Ул гел безнең янда булырга тырышты. Аз гына ялы була икән, безгә кайта иде. Без зур инәйне картый дибез, ул авырса, аның янына кайта, бу якларда гастрольдә йөрсә, чәй эчәргә булса да кереп чыга иде. Без – картый, мин, Хәния апа – бергә йоклый идек. Шул чакта мин әнигә дә сөйләмәгән серләрне аңа чишәм. Ул тыңлый һәм киңәшләрен бирә.

Җәй булса, иртән җиләк җыярга чыгып китәбез. Бик оста иде бит ул. Бармаклары тиеп кенә китә, иң эре җиләкләр бидрәсендә була иде.

Өч ел үтте, мин әле дә аның киткәненә ышана алмыйм. Күз алдымда вафат булса да, табиблар, ул вафат дип расласалар да, кабул итеп булмый. Бөтен нәрсәне дә булдырган Хәния апа бит ул. Төшләремдә мин аның кайтуын күрәм. Беләм инде, Хәния апа кебек кеше башка юк, булмаячак та.

Чыганак: Ватаным Татарстан, Гөлинә Гыймадова

Запись Хәния Фәрхинең туганы Галия Ибәтуллина: «Күз алдымда вафат булса да, кабул итеп булмый » впервые появилась Tatar Today - татар яңалыклары..

Видео Гөлназ Шәйхинең инстаграм битеннән алынды

Запись Хәния Фәрхи истәлеге: телне, мәдәниятны саклап калырга күп урын яулап алган ул… [видеоинтервью] впервые появилась Tatar Today - татар яңалыклары..

“Хәния апа истәлегенә”, дип язып куйган Илсөя. Тамашачылар Илсөя Бәдретдинова башкаруында бу җырны үз итә. Видео астында комментарийлар да шуны сөйли. Халык Бәдретдиновага бу җыр килешә дигән фикердә.

View this post on Instagram

A post shared by Ильсия Бадретдинова (@ilsiiabadretdinova)

Запись Илсөя Бәдретдинова Хәния Фәрхинең хит җырын башкара [видео] впервые появилась Tatar Today - татар яңалыклары..

Картыйләрен (оныклары шулай дәшә) котлап, Галия Ибәтуллина (Хәния Фәрхинең сеңлесенең кызы) Инстаграмга фото кертә.

https://www.instagram.com/p/BgHTXt9gzt4/?taken-by=galiya_ibatullina

Запись Хәния Фәрхинең әнисенең бүген туган көне, аңа ничә яшь? впервые появилась Tatar Today - татар яңалыклары..

Алия ГӘРӘЕВА (Хәния Фәрхи кызы, өч бала әнисе):

Гадәттә, Әниләр көнендә ике әнине котлыйбыз, аларга чәчәкләр һәм бүләкләр бирәбез. Күбесенчә файдалы, кирәкле әйберләр алырга тырышам. Әйтик, бер елны матур шарф, яулык бүләк иттем. Үземә балаларым үз куллары белән ясаган бүләкләр бирә. Әни кеше Әниләр көнендә генә түгел, һәркөнне кадерле булырга тиеш. Мондый бәйрәмнең булуы әйбәт. Әниләрне искә алу, игътибарны арттыру өчен кирәк ул бәйрәм. Мин балаларга кирәк вакытта кырыс һәм таләпчән. Әйтик, укуларына карата, өйдәге пөхтәлеккә, чисталыкка, тәртипкә карата. Ләкин шул ук вакытта балаларның үтенечен игътибарсыз калдырмаска тырышам, уңышлары өчен мактыйм. Үземне дә шулай тәрбияләделәр. Әти таләпчән булды, әни бик йомшак иде, беркайчан да тиргәмәде.

Запись Хәния Фәрхинең кызы Алия: «Әти таләпчән булды, әни бик йомшак иде» впервые появилась Tatar Today - татар яңалыклары..

