Оборона министрлыгына һәм төбәк башлыкларына башкалада һәм төбәкләрдә парадларга әзерлек срокларын күчерергә кушылды. Шуңа бәйле барлык чаралар да гамәлдән чыгарыла.

Шулай ук Путин «Үлемсез полк» акциясендә катнашучыларга мөрәҗәгать итте. Ул ассызыклаганча, аларның борчуларын аңлыйлар. Ветераннар кайгыртуларыбызны тойсыннар өчен хакимият барысын да эшләячәк.  Мәскәүдә парад һәм «Үлемсез полк» маршы да булачак диде президент.

Чыганак: mk.ru

Запись Путин Җиңү Парады буенча карар чыгарды впервые появилась Tatar Today - татар яңалыклары..

Җиңү көне якынлашканда, бу хакта кабат бәхәсләр куера башлый. Йә берәрсе штрафбат турында кино карый да Җиңү шулай гына яуланган дип үзенең «ачышы» турында бөтен дөньяга кычкырып йөри (киноларның кемнеңдер фантазиясе генә икәнен аңлау өчен баш та кирәк бит әле), йә бүгенге вазгыять белән үткәннәрне бәйләп, нәтиҗә ясаган була: «Шундый киләчәк өчен сугышканмы иде бабаларыбыз?» Янәсе, немец якты киләчәк алып килергә теләгән, әмма үзебезнекеләр комачаулаган.

Бер темага бәхәс башлап, аны икенчесенә борырга маташу – бер якның белеме җитәрлек дәрәҗәдә булмавын дәлилли, гадәттә, трольләр шундый алымны куллана. Трольнең дә бик акыллылары бар, алар теманы синнән дә яхшырак белергә мөмкин, әмма аның максаты башка, тегендә-монда боргалап, каршы якны чыгырдан чыгару һәм башкаларның сүзен аяк астына салып таптау. Менә шундый фәхешләр миллионлаган корбаннар биреп яуланган Җиңүнең бәясен төшереп, аны каралтып, сугыш газабы күргәннәрнең җанына төкерергә маташканда дәшми калып буламы?

Һәрбер сугыш ул – трагедия. Ничаклы кеше гомере – шулхәтле гыйбрәтле язмыш. Бүген Бөек Ватан сугышы темасына шундый караш булуына без үзебез дә гаепле, бөтен нәрсә читтән генә килеп кергән дип уйларга кирәкми. Совет чорында сугыш турында хәтер кирәгеннән артык уйдырмалар, мифлар белән сугарылды, ул киләчәк буыннар өчен үткәндәге вакыйгаларны илтеп җиткерүгә юнәлдерелмәде, сугыш турында хәтер – совет җәмгыятен ныгытучы көч буларак кулланылды. СССР таркалганнан соң, әлеге тарихи хәтерне җимерү омтылышы башланды. 90нчы елларда сугыш чоры тарихында ак тапларны ачыкларга, гаепне һәр ике якка да тагарга тырышкан китаплар басылуы тарихны яңа баштан карарга, яңача бәя бирергә сәбәп булды. Әмма әлеге фактларны дәлилләүче бер генә документ та юк. Фаразлар буенча тарих язылмый. СССР Германиягә каршы үзе сугыш башларга тиеш булган, әмма өлгерми калган диючеләр – тарихта гына сай йөзүчеләр түгел, сугыш стратегиясеннән дә, икътисад белән сәясәттән дә ерак торучы кешеләр. Диванга кырын ятып акыл сатучы мондый «белгечләр» бүген социаль челтәрләргә кереп тулды. Алар, бер-ике китап укып, берничә кино карап, үткәннәргә бәя биргән була, үзе кебекләрнең лайкларына күмелә. Әмма чынбарлык башкача, уйлый белгән кеше ул чордагы дәүләтләрнең хәленнән чыгып бәя биреп карар иде. Бер ягында фашистлар Германиясе көч-куәт җыйганда, икенче тарафта Япония сугыш утын кабызырга торганда, кем әзерлексез килеш сугыш башлап җибәрер икән? Беренче бишьеллыкка хәтле (1927 ел) 99 танкы булган СССРның өченче бишьеллыкта гына (1942) аякка басачагын исәпләп карау өчен әллә ниткән математик исәпләүләрне су урынына эчәргә кирәкми. Молотов-Риббентроп килешүе белән авыз чайкарга теләүчеләр аның ни сәбәпле төзелүен һәм вакытны сузу өчен мөһим чара булганын бәлки аңларлар иде. Әмма, әйткәнемчә, бер-ике нәфис фильм карау уйлый белү сәләтен томалый да куя шул.

