруыбыз бары тик татар телендә генә бара.

— Ни өчен тапшыру «Мин» исемен йөртә?

— Үз-үзенә ышанган, үзен яраткан һәр хатын-кызның «мин”е булырга тиеш. Һәр хатын-кыз 100% итеп: «МИН!» — дияргә тиеш. Безнең командада психология белгече дә эшли. Ләкин катнашучылар арасында, тапшырудан соң бер-ике ай үткәч, безнең янга нинди килгәннәр, янәдән үзләренең образларына кире кайтучылар бар.

— Төп геройга сез ясаган образ ошамаган очраклар бармы?

— Әйе, була, чөнки кеше әлегә ияләшмәгән. Хәзер менә мин сине башкачарак киендереп куйсам, сиңа да ошамаска мөмкин. Ләкин безнең командада профессионаллар эшли — шуны истә тотыйк. Бер хәл сөйли алам: берсендә бер ханымның чәчен кистек. «Кайтып еладым», — ди. Соңыннан эшкә барган да бу, бер тапкыр аңа елмаеп караганнар, икенче тапкыр матур булуын әйткәннәр. Икенче көнне кып-кызыл помада буяп (безнең команда кешесе аңа киңәш иткән иде), эшкә барган. Менә: «Мин», — дигән ул ханым. Димәк, тапшыруыбызның максаты үтәлгән.

— Ни өчен бу типтагы тапшыру чыгарырга булдың?

— Хатын-кызларыбызны күзәтәм. Бездә хатын-кызлар үз-үзләрен яратып бетермиләр. Ирем үлде, башка кайгы булды… Сез кемнән ким соң?! Һәр хатын-кыз үзенчә матур, шуны күрсәтәсем килә минем. Бары тик хатын-кыз үзен яраткан очракта гына, аңа башкалар да тартылачак.

Запись Гөлназ Сәфәрова һәм “Мин” проекты: “Теш яматасым бар” дип киләләр впервые появилась Tatar Today - татар яңалыклары..

Гөлназ Сәфәрава шәхси инстаграм битендә Ландыш Нигъмәтҗанова белән клип төшергән вакыттагы фотосын урнаштырган. Әлеге сурәттә Гөлназ да, Ландыш та мәктәп формасыннан. Клипның авторы Гөлназ Сәфәрова сюжет буенча Ландыш белән Фәрит арасын бозган, явыз кыз ролендә дә уйный. Әлеге клип дөнья күргәннән соң, бер ханым “Сәфәрова чын хайван икән, аны яратмый башладым”, дип гәҗиткә язып чыккан.

“Ландышның бу клибын хәтерлисезме?! Клипның сюжет авторы мин. Сюжет буенча Ландыш – югары сыйныф укучысы, мәктәпләренә укытырга килгән яшь укытучыга – Фәриткә гашыйк була. Мин – Ландышны яратмаучы, аларның бергә булуларын теләмәүче усал кыз ролендә идем. Бу клип чыкканнан соң, бер апа газетага “Сәфәрова чын хайван икән,аны яратмый башладым” дип хат язып чыккан иде хәтта. «Оныта алмый йөрәк» җырына төшерелгән клипны кайсыларыгыз карады, нәрсә диярсез?! Мин хайванмы?!”, ди Гөлназ Сәфәрова.

View this post on Instagram

A post shared by Gulnaz Safarova (@saffarka)

Әлеге фото шактый фикерләр җыйган. “Шулай дип язганнар икән, димәк сез шәп актриса”, “Кайбер кеше өстән генә күз йөртә шул. Тирәнрәк уйларга башына да килми. Тырыш ханым Сез, хөрмәт итәм”, “Миңа, Гөлназ, шундый рольләрдә уйнаучылар ныграк ошый. Ничек шул кадәр оста уйнарга була икән, дип шаккатып карап утырам”, “Димәк клип зур осталык белән төшерелгән. “Хайван” сүзен, бик эмоциональ кеше язган инде”, “Клипны карадым. Бик матур. Чын сөю тарихы һәм ул шундый чын актерлар һәвәслеге белән уйналган, монда режиссер да, Ландыш белән Фәритнең бер-берсен чынлап сөюләре дә роль уйнагандыр. Яратып карыйм бу клипны, мәктәп елларына алып кайта. Молодцы”, дип уртаклашканнар Гөлназның язылучылары.

Запись Гөлназ Сәфәрова: “Клипны кайсыларыгыз карады, нәрсә диярсез?! Мин хайванмы?!” впервые появилась Tatar Today - татар яңалыклары..

Боз шугалагының озынлыгы 1 км. Ул тантаналы рәвештә ретро атмосферада ачыла — Кремль яр буенда совет фильмнары музыкасы, шулай ук 80нче еллар хитлары яңгыраячак. Биредә шулай ук конкурслар булачак. Ретро-костюмнардан килгән актив кунаклар аниматорлардан бүләк алачак.