“Хәния кулында гап-гади гармун да искиткеч яңгырый иде”

Гөлзада РЗАЕВА, «Энергетик» мәдәният йорты директоры:

“Чаллы кешесе Габделхәй Биктаһировка кияүгә чыккач, ул Казаннан Яр Чаллыга күченеп килә. Шулай итеп, “Энергетик” мәдәният йортында яңа солистка пәйда булды һәм беренче көннән үк үзе турында яхшы фикерләр тудырды. Чын артист – талантлы җырчы, чибәр һәм сөйкемле хатын-кыз. Хәтта гап-гади гармун да аның кулында үзенчәлекле булып яңгырый иде. Аның һәр җыры мәңгелек турында ачык “сөйләшү” иде – тормыш, мәхәббәт, аерылу, бәхет турында… 

Ләкин иң мөһиме – Хәния нинди генә очракта да сокландыргыч булып кала иде. Моның сере матур киемдә дә, прическада да түгел, ә аның чиста күңелендә. Иҗатын яратучы булсынмы, гади сөйләшүче булсынмы – кешеләрне үзенә тарту көчендә иде. Аның йөрәге кешеләр өчен һәрчак ачык иде, ул авыр минутта иң беренче булып ярдәмгә килә иде. Мондый нәрсәләр онытылмый. 

Хәниянең үлеме турындагы хәбәр аяз көнне яшен суккандай тәэсир итте. Моны гайбәттер дип уйладым, ләкин алай булмады… Йөрәктәге яра бетми, аңа бит әле рәхәтләнеп иҗат итәсе, тамашачыларны сөендереп кенә яшисе иде. Иманым камил, аның гомере җырларында мәңгелек булачак”.

“Хәниядә йолдызлык чиренең эзе дә юк иде”

Әнисә ВӘЛИЕВА, КДМЦ перинаталь үзәге табибы:

“Бүгенге көнгә кадәр бәхетле әти-әни – Хәния Фәрхи һәм аның ире Габделхәй Биктаһировларның фотосурәтләрен кадерләп саклыйм. Әнисенең кулында кече кызлары Алсу. Ул Чаллы шәһәренең №1 бала тудыру йортында дөньяга килде. 

Барысы да кичә генә булган кебек. Ул вакытта мин бала тудыру бүлеге мөдире булып эшли идем һәм популяр җырчы мине беренче минутларда ук сөйкемлелеге, гел елмаеп торуы белән таң калдырды. Кайбер бала табучылардан аермалы буларак, сабырлыгы белән аерылып торды – үзен һаваланусыз, масаюсыз тотты. Хәтта йолдыз чиренең эзе дә юк иде, аерым палата турында да сорау булмады – Хәния Фәрхи алты кешелек, гомуми палатада ятты. Икенче көнне үк, 1995 елның 24 декабрендә, җиңел генә кыз бала тапты. Хәниянең йөзе шатлыктан балкый иде: “Мин шундый бәхетле! Кирәк бит, кызым, нәкъ безнең никах һәм туй көнендә туды!”. 

Хәния хастаханәдә булган вакытта без аның белән еш сөйләштек, ул үзе, сәхнәгә килүе турында сөйләде. Аның гаиләдә бик бәхетле икәне күренеп тора иде – ире кайгыртучан, мәхәббәтле мөнәсәбәттә иде, хастаханәдән чыккан көнне дә аңа бик матур чәчәк бәйләме, миңа алтын муенса  бүләк итте. Аннан соң инде мин Хәниянең концертларына йөри башладым, аңа безне дуслаштырган кышкы кичләрнең истәлеге итеп ак канәфер чәчәкләре бүләк итә идем. Хәзер аның җырларын тыңлыйм да, күзгә яшьләр тула: һәркемгә дә ачык йөрәк белән яшәү язмаган шул. Аңлыйм, халыкның яраткан җырчысы, еш гастрольләргә йөреп, тамашачылары белән үзенең хис-кичерешләре белән бүлешеп, аларга үз йөрәген ачкандыр. Казанга аны искә алу кичәсенә барып, кызы Алсуны кочакларга һәм аңа ак канәферләр бүләк итәргә телим”.

