Дания Гайнетдинова

Запись «Әйдә, кызым, сине алырга килдек,» – диярләр сыман… впервые появилась Tatar Today - татар яңалыклары..

Без чираттагы мәртәбә больницада ятканда, аның сөяркәсе бар икәен белдем. Ул кызга – унтугыз…
Ничек башым китмәгәндер!.. Улыбыз кислород маскасы киертелгән килеш ята, ә ирем больница ишегалдыннан көлә-көлә телефоннан сөйләшеп китеп бара…

Елый-елый гафу итүемне сорады. Иттем. Бергә калдык. Биш ел уздымы, ирем тагын шеннән соңарак кайта башлады, таныш-белешләрдән ямьсез хәбәрләр ишетә тордым… Турыдан-туры сорадым – берәрсенә гашыйк булдыңмы, дип. Юк, диде. Тормышыбыз дәвам итте. Минеке – улыбызны кайгыртып, аныкы – үз юлы белән.

Ә аннары… аннары мин гашыйк булдым бер аерылган иргә. Ул да мине яратты. Иремнән китәргә булдым. Утырдык сөйләшергә. Иремнең менә өч ел инде сөяркәсе бар икәне ачыкланды! Өч ел элек тагын бер унтугыз яшьлек кызны үз иткән. Хәзер иремә кырык тугыз. Ирем аерылушуга каршы булмады.

Хис-тойгыларымны тасвирлый да алмыйм. Бик авыр иде миңа. Нишләп өч ел элек үк китмәгән ул миннән?! Нигә миңа ирек бирмәгәң, нигә ялганлаган?!
Бу өч ел тоташ ялганлаган ул миңа – берүземне калдырып, каядыр китеп барулары, бергәләп дуслар янына дачага барырга вәгъдә итеп, соңгы минутта ялгызы гына барырга карар кылулары, аны кемдер сихерләвенә ышандырып, берәр атнага «өшкерүче» әби эзләп китүләре…

Эмоциональ яктан бетерде ул мине. Проблема миндә дип, мин психологлар китаплары укыдым, тренингка бардым… Үземне дөрес тотарга өйрәндем… Ә аннары компьютерында бер хатын белән язышуын таптым – ул анда миңа булган үпкәсен белдерә иде, янәсе мин аңа басым ясыйм!
Әле мин балага узарга тырыштым. Ә узган булсам?! Башка ирләргә шул ялгызлыктан, кирәкмәгәнлегемне сизеп карый башладым бит инде мин. Җылылык эзләп.

Аерылыштык. Тагын тетрәндем – бергә торган ундүрт ел буена миңа хыянәт итеп яшәгәнен белдем… Барысы да яшьләр – унтугыз яшьлекләр. Боларны миңа мактанып сөйләде, диярсең… Уйлап карасаң, булдымы соң бездә гаилә? Юк бит! Юк!

Мин яраткан теге ирем… миңа өйләнергә телмәгәнлеген әйтте. Хатынына кайтырга карар кылган… Миңа исә сөяркәләр булып калырга тәкъдим итте. «Миңа синең белән сөешү ошый, – дип язды миңа ул, – Әйдә, дәвам итик бу уенны?» Мин хурландым. Төнлек ир табу проблемамыни? Мин аны бик яраттым бит… Ташлаштык.

Шулай итеп, миңа бер-бер артлы ике ир хыянәт итте.

Юк, мин ялгыз түгел. Минем туганнарым, балам бар. Әмма… Кичә генә машинам ватылды. Утырып еладым. Янда ир кеше булмаганга. Проблемаларны үз җилкәсенә алырдай кеше, авырлыклардан ышыклаучы булмаганлыкны тоюдан…

Ардым мин.
Антидепрессантлар эчәм, психологка йөрим. Әмма терелә алмыйм… Ничек яшәргә? Мин белмим…

Чыганак: Сөембикә журналы

Запись “Утырдык сөйләшергә. Иремнең менә өч ел инде сөяркәсе бар икәне ачыкланды!” впервые появилась Tatar Today - татар яңалыклары..

Марьяна өйдә хуҗабикә булып, балалар тәрбияләүне өстенрәк күрде. Шулай да аның белән элемтә өзелми. Очрашсак, берәр “тәмнүшкә” пешерергә яратабыз. Бу юлы менюда гагаузларның милли ризыгы – геврек.

Хезмәттәшем миңа эшне җиңеләйткән, килеп кергәндә өстәл түрендә геврек утыра иде.

– Бәй, бу бит безнең кош теленең туганы!

