Эшләүче пенсионерларның пенсияләренә 1 августтан төзәтмәләр кертелә. Эшләүче пенсионерларга (Россиядә алар 14 миллионнан артык кеше) пенсияләр 2016 елдан тулысынча индексацияләнмәгәнлектән, аларга, хезмәт стажын һәм керемне исәпкә алып, иминият пенсияләрен яңадан исәпләп чыгаралар. Өстәмә өч пенсия балы белән чикләнәчәк һәм максимум 279 сум тәшкил итәчәк.

Икенче яңалык-пенсиянен тупланма өлешен 9,13% ка арттыру. ПФРДА хәбәр итүләренчә, арттыру коэффициенты 2019 елда пенсия тупланмаларын инвестицияләү нәтиҗәләре буенча билгеләнгән: ул инфляциядән өч тапкыр артып киткән. Моннан тыш, 7,99% ка яңадан исәпләү пенсия тупланмаларын финанслашу программасында катнашучылар өчен автомат режимда узачак. Аларга тупланган акчалар тупланма пенсиядән түгел, ә ашыгыч пенсия түләвеннән түләнә.

1 августтан газ өчен 3% ка күбрәк түләргә туры киләчәк. Башта инфляция дәрәҗәсенә газ бәяләрен июньдә күтәрергә ниятләнгән иде, тик пандемиягә бәйле рәвештә Монополиягә каршы хезмәт индексацияне кичектерергә тәкъдим итте.

Августтан Бөек Британия, Төркия һәм Танзания белән һава юллары  яңартыла. Россия Федерациясеннән Стамбул һәм Анкарага очарга мөмкин. 10 августтан Төркиянең Анталья һәм Эгей ярлары курортларына рейслар ачыла. Бу ил өчен коронавируска тест нәтиҗәләре белән белешмә кирәк түгел,  карантинны утыртырга кирәкми. Бөекбритания белән катлаулырак — 1 августтан анда очарга була, әмма 14 көн үз-үзеңне изоляциядә үткәрергә туры киләчәк. Танзибар утравына август башыннан очышлар ачыла, белешмә кирәк түгел.

Төзелештә стандартларның һәм кагыйдәләрнең яңа исемлеге үз көченә керә. Төп яңалык-исемлектән артык нормалар алынган һәм, гомумән алганда, төзелеш һәм проект эшләре регламенты гадиләштерелде.

Чыганак: МК

Запись 1 августтан россиялеләрне нинди яңалыклар көтә? впервые появилась Tatar Today - татар яңалыклары..

Ведомство мәгълүматлары буенча, газ бәяләре 3% тан артмаячак. Бәяләр «Газпром «ҖАҖ һәм аның аффилирлы затлары тарафыннан табыла торган газга күпләп сату бәяләрен раслау турында» Федераль монополиягә каршы хезмәтнең боерыгы нигезендә күтәреләчәк. Хәзер Татарстанда газ бәясе 1 куб. м өчен 5,72 сум тәшкил итә. Исегезгә төшерәбез, июль аеннан ТКХ бәясе 4% ка артты.

Чыганак: Вечерняя Казань

Запись Татарстанда 1 августтан газ бәясе артачакмы? впервые появилась Tatar Today - татар яңалыклары..

Кичә кич Гадәттән тыш хәлләр министрлыгына Бөгелмә шәһәренең Белинский урамындагы йортта 41 яшьлек ир-ат һәм 17 һәм 13 яшьлек ике үсмер ир бала исле газ белән агулангануы турында хәбәр килгән.

Нәтиҗәдә, өлкәнрәк ир баланы уртача авырлыктагы агулану билгеләре белән, ир-атны аңсыз хәлдә Бөгелмә район хастаханәсенә китергәннәр.13 яшьлек үсмер һәлак булган.

Фаҗига сәбәпләрен урында газ хезмәте белгечләре ачыклый.

Элегрәк «Татар-информ» мәгълүмат агентлыгы 2018 елның 18 ноябрендә Бөгелмәдә Гафиатуллин урамындагы биш катлы йортта өч яшьлек кыз һәм аның әтисе мәете табылганлыгын хәбәр иткән иде. Тикшерүчеләр аларның һәлак булуына исле газ белән агулану сәбәпче булу ихтималын да искәрткән.

tatar-inform.tatar

Запись Татарстанда газ афәте бара, Бөгелмәдә икенче ай агуланып үлүчеләр арта впервые появилась Tatar Today - татар яңалыклары..