 “Икенче мондый Хәния инде булмаячак”

Наил МӨХӘММӘТҖАНОВ,  «Болгар» бию ансамбле оркестры музыканты:

“Өч ел дәвамында, 2002 елдан 2005 елга кадәр, мин Хәния Фәрхи оештырган “Бәйрәм” ансамбледә баянчы булып эшләдем. Ул авылдан чыккан чын талант иде – барлык концертларының режиссеры да, сценаристы та. Ул һәрвакыт репертуарын җентекләп сайлый, сәхнәдә җырдан спектакль тудыру өчен күп әзерләнә иде. 

Ул профессиональ драма артискасы. Шуңа күрә гаҗәп тә түгел, аның һәр җыры шундук халыкныкына әйләнә иде. Башка җырчылардан Хәния Фәрхи үзенең харизмасы белән аерылып торды. Ышанмассыз да, әмма мин сәхнәдә аннан нинди көчле энергия ташып торганын сизә идем, бу гипноз сеансындагы кебек, ул тыңлаучыларны әсир итә иде. Ул зур залларда да, кечкенә авыл клбуларында да чыгыш ясады- һәрвакыт аншлаг. 

Ул елларда коллективта 20 дән артык кеше иде, без аның белән ярты ел гастрольләрдә йөрдек һәм һәрвакыт аппаратураны көйләп куяр өчен Хәниядән алда килә идек. Ул кояш кебек балкып чыга иде, репетицияне башлар алдыннан беренче чиратта, безнең хәлләрне белешә иде. Бервакытта да онытмыйм, сәламәтлеккә бәйле проблемаларым килеп чыккач, ул миңа бик нык ярдәм итте.  Чабаксар клиникасындагы кыйммәтле операцияне һәм дәвалауны үзе түләде. Хәния Фәрхи әле тагын 20 ел үзенең оптимизмы белән безне канатландырып торган булыр иде. Шунысын төгәл беләм: икенче Хәния беркайчан да булмаячак – аны сәхнәдә беркем дә кабатлый алмый, ул башка планета кешесе кебек иде. 

Запись Хәния Фәрхи турында танышлары: «Аның йөрәге кешеләр өчен һәрчак ачык иде» впервые появилась Tatar Today - татар яңалыклары..

Запись Хәния Фәрхинең кырыгы уңаеннан фанатлары флешмоб үткәрәчәк [дата] впервые появилась Tatar Today - татар яңалыклары..

“Оренбург өлкәсе Татар Каргалысында 6нчы Бөтенроссия Сабан туе. 7 июнь, 2015 ел”. Ранил Әмиров шушы фотоны урнаштырган.

  
“Хәтерлим, миңа 8 яшь иде. Ул вакытта әле Башкортстанда яшәмәдем. Анда татар һәм башкорт балалары бик аз иде. Мин һәрвакытта да татар җырларын тыңладым. Бигрәк тә Хәния Фәрхинең ике тасмасын. Миннән: “Синең яраткан җырчың кем?” – дип сорыйлар иде. Мин: “Хәния Фәрхи”, – дип җавап кайтара идем. Барысы да миңа гаҗәпләнеп карый иде. Алар аның кем икәнлеген дә белмәделәр. Ә миңа аларның аның кем икәнлеген белмәгәненә сәер һәм оят иде”, – дип яза Хәния Фәрхине бала чагыннан ук тыңлаган Юлия Газизова-Дәүләтова. 

Индира Бакирова фотосы

Алик Нуриев та үз хәсрәтен эчендә калдыра алмаган. 

Алмаз ШИҺАБЕТДИНОВ

Запись Хәния Фәрхинең фанатлары аның кырыгына флеш-моб оештырырга уйлый впервые появилась Tatar Today - татар яңалыклары..

–        Алия, Хәния апа тамашачысыннан риза-бәхил булып китте дип әйтә аласызмы?