Сугыш темасына кагылышлы яңа мифларның барлыкка килүе читтәгеләрнең тырышлыгыннан башка гына булмаганы билгеле. Үзгәртеп корулар һәм базар мөнәсәбәтләренә күчү чорында үткәннәр белән көрәшү, халыкның аңына яңа уйдармаларны сеңдерү омтылышы булды һәм күпмедер дәрәҗәдә нәтиҗәгә дә ирешелде. Янәсе, бөтен каһарманлык чарасызлыктан, большевик пропагандасына ышанган белемсез халык тарафыннан гына кылынган, яшь гвардиячеләр вак-төяк жуликлар булган, Зоя Космодемьянская колхозчыларның өйләрен яндырып йөргән, Александр Матросов амбразурага исерек килеш капланган, Рейхстаг башына Кызыл байрак та куелмаган, панфиловчылар да, Павлов йорты да булмаган икән… Хыял фантазиясен башка якка борсалар, әллә ниткән һуштан язарлык әсәрләр язарлар иде, әмма әлеге авторлар тарихны үзгәртергә маташу белән мәшгуль. Элек сугыш хәтере совет халкын берләштерүче көч булып торса, хәзер элеккеге союздаш республикаларда теше-тырнагы белән аның нигезен таркатырга тырышу күзәтелә.

Әлеге ялган тарих сугышында иң күп зыян күрүчеләр – сугыш утын кичеп кайтучылар, тыл хезмәтчәннәре, шул чорда туганнар. Дәһшәтле елларда аларның күңеле бер тапкыр психологик җәрәхәт алса, бүген шуны икенче тапкыр кичерә. «Пропагандага бирелгән кара халык», «кирәк булганмы бу Җиңү?» кебек мәсхәрәле сүзләрне ишетмичә бакыйлыкка күчеп өлгергәннәр бәхетлерәктер кебек.

Сугыш хәтере ул машина тәрәзәсенә ябыштырылган пафослы «Тагын кабатлый алабыз» дигән язулы наклейкалар гына түгел. Төп бәла – сугышның ак таплары белән ачылмый калган битләрен күрсәтми калу түгел, ә яшь буынга аның мәгънәсе, нәтиҗәсе һәм бәясе турында җиткерә алмау.

Фәнис Мотыйгуллин, Шәһри Казан

Фото: пиксабай

Запись “Александр Матросов амбразурага исерек килеш капланган, Рейхстаг башына Кызыл байрак та куелмаган икән…” впервые появилась Tatar Today - татар яңалыклары..

Ветеран парадка әзерлек вакытында аңын югалта.

Ашыгыч ярдәм хезмәткәрләре ярты сәгать реанимация чаралары уздыра, ләкин алар уңышсыз булып чыга.

Фото: пиксабай

Запись Казанда парад репетициясендә фаҗига була впервые появилась Tatar Today - татар яңалыклары..

С Днем Великой Победы! Боек Жину бэйрэме белэн!

Публикация от Рустам Минниханов (@rusminnikhanov) 8 Май 2018 в 9:29 PDT

Шулай ук кичә Казанның Муса Җәлил исемендәге Татар дәүләт опера һәм балет академия театры бинасында Бөек Ватан сугышында Җиңүнең 73 еллыгын бәйрәм итүгә багышланган тантана узды. Әлеге чарадагы чыгышында Татарстан Республикасы Президенты Рөстәм Миңнеханов туган җирнең азатлыгы өчен гомерен кызганмаган батырларның исеме мәңге онытылмаячагына ышаныч белдерде, дип яза Ватаным Татарстан басмасы.

Тантанада, шулай ук, ТР Дәүләт Киңәшчесе Минтимер Шәймиев, ТР Дәүләт Советы Рәисе Фәрит Мөхәммәтшин, Советлар Союзы Герое Борис Кузнецов катнашты.

“Хөрмәтле фронтовиклар, тыл хезмәтчәннәре, Казан гарнизоры хәрбиләре! Чын күңелдән Бөек Ватан сугышында Җиңүнең 73 еллыгы уңаеннан кайнар котлыйм. 1945 елның 9 мае илебез тарихында, күп милләтле халкыбыз язмышында, һәр гаилә тормышында иң әһәмиятле вакыйга. Җиңүне алып килгән бу көн бик тә кадерле, шул ук вакытта йөрәкләрдә авыр хатирәләр уята. Туган җирнең азатлыгы һәм якты киләчәге өчен гомерен дә кызганмаган батырлар мәңге онытылмас! Җиңү көне – изге бәйрәм, аны безгә сез, әтиләребез, бабаларыбыз бүләк итте”, – дип мөрәҗәгать итте Рөстәм Миңнеханов.