“Күптән түгел миңа Бөгелмәдән бер яшь ханым шалтыратты. Былтыр ноябрь аенда үзе, ире, өч яше дә тулмаган баласы исле газдан агуланганнар. Нәтиҗәдә ире һәм сабые һәлак. Үзе могҗиза белән генә исән калган.

Бүген аның бар максаты – ире һәм баласы үлеменә китергән сәбәпләрне ачыклау һәм мондый бәла-казаларны кисәтүгә өлешен кертү.

Һәм ул ачыклый башлаган инде. Битарафлыкка килеп төртелгән.

“Газдан агуланып үлделәр” дигәнне ишетсәк, “исерек булгандыр, игътибарсыз булгандыр” дип уйлап куябыз.

Юк, исерек тә түгелләр, тәртипле гаилә – әни, әни, бәби. “Тяга юк бит!” дип газовиклар да чакыртканнар, әмма газовикларга “пох”. Тәрәзәләрегезне ачыгыз дип китеп барганнар. Дүрт көннән әти белән бала газдан агуланып үлгән.

Бу проблемага коллегалар игътибарын юнәлтәсем килә. Языгыз, зинһар”, дип мөрәҗәгать итә Алсу Исмәгыйлева.

Фото: фейсбуктан

Запись Алсу Исмәгыйлева: Газовикларга “пох”. Китеп барганнар. Әти белән бала газдан агуланып үлгән впервые появилась Tatar Today - татар яңалыклары..

Вакыйганың шаһитлары әйтүенчә, башта шартлау тавышы ишетелгән, йорт селкенеп куйган һәм бер дивары ишелеп төшкән.

Күпләр йокыдан да уянып өлгермәгән, билгеле. Тәрәзәләрдән сикерүчеләр булган.

Әлегә һәлакәт урынында коткаручылар эшли. Йорт янына махсус техника керә алсын өчен, аның янындагы машиналарны алалар.

Янгын таралмаган, коткару эшләре бара.

Фото: ТАСС

Запись 31 декабрь фаҗигасе: йокыдан да уянып өлгермәгән кешеләр тәрәзәләрдән сикерә впервые появилась Tatar Today - татар яңалыклары..

Шулай да, өен элеккеге система белән җылытучылар әле дә бар икән. Узган атнада редакциягә Нурлат районыннан Әлфия Гәрәева исемле ханым шалтыратып, өен утын ягып җылытуы турында сөйләде. Әмма сәбәбе – бурыч түләмәүдә түгел, алар яши торган авылга газ бөтенләй кермәгән икән әле! Чит илдә кешеләр оча торган машиналар уйлап таба, ә Нурлатта авыл өйләрен әле дә агач яндырып җылыталар. Менә кайда ул прогресс! Район җитәкчеләренең ел саен: «Быел була, булмаса, икенче елга кертәбез», – дип вәгъдәләр бирә башлаганына да ун ел вакыт узган. Әле һаман: «Киләсе елга «точно» була!», – дип ышандыралар, ди.

«УТЫННЫ САТЫП АЛАБЫЗ»

Урман буенда урнашкан гүзәл табигатьле Кара Күл авылында чын патриотлар яши. Хәзер бит халыкны уңайсыз җирдә яшәтеп булмый. Асфальт юлларының бер чите кителсә дә, авыл башлыгы эшләми дип, Мәскәүгә язучылар бар. Ә менә Кара Күлдә халык газсыз тилмерә. Әмма зарланмыйлар. Авылда моннан ун ел элек тә 40 йорт булган, хәзер дә шулай. Йортлар төзек, караулы. Дөрес, кышка кергәндә генә халыкның күпчелеге шәһәргә китеп бара ди. Көннәр җылынгач, кире кайталар. Монысы аңлашыла да. Кышкылыкка утын әзерләү, сыерга печән әзерләүдән бер дә ким түгел. Әнә, Әлфия ханым да, кыш чыгу өчен узган ел башта 15 мең сумга, соңыннан анысы гына җитмәгәч, кабат 18 мең сумга утын сатып алуы турында сөйли. Бер кышны чыгу өчен 33 мең сум акча әз түгел. Әле шуңа өстәп, ике атна саен ашарга пешерү өчен газ баллоннары сатып аласы бар. Мәшәкатьле…

– Бүтән районнарда да газсыз авыллар бармы икән ул, беләсе иде шуны. Ияләшелгән эш булса да, кыенлыклары бар инде: төнлә уянып, мичкә өстәп торырга кирәк, утынны беткәннән-беткәнгә атып кына торасы, торбаларны суытмаска тырышабыз. Кышлыкта өеңне калдырып, каядыр озакка китеп булмый, – ди шалтыратучыбыз.