– Әйе, мин дә татар милли ризыкларын пешерә башлагач, шул охшашлыкны сиздем. Рецепты да бер төслерәк. Кызларым белән өчпочмаклар, бәлеш, кекслар ясыйбыз. Гаиләбезнең яраткан ризыгы – татар бәлеше һәм гагауз манджасы. Милли кухняларда охшашлык зур дип саныйм.

– Ризыклардан кала тагы уртак нәрсәләр бармы?

– Тарихыбыз, телебездә бераз тәңгәл килерлек урыннар бар. Татарлар кунакчыл булсалар да, бик тыйнак халык. Без – гагаузлар ачык һәм шау-гөр килергә яратабыз. Миңа татар гаиләсенә эләккәч сүзләремне үлчәп сөйләргә өйрәнергә туры килде.

– Ә мили киемнәр?

– Бала итәкләр, алъяпкычлы күлмәкләр бездә дә бар. Татарларда чулпылар һәм бизәкле изүләр, бездә исә тәңкәләр тагылган муенсалар.

– Хәзер 10 ел татарлар белән аралашканнан соң татарчаны яхшы аңлыйм дип әйтә аласыңмы?

– Гаиләбездә без нигездә рус телендә аралашабыз. Кызларыбызга гадәти тормышта кирәк булырлык татар һәм гагауз сүзләрен өйрәтәбез. Татар теле дәресеннән өй эшләрен эшләргә дә мин булышам.

Татар теленең кагыйдәләре, сүзләрнең язылышы, әйтелеше миңа туган телемне хәтерләтә.

– Ирең белән чаңгы шуганда таныштык дигән идең. Ул синең гагауз милләтеннән булуыңны ничек кабул итте?

– Әлбәттә, җир шарында мондый халык барлыгын белми иде. Теле, дине нинди, төпләнеп кайда яшиләр дип сорады.

– Сез икегез дә ике төрле диндә. Милли һәм дини бәйрәмнәрне ничек үткәрәсез?

– Берсен дә калдырмыйбыз. Бәйрәмнәр икеләтә артты, бу бик яхшы бит (көлә). Традицияләре ничек куша, шулай үткәрәбез. Сабантуйны яратабыз. Без – гагаузларда да шуңа охшаш бәйрәм бар, ул Хедерлез дип атала.

– Башка милләт кешесенә менталитетка, мәдәнияткә ияләшүе авыр булдымы?

– Әлбәттә. Башта әти-әнием һәм туганнарым башка дин, башка милләт кешесе, дип бик борчылсалар да, хәзер безнең гаилә өчен шатланып кына торалар. Чөнки ирем – минем, мин аның динен һәм милләтен хөрмәт итәбез. Төрле мәдәниятле булу бәхеткә киртә түгел. Безнең союз гадәти булмавы белән нык.

– Ә тормыш иптәшең сезнең күпмилләтле гаилә булугызга ничек карый?

– Ул яңа ризыклар татып карый алуына шатлана (көлә). Ике мәдәният кушылган гаиләдә мөнәсәбәтләр иркенрәк, бер-береңә сабыррак буласың, дип саный ул.

– Туган тел синең өчен нәрсә ул?

– Ул һәрбер кешенең җуелмас бер өлеше дип саныйм. Телдә туган халкыңның тарихы, мәдәнияте яши. Кызларыбызны Татарстан һм Гагаузиянең тарихи урыннары белән даими таныштырабыз. Алар бит ике Ватанлы.

– Син Нурлат телевидениесендә эшләгәндә татар текстларын җиңел генә русчага тәрҗемә итә идең, хәтерлисеңме?

– Тәрҗемәләрне өйгә алып кайтып, ирем белән бергә эшләгәнебез дә булды. Татарчага тәрҗемә итәргә туган – гагауз телен белүем дә булышты.

– Ә Татарстанда яшәүче башка гагаузлар белән аралашасыңмы?

– Кызганычка каршы, юк. Әлегә алар белән очрашканым булмады. Шулай да 75ләп кеше яши дип ишеткәнем булды. Берничә ел элек милләттәшләрем белән Нурлатта аралашырга туры килде-килүен. Татарстанда Гагаузия мәдәнияте көннәре кысаларында Чадыр-Лунга шәһәре җитәкчелеге эшлекле визит белән Нурлатта булып китте. Хезмәттәшлек турындагы килешүгә кул кую тантанасында мин дә катнаштым.

– Ватандашларың сине Нурлатта күреп гаҗәпләнмәдеме?

– Ничек кенә әле! Алар бит минем туган шәһәремнән иде! Автономия башлыгы урынбасары Олеся Танасогло әйткән сүзләр әле дә хәтеремдә. “Нурлатның һавасы да туган төсле тоелды”, – диде ул. Мин бирегә ничек килеп эләгүем турында сөйләдем.

