Сәхнәгә, купшы чәчәк бәйләме тотып, бер егет менә. Егет бер сүз дә дәшмәгәч, җырчы аңа «бәйләнеп» карый. «Күзләрең матур», – ди. Егет исә дәшми генә телефонын чыгарып фотога төшә. Шул вакытта җырчы: «Сез өйләнгәнме, әйтмәдегез», – дип сорый. Егет кабат берни дәшми, тагын бер фото ясый.

«Аңламады бугай. Ярар, рәхмәт», – дип егетне озатып кала җырчы.

Аннары, тамашачылары белән саубуллашканда: «Миңа яхшы ир очрасын. Амин!» дип әйтегез», – ди җырчы, Башкортстан тамашачысына мөрәҗәгать итеп. Тамашачылар аны хуплап алкышларга күмә.

ЧЫГАНАК - https://intertat.tatar/news/ilmira-nagyimova-cacak-bailame-bulak-itkan-egetka-bailangan-5872574
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ильмира Нәгыймова Башкортстанда үзенә яхшы ир сораган впервые появилась Tatar Today - татар яңалыклары..

Җырчының сөйгәнен кулындагы миңе буенча Марат Яруллинга да охшаттылар. Тамашачыларның кызыксынуы шул кадәр көчле ки, алар яңа фотолар да сорап тора. Ильмира, аларга җавап итеп, сөйгәне белән кочаклашып төшкән фотоларны бер-бер артлы куйган. «Мә, карагыз», – дип язган ул, тик «бәхетле»нең йөзен кабат каплаган.

«Миңа кияүгә чыгасыңмы?» – дип сораучының да: «Мин 3 ел мөнәсәбәтләрдә инде. Аллаһка шөкер», – дип өметен өзгән җырчы.

Төп фотода: Ильмира Нәгыймова Марат Яруллин белән

Ильмира Нәгыймованың “яшерен” сөйгәне белән:

ЧЫГАНАК - https://intertat.tatar/news/mina-kiyauga-cygasynmy-ilmira-nagyimova-egeten-kursatune-soraucylarga-avap-birde-5872738
ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ильмира Нәгыймова сөйгәне белән кочаклашкан фотосын күрсәтте впервые появилась Tatar Today - татар яңалыклары..

Ильмира Нәгыймова әтисе белән әнисенең 28 ел элек аерылган булуын әйтте. “Сез әтиегез белән бергә, әниегез белән бергә күренмисез”, дигәнгә җавап итеп, шул хакта язган. Ул, икесенә дә игътибар күрсәтүен белдереп, “Ильмира Нагимова” рәсми аккаунтында видеолар да куйган.

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ильмира Нәгыймованың әти-әнисенең аерылышкан булуларын әйтте впервые появилась Tatar Today - татар яңалыклары..

• Миңа кияүгә чыгасыңмы?

• Мөнәсәбәтләрдә 3 ел, Аллага шөкер.

• Сөйгәнегезне кайчан күрсәтәсез?

• Беркайчан да.

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Ильмира Нәгыймова сөйгәнен кайчан күрсәтәчәк? впервые появилась Tatar Today - татар яңалыклары..

“Ильмира белән училищеда укыганда таныштык. Без аның белән бер группада, бер парта артында утырдык. Әмма студент чакта бер-беребезгә игътибар итмәдек. Ул үзенчә йөри иде, мин – үземчә. Укып чыгып, таралышкач, социаль челтәрләр аша язды ул миңа. Туган авылында концерт куярга җыена иде, шунда катнашырга чакырды. Шунысы кызык, аның авылы – минем әтинең туган авылыннан биш километр чамасы гына ераклыкта. Менделеевск районы Ижминводы дигән авылдан. Укыган вакытта ачыкланды ул. Әйткәнемчә, мин авылга еш кайта идем, әмма аны очратмаганмын да, күргәнем дә булмаган. Үземнең туган ягым кебек бит. Концертта катнашырга шатланып ризалаштым. Шул концерттан соң хисләр уянып киттеме инде… Очраша башладык. Ике еллап йөргәч, өйләнештек. Унике елга якын бергә яшәдек”, – дип сөйләгән Руслан.