–        Бу һичшиксез шулай. Ничек инде ул риза булмасын? Ул тамашачысын шундый ярата иде! Тамашачысына ул шундый игътибарлы иде, аңа сорау белән килсәләр, беркайчан да юк дип әйтми иде. ВКонтакте да язсалар да, телефонына язсалар да, ул тамашачысы белән аралашырга вакыт таба иде. Тамашачының мәхәббәтен тоеп, бик бәхетле булды ул.

–        Ә бизмәнгә салынган ситуацияләрне, мәсәлән, я концертны, я гаиләдәге берәр вакыйганы сайлыйсы булса, Хәния апа ничек хәл итә иде?

–        Бу сорауга җавап бирү бик авыр. Күңеле белән гаилә яклы булгандыр инде. Ул бит гел безнең турыда гына уйлый иде. Фирүзә апаның (әнинең сеңлесе) бер сүзе бар иде: “Хәниядә генә кызлар, Хәниядә генә кияүләр, Хәниядә генә дуслар, Хәниядә генә кодагыйлар”. Аның өчен гаилә беренче урында иде. Шуңа да карамастан, аның, гаилә чаралары дип, концертларын беркайчан да өзгәне булмады. Бик фаҗигале вакытларында да ул, сәхнәгә чыгып, тамашачысы белән шул кайгысын уртаклашып, бүлешеп, үзендә көч табып, барыбер җырлый иде, барыбер концертларын куя иде, күз яше аша, елап. Беренче урында гаиләме, сәхнәме дигән сорауга җавап юктыр. Гаиләне, сәхнәне аерып булмый, сәхнә дә аның гаиләсе булгандыр.

–        Авыр вакытларында да концертлар куя иде, дидегез. Бәлки, концертлар аның хәлен җиңеләйткәндер? Яраткан эше аны юаткандыр?

–        Шулайдыр.  Бик күп кайгылы хәбәрләрне аңа юлда, концерт куярга барганда җиткерделәр. Ул кем белән аралашсын инде, тамашачысы белән аралаша, бүлешә иде.  Аңа шулай җиңелрәк булгандыр, әйе.

–        Алия, ВКонтакте социаль челтәрендә сезнең әниегез белән җырлаган соңгы җырларыгызны урнаштырдылар. Мәсәлән, “Дөньям» дигән җырыгыз бар икән. Ул җырның сүзләре бик тетрәндерде. Бу җырны сез кайчан яздырдыгыз һәм ул җыр белән кайда чыгыш ясарга ниятләгән идегез?

–        Мин бит сәхнәгә чыгарга, журналистлар белән сөйләшергә, фотоларга төшәргә яратмый идем. Әни гел: “Әйдә, кызым, фотога төшик әле”, – дисә дә, “Ай, әни, юк”, – дип әйтә идем. Характерым икенче төрле минем. Әни мине гел җырларга сорый иде инде, үтенә иде. “Юк, әни, мин җырламыйм, чыкмыйм”, – дия идем. Аның юбилейларында җырладым.

Ә “Дөньям” дигән җырны бергә җырлау болай булды. Әни миңа: “Бик матур җыр таптым”,  – дип килде. “Шул җырны икебез җырлыйк әле”, – дип сорады. Мин, теләмичә генә, тагын мине мәҗбүр итәсең дип, чыкмыйк инде, дип, кат-кат сорадым. Ләкин ул мине күндерде, “Кызым, миңа ярдәм кирәк, син миңа терәк булырсың”, – диде. “Ярый, шуны җырлыйм да, яздырам да, бетте, бүтән сорама”, – дидем.

–        Әниегезнең сезне җырчы итеп күрәсе килә идеме?

–        Башта әйе, сәнгать юлыннан китүемне тели иде. Ул мине режиссер итеп күрде, ГИТИСка укырга кертәсе иде, аның шундый зур хыялы бар иде. Ә мин, аның тормышы авыр икәнен белеп, үзем гомер буе әнидән аерылып яшәргә мәҗбүр булганга, үземә шундый тормыш теләмәдем.

