// Татар Тудей // Татар Бүген //

7 октябрь Казанның Филармония залында җырлы гаилә Илназ Баһ һәм Гүзәл Идрисованың “Пар алма” дип исемләнгән концертлары узды.

“Пар алма” дигән исем концерттагы һәр күренешкә, чыгышка юнәлтелгән иде. Парлы гаилә дуэтлары чыгышы, алып баручылар, уртак тормыш турындагы мәзәкләр – болар барысы да моңа ачык дәлил булып тора. Хәтта алып баручылар уенга да парлап килгән гаиләләрне дәшеп алды һәм гаилә тормышына караган үзенчәлекле сорау-биремнәр яудырып, аларга бүләкләр өләшеп, тамашачының күңелен күрде.

Әйе, әлеге кичәне, чын мәгьнәсендә гаилә бәйрәме дияргә була. Алар үзләре дә аны шулай дип атады. Илназ Баһ белән Гүзәл Идрисованың бергә гомер итүләренә 10 ел. Программа аларның бу бәйрәменең асылын тулысынча ачып бирде. Баһлар гаиләсенең тулы составта искиткеч мәгънәле җыр башкаруы гына да ни тора иде.

Концертта җылы мохит тудыруда Илназ һәм Гүзәлнең тамашачы белән ихлас аралашуы да мөһим роль уйнады. 10 ел бергә үткән юлларының хатирәләре белән бүлеште алар.
⠀
“Гаилә булгач, төрле хәлләр була. Ләкин барыбер гаиләбездә күңелле мизгелләр күбрәк булды, Аллага шөкер”, – диде Гүзәл Идрисова.

Моннан 10 ел элек булган уртак хатирәләрне дә искә төшереп үтте Баһлар гаиләсе. Бервакыт Арчага җырларга чакыргач, Казанда бөкеләр булу сәбәпле, ике араны 23 минутта үткәннәр алар. Ләкин концерт 1 сәгатькә соңрак башланган. “Һәм мин шунда бөтен нәрсә уйлаганнарымны чәчеп салдым. Болай ярамый. Әле матур гына гаилә корасы бар, сәламәтлек мөһим, әз генә соңга калсак та була дидем”, – ди Гүзәл Идрисова. Хәзер инде гаилә белән булганда, Илназ Баһ тизлекне арттырып йөрми икән.

Гомумән, җырлы гаиләнең әлеге концерты үзенчәлекле иде, чөнки биредә 10 ел элек булган хәлләрдән бүгенге көнгә кадәр “җыр күпере” салынган. Ә Хәния Фәрхи репертуарыннан “Ышан бары йөрәк авазыңа” дигән җыр башкарылганнан соң, тамашачының аягүрә басып Баһлар гаиләсен алкышлавы аерым игьтибарга лаек. Чыгыш ясаган дуслары-туганнары, шулай ук сәхнәгә менеп котлаган якыннарының җылы сүзләре дә моңа тагын бер сәбәп булып торадыр, мөгаен.

Татар-информ фотолары

Запись Гүзәл Идрисова: “Һәм мин шунда бөтен нәрсә уйлаганнарымны чәчеп салдым. Болай ярамый…” впервые появилась Tatar Today - татар яңалыклары..

http://www.instagram.com/p/BNgdpwADH0U/?taken-by=tamada_chulpantv

Инстаграмда шундый видеоларны мәҗлесләрне алып баручы, тамада Чулпан Гарипова урнаштырган. “Туган авылым” ресторанында “Идел” журналы үткәргән бәйрәмдә йолдызларның гаиләләре белән чыгыш ясауларына сөенеп: “Матур гаилә, супер гаилә”,-дип язган.

http://www.instagram.com/p/BNgcVLMDLVJ/?taken-by=tamada_chulpantv

Видеоларның астында калган язулар да бик позитив рухта: “Матур йолдызлар һәм аларның йолдызчыклары! Яратабыз сезне! Тормышыгыз, иҗатыгыз бәхетле, озын гомерле булсын ! Без тамашачыны яңадан-яңа һәм матур җырлар белән сөендереп торыгыз”, “Ой, нинди молодецлар бу кечкенә блондинчиклар! Бәхетле, сау-сәламәт булыгыз! Бигрәк матур җырлыйсыз, тавышыгыз гөрләп тора! Уңышлар сезгә!”- дип язганнар.

Tatar Today

Запись Илназ Баһ-Гүзәл, Алсу-Азат дуэтлары балалары белән рестораннарда җырлап йөри [видео] впервые появилась Tatar Today - татар яңалыклары..