Чара балаларны яклау көне уңаеннан оештырылды. “ARTist Family»студиясе артистларының иң кечкенәсенә 8 яшь, иң зурысы исә быел 9 сыйныфны тәмамлый. Спектакль ел дәвамында әзерләнгән. Көндәлек репетицияләр, озын-озын текстлар, хореографик номерлар, финал җыры – бик куп хезмәт куелган. Балаларның һәрберсе – чып-чын артист: сәхнәдә үз-үзен тотышы, йөреше, интонациясе, тавыш куелышы –  әфәрин, тырышлык юкка китмәгән.

“«ARTist Family» җитәкчелеге безгә тәкъдим белән мөрәҗәгать итте,” – дип сөйли «Исполнение мечты» хәйрия фонды директоры Эльмира Хисамова – “Балаларның күңеле изгелеккә омтылган, аларга ярдәм итү, игътибар, яклауга мохтаҗ балалар белән тоташтыру безнең бурычыбыз иде.”

Дәрвишләр бистәсендәге балалалар йортында тәрбияләнүче сабыйлар яшь артистларны бик шатланып каршы алды. Мондый чара алар өчен чын бәйрәм. Кунаклар да буш кул белән килмәгән. Һәр баланы татлы күчтәнәчләр, куен дәфтәрләре, ябыштыргычлар сөендерде. Хәйрия фонды ярдәм йөзеннән балаларга киемнәр, подгузниклар, китаплар, өстәл уеннары да тапшырды.

Шунсы да мөһим, бу чыгышлары белән балалар изгелек кыла, куңелләре белән яхшылыкка омтыла. Димәк, алар яшьтән үк мәрхәмәтле, игелекле кеше булып үсәчәк.

Запись “Мондый чара алар өчен чын бәйрәм” – балалар йортында хәйрия спектакле впервые появилась Tatar Today - татар яңалыклары..

“Сайра, әйдә, сандугач” җырын башкарганда Фирдүс Тямаев залга төшеп бар халыкны биеткән. Халык аягүрә торып, кул чабып, кушылып җырлап, рәхәтләнеп биегән.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Шулай ук концертта татар эстрадасының танылган артистлары: Асылъяр, Алмаз Мирзаянов, Гөлдания Хәйруллина, Нурзадә, Илсур Мортазин, Алинә Давыдова, ИлСаф, Азат Тимершәех, Фирүс Тямаев, Эльвира Хамматова, Гөлнара Габидуллина, Люция Мусина, Венер Салимов һәм башкалар чыгыш ясаган.

Запись Фирдүс Тямаев шыгрым тулы залны аягүрә бастыра [видео] впервые появилась Tatar Today - татар яңалыклары..

Казанда Себердәге Тугыз авылына ярдәм оештыру турында Азатлык хәбәр иткән иде. Мәчетләргә, шәһәрнең тагын берничә ноктасында халык акча, кирәк-ярак көнкүреш әйберләр, ашамлыклар һәрдаим китереп торган. 19 май яшь татар альтернатив башкаручылары үзләре теләк белдереп Татар яшьләре форумы рәисе Тәбрис Яруллинга хәйрия концерты үткәрү тәкъдиме белән чыкканнар.

“Бу проблема башта социаль челтәрдә күтәрелде. Аннары ул китә башлады, чишелде кебек. Әмма анда татарлар шул ук хәлдә калалар. Без кешеләрнең игътибарын җәлеп итеп, шундый чара оештырырга уйладык. Акча җыелса, тулысынча аларга күчерәчәкбез”, диде хәйрия чарасы координаторы Рәдиф Кашапов.

Рәдиф Азатлык хәбәрчесенә, “Татарларга татарлардан башка кем булышсын” дигән фикер дә әйтте. Егетләр моны милли хис дип санамый. Бу алар өчен табигый хәл, кешеләргә булышу.

Концертта татар альтернатив музыкасы әйдаманы Мубай белән беррәттән Эльнар Байназаров, Зәринә Вилданова, Оскар, “Juna” төркеме кебек яшь башкаручылар да чыгыш ясады.

Керү бәясе 300 сум булды, концерт карарга килгәннәрнең күбесе яшьләр. Буш урыннан күренмәде диярлек, хәтта урын җитмичә басып караучылар да шактый иде.

“Әлеге концерт бәлага тарыган халыкка ярдәм күрсәтергә тиеш. Икенче яктан, ул мең чакрым ераклыкта яшәсәк тә, татарлар татарга ярдәм итәргә әзер дигәнне чагылдырырга тиеш”, ди ярдәм чарасы оештырган төп координаторларның берсе Тәбрис.

Тамашачылар да бу концертның ни сәбәпле оештырылганын белеп килгәннәр.

“Иң беренче чиратта, хәйрия максатыннан килдем монда. Икенчедән, яңа форматта булган милли көйләрне тыңлау теләге бар иде. Яңа төркемнәр, яшь буын җырчылар, сыйфатлы музыка ишетәсе килде”, ди билгеле яшь тарихчы Айрат Фәйзрахманов. Аның фикеренчә, бу йөрәктән килә торган хәрәкәт һәм аны хупламыйча булмый.