–        Һәм сез кем булдыгыз?

–        Мин иртән эшемә барып, кич өемә кайтып, гаиләм белән яшәп булсын, дип тели идем. Мин икътисад институтын тәмамлап, финансист булдым. Иртән эшемә барып, кич өемә кайтам, үз гаиләмне күрәм.

–        Эшегезне яратасызмы?

–        Эшемне бик яратам. Ләкин шуңа да карамастан, иҗатка тартылу миндә барыбер бар. Өйдә үзем җырлап та йөрим. Әни мине юкка гына режиссер итеп күрмәгән бит, ул бит әни, ул белгән. Режиссерлык сәләте миндә чыннан да бар.  Мәсәлән, гаилә бәйрәмнәренә мин сценарийлар төзергә яратам. Без яңа елда да Кар кызы, Кыш бабай булып киенеп, балаларның күңелен ачабыз. Мин андый чараларны оештырырга бик яратам, тик аларны гаилә эчендә оештырам. Мин үземне бәлки иҗатта тапкан булыр идем, мин аны булдырыр идем, ләкин мин андый авыр тормышны теләмим.

–        Бәлки, киләчәктә сезнең иҗади потенциалыгыз ачылыр әле. Балалар үскәч, мөстәкыйль булгач, хатын-кызның икенче яшьлеге башлана, шул вакытта потенциалны тормышка ашырырга була.

–        Әйе, бәлки шулай булыр.

–        Алия, сез әниегез белән Камал театры фойесында хушлашканда, “Әни гастрольгә генә китте. Мәңгелеккә”, – дип әйттегез. Әниегезнең дөньядан китүен шулай дип, гастрольгә генә китте дип уйлау кайгыгызны бераз җиңеләйтәме?

–        Әйе, мин шуңа шулай дидем. Чөнки мин әнинең үлеменә ышанмадым һәм ышанмаячакмын. Бу хәбәрнең дөрес булуын кайчан кабул итәчәгемне белмим, ул минем башыма сыймый. Минем әле утырып елаганым да юк.

–        Әниегезне озатырга халык шулкадәрле күп килде! Сез халык шул дәрәҗәдә күп булыр дип уйлаган идегезме?

–        Юк, мин аны уйламадым. Бу хакта мин гомумән уйламадым.

–        Бу Хәния Фәрхигә булган мәхәббәтнең масштабын күрсәтте бит.

–        Хушлашу чарасын оештыручылар да кешенең шулхәтле күп булуын  көтмәгән иде.  Тамашачылардан гафу үтенәсе килә, кайберләре әни белән саубуллаша алмадылар, кайберләре чәчәкләрен дә бирә алмады, кайберәүләр җиргә утырып калды. Мин аларны күрдем. Бу минем күңелемдә калды. Бу хәл тамашачыларның күңелендә авыр тойгы булып калмасын иде. Шул кадәр кешене оештыру физик яктан мөмкин түгел иде, чөнки эссе иде, кешеләр аңнарын югалта башладылар, саубуллашу чарасын алга таба дәвам иткән булсалар, нәрсә килеп чыгасын чамалыйсыздыр инде. Мин, дөресен әйткәндә, кешеләр егыла башлар, дип куркып утырдым. Аллам сакласын, этеш -төртеш башланмасын дип. Шуңа күрә без аны тиз генә тәмамладык. Әни белән саубуллашырга өлгермәгән тамашачылардан гафу үтенәсебез килә. Аларның күңелендә авырлык калмасын иде.

–        Алия, Хәния апа сәламәтлегенә зарлана идеме?

–        Күз алдыгызга китерәсезме әнинең тәүлекләр буе юлда, йокламыйча, ничә чакрымнар үткәнен? Дистә еллар буена. Аны күз алдына китерүе авыр. Ә ул бит бер организм. Әни ничә тапкыр хастаханәгә ятып, үлем хәленнән калып, шундук тагын сәхнәгә чыга иде. Ярты ел ял ит, һичьюгы бер ай ял ит дип, табиблар гына түгел, үзебез дә әйтә идек. Юк инде, кая анда ял итү.

–        Ул июньдә генә хастаханәдә яткан, диләр…

–        Әйе, соңгы вакытта хастаханәләргә кереп ята иде ул. Июльдә дә, майда да яткан, мин аны белмичә дә калдым, чөнки миңа әйтмиләр иде – башта мин йөкле булдым, борчыйсылары килмәгән, аннары, бала тапкач, сөте бетә дип сөйләмәгәннәр. Тәтешледә дә хәле бик әйбәт булмаган, кан басымы төшеп-менеп йөдәткән.  Анда аңа табиблар да чакырткан булганнар, хастаханәгә ятарга дип сеңлесе ничек кенә күндерергә теләмәсен, әни баш тарткан, “Мин үземне яхшы хис итәм”, – дигән. Инде юлда хәле начарланып киткәч тә: “Ашыгыч ярдәм кирәкми, мин хастаханәгә бармыйм, миңа мендәр бир, мин йоклап кына кайтам”, – дигән. Әмма аны тыңламаганнар, хастаханәгә кадәр алып барып җиткергәннәр, анда баргач та ачуланган әле: “Ник мине монда алып килдегез, ардым бу больницаларыгыздан”, – дигән. Машинадан төшкән дә, кушеткага яткач, аңын җуйган. Реанимациядә ярдәм итәргә теләгәннәр, ләкин булмаган.

–        Әниегезнең вафатын сезгә кем хәбәр итте, Алия?

–        Фирүзә апа: “Без кире борылдык, хастаханәгә килеп җиттек, исән каламы, юкмы, белмим”, – диде.

–        Сез ул вакытта Казанда идегезме?

–        Әйе, шул ук минутта, Уфадан машина җибәртәбез, Уфага алып барырга кирәк дип, ирем һәм әти белән мәсьәләне хәл итәргә тотындык.  Берничә минуттан сеңлем Алсуга шалтыратканнар. Алсу миңа шалтырата да алмады ул, тавышын яздырып, хәбәр генә җибәрде.

–        Хәния апа туган ягында җан бирде. Ул, туган ягымны күрәсем килә дип, поездда кайткан булган диләр. Хакмы?

–        Поезд белән кайтам диде. “Нигә поезд белән кайтасың, бер-ике көннән бергә кайтырбыз”, – дип сөйләшкән идек. Ләкин ул шулай хәл итте, поезд белән кайтабыз дип, кинәт кенә җыенды да, Тәтешлегә китте. Өч көнгә барам да, кире сезнең янга кайтам, диде. Аннары бер атна үтте, ә ул һаман: “Калам әле әни янында, калам әле, калам әле”, – диде. Әни Казанга туйга килергә тиеш иде. Мин шалтыраткач,  хәлем китә әле, дип запланды. “Туйга баргач, озак утырмыйча аннан бергә кайтып китәрбез инде, бер-ике җырны җырлармын да”, – ди. Мин әйтәм: “Хәлең начар булгач, ник монда кайтасың соң? Үзебез барырбыз. Кеше аңлар”, – дим, “Ничек инде, анда көтәләр бит”, – ди. “Әни, кайтма әле туйга”, – дидем. Аннан Алсу белән дә сөйләштек тә, Алсу әйтә: “Әнине күндер әле, кайтмасын әле Казанга, миңа гына килсен Уфага”, – ди. 4се Уфада концерты булырга тиеш иде аның, шуңа да: “Әни, нигә сиңа Казанга туйга кайтып йөрергә, барыбер Уфада концертың бар, Уфага, Алсу янына гына кайт”, – дидем.  “Юк, Казанга!” – диде. Тагын шалтыраттым. “Без инде юлга чыгарга әзерләнәбез”, – диде, “Әни, бар әле Уфага гына, ник син Казанга кайтасың соң?” – дим, “Юк, кызым, мин Казанны сагындым, борчылма”, – ди. Һәм шулай безнең сөйләшү бетте.