– Әйт әле, киләчәктә кызларыңның нинди милләт кешесенә кияүгә чыгуын теләр идең?

– Нинди диндә, милләттә булуы мөһим түгел. Компромисс табып яшәргә өйрәнсеннәр.

– Марьяна, кулинария турындагы сөйләшүне шул ук тема белән тәмамлыйсы килә. Әйт әле, үз гаиләгезне нинди ризык белән чагыштырыр идең?

– Гаиләбезнең тагы бер яраткан ризыгы – коймактан ясалган торт. Нык булсын өчен аны берәмләп, һәр коймакны тыгыз утыртып өяргә кирәк. Безнең гаилә дә шулай. Бер-беребезгә яраклаша белдек. Коймаклар кебек төрле булсак та, уртаклык табып, нык нигезебезне булдырдык…

Чәй өстәле артында сөйләшә-сөйләшә геврек тулы савыт бушаганы сизелмәде дә. Гагауз дустым икенче юлы миңа тавык итеннән милли ризык – манджа пешерергә өйрәтергә вәгъдә бирде.

Чыганак һәм фото: Нурлат-информ

Запись Марьяна Сафина: «Татар гаиләсенә эләккәч, сүзләремдә һәм гамәлләремдә тыйнаграк булырга туры килде» впервые появилась Tatar Today - татар яңалыклары..

Бу котычкыч фаҗигадан соң һаман да әле аңга килә алмыйбыз…

Фәридә Хәмәтҗанова гомерен татар матбугаты өлкәсенә багышлый. Мәктәпне тәмамлагач ук, ул “Ватаным Татарстан” газетасы редакциясенә хатлар бүлегенә эшкә килә. Казан кызы, татарчасы да бик чамалы, озак эшли алмас, дип шикләнеп кенә эшкә алган булсалар, бер-ике ай үтүгә редакциядәгеләрнең исләре китә – җиңел сөякле, тырыш, баскан җирендә ут уйнатучы кыз коллектив белән дә уртак телне тиз таба, эшне дә җиренә җиткереп эшләргә өйрәнә. 1991 елда Фәридә “Татарстан хәбәрләре” редакциясендә шулай ук хатлар бүлегендә эшли башлый, тора-бара сәркатиб вазифасына күчә. 1995 елдан ул – “Мәдәни җомга” газетасы хезмәткәре. Фәридә апабызның һәрвакыт йөзе ачык, күңеле шат иде. Редакциягә килгән олысына, кечесенә кирәкле сүзне таба белде. Без – хезмәттәшләре аның салмак атлап йөргәнен, йә булмаса тәрәзә аша кар-яңгырга сагышланып карап утырганын күргәнебез булмады. Безнең хәтерләрдә ул җил-җил атлап йөрүче, әйтәсе фикереңне күз карашыңнан аңлаучы, җитез, тырыш булып калачак. Фәридәбез, гомумән, моңсулана белми иде бугай. Бәйрәмнәрдә исә дөньяны шашып сөюче коллегабызның күңеле, шифалы яңгыр көткән чәчәкә таҗлары сыман, тагын да ачылып, матурланып китә иде.

Фәридә Хәмәтҗанованың олы улы Артур “Идел-пресс”та эшли, шагыйрь-язучыларыбыз иҗат иткән китапларны, газета-журналларны бастырып чыгаруда катнаша. Фәридәбез улының да нәшрият эшенә өлеш кертүенә сөенә, горурлана иде. Артур, үзенә тиң кәләш табып өйләнгәндә Фәридәбезнең шатланганнары әле дә күз алдыбызда тора. Ул шатлыкка оныклар туу куанычы ялганды. Олысы Тимурга инде 12 яшьләр чамасы. Аның эзләренә Артем басып килә.

Камиләне ул кырыгы тулып килгәндә генә тапты. Ул вакытта улы Артур -инде буйга җиткән егет. “Әле дә ярый Камиләбез бар, ирем белән бер-беребезгә карап моңаеп утырган булыр идек, бер юаныч ул безгә”, – дия торган иде. Беренче баланы үстергәндә, аның гомере өчен куркып һәм тел-теш тидермәслек камил ата-ана булырга омтылып, бала рәхәтен татымый да каласың кебек. Яшь арткан, акыл-тәҗрибә өстәлгән саен, бала үстерүләре дә бүтәнчә була башлый. Нарасыең янында узган һәр мизгелнең кадерен белә башлыйсың. Бала үстерү авыр хезмәт кенә түгел, бик сөенечле, мавыктыргыч юл, олы бүләк икән, дигән нәтиҗәгә киләсең. Камилә дөньяга яралгач, Фәридәбезнең күңелендә дә әнә шундый борылыш булмый калмагандыр. Ул кызын, ләззәтне озаккарак сузарга теләгәндәй, ашыкмыйча, каударланмыйча, тәмләп үстерде. Мәктәптә алган һәр “бишле”сенә, һәр ятлаган шигыренә, ясаган рәсеменә балаларча шатлана иде. Кызның нәни генә җиңүләрен дә бөтен редакциябез белән белеп торды.