Руслан үзе турында да сөйләгән. Аның Линар исемле абыйсы бар, ул хәзер гаиләсе белән Ижевскида яши. Руслан үзе Чаллыда туа, КАМАЗ төзергә килгән әти-әнисе шунда яши. Әнисе Рәмилә Габдрәүф кызы – Лениногорск районының Яңа Иштирәк авылыннан. Әтисе Роберт Фәтхетдин улы – Менделеевск районының Тарсаз авылыннан. Алар Камазга эшкә килгән була, шунда танышалар. “Әнә шул авылларда әбиләремдә үтте инде балачак. Алар белән рәхәтләнеп татарча сөйләшә идем. Чөнки татар балалар бакчасына йөрдем, татар гимназиясендә укыдым. Ничә яшькә кадәр булгандыр, төгәл әйтә алмыйм, мин рус телен бөтенләй белми идем. Рус малайлары сөйләшкәндә, “Нәрсә дип әйтәләр алар?” – дип, әнидән сорый идем”, – дип сөйли ул.

Русланның әтисе ягыннан әбисе исән икән. “Әти ягында да моңлы әбиләр-бабайлар булган. Әни дә җырлаштыра. Ашарга пешергәндә, эш эшләгәндә моңлана инде ул. Көйгә туры килә аның тавышы. Ә иҗат юлы белән китүче безнең нәселдә – мин генә”, – ди Руслан.

“Беренче тапкыр нәкъ балалар бакчасында йөргәндә чыктым инде сәхнәгә. Чаллыда Сара Садыйкова исемендәге зур концертлар залы бар. Шунда тәүге тапкыр чыгыш ясаганда, 4 яки 5 яшь булгандыр. Ачык кына хәтерләп тә бетермим: халык күп булды микән, аз булды микән… Әмма җырлавым истә”, – дип сөйләгән ул беренче чыгышы турында.

Руслан мәктәптә әйбәт укымаган икән. “Өчлесе” дә булды, “икелесе дә”, дип сөйләгән ул.

ЧЫГАНАК: https://vk.com/dilyafruz2022?from=search

ТАТАР ТУДЕЙ ТЕЛЕГРАМ КАНАЛЫ - https://t.me/tatartoday

Запись Руслан Кираметдинов Ильмира Нәгыймова белән ничек танышуы турында сөйләгән впервые появилась Tatar Today - татар яңалыклары..

Русланның тормыш иптәше Ильмира Нәгыймова сүзләренчә, җырлы гаилә яңа сезонда бергә эшләячәк. Инде концерт программасын әзерли дә башлаганнар.

“Без Руслан белән уйладык-уйладык та…Өр-яңа программа белән сентябрь аенда,икәү концертлар белән чыгабыз Аллах бирсә. Башта Руслан сәхнәдән китәм дип әйткәч үземә урын таба алмадым,үзем генә җырлыйм,концертлар куям алайса дидем. Ул шатланды гына. Әммә дә ләкин,бу яман чир аркасында мин дә тукталдым. Бик күп уйладым, 100 тапкыр Руслан белән сөйләштем  hәм ниhаять без аның белән шундый фикергә килдек”, – дип хәбәр итте җырчы һәм концертларга әзерләнүләрен җиткерде.

Запись Руслан Кираметдинов сәхнәгә кире кайта! впервые появилась Tatar Today - татар яңалыклары..

Җырчы Ильмира Нагыймова Инстаграмында сәхнә киемнәреннән төшкән 10 фото урнаштырган. Монда ул: “Сезгә бу образларның кайсысы күбрәк ошый”, дип тә сораган. Язылучылары узыша-узыша үзләренең фикерләрен калдырган, төрле сандагы күлмәкләренә бәя биргән. 