–        Бу соңгы сөйләшүегез булдымы?

–        Әйе.

–        Хәния апаның, туган ягымда үлсәм иде, дигән теләге булган, диләр…

–        Минем ишеткәнем юк иде, дөресен генә әйткәндә. Минем әтидән дә, әнидән дә: “Сезне вафатыгыздан соң кайда җирләргә соң?” – дип сорыйсым килә иде, ләкин мин ул сорауны бирергә курка идем. Алар бит гел юлда йөриләр иде, һәм әнинең бер сүзе бар иде: “Кайда гына, кайсы шәһәрдә генә калырмын микән?”  – дигән. Гел юлда булгач, төнлә телефон шалтырап китсә дә, сикереп тора идем. Гел шундый курку белән яшәдем.

–        Алия, ә Казанда җирләсеннәр дигән теләк үзенеке идеме?

–        Әйе, үзенеке булган, әти шулай диде. Миңа әнинең вафаты турында хәбәр иткәч, мин Тәтешлегә җыенган идем. Тәтешледә калыр дип уйлаган идем. Ләкин әти: “Юк, Казанга алып киләбез”, – диде.

–        Хәния апа, җыр ансамблен оештырып, аны дистә еллар буе яшәткән шәхес. Бу ансамбль иҗатын дәвам итәчәкме? Бу хакта сөйләштегезме әле?

–        Анысын белмим, дөресен генә әйткәндә. Ул планнарны белмим. Кичә Интернетта күрдем, кемдер  язган: “Бәйрәм” ансамбле бетмәячәк, без аның җырларын җырлаячакбыз”, – дип.

–        Сез әниегезнең кайсы җырын аеруча ярата идегез?

–        Мин аның күп җырларын ярата идем. “Утыр әле, әни, яннарыма” җырын яраттым.  Аның тагын “Ашыкма” дигән бер җыры бар иде – “Ашыкма бу җирдән китәргә, гомер бит бер генә бирелә…” Ул җыр бик популяр түгел, мин кечкенәдән үк ярата идем шул җырны.

–        Алия, кайгыгызны уртаклашабыз. Хәния Фәрхинең дөньядан китүе бөтен татар халкы өчен зур кайгы. Без дә әле аңга килә алмыйбыз, бу хәбәргә ышанасы килми. Сез исән-сау яшәгез, балаларыгызны тигезлектә үстерегез, барыгыз да озын гомерле булыгыз.

Запись Хәния Фәрхинең кызы Алия: «Әнинең «Утыр әле, әни, яннарыма» җырын яраттым» впервые появилась Tatar Today - татар яңалыклары..

Аның иң  беренче “Барс” сынын Татарстанның бер районда урлаган булганнар икән. Җырчыга ул сын урынына башкасын бүләк иткән өчен, Хәния Фәрхи “Барс Медиа” компаниясе  идарә рәисе Камил Гәрәевка рәхмәтен дә җиткерде.

“Кадерле милләттәшләребез! Җыр-моң сөюче дусларыбыз! 17 ел вакыт сизелми дә узып китте. Минем иң беренче барсымны бер районда урлаганнар иде, кайсы районда икәнен әйтмим. Бәлки әле йөзләренә кызыллык килеп, 18 нче “Барс”  булып әйләнеп тә кайтыр. Камил Мәүлетович (“Барс Медиа” җитәкчесе—Л.Л.) сүзендә тора торган егет икән! Рәхмәт!”,- диде ул сәхнәдән.

Журналист Нияз Рахман белән сәхнә артында аралашканда исә яшь җырчыларга соңгы  фатихасын бирде. Аның бу сүзләре хушлашу сүзләре булып яңгырый.

“Шуны әйтеп калдырасым килә: җырлагыз, моңлы җырлыгыз, дәртле җырлагыз, мәгънәле җырлагыз!”

Видео TMTVның Youtube каналыннан алынды.

Запись Хәния Фәрхинең соңгы фатихасы [видео] впервые появилась Tatar Today - татар яңалыклары..