Архивы хыял - Tatar Today - татар яңалыклары.

Кыз балага хоспистан мәңгелеккә түгел, ә университетка юл ачыла [видео]

Лейла — Thu, 16 Sep 2021 11:09:42 +0000

Маша Филина – Петербург шәһәренең балалар хосписы пациенткасы. Әлеге көчле рухлы кыз куркыныч авыру – арка амиотрофиясе белән көрәшә. Бу авыру Машаны мәңгелеккә инвалид итә. Моңа карамастан Маша бер хыял белән яши – югары уку йортында белем алу.

View this post on Instagram

A post shared by ТАТАР ТУДЕЙ / ТАТАР БҮГЕН (@tatar_today_116)

Хосписта дәвала башлагач, Машага кирәкле медицина ярдәме күрсәтелә. Моннан тыш аның мавыгуын күтәреп алалар, һәрдаим булышлык күрсәтәләр.

Берничә ел элек хоспис хезмәткәрләре ярдәмендә Маша һәм аның әнисе Япониягә сәяхәт кылалар. Шул вакыттан бирле көчле кыз көнчыгыш культурасы белән мавыга башлый. Һәм үзен көнчыгышны өйрәнүгә багышларга карар кыла. Сәламәтлеге чикле булу сәбәпле, үзе туып-үскән шәһәрдә бу хыялын тормышка ашырып булмый, әлбәттә. Шуны да искәртеп үтәсе килә: Машаның хыялы турында бөтен шәһәр белә һәм бу турыда пресс-конференцияләрдә фикер алышалар. Мондый чараларда хосписның җитәкчесе Александр Ткаченко, Россиянең бала хокуклары буенча вәкаләтле вәкиле Анна Кузнецова да катнаша.

– Мин Владивосток шәһәренә күченеп китәргә мәҗбүрмен. Монда мин ДВФУга укырга керәм. Үземнең туган шәһәремдә көнчыгышны өйрәнү буенча бернинди дә уку йорты каралмаган, әле алай гына да түгел, моның өчен кирәкле шартлар да тудырылмаган, – дип әйтә Маша.

Кыз Анна Кузнецова белән якыннан таныша һәм үзенең хыялы турында тулырак сөйли. Нәкъ шул җитәкче ярдәме белән Маша Ерак Көнчыгыш федераль университетына укырга керә. Монда физик мөмкинлекләре чикле булган студентлар өчен бөтен шартлар да тудырылган. Маша шундый укый башлый да инде.

– Мин аеруча да корея теле нигезләре, Корея тарихы, география фәннәрен яратам. Россиядәге иң ерак шәһәрләрнең берсендә үзем теләгән белгечлеккә укыйм. Бу, әлбәттә, олы сөенеч, – дип сөйли Маша Филина.

Хыялланыгыз! Аларның бер күңелле үзенчәлеге бар, ул да булса, хыял кайчан да булса тормышка ашачак!

Запись Кыз балага хоспистан мәңгелеккә түгел, ә университетка юл ачыла [видео] впервые появилась Tatar Today - татар яңалыклары..

Азнакайда 88 яшьлек әби күптәнге хыялын тормышка ашырган

Гульназ Рашитова — Thu, 23 Jul 2020 08:58:03 +0000

Бу көннәрдә Азнакайда 88 яшьлек Флюра әбинең самолетта очуы күпләрне сокландырды, дип хәбәр итә «Маяк» газетасы.

Азнакайда самолетта очу өчен әллә кайларга барып та йөрисе түгел. Очышлар өчен һава торышы да рас килеп торды. Таң аттымы, зәңгәр күк йөзен лачын кебек иңләп самолет оча.

«Чит яклардан килүчеләр дә бихисап. Күпләрне Чатыр Тау өстеннән очу кызыксындыра», — ди очучы Илдар Фазуллин. Аның самолет штурвалы артына утыруына да инде 17 елдан артык вакыт үтеп киткән.

«Шәһәр өстеннән очкан самолетны күреп, бер очып карыйсы иде дип кызыгып карап калган идем. Туган көнемә кызым, уйламаганда, шундый зур бүләк ясады. Очыш вакытында алган тәэсирләрне әйтеп-сөйләп кенә дә бетерерлек түгел. Без үзебез Чиләбе өлкәсендә яшибез. Азнакай бик матур шәһәр, урамнарына-паркларына сокланып туймаслык, бар җир төзекләндерелгән, каралган, уңайлыклар тудырылган», — ди Флюра апа.

