Архивы Илшат Әминов - Tatar Today - татар яңалыклары.

ТНВ башлыгы Әминов “Милли премия”не алып бармакчы? Әнвәр Нургалиев, Гөлназ Асаева һәм башкалар акча түлиләрме? [видеорепортаж]

Габдулла Тукай — Mon, 16 Dec 2019 10:33:22 +0000

// Татар Тудей // Татар Бүген // Алсу Әхмәт //

“Болгар радиосы” милли музыкаль премиясе лаеклыларны барлап, җиденче мәртәбә тапшырылды. 14 декабрь Казанда тамашачылар яраткан артистлары белән бергәләп аларның уңышларына сөенде. Яңа исемнәр, аермалы сәхнә бизәлеше, заманча җырлар белән бергә үрелеп барган ретро җырлар һәм күптән көтелгән яңалыклар-боларның барысын “Пирамида” күңел ачу үзәгендә узган “Болгар радиосы” милли музыкаль премиясен тапшыру тантанасында күреп булды. Алып баручылар, артистлар тарафыннан да, әлеге премиянең бары тик халык сайлап алганнарга гына тапшырылганына акцент ясалды.

Тантананы гадәттәгечә Рөстәм Гәйзуллин белән Илфар Кәримов һәм шулай ук, ир-атлар төркемен җанландырып җибәрүче, Татарстан Яңа гасыр каналы аша таныш булган Эльвира Фазлыева да алып барды. Концертны тамаша кылган, ТНВ каналы башлыгы Илшат Әминов, аларга карап үзендә дә милли премияне тапшыру тамашасын алып бару теләге тууын әйтте.

“Мин залда утыруга караганда сәхнә артында булып мондагы атмосфераны тоярга яратам. Сәхнәдә-әзерләнеп куелган күренеш, ә артында тормыш гөрли. Дөресен генә әйткәндә, миндә алып баручы ролен башкару теләге туды. Мин элек тә шигырьләр сөйләп, тамашалар алып бара идем. Ләкин әлегә татар телен белү дәрәҗәсен күтәрергә кирәк, чөнки болай гына сәхнәгә чыгып булмый. Кызыклы булсын дисәң-импровизация кирәк. Мин үзем ипровизацияне бик яратам, әмма ул әйбәтләп әзерләнгән булырга тиеш”, диде Әминов Татар Тудейга.

Илшат әфәнде шулай ук, җыр авторларын, композиторларны да бәяләп, аларга мәртәбәле дипломнар тапшыру күренеше әлеге тамашаны башкалардан аерып тора диде. “Яшь, яңа исемнәрне халыкка чыгарып, аларга иҗатта дөрес юнәлеш күрсәтер өчен тагын берничә премия булырга тиеш безнең Республикабызда”, ди Әминов.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Тамаша барышында алып баручылар берничә кат, әлеге премиягә бары тик тамашачы мәхәббәтен яулаган, тамашачы сайлаган җырчылар гына ия була ала дип ассызыклады. Җырчы Гөлназ Асаева быел милли премияне беренче тапкыр алды һәм ничек моңа ирешкәнен сөйләде.

“Тнв каналы хит-парадында “Китә кызлар” җыры беренче урын алды һәм шуннан соң мине бирегә чакырдылар”. Гөлназ шулай ук алга таба булган планнары белән дә уртаклашты. Сүз уңаеннан бу елның көзеннән, җырчы үз концертлары белән гастрольләргә чыгарга әзерләнгән иде. “Әйе, дөрестән дә команда белән бераз гына аңлашылмаучанлык килеп чыкты һәм үзем генә эшләргә мәҗбүр булдым. Әле әзерләгән яңа программаны Башкортстанда гастрольләр белән

башлап җибәрергә булдым, чөнки Татарстанга керергә акча җитмәс дип уйладым. Дөресен генә әйткәндә, мин гап-гади концерт белән генә чикләнергә теләмим, креативлык эзлим, булса-сыйфатлы булсын дидем”, дип әйтә Асаева.

Әнвәр Нургалиевның “Болгар радиосы” милли музыкаль премияне икенче тапкыр алуы. Белгәнебезчә, Әнвәрнең дә гастроль графигы бик тыгыз һәм концертлар арасында мондый тантаналарга килеп бүләк алу бик сөендерә дип әйтә җырчы.

“Әлеге бүләкне балаларыма күрсәтер өчен дә, һәм шулай ук минем иҗатымның нәтиҗәсе булып та күрәм. Менә шушы сынны фәлән елны фәлән җыр өчен, акча түләмичә, ә лаек булганга күрә алдым дип әйтер өчен”, диде җырчы.

Билгеле булганча, “Болгар радиосы” милли музыкаль премиясен тапшыру тантанасында башкаручыларны гына түгел, ә шулай ук сүз һәм көй авторларын да бүләклиләр. “Спектакльләргә музыка иҗат иткәне өчен” талантлы композитор Эльмир Низамов та премиягә ия булды. Хәер, Эльмир сәхнәгә чыгып синтезатор артына баскач, тамашачылар арасында “Бу кем икән?” дип әйтүчеләр булды, ләкин Илүсә Хуҗина һәм Камал театры артистлары башкаруындагы театраль номердан соң халык алкышларын җәлләмәде. Мөгаен, әлеге тамашадан соң, Эльмирны белүчеләр саны күпкә артыр.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Тантанада легендар җырчы Рафаэл Ильясовны да зурладылар. Ул да сәхнәгә чыккач халык тарафыннан көчле алкышларга күмелде. Рафаэл әфәндегә дә шулай ук алтын йолдыз сыны тапшырылды.

Автор-башкаручы, продюсер Гүзәлия концерт югары дