Архивы халык артисты - Tatar Today - татар яңалыклары.

Равил Шәрәфиев: “Төрмәдән качып чыгуым әле” [видео]

Габдулла Тукай — Mon, 16 Jul 2018 20:05:12 +0000

Танылган журналист, “Курай” радиосы алып баручысы Габдрәхим бер атна элек халык артисты Равил Шәрәфиев белән инстаграммына видео кертте. Ул язма 50 меңгә якын карау җыйды. Равил Шәрәфиев анда Габдрәхимгә: “Төрмәдән качып чыгуым әле, кыяфәтемә кара”, дип сүзен башлый. Журналист бу сүзгә үзе дә аздан гына ышанмый кала, “Аңлатып сөйлә әле”, ди. Чынлыкта халык артисты шәһәрдәге фатирын “төрмә” дип атый икән, анда ремонт башланганнар, иптәше калада калган. Равил абый исә әлегә үзе генә бакчасында җәй үткәрергә булган.

View this post on Instagram

A post shared by ГАБДЕРӘХИМ (@gabderahim_official)

ак

Запись Равил Шәрәфиев: “Төрмәдән качып чыгуым әле” [видео] впервые появилась Tatar Today - татар яңалыклары..

Салават Фәтхетдиновтан сәхнәдә сүгенгәне өчен халык исемен алалар? Чынмы, шаяртумы?

Редактор1 editor1 — Fri, 25 Nov 2016 21:21:32 +0000

“Татар радиосы”ндагы «Бүреләр белән бию» тапшыруында Салават Миңнеханов Салаватның халык артисты исемен алалар дип шаяртырга җыенган.

Татар радиосында баручы “Бүреләр белән бию”нең узган чыгаралышында кунакта җырчы Салават Миңнеханов иде. Озак кына әңгәмәдән соң ул, тамада Илшат Исхаковка шалтыратып, тыңлаучыларны да, егетнең үзен дә шаккатырган тәкъдим ясады.

“Безнең яңа концерт була бит инде, тере тавышлы, җанлы концерт. Шунда бер “прикол” ясыйсым килә. “Бүреләр белән бию”дә мине “разыграть” иткән сыман син Салават Зәкиевичны “разыграть” итәргә тиеш. Аннары туры эфирда яздырылган бу шаяртуны мин, рөхсәт сорап, концертларда кулланачакмын. Ул бит үзе дә “Телепортация” кебек проектларда теләп катнаша, шуңа ачуланмаячак. Аңа шалтыратасың да “Мин госсоветтан яисә госдумадан дип әйтәсең һәм “Сез сәхнәдә күп сүгенәсез. Бу әйберне күп кеше ишеткән, күп кеше белә. Моны хәтта шаяртулар белән дә җибәрәләр. Шуңа күрә сезнең халык артисты исемен алабыз”, — дисең. Аннары ул сөйли башлый һәм телефон гудогы тавышын куябыз. Күңелле булачак! Аннары видео төшерербез аның комментариясен белер өчен. Ул Илшат Исхаков шалтыратканын белмәячәк тә, бәрсә, мине бәрәчәк, әмма ул мине бәрмәячәк. Эшли алабызмы бу әйберне?”, ди Миңнеханов.

Шоумен егет, аптырап сораулар бирә торгач, нәтиҗәдә, риза булды. Бу турыда Салаватка әйтүе генә булды, җырчы, көлеп: “Ярар, Илшат, бу шаяру иде! Бүреләр белән бию! диде һәм шуның белән серне дә чиште. Чынлыкта, тәкъдим шоумен егетне аптыратыр өчен генә ясалган булып чыкты. Татар радиосында барган бу тапшыруда кайчандыр Салават Миңнехановтан Илшат Исхаков үзе үк шулай шаярткан булган. Шул рәвешле җырчы тамадага “әҗәтен кайтарды”.

[Tatar Today, Раилә Вәлиуллина]

Запись Салават Фәтхетдиновтан сәхнәдә сүгенгәне өчен халык исемен алалар? Чынмы, шаяртумы? впервые появилась Tatar Today - татар яңалыклары..

Резедә Шәрәфиева ирен ни белән сыйлый?

Редактор1 editor1 — Thu, 27 Oct 2016 08:53:35 +0000

Бүгенге мастер-классыбызның хуҗабикәсе — Татарстанның халык артисты Резеда ШӘРӘФИЕВА. Җиңел кулдан гына лазанья пешерергә өйрәтәчәк ул безне. Татар эстрадасына куе бәрхет тавышы, искиткеч күлмәкләре, эшләпәләре белән килеп керде ул. Иң матур киенүче җырчы диделәр аның турында. Шулай булмыйча соң, үзе теккән күлмәкләр иде бит алар. Рәссам-бизәүче белгечлеге менә кайчан кирәк ул! Тегәргә әнисеннән өйрәнсә, җырга хирыслыгы — әтисеннән. Аның гармунда уйнап җырлаганын авылдашлары хәтерли әле. Әтисенең хыялларын кызы чынга ашыра менә. Гастрольдән кайтып кергәнен чак туры китердек. Аш-суга да оста икән җырчыбыз. Ул тәкъдим иткән ризыкны бергәләп әзерлик әле!

Кирәк:
– 400 г фарш;
– 2 баш суган;
– 1 кишер;
– 2 аш кашыгы томат пастасы;
– 400 мл кайнаган су;
– 4 аш кашыгы үсемлек мае;
– тоз-борыч, дәфнә яфрагы;
– 200 г каты сыр;
– 0,5 кг лазанья өчен махсус токмач

Соус өчен:
– 50 г акмай;
– 50 г он;
– 900 мл сөт.
Эш барышы:

– Суганны турап, үсемлек маенда кыздырабыз. Ул алтынсу төскә кергәч, кишер уып салабыз. Икесен бергә болгата-болгата кыздырабыз. Кишер йомшаргач, фаршны кушабыз. Бераздан томат пастасы салабыз, тоз-борыч сибәбез. Кайнаган су салып, сүрән генә утта пешерүне дәвам итәбез.

– Ул пешкән арада соус ясыйк.
Калын төпле кәстрүлдә акмай эретәбез, шуңа аз-азлап кына он кушабыз. Төерләре калмаслык итеп туглагач, сөт өстибез, тоз сибәбез. Сөт кайнап чыккач, тагын бер кат яхшылап туглыйбыз һәм уттан алабыз.

– Турыпочмаклы табаның төбен майлап, юка гына итеп соус ягабыз. Аның өстенә фаршны салабыз, кашык белән тигезлибез. Фаршны күп салырга кирәкми, юка гына булсын. Фарш өстенә уылган сыр сибәбез.
Сыр өстенә бер кат токмач тезеп чыгабыз.

– Токмач өстенә мул итеп кабат соус ягабыз. Бу юлы инде соус күп булырга, токмачны тулысынча капларга тиеш. Югыйсә токмачның пешмәве ихтимал. Соустан соң тагын ит һәм сыр катламнары салына. Аннан соң тагын токмач тезелә. Шул рәвешле берничә кат хасил була. Без, мәсәлән, токмачны дүрт кат тездек. Иң өскә – соус, аның өстенә – ит, ит өстенә сыр уып, лазаньяны 180–200 градус кызулыктагы мичкә тыгабыз.
Ул 30-40 минуттан әзер була.

Сөембикә журналы

Запись Резедә Шәрәфиева ирен ни белән сыйлый? впервые появилась Tatar Today - татар яңалыклары..

Камал артисты Венера Шакирова, язучы Нәбирә Гыйматдиновага президент халык исеме бирде

Габдулла Тукай — Thu, 28 Apr 2016 19:04:06 +0000

29 апрельдә Казан кирмәнендә Камал театры артисты Венера Шакировага халык артисты исеме бирелде. Китап укучылар арасында мистик әсәрләре белән танылу алган язучы Нәбирә Гыйматдинова исә халык язучы исеменә лаек булды. Дәүләт бүләкләрен аларга Казан кирмәненең Туп сараенда Татарстан президенты Рөстәм Миңнеханов тапшырды.

Аның сүзләренчә, бай тарихи-мәдәни мирасыбыз, күп гасырлык традицияләребез, күп милләтле халыкларның бердәмлеге Татарстанны Русиянең икътисади, социаль рухи үсеш өчен зур мөмкинлекләргә ия булган үзенчәлекле төбәгенә әверелдерде. Халыкның тормыш дәрәҗәсен күтәрү, сәнәгатьне, авыл хуҗалыгын, мәгариф системасын һәм сәламәтлек саклау өлкәсен үстерү әһәмиятле уртак максатларыбыз булып кала бирә. Һичшиксез, аларга ирешүнең төп шартлары булып җәмәгать иминлеге, законлылык һәм хокук тәртибе тәэминаты хезмәт итә, ди президент.

– Бүген бу залга җыелучылар батырлыгы, хезмәт сөючәнлеге, булдыклылыгы белән аерылып тора. Сезнең ярдәм белән республика зур уңышларга иреште. Бүген Татарстанны Россиядә генә түгел, чит илләрдә дә беләләр. Сезнең хезмәтегезне югары бәялибез һәм рәхмәт белдерәбез. Һәммәгезне дә дәүләт бүләкләренә лаек булуыгыз һәм якынлашып килгән бәйрәмнәр белән чын күңелдән котлыйм! – диде һәм чакырылган кунакларга исәнлек-саулык, бәхет, уңышлар теләп, дәүләт бүләкләрен тапшырды.

Дәүләт бүләкләре тагын 50ләп кешегә тапшырылды. Шул исәптән, танылган җырчы Филүс Каһировка Татарстанның атказанган исеме, «Татарстан» телеканалы филиалының милли тапшырулар бүлеге җитәкчесе, Татарстанның халык артисты, күпсанлы тармак бүләкләре иясе Елезавета (Лия) Заһидуллинага “Татарстан Республикасы каршындагы казанышлары өчен” медале тапшырылды.

Запись Камал артисты Венера Шакирова, язучы Нәбирә Гыйматдиновага президент халык исеме бирде впервые появилась Tatar Today - татар яңалыклары..