Моңа кадәр ни сәбәпле газ кертелмәде соң сезгә дигән сорауга җавабы гына юк Әлфия ханым Гәрәеваның. «Сәбәбен аңлатмыйлар. Ни өчен икәнлеген беркем белми. Һәр елны вәгъдә итәләр», – дип җавап бирә ул.

– Безнең күршедә Иске авыл бар. Анда да газ юк иде, күптән түгел җир астыннан торбалар суздылар – башта аларга керергә тиеш тә, соңыннан безгә кертәчәкләр, имеш. Иске авылга газ үткәрү өчен акчаны өч ел элек күчерделәр, тик быел гына эш башладылар да, әле дә кертеп бетермәделәр. Кайчан бетәчәге дә билгеле түгел. Безгә дә әйттеләр – менә киләсе елда сезгә акча күчерерләр, эшли башларбыз дип. Ләкин биш елдан соң буламы ул газ, ун елданмы – билгеле түгел. Гомер-гомергә газсыз яшибез. Ашарга пешергәндә куллану өчен баллон алдык та – ул ике атнага гына җитте. Сыйфатлы түгел, аның яртысы – газ, яртысы – бутан, тиз бетә, астындагы бутанын исә, түгәбез генә. Чөнки ул янып бетми. Өйне җылыту электрга да көйләнгән үзе. Ләкин алай бик кыйммәткә чыга, кулланмыйбыз, – ди Әлфия ханым.

Кара Күлдә калганнарның җавап алырга теләгән бер генә соравы бар: газ кертелмәүнең сәбәбе нидә һәм гомумән, ул булачакмы.

ТАТАРЧА СӨЙЛӘШМӘ!

Нурлатка кайткач, беренче чиратта районның газ оешмасына киттем. Җитәкчесе Рәшид Хәсәнов белән сөйләшеп, югарыда куелган сорауларга җавап алу иде исәбем. Әллә бездә бөтен районның газ оешмасы җитәкчеләрен дә махсус сайлап алалармы дигән шик туа башлады монда булып киткәннән соң. Кеше белән тавыш күтәреп сөйләшү, тупас җаваплар бирү буенча «Нурлатгаз» оешмасы җитәкчесе без алданрак язып узган Зәй районы газ оешмасы җитәкчесе белән ике тамчы су кебек охшаш булып тоелды. Оешмага килеп кергәч, монда килүчеләргә мөнәсәбәтнең нинди булуы кабул итү бүлмәсеннән үк сизелде.

– Рәшид Хәсәнович урынындамы, аның белән күрешәсе иде, – дип сорадым сәркатиб кыздан. Башка районнарда гадәттә: «Була!» яки «Юк!» – дип җавап бирәләр, кем булуың, нинди сорау белән килүең турында кызыксыналар иде. «Нурлатгаз»да исә, минем татарча сөйләшүемне ошатмадылар. «Русча сөйләгез! Мин татарча аңламыйм!» – диде миңа сәркатиб кыз коры гына. Соравымны русча кабатласам да, татар теленә мондый мөнәсәбәтне яратып бетермәдем. Ул кызның татарча белмәве минем проблемамы әллә? Татарстанда ике дәүләт теле. Дәүләт оешмасында эшли торган кеше шул телләрнең берсен белми икән, бу соравын татарча биргән кешенең гаебе түгел. Җитәкче янына килгән кешеләр белән ике авыз сүз дә татарча сөйләшә алмагач, нигә кирәк ул чибәр кыз анда?

– Мөмкинме бер сорау, дим, тыныч кына. Әгәр сезнең яныгызга русча белми торган татар әбисе килсә, аны да шулай ярты юлда бүлдереп, русча сөйләшергә боерачаксызмы?

– Ничек инде?

– Минем бу оешмада татарча сөйләшергә хакым юкмы?

– Ну, татарча аңламагач мин нишләргә тиеш? Әйдәгез алайса мин дә сезнең белән инглиз телендә сөйләшәм – сез нишләр идегез?

– Инглизләр арасында яшәсәм, инглизчә өйрәнер идем, сез дә татарча сөйләшмәсәгез дә, аңларга тиеш, – дим.

– Ә нигә әле сез миңа мондый тәнкыйтьле кисәтү ясыйсыз?

– Ә мин татарча сөйләшкәндә сез миңа нигә русчага күчәргә кушасыз? Мин үземә нинди телдә уңайлы, шул телдә сөйләшәм…

Сәркатиб кыз башка эндәшмәде. Җитәкчесе янына кереп китте. Анысы исә, мине үзе утырган бүлмәсенә уздырып тормастан, кабул итү бүлмәсенә генә чыкты. Чыга-чыгышка, исәнләшеп тору-мазар булмады, «Монда килгәнче, Таттрансгаз белән алдан килештерергә тиеш идегез» – дип, миңа «үз урынымны» күрсәтте Рәшид Хәсәнович. «Шәрехләмә бирмим», – диде.

Шулай да соравымны яңгыратуны кирәк дип таптым: Кара Күл авылында газ кайчан булачак?

– Мин моны белмим, килешүләрне Таттрансгаз төзи, җиһазлар кайтарту белән дә ул шөгыльләнә, без төзүче оешма түгел, без газны эксплуатацияләүче оешма. Акча булмагач… Нишләргә… Безнең үзебез төзергә акча юк, – диде ул.

Аннан соң, моны яздырып баруымны фаразлап, язманы юк итәргә кушты.

– Яздырсам ни була?

– Алай булгач, башка мин сезнең белән беркайчан да аралашмаячакмын, аңладыгызмы? – диде җитәкче тавышын күтәрә башлап.

– Ярар, аралашмагыз…

– Минем турда язарга кирәк түгел! Аңладыңмы! Бернәрсә дә язма! «Деловая!» – дип, ишеген шартлатып ябып, кереп китте.

Бу җитәкче үзенең башкалар белән нинди тонда сөйләшергә тиешлеген онытып җибәргән бугай. Газетадан үзе турында укып, исенә төшерер, дип өметләнәбез.

БУЛАЧАК ДИЛӘР ДӘ БИТ…

Кара Күлдәге газ мәсьәләсе буенча, район башкарма комитеты җитәкчесе Линар Нурислам улы Маняпов белән дә сөйләштек. Газ мәсьәләсенә кагылышлы сорауга ул: «Булачак, Аллаһ теләсә», – дип җавап бирде. Ләкин Аллаһ кайчан теләячәк – монысын әйтмәде. «Якын арада», – дип кенә җаваплады.

– Моңа кадәр ни сәбәпле кертелмәде ул?

– Ни сәбәпле кертелмәгәнен мин сезгә әйтә алмыйм, ләкин моның буенча эш бара бүгенге көндә. Эш әлегә документация дәрәҗәсендә бара, ләкин киләчәктә безнең бурыч куелган: Кара Күлдә дә башка авыллардагы кебек газ җиткерергә. Нурлатта берничә авылда газ юк иде. Менә киләсе елга Иске авылда керәчәк. Кара Күлдә дә озак көттермәс, – диде Линар Маняпов.

Башкарма комитет җитәкчесе белән район газ оешмасы җитәкчесенең җаваплары бер-берсенә каршы килә торган булгач, барысын да район башлыгыннан шалтыратып белешергә булдык. Әмма аның белән сөйләштермәделәр. Аппарат җитәкчесе Белов Михаил Иван улы белән генә аралаштык. Рәсми мәгълүматлардан күренгәнчә, аның әле бу вазыйфада эшли башлавына бер ай гына булган. (Дөрес, җитәкче минем белән сөйләшкәндә инде ике ай эшлим диде – А.З.) Шуңа күрә, Михаил Ивановичның Кара Күл мәсьәләсендә төпле җавап бирәчәге алдан ук шик уяткан иде. Әмма төшенкелеккә бирелергә юл куймады. Декабрьнең 15ләренә кадәр, Иске авылның бер өлешенә газ уздырабыз, киләсе елдан башлап, Кара Күлгә тотыначакбыз, дип белдерде. Хакимияттәгеләр Кара Күлдә газның кайчан үткәреләчәген чама белән булса да белә, ә менә «Нурлатгаз» оешмасында ник бу мәсьәлә буенча хәбәрдар булмаулары аңлашылмый. Әллә җитәкчегә бу мәсьәлә кызык түгел, әллә «вакыт әрәм итеп», миңа аңлатып торырга иренде…

Ничек кенә булса да, Кара Күлдә газ бүген-иртәгә кермәячәк. Ким дигәндә бер ел көтәчәксез. Бәлки аннан да күбрәк. Барысы да үзегездән дә тора. Район җитәкчелегенең исенә төшереп-төшереп алгалагыз.

Айгөл ЗАКИРОВА,

Казан – Нурлат – Казан

Безнең гәҗит

Запись “Минем турыда бернәрсә дә язма! Аңладыңмы! «Деловая!»” – Нурлатта бер түрә зур тавыш чыгара впервые появилась Tatar Today - татар яңалыклары..

20 сентябрь Башкортстаннаның Кырмыскалы районы Олыкүл авылындагы торак йортта көнкүреш газ шартлау сәбәпле ике кеше һәлак булган, тагын икесе яраланган.

Чыганак һәм фото: azatliq.org

Запись Башкортстанда торак йортта газ шартлый, кеше гомерләре өзелә… [коточкыч фаҗига] впервые появилась Tatar Today - татар яңалыклары..

Җиңел машинада ширбәт аеннан Таиландта ял итеп кайткан яңа гына өйләнешкән пар һәм аэропорттан каршы алырга килгән әти-әниләре була. Яшьләргә 23-әр яшь, артта утыручы ханымга 58 яшь һәм руль артындагы кешегә 49 яшь була. Яшь ир-ат, машина йөртүче вафат булалар, ике хатын-кыз да исән кала.

Юл һәлакәте нидән килеп чыккан соң? “ГАЗ” машинасын йөртүче борылышта сак булмыйча  Freightliner тагылмалы йөк машинасы белән бәрелешә. Нәтиҗәдә, аның тагылмасы өзелеп, каршы юлга ыргыла һәм җиңел машина өстенә барып төшә.

“Хатыны белән Таиландтан ял итеп кайткан Сергей Кулагинны Удмуртиягә өйгә кайтырга дип, әти-әнисе аэропорттан каршы ала. Нәтиҗәдә, алар өйгә кайтып җитә алмый..”, дип язылган ВКонтактедагы “Казань. Мертвые страницы” төркемендә.

Бу аяныч юл һәлакәтендә зарар алганнарны, зур югалту кичергәннәрне Ходай ярдәменнән ташламасын!

Запись Яшьли өзелгән гомер: Таиландтан кайтучы яңа гына өйләнешкән пар фаҗигасе [фото] впервые появилась Tatar Today - татар яңалыклары..

View this post on Instagram

A post shared by 🟡 Татар Малай 🟡 (@tatar__malay)

“Иртән торып чишмәгә барып кайттым әле! Сез ни эш бетерәсез?” дигән ул. Аның бу сүзләренә Инстаграм кулланучылар болай җавап биргән: “Әллә су да, газ да кермәгән бу авылга?”, “Зөһрә кыз айдан сөенеп карап тора бугай, ирләр су ташыганын күргәч”, “Көянтәләп чишмәгә төшүләр күптәннән юк инде безнең авылда. Шул чаклар искә төште. Видео өчен рәхмәт!” дигәннәр.

Запись Егетләрнең көянтә белән су ташыганнарын күргәнегез бармы? “Татар малае” мастер-класс күрсәтә впервые появилась Tatar Today - татар яңалыклары..

58 яшьлек “Логан” машинасын йөртүче юлның каршы ягына чыгып, ГАЗ-3705га бәрелә.

Бәрелешү нәтиҗәсендә, “Рено Логан” йөртүче каты җәрәхәтләрдән һәлак була.

Сүз уңаеннан, бу Яңа ел эчендә генә 5нче көчле юл һәлакәте. Барлыгы 5 көн эчендә бәрелешүләрдән 78 кеше зыян күргән.

Запись Үлем алып килгән тагын бер юл һәлакәте. Бу юлы Югары Осланда впервые появилась Tatar Today - татар яңалыклары..