View this post on Instagram

A post shared by Ильмира Нагимова 🎤Певица (@ilmira.nagimova)

Запись Ильмира Нәгыймованың иң матур 10 күлмәге [фото] впервые появилась Tatar Today - татар яңалыклары..

– Чаллыда яшәвегезне беләм, Казанга күчәргә уйламыйсызмы?

– Юк, күптән түгел ипотекага 3 бүлмә­ле фатир алдык. Чаллыда рәхәт, Казанга эш буенча гына барып кайтабыз. Балаларга 18 яшь тулып, алар укырга кергәч, Казанда да фатир алырга хыял бар.

– Җырдан тыш тагын берәр эш урыныгыз юкмы? Фатирны түләргә кирәк бит. Бәлки Руслан эшмәкәрдер?

– Юк, без җырлыйбыз гына.

– Быел берәр җиргә ял итәргә барасызмы? Гомумән, чит илләргә еш чыгасызмы?

– Беркайчан да чит илдә булганым юк. Быел да бармыйбыз. Хыялда бар, әлбәттә.

– Бакчада кызынабыз, дидең. Чаллыда бакчагыз бармы әллә?

– Юк, бакча авылда, әниләрнеке. Нәрсә кирәк, бөтенесен әниләр үстерә. Мин кайтып булышам гына.

– Ул бакча дача кебекме? Әллә әниләрең үз йорты белән торамы?

– Әниләр фатирда яши, 5 катлы йортта. Дачага бер минутлык юл. Анда мунча да бар. Әти белән әни тырыша инде.

– Үзеңне формада тоту өчен ниләр эшлисең?

– Ялганламый әйтәм: көнгә берәр нәрсә эшләмәсәм, мин – мин түгел. Йә йөгереп алам, йә башка берәр күнегү ясыйм. Мин шундый тиктормас инде. Йә чәчкә, йә биткә битлек булса да куеп алам.

– Элегрәк “Акчар­лак”­ка биргән ин­тервью­ың­да “характерым авыр, туры сүзле мин”, ди­гән­сең. Үзгәр­мә­деме әле ха­рак­­терың? Тормыш үзгәртә бит ул…

– Тормыш чыннан да үзгәртә икән. Олыгая барган саен акыл керә. Ләкин барыбер туры сүзле мин. Каты әйтмим, ләкин туры бәреп әйтәм. Элек ачу саклый идем, хәзер тиз оныта башладым. Шул ягым үземә бик тә ошый. Үз-үземә кисәк шаккатып куям, “үзгәрдем бит әле мин”, мин әйтәм. Үпкәләсәм дә тиз онытам. Дуслар, туганнар – барысы сынау аша үтте. Кайберләрен читләштердем, иң тугрылары калды.

– Русланга кем дип дәшәсең?

– “Кираметдинов”, йә “матурым” дим.

– Бергә күпме яшисез инде?

– 6 ел була.

– Үкенгән чакларың булдымы?

– Юк. Тормышка, гаиләгә карата үкенгәнем булмады. Мин гел “шулай язгандыр, шулай булырга тиештер”, дим.

– Син көчле хатын-кызмы?

– Әйе, бик көчле.

– Үпкәләшкәндә кайсыгыз беренче эндәшә?

– Хәзер – мин, элек гел Руслан иде. Мин үзем кычкырып та куя алам, ләкин тиз онытам. Биш минуттан сөйләшә башлыйм. “Ник җавап бирми бу?” – дип карасам, Руслан үпкәләп утыра икән.

– Бер-берегезгә ниләр бүләк ите­шәсез?

– Берни бүләк итешмибез. Безнең акча да бер кесәдә. Мин менә Русланнан сорыйм да, “менә моны алыйм әле” дип, барам да алам. Ул шулай ук миннән сорый да, кирәген барып ала. Бүләкләр бирешкән юк. Яратмыйм.