Фото: Ватаным Татарстан

Чыганак: Ватаным Татарстан

Запись Азнакайда 88 яшьлек әби күптәнге хыялын тормышка ашырган впервые появилась Tatar Today - татар яңалыклары..

“Айфара”ның башлыгы кызыл “атлы” булган [фото]

Гузель — Thu, 20 Sep 2018 13:20:06 +0000

«Айфара» төркемен белмәгән кеше юк бит инде? «Ак каен», «Сау бул» дигән җырларны борын төбендә кем генә шыңшымыйча йөрде икән. Сүз уңаеннан, аның алыштыргысыз җырчысы Алмаз Шәрифуллинда яңалык бар икән.

Алмазның хыялы чынга ашкан! Күптәнгеее һәм чынга ашмас төсле тоелганы. Алмаз текә тимер ат алган. Кызыл кабриолет. Ул текә машинасы белән инстаграм челтәрендә үзенең аудиториясе белән уртаклашкан. Кызыл төстәге машинасына утырып: «Хыяллар чынга аша»,- дип мөһер суккан Алмаз. Аны карап-күзәтеп барган тамашачысы сөенгән инде. Кемдер: «Кышка кереп барганда шәп машина инде бу», ‒ дип язган.

Кайсысыдыр: «Башта иң төп хыялыңны чынга ашыр», ‒ дип тә сырлаган. Менә шул! Нәрсә генә эшләсәгез дә, нәрсә генә алсагыз да, иң әүвәл инстаграмга фото элергә онытмагыз мәйтәм. Ату белми калырлар, йоклый алмый ятучысы табылыр…

Автор: Гөлнара Җәлилова
Чыганак: "Сәхнә" журналы
Фото Алмаз Шәрифуллинның Инстаграмыннан алынды

Запись “Айфара”ның башлыгы кызыл “атлы” булган [фото] впервые появилась Tatar Today - татар яңалыклары..

Гөлназ Батталова күптәнге хыялын тормышка ашырган [фото]

Чулпан — Mon, 15 May 2017 07:00:06 +0000

Бу җырчылар бер дә урында тормый инде, ә! Берсе клип төшерсә, икенчесе профессиональ рәвештә бию белән шөгыльләнә башлаган. Күптәнге хыялын тормышка ашырып, Гөлназ Батталова бию студиясенә язылган.//ТМТВ//

“Азрак булса да бии белә идем инде, ләкин биюнең дә асылы бар – аны өйрәнү җиңел түгел”, дип уртаклашты Гөлназ. Җырчы декабрь аенда танылган бию студиясе “Todes”ның отчет концертында була, һәм шуннан соң ул “Мин дә биергә тиеш” дигән карарга килә. Озакка сузмый гыйнвар аеннан ук студиягә языла.

Гөлназларның төркеменең инде зур җиңүе дә бар! Бию фестивалендә катнашып, алар югары дәрәҗәгә ия булалар. Җырчы монда гына тукталып калырга теләми, киләчәктә биюле чыгышлар ясап, тамашачыларны шаккаттырырга әзерләнәм, ди Гөлназ.

Запись Гөлназ Батталова күптәнге хыялын тормышка ашырган [фото] впервые появилась Tatar Today - татар яңалыклары..

Америка фотографы хәерчеләрнең хыялларын чынга ашыра [фото]

Редактор1 editor1 — Tue, 23 Aug 2016 10:42:16 +0000

Америка фотографы Гория Манолэч Сан-Францискода яшәүче хәерчеләрне фотога төшергән. Ләкин фотолары гади генә түгел, ул аларны балачакта булырга хыялланган кешеләр образында сурәтләгән.Әлеге проектны ул “Принц һәм хәерче” (Принц и нищий) дип атаган.

“Бу проект кешеләрнең хыяллары турында. Алар ризыксыз, яшәү урынсыз, ялгыз калганнар. Һәр кеше дә мондый хәлдә кала ала” ди Гория Манолэч.

Мәгълүмат,фотолар tvrain.ru сайтыннан алынды

Запись Америка фотографы хәерчеләрнең хыялларын чынга ашыра [фото] впервые появилась Tatar Today - татар яңалыклары..