Урта мәктәпне тәмамлагач, Камилә Казан инновацион университетына психолог белгечлегенә укырга керде. Үзе тырышлыгы белән, бюджет бүлегенә. Ата-ана өчен тагын сөенеч, тагын мәртәбә. Кызы да үзе кебек тырыш иде. Икенче курста гына укуына карамастан, җәйге каникулларда балалар бакчасында эшләп тә өлгерде. “Әнием, мин һөнәрне дөрес сайлаганмын икән, балалар мине шундый яратты!”, – дип беренче эш көненнән соң ук кайтып әнисенең муенына сарылган булган…

Чибәр, тырыш, булган кызларны егетләр дә ярата, билгеле. Берсе аерылышканнан соң да, Камиләне оныта алмыйча, ишек төбен саклый. Ә бер көнне берсен – Камиләгә, икенчесе – әнисенә ике чәчәк бәйләме күтәреп килә. Тик егет кызны моңа кадәр бик нык рәнҗеткән була ахры. Чәчкә бәйләмнәрен алучы булмый. Ишек төбендә төн кунган ятим розаларны күршеләр күргән. Аннары – 7 нче гыйнвар киче. Мәхәббәт һәм нәфрәт утында янган залим бер-бер артлы әтисе Рафаэль абыйны, әнисе Фәридә апаны һәм Камиләнең үзен пычактан үткәрә. Аннары дүртенче каттан сикереп, үз-үзенә кул салмакчы була. Росгвардиячеләр аны сикергән җирдә аяклары сынган

һәм пычак белән яраланган килеш таба. Җинаять кылуда 22 яшьлек Рөстәм Мөхәммәдуллин исемле егет шикләнелә. Аны ашыгыч рәвештә 7 нче хастәханәгә илтеп, операция ясыйлар. Өч кешенең гомерен өзгән залим исән кала…

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Бүген иртә белән Чуйков урамындагы 20 нче йорт янына бик күп халык җыелган иде. Йөзләрдә кайгы-хәсрәттән дә бигрәк, тетрәнү чагыла. Күбесе котычкыч бу хәлгә әле дә ышанып бетә алмаган кебек. Бер-бер артлы машиналар килеп туктап, өч мәетне чыгарып тезделәр. Рафаэль абый, Фәридә апа, урталарында – 18 яшьлек кызлары Камилә ята. Йөзләре тыныч, матур. Аларның җаннары тынган инде. Без – җир йөзендә калучыларны исә кем тынычландырыр? Безгә алдагы көннән ни көтәсе дә, балаларны нәрсә өмет итеп үстерәсе? Берьюлы өч мәетне күреп, озатырга килүчеләрдә гаҗизлек, көчсезлек хисе тагын да артты бугай. Бериш хатын-кызлар шул хисләрне күтәрә алмыйча, ахыр чиккә җитеп тулган шар шикелле шартлап, хәсрәтле елауга күчте. Мәет өстендә елау мөселман гадәтенә каршы килә. Мулла эшне тиз тотты. Өстәвенә, төннән бирле буран котыра. Мәетләрне Рафаэль абыйның әтисе җирләнгән Әлдермеш авылына кайтарып җиткерәселәре бар.

Әйе, төннән бирле буран котыра. Кыш башланганнан бирле беренче көчле буран. Әйтерсең лә, табигать үзе адәм баласының вәхшилеген күреп нәфрәтләнә…

Фәридәбез белән әнә шулай көтмәгәндә мәңгегә хушлаштык. Ул инде лаеклы ялда иде. Эштән китсә дә, редакция тормышы белән кызыксынып торды. 25 декабрьдә исә коллективыбызны Яңа ел белән котларга үзе килде. Белеп килгән диярсең. Безнең белән хушлашуы булган икән…

 

Чыганак: Мәдәни Җомга

Запись Казандагы фаҗига турында: “Баскан җирендә ут уйнаткан Фәридәбез иде” [хушлашу видеосы] впервые появилась Tatar Today - татар яңалыклары..