– Өченче бәби алып кайтырга уйла­мыйсыңмы?

– Юк.

– Ни өчен?

– Бу ике балама шулкадәр бирелгәнмен, йөрәк түзмәс кебек. Барыбер калдырып китәргә туры килә аларны гастрольгә. Гастрольдә елыйм мин шулкадәр, тизрәк кайтасы килә. Өченчесен алып кайтсам, бөтенләй йөрәгем өзеләчәк. Шуңа күрә без Руслан белән озакка гастрольгә чыгып китә алмыйбыз. Аена 4-5 көн генә йөреп кайтабыз. Башка артистларга карап торам: бала табалар да айлар буе кайтып кермиләр. Ничек сагынмыйлар икән?! Аларны сүгүем түгел, ләкин аңламыйм. Олысы Камил үсте хәзер, мин гастрольдә чакта телефоннан рәхәтләнеп сөйләшә, мине тынычландыра. Ә Ясминә бәләкәй, аны гел сагынам. Ләкин сайлаган һөнәремне дә алыштыра алмыйм. Җырсыз, җырламыйча шулай ук яши алмыйм.

– Син кырыс әниме?

– Бик кырыс. Тиздән улыбызга 5 яшь тула, телләргә сәләте бар, инглизчә миннән дә күбрәк белә. Ә кызым Ясминә 1 яшь 10 ай булуына карамастан инде җыр буенча ноталарга эләгә. Бик нечкә күңелле бала, үзем кебек. Моңсу җырларыма елап утыра.

– Улың Камилнең видеоларын “Инстаграм”га еш куя идең. Күптән түгел үзенә генә яңа бит тә ясадың. Ни өчен?

– “Улыгыз белән “Инстаграм” битегезне популярлаштырасыз”, – дип еш әйтә башладылар. Хәзер Камилдә 10 700 кеше, миндә 90 мең. Тормыш зур тизлек белән алга чаба. Шәхси бит алга таба аның үзенә кирәк булачак дип уйлыйм.

– Сәхнәдәш дусларың күпме?

– Алар икәү генә: Гөлназ Сираева һәм Ландыш Нигъмәт­җанова.

– Син бит җырчы булырга теләмә­гәнсең. Ни өчен?

– 16 яшемә кадәр спорт белән шөгыльләндем. Мин малай булып туарга тиеш булганмын ахры. Полициядә эш­ләргә те­ләдем. Кызлар армия­сендә хезмәт итәргә барасым килә иде. Спорт буенча 100ләп дипломым бар, җыр буенча аның кадәр юк әле.

– Ә нигә алайса спорт буенча гына китмәдең?

– Бервакыт шулай каратэ буенча ярышка киттем. Очколар яхшы гына өстәлә. Анда көндәшкә тияргә ярамый. Тәненнән 5 см ара калырга тиеш. Ә мин чамалап бетермәдем һәм борынын сугып сындырдым. Кан китте. Шуннан соң аңладым: мин табиб та була алмыйм икән, полициядә дә эшли алмаячакмын. Җырга сәләтем булгач, иҗатка кереп киттем инде.

– Алга таба нинди хыяллар белән янасың?

– Чит илгә барып кайтырга иде. Иҗатта яңа үрләр яуларга. Үз йортыбызны төзергә насыйп булсын. Фатирда яшәргә теләмим.

Автор: Румия Сәйфуллина

Акчарлак

Фото: https://vk.com/

Запись Ильмира Нәгыймова ни өчен тагын бәби алып кайтмавын кистереп әйтә. Сәбәбе менә нидә икән – Акчарлак впервые появилась Tatar Today - татар яңалыклары..

Запись Ильмира Нәгыймова белән Руслан Кираметдинова кызларына нинди исем сайлаган? впервые появилась Tatar Today - татар яңалыклары..

Запись Ильмира Нәгыймова кая югалган? [фото] впервые появилась Tatar Today - татар яңалыклары..