“Ул авылда булган коточкыч хәлләрне без барыбыз да беләбез”, дип сүзгә кушылды хәйрия чарасына килгән Гөлнар. Ул күп булмаса да, акчалата ярдәм итү йөзеннән килгән. “Альтернатив концерт та бик ошый. Ул яшьләр өчен дә, олылар өчен дә кызыклы. Кеше дә күп җыелган. Ике максатны берләштереп, бик матур концерт узды”, дип белдерде ул.

Тугыз авылана ярдәм чарасын оештыручылар хәбәр иткәнчә, хәйрия концертыннан 22 820 сум акча җыелган. Язма әзерләнгәндә Татарстанның “Сервис-агро” ширкәте башлыгы Габделхәй Кәримовның су басудан зыян күрүчеләргә 100 мең сум акча күчерүе хакында мәгълүмат килде.

Запись Су баскан Тугыз авылына ярдәм концертында: “Татарга татардан башка кем булышсын” [видео] впервые появилась Tatar Today - татар яңалыклары..

Хәйрия концертында катнашучы альтернатив башкаручылар

“Яшәү” берлеге волонтерлары “Без – бер гаилә” дигән проект башлап җибәргән. Аның кысаларында яшьләр балалар йортларына, тернәкләндерү үзәгендә тәрбияләнүче сабыйларга ярдәм күрсәтә икән. Проект җитәкчеләренең берсе Ленар Хәйруллин Волжскидагы “Надежда” үзәге турында ишеткәч, битараф кала алмадык, дип белдерде. Анда 18 яше тулмыйча авыр хәлдә калган, әти-әниләре кыйнау, җәберләү сәбәпле өйләреннән качкан балалар яши. Кайберәүләренең ата-аналары үз хокукларыннан мәхрүм ителгән. Ленар сүзләренчә, әлеге үзәккә алар бәйрәмнәрдә бүләкләр, кызыклы програмнар, мастер-класслар әзерләп килә торган булганнар. “Хәйрия концертын беренче тапкыр үткәрәбез, ләкин бу соңгысы булмас. Ят балалар булмый. Аларга булышкач, без икенче юлы Казандагы авыр хәлдә калган сабыйларга ярдәм итәргә ниятлибез”, ди ул.
“Яшәү” берлеге барлык хәйрия концертларын үз акчаларына оештыра. “Дәүләттән ярдәм булмаса да, кайбер шәхси затлар, оешмалар финанс яктан булышалар, безнең проектны хуплыйлар. “Траттория” рестораны да концерт өчен залны бушка бирде”, диде Ленар. “Без бер гаилә” проекты “Надежда” үзәге балалары өчен мәйданчыклар, уйнау урыннары да булдырмакчы.

Хәйрия концертына булса да, ял итәргә килгән тамашачыларның күбесе татар альтернатив музыкасын ишеткәч шаккатты. Чөнки кичке вакытта ресторанда үтүче хәйрия чаралары күп очракта рус телендә, яисә татар эстрада җырларыннан корылган була. Монда исә, Илгиз Шәйхразиев, Зәринә Вилданова, Алканат төркеме, Рәдиф Кашапов кебек башкаручылар тере тавышка, музыка уен коралларына кушылып җырлады.

“Без барыбыз да татарлар, безнең үз телебез, динебез бар. Без берничек тә русча гына җырлый алмыйбыз. Кунаклар арасында рус милләтле кешеләр дә рәхәтләнеп татарча тыңлый”, ди Ленар Хәлиуллин.

Илгиз Шәйхрәзиев фикеренчә, ятим балалар, кызганыч ки, булды, бар һәм булачак. Ә җәмгыятьнең төп бурычы – аларга булышу. “Дәүләт, берәр оешма кайчан кул сузар дип көтәсе түгел, һәрберебез ятимнәр йортына барып ярдәм күрсәтергә тиеш. Бәлки алар борып та җибәрер, кем белә”, ди җырчы.

Илгиз өчен хәйрия концертын кемгә оештырулары мөһим булмаса, чараны алып барган Айрат Ильясов, алдан шалтыратып барысын да сорыйм, ди. Шоумен сүзләренчә, соңгы вакытта хәйрия үткәрәм дип алдаучылар күп икән.

Айрат Ильясов хәйрия чараларыннан аерым, балалар йортына бармый икән. Аның хатыны, әнисе үзләре барып та ярдәм итәләр, ә Айрат андагы мохитне авыр кичерүен, бүгенге кебек чаралар аша гына булышырга тырышуын әйтте.

Хәйрия концертына керү билеты 300 сум иде. Оештыручылар барлык җыелган акчаларны тернәкләнү үзәгенә илтеп бирергә ышандырды.

Запись Ата-аналар кыйнавыннан качкан балаларга татарча ярдәм концерты оештырылды [видео] впервые появилась Tatar Today - татар яңалыклары..