Җырчыны яшәтүнең тагын бер формасы – аның репертуарын яшәтү. Рифат Әхмәтович билгеләп үткәнчә, концертның төп үзенчәлеге – аның Илһам Шакиров башкарган җырлардан гына торуы.
– Билетларның 30 процентын гына сатабыз: безнең һәм сезнең сәламәтлек – беренче урында. Иң затлы тамашачыны җыеп, зәвыклы, сыйфатлы концерт программасы күрсәтергә җыенабыз, – диде ул.

Илһам Вәлиев исә тамашаны килеп күрергә тагын бер сәбәп булуын әйтте:
– Илһам Шакировның җырларын кечкенәдән тыңлап, кушылып җырлап үстем. Шуңа да, концертка әзер, дисәк тә буладыр. Җырларның төрлесен җырлыячакбыз: дәртлесен дә, салмагын да. Тамашачыны кызыксындырырдай дуэтлар да булачак. Кичә кунаклары – Фердинанд Сәлахов, Руслан Сәйфетдинов, Гөлсирин Абдуллина, Рәнис Габбазовлар белән җырларга исәп.

Рифат Фәттахов Илһам Вәлиев кебек профессиональ җырчы белән Ваһапов фестиваленең яшь җырчылары бер сәхнәдә чыгыш ясауны соңгылары өчен зур имтихан булуын да искәртте

Чыганак: Ваһапов фестивале телеграмы

Запись «Бер генә җырчының Илһам Шакировка багышлап концерт куйганы юк иде әле…» впервые появилась Tatar Today - татар яңалыклары..

Мәүлид ән-Нәби тантаналары Болгар ислам академиясе бинасында чарага чакырылган шәрәфле һәм дәрәҗәле кунаклар һәм катнашучыларның бергәләшеп ахшам намазы укуы белән ачылды. Намаз укып дога кылганнан соң, барлык катнашучылар академиянең күпфункцияле залына күчте. Кичәнең махсус кунагы буларак Мисырдан танылган нәшидче Мостафа Атиф чакырылды. Ул тантананы Кәлам Шәрифтән аятьләр укып башлап җибәрде. Кичәне шулай ук татар телендә нәшид һәм мөнәҗәтләр белән Татарстанның атказанган артисты Марсель Вәгыйзов, дини эчтәлекле җырлар авторы Ильяс Халиков, ТР баш казые Җәлил хәзрәт Фазлыевның шәкертләре – Балтач районы балалар хоры куандырды, 6 яшьлек Арыслан Сибгатуллинның касыйдәләр башкаруы бизәде.

А капелла рәвешендәге музыкаль чыгышлар Коръән уку, вәгазьләр һәм рәсми чыгышлар, котлаулар белән үрелеп барды. Әйтик, кичәдә ТР Дәүләт Советы рәисе Фәрит Мөхәммәтшинның телеграммасы җиткерелде: “Хөрмәтле Камил хәзрәт! Сезне һәм Татарстан Республикасында яшәүче барлык мөселман кардәшләребезне чын күңелдән Мөхәммәд пәйгамбәрнең туган көне – изге Мәүлид бәйрәме белән котлыйм. Күп гасырлар дәвамында кешелеклелек идеаллары, уртак мәдәни кыйммәтләр республиканың күпмилләтле халкын берләштереп тора. Сез җитәкләгән Диния нәзарәте җәмгыятьнең рухи-әхлакый тотрыклылыгына, конфессияара мөнәсәбәтләрдәге татулыкка, Татарстан җирендә тынычлыкны һәм иминлекне ныгытуга зур өлеш кертә. Бу бәйрәм көнендә мөселман өммәте Аллаһыга, үзенең сөекле Рәсүлен якты дөньяга җибәргәне өчен ихлас күңелдән шатланып, рәхмәт догаларын ирештерә. Кардәшләребез өстәмә намазлар укый, бөек Коръән китабын укуга якыная, ярдәмгә мохтаҗ булганнарны һәм якыннарын кайгыртып игелек кыла. Хөрмәтле Камил хәзрәт! Киләчәктә дә Сезгә һәм республикабызның мөселманнарына исәнлек-саулык, тынычлык һәм иминлек телим. Мәүлид бәйрәме Исламның рухи нигезләрен тагын да ныгытсын. Ә саф ниятләр һәм изге гамәлләр гомеребез юлында тугры юлдаш булсын”.

Төп сәламләү сүзләре белән мөселман кардәшләребезгә Татарстан мөфтие Камил хәзрәт Сәмигуллин мөрәҗәгать итте.

– Хәдисләрдән билгеле булганча, Пәйгамбәребез ﷺ дүшәмбе саен ураза тоткан. Ни өчен дигән сорауга ул: «Бу минем туган көнем», – дип җавап биргән. Димәк, Рәсүлебез ﷺ атна саен үзенең дөньяга килгән көнен ассызыклап, билгеләп уза торган булган. Аллаһы Тәгалә Коръәни Кәримдә әйтә: «(Рәсүлем!) Әйт: “Аллаһның фазылы (булган Коръән Кәрим) белән һәм Аның гына рәхмәте (булган Пәйгамбәре, Ислам һәм сөннәт) белән (бәхетле булсыннар), шуңа гына шатлансыннар. Ул (илаһи фазыл һәм рәхмәт) алар туплаганнардан яхшырак». («Юныс» сүрәсе, 58-нче аять). Ягъни фазыйләтләргә, пәйгамбәрләргә шатлану – ул безнең бурыч. Ә рәхмәтләр арасында иң зурысы – Мөхәммәд Пәйгамбәрнең ﷺ дөньяга килүе. Бу хакта Каләм Шәрифтә болай диелә (мәгънәсе): «(Рәсүлем!) Без сине (җеннәр, фәрештәләр, кяфер һәм мөселман барча кешеләрне кертеп,) бөтен галәмнәр өчен бер рәхмәт итеп җибәрдек» («Әл-Әнбия» сүрәсе, 107-нче аять). Пәйгамбәребез ﷺ булмаса, Коръәнне дә, Сөннәтне дә белмәс идек.

Тантанада катнашучылар алдында шулай ук  ТР Президенты Аппаратының эчке сәясәт Департаменты дини берләшмәләр белән багланышлар идарәсе башлыгы Альберт Дирзизов чыгыш ясады. Ул Татарстан Президенты, республика җитәкчелеге исеменнән котлаулар җиткерде, күркәм теләкләр әйтте, Мәүлиднең матур гадәткә әйләнгәнен билгеләп үтте. “Бу бәйрәм пәйгамбәребезнең ﷺ бөтен кешелек дөньясына бүләк итеп калдырылган бөек мирасын искә алырга мөмкинлек бирә”, – диде ул.

Бөтендөнья татарлар конгрессы рәисе Данис Шакиров Милли Шура башлыгы, ТР премьер-министры урынбасары Васыйл Шәйхрәзиевнең сәламнәрен җиткерде. Конгресс җитәкчесе Татарстан мөфтие Камил хәзрәт Сәмигуллинга татар милли-дини гореф-гадәтләрне һәм туган телне саклап калу мәсьәләләрендә тырышлыклары һәм Диния Нәзарәтенең бу өлкәдәге күпкырлы эшчәнлекләре өчен тирән рәхмәтен белдерде. Ә Истанбулдагы Мәрмәрә университетының теология факультеты деканы урынбасары, доцент, доктор Мөхәммәд Абай үз чыгышында Татарстан мөфтие Камил хәзрәт Сәмигуллинга Мәүлид-ән-Нәби бәйрәмен оештырган өчен рәхмәт белдерде. Мондый чараларның безгә яраткан Пәйгамбәребезне искә төшерергә мөмкинлек бирүен һәм аңа булган мәхәббәтебезнең безне бөтен тормышыбыз буена озата баруын билгеләп үтте.

РФ мөселманнары Диния нәзарәте рәисе урынбасары, Мәскәү шәһәре Диния нәзарәте рәисе Илдар хәзрәт Галәветдинов Татарстандагы дин кардәшләрне РФ мөселманнары Диния нәзарәте башлыгы Равил хәзрәт Гайнетдин исеменнән сәламләде, Мәүлид белән котлап, аны Пәйгамбәребез Мөхәммәднең тууына багышланган әһәмиятле, якты чара дип атады һәм Рәсүлебезнең ﷺ барча кешелек өчен Аллаһы Тәгалә тарафыннан рәхмәт буларак җибәрелгәнлеге, кешелеклелек, мәрхәмәтлелек һәм ачыклык үрнәге, кешеләргә хак юлны күрсәтүче булуын ассызыклады. Илдар хәзрәт сөекле Пәйгамбәребез һәм мөселманнарның кардәшлеге турында эчтәлекле вәгазь сөйләде. Ул анда диндәге кардәшлеккә лаеклы булып, гомер буе аңа тугрылыклылык күрсәтеп яшәргә кирәклеген билгеләп үтте. Илдар хәзрәт Галәветдинов шулай ук бу көннәрдә Болгар ислам академиясендә бара торган чараларны югары бәяләде. “Чынлыкта безнең барыбызда да искә төшерүләргә, үгет-нәсыйхәтләргә, рухи тирәлеккә ихтыяҗ зур. Алар безне матди яктан да, рухи яктан да баета. Без үзебез яшәгән шәһәрләргә һәм төбәкләргә рухланып кайтып китәбез”, – диде ул.