Президент Армия составында Татарстаннан 700 мең кеше катнашканын, безнең якташлар хәрби операцияләрдә көрәшкәнен, кырларда, фабрика-заводларда, госпитальләрдә Җиңү хакына аяусыз хезмәт куйганын билгеләп узды. “Бөек Ватан сугышы елъязмасында татарстанлыларның батырлыгы һәм каһарманлык үрнәкләре мәңгегә калачак. Безнең якташларның 100 меңнән артыгы фронтта батырлыгы өчен орден-медальләр белән бүләкләнде. 48 кеше Тулы Дан ордены кавалеры булды. Татарстаннан чыккан 185 кеше Советлар Союзы Герое Алтын йолдызына лаек булды. Татарстан белән бәйле кешеләрне дә исәпкә алсак, барлыгы 341 кеше. Борис Кузнецов – шуларның берсе – бүген безнең белән. Бу якты бәйрәмдә без тыныч күк өчен үз гомере белән түләгән кешеләрне искә алабыз”, – дип Рөстәм Миңнеханов бер минут тынлык игълан итте.

“Сезнең һәркайсыгыз Бөек Җиңүгә үз өлешен кертте. Сез авыр сынауларга каршы тора белеп, Ватаныбызны фашизмнан азат иттегез. Сезнең көчле рухыгызны, Җиңүгә омтылышыгызны беркем сындыра алмады. Вакытлар уза, ләкин фронтта күрсәткән солдатлар батырлыгы, тылда йокысыз эшләгән хезмәтчәннәрнең фидакарь хезмәте беркайчан онытылырга тиеш түгел. Шулай ук, авыр елларда олылар белән беррәттән эшләгән сугыш чоры балаларына ихлас хөрмәтебезне һәм рәхмәтебезне белдерәбез. Кадерле ветераннар, безгә бүләк ителгән тынычлык, курку белмәс көчегез, аяусыз көрәшүегез өчен сезнең алда баш иябез. Кадерле ветераннар, Бөек Җиңү белән тәбриклим! Дөньялар тыныч булсын! Ихлас йөрәктән сәламәтлек, иминлек, озыр гомер, күңел күтәренкелеге, якыннарыгызның мәхәббәтен тоеп яшәвегезне телибез”, – дип изге теләкләрен юллады Президент ветераннарга.

Алга таба тантанада сугышчан бүләкләр тапшырылды. Геройларын соңлап тапкан бүләкләрнең шәһадәтнамәләре мәрхүмнәрнең туганнарына тапшырылды. Александр Невский орденына укчылар дивизиясенең разведка взводы командиры Сәгыйрь Закиров лаек. Бүләкләү турында карар 1944 елда чыккан булган. Орден таныклыгын 1981 елда вафат булган ветеранның улы Рифгать Закиров кабул итеп алды.

Кызыл Йолдыз ордены белән сержант Васыйх Нургатин бүләкләнде. 1988 елда гүр иясе булган ватандашыбызның бүләге улы Фәрит Нургатинга тапшырылды. III дәрәҗәле Дан ордены белән Фәгыйль Исмәгыйлевны бүләкләү турында карар 1945 елда чыккан булган. Бүләкне улы Алмаз Исмәгыйлев кабул итеп алды.

Татарстан Республикасы Президенты Указы нигезендә, киңкырлы җәмәгатьчелек эшчәнлеге өчен, “Татарстан Республикасы алдындагы казанышлары өчен” орден медале белән Бөек Ватан сугышында катнашучылар бүләкләнде. Шуларның берсе – отставкадагы милиция подполковнигы Мансур Хәсбиуллин. “Сугышлар кабатланмасын, дөньялар тыныч булсын! Медаль өчен барлык ветераннар исеменнән зур рәхмәт”, – диде ул җавап нотыгында. Шушы ук бүләккә гвардия сержанты Павел Плетнев лаек булды. ТРның “Фидакарь хезмәте өчен” медале сугыш ветераннары Лидия Архиповага, Антонина Парфеновага тапшырылды.

Запись Татарстан президенты Бөек Җиңү көне белән үзенчәлекле итеп котлый [видео] впервые появилась Tatar Today - татар яңалыклары..

Техосмотр үткәрү мәйданчыгында машиналар һәм шәмнәр ярдәмендә шәһәр активистлары “9 май” дигән язу ясаган, дип хәбәр итә Татарстан24.

Запись Зәйдә Җиңү көненә багышланган үзенчәлекле флешмоб үтә [видео] впервые появилась Tatar Today - татар яңалыклары..