Кремль яр буендагы шугалак эш көннәрендә кичке дүрттән унга кадәр, ял көннәрендә көндезге уникедән кичке унга кадәр эшләячәк, дип яза Татар-информ.

Запись Илсөя Бәдретдинова һәм Гөлназ Сәфәрова Казанда ял итү урыны ача впервые появилась Tatar Today - татар яңалыклары..

Филүс Каһиров Айвазны видеога төшерә

“Татар радиосы” мөхәррире янә хайп ясады, Элвин Грей белән Гүзәл Уразоваларның шау-шулы “Красивый-Хороший” җырын җанлы уен коралында уйнап, җырлап бирде. Бу күренеш Татарстанның атказанган артисты Филүс Каһировка бик тә ошады булса кирәк, ул журналистлар алдында утырган җиреннән торып басып видеога төшерә башлады.

Журналистларның тирән эчтәлекле сорауларына да җавап бирделәр. Фонограмманы тере тавышан аерырга да өйрәттеләр. 

Чарада «Татар радиосы»  директоры Динә Гәрәева, радионың редакторы Айваз Садыйров, алып баручы Гөлназ Сәфәрова һәм татар эстрадасының кайбер танылган җырчылары катнашты.

“Хәзер җырчылар  без  тере тавышка җырлыйбыз дип әйтергә ярата. Фонограммага җырлау, җырламау мәсьәләсендә һәр җырчы үзе өчен үзе җавап бирә. Без берәүне дә ник син фонограммага җырлыйсың дип гаепли  алмыйбыз.Тик  концертлар оештырганда иң беренче таләп ул – тере тавыш. Кешенең тере тавышка җырлаганын белеп була.  Кеше тере тавышка җырлаганда, аның тавышы аудиотасмага яздырылган кебек бертөрле бармый.  Аның эмоцияләре, хәрәкәте тавышта чагыла. Тереләй җырлаганда һәм сөйләшкәндә кан тамырлары бүртә. Аннары кеше тере тавышка җырлаганда үз-үзенә ышанып җырлый. Бу психологлар күзәтүе”, диде Гөлназ Сәфәрова.

“Популяр җырлар радиода гел яңгырый, кеше  ул яңгырашка ияләшә. Әгәр сәхнәдән нәкъ радиодагы яңгыраш ишетелә икән,  уйланып калырга урын бар”,  дип сүзгә кушылды Айваз Садыйров.

Гөлназ Сәфәрова һәм Айваз Садыйров сөйләгәннәрне раслау өчен, концертта катнашучыларның берсе,  җырчы Филүс Каһиров җырлап та күрсәтте.

Оештыручылар әйтүенчә  җанлы концертта 30 дан артык җырчы тере тавыш белән оркестрга кушылып җырлыячак. Болар – Айдар Галимов, Асаф Вәлиев, Әнвәр Нургалиев,  Иркә,  Гүзәлия –Хәким , Рифат Зариипов һәм башкалар.

“Җырчыларның бөтенесе дә, Филүс  Каһиров кебек  көчле вокалга ия булмаса да,  һәрберсе  үзенчәлекле тембрга ия.  Концертка оркестрга кушылып,  тере тавышка җырлый алмаган җырчылар чакырылмады”, диде  “Татар радиосы” директоры Динә Гәрәева.

Матбугат конференциясендә җырдан хит ясау темасы да күтәрелде. “Иң начар җыр өчен акча түләсәң, ул хит була аламы?” , дигән сорауга Айваз Садыйров болай үзенчә җавап бирде.

“Дөресен генә әйткәндә хитны акча гына эшләми. Әлбәттә, җыр радио-телеведениенең форматына туры килә икән,   аны халыкка чыгарырга,  әйләндерергә мөмкин. Тик әллә нинди зур суммалар түләп уйнатылган җыр да хит булмаска мөмкин. Акча хит булдыруның төп инструменты түгел. Барысы да  халыкның җырны ничек кабул итүеннән тора”, ди ул.

“Татар радиосы” концерты 27 октябрь,  17:00 сәгатьтә  «Пирамида» күңел ачу үзәгендә узачак. Мондый концерт  өченче ел рәттән оештырыла.  Гала- концертны  Татарстанның атказанган артисты Гөлназ Сәфәрова, “Татар радиосы” мөхәррире белән ди-джее Айваз Садыйров һәм Рамил Шәрәфиев алып барачак.

Алинә Кадриева // Tatar-today.ru  

Запись Яңа хайп – “Красивая/Хороший” җырын Айваз Садыйров җырлый, Филүс Каһиров видеога төшерә [видео] впервые появилась Tatar Today - татар яңалыклары..