Үзенең җылы теләкләрен һәм күркәм котлау сүзләрен Болгарда җыелган дин кардәшләргә Дагыстан мөфтие, шәех Әхмәд хаҗи Абдуллаев юллаган. Аның рәсми мөрәҗәгатен ярдәмчесе Ильяс хаҗи Умалатов укыды.

Тулаем алганда, чыгыш ясаган мәртәбәле кунакларның һәрберсе Мәүлид уңаеннан үзләренең шатлыгын уртаклашты һәм Россиянең төрле почмакларыннан килеп Болгар ислам академиясендә бергәләп җыелуларына куанычларын белдерде.

Мәүлид дога кылу һәм популяр артист Мостафа Атеф һәм башка музыкантлар башкаруында татар халкының гимны – “Туган тел”не җырлап тәмамланды. Җырны а капелла рәвешендә көйләүгә кичәнең барлык катнашучылары кушылды.

Быел 17 октябрьдә кояш баеганнан соң, һиҗри календаре буенча мәртәбәле айларның берсе – Рабигыль-әүвәл ае башланды. Бу ай – Пәйгамбәребез Мөхәммәд ﷺ туган ай. «Мәүлид» сүзе гарәпчәдән  «туу» , «Мәүлид ән-Нәби» Аллаһ Илчесенең ﷺ дөньяга килүен аңлата. Татарстан мөселманнары өчен мәчетләрдә Пәйгамбәрнең ﷺ дөньяга  килүенә ихлас күңелдән шатлануны белдереп, ай дәвамында төрле чаралар үткәрелә. Алар Аллаһ Рәсүленең ﷺ тормышын өйрәнүне, аңа күпләп салаватлар әйтүне, Коръән аятьләрен уку, догалар кылу, вәгазьләр сөйләүне үз эченә ала. Мәүлид мәҗлесләре Пәйгамбәребез ﷺ узган юлны һәм аның сөннәт гамәлләрен искә төшерүне, аның күркәм әхлакый үрнәген өлге итеп алуны, рухыбызны тәрбияләү һәм ныгытуны максат итеп куя.

Чыганак: Дум.рт

Запись Мәүлид кичә Туган телне җырлап тәмамланды впервые появилась Tatar Today - татар яңалыклары..

-Вы мне дадите поспать в конце до концов! У меня давление. Я больная, дип кычкырды да, җавап бирүче булмагач, урынына ятып минут эчендә тагын рәхәтләнеп гырлый-гырлый йоклап та китте. Аңа рәхәт, система каравыллап, үрдәк куярга көтеп утырасы юк. Ник кенә мин дә йоклаганга сабышып ятмадым икән,дип, уйлап куйды Зәлия дә. Хәер, барыбер йокламыйм бит инде, утыр әйдә, тыныч кына, дип үзен тынычландырган булды. Дарулар салынып бетеп, туташлар ишекне ябып чыгып киткәннән соң да йокы кермәде әле күзенә. Аның каравы күңелдә әллә кайчан булган хәтирәләр дулкыны күтәрелде.

Сәгать иртәнге алты тулуга, шәфкать туташы кереп дару сәдәфләре өләшеп чыкты, ул арада палатадаш дуслар да күзләрен ачып, якты көнгә сәлам бирде. Иртәнге анализларны  тапшырып кайтканнан соң, төн буе тын алганы да сизелмәгән, кул-аягын кымшатып та карамаган яңа авыруны исәнме икән ул, дип, Зәлия яныңа барып басты. Исән икән, күзләрен ачмый гына бик нык авырлык белән, мөмкин булса, бер йотым су гына бирегезче, дип үтенде.

-Сезгә операция ясамадылармы? Операция ясасалар, су эчәргә ярамый бит.

-Юк, миңа операция булмады. Суу, дип ялварды.

-Эчмәгез, авызыгызны гына чайкагыз, дип стакан төбенә генә су агызды.

-Хәлегез бик авыр, ахрысы. Балаларыгызга, я туганнарыгызга сезнең янда кунарга рөхсәт биргән булырлар иде. Врачлардан сорыйсыгыз калган. Хәер, тиздән передачалар ташый башлыйлар, сезнекеләр дә килеп җитәрләр.

Әби  дәшмәде, авыр сулап, күзләрен йомган көе ята бирде.

Иртәнге смена алышынуга палатага бер төркем врачлар кереп тулды. Кулларына тоткан папкага күрсәтә- күрсәтә, кеше аңламый торган  сүзләр кыстырып, әбине боргалап та, суккалап та карадылар. Күлмәген күтәргәч, кырый күзе белән генә карап та хәйраннар калдым яшь хатын аңа. Шыр сөякне тире белән тарттырып кына куйган кебек. Берәр җире ялгыш ертылып китсә, бетте, тарала дә китә әбиең. Операция дигән сүз чыккач та колакларын шомарткан иде дә, аңлый гынана алмады. Диета дигәне яхшы аңлашылды. Әһә, диета тотмаган икән әбиең. Калган авыруларга врачлар күз йөртеп кенә алдылар да, яхшы, дәваланыгыз, дип чыгып та киттеләр. Башка көннәрдә алар чыгып китүгә, карават өстенә сикереп диярлек менеп утырып һәрберенең чирен уртага салып, баштанаяк үзләре анализлап, врачларның хаталарын тикшереп мәш килгән авырулар да бүген авызларына су капкан диярсең. Караватка аякларны йога яратучылар кебек бөкләп менеп утырсалар да, сүзнең оеткысы сыек булды.

Иртәнге ашларны ашап, процедураларны кабул итеп, Берлинны алган кебек кәнәгать кыяфәт белән палатага кайтып керсәләр, әбигә ашарга алып кермәгәннәрен күреп аптыраштылар. Шәфкать туташы гына сорауга, аңа әлегә ашарга ярамый дигәч, тынычланып калдылар. Барысына да операция алдыннан һәм ул узганнан соң ач торырга туры килгәнлектән, әбине кызганып куйдылар  куюын. Бераздан әби тагын бер генә йотым дип су сорады. Җәен туры китереп Зәлия әбигә сорап бирде.

-Әби, нишләп туганнарыгыз килмәде? Әллә сезнең больницада икәнне белмиләрме?

Әби бик озак дәшмәде. Ниһаять, иреннәрен кыймылдатыр- кыймылдатмас кына итеп, беркемем дә юк минем, диде.

-Берүзегез яшисезмени?! Хәлегез бик авыр бит. Әллә кайчан ятарга кирәк булган сезгә.

Әйе, дигән кебек, әби баш какты.

-Мин картлар йортында яшим. Шуннан китерделәр.

Бүлмәдәгеләр авызларын ачып катып калды. Картлар йортларында яшәүчеләрне телевизорлардан еш күрсәтәләр. Әби- бабайлар бик риза булып яшәп яталар анда. Чигү чигәләр, шашка- шахмат уйныйлар, ишек алларында аллы- гөлле чәчкәләр, зәңгәр чыршылар үсеп утыра. Чып- чын санаторий инде. Ялгыз карт- карчыкларга ни кирәк инде тагын.

Чыганак: Авыл хатыны группасыннан

Запись “-Мин картлар йортында яшим. Шуннан китерделәр…” [дәвамы бар] впервые появилась Tatar Today - татар яңалыклары..

Андый язмышлы йортлар һәр авылда бар. Иң аянычлысы шул: аларның саны артканнан-арта. Һәр йортның үз язмышы… Бу язма шул хакта.

Чыганак: Тулпар

Запись “Андый язмышлы йортлар һәр авылда бар. Иң аянычлысы шул…” впервые появилась Tatar Today - татар яңалыклары..

“Китте Әбиебез….Бабай янына, Рөстәм абый янына….
Узе эйтмешли «Озыыын гумерлэр ( узе шулай эйтэ иде бу сузне) биргән мина алла бабай, кызым» дип… кет-кет көлеп тә куя иде ахырдан, Әҗәлне алдаган Әлмәндәр сымак” -дип яза җырчы үзенең инстаграмында.

View this post on Instagram

A post shared by ❤️Алина Сафиуллина певица РТ (@alina_safiulllina)

Запись Җырчы Алинә Сафиуллина гаиләсендә авыр кайгы впервые появилась Tatar Today - татар яңалыклары..

Видеоязма астында кулланучылар да төрле комментарийлар калдыралар. Менә шуларның берсе:

“Пиар ясады инде үзенә…Син бит үзең дә аекка ошамаган. Бәлки шул юбилейдан аек кайтмаганга эләккәндер үзеңгә?…”

Сөмбел үзе “Интертат” аша халыкка мөрәҗәгатендә ул видеоны кызган вакытында төшерүен һәм әтисе белән мөнәсәбәтләре  яхшыруын әйтә. Бу видеоны төшергәне өчен үкенүен дә белдерә.

Запись Сөмбел Заһидуллинаны әтисе кыйнау дөрес хәлме, пиар-адыммы, әллә заман фаҗигасеме? [видео] впервые появилась Tatar Today - татар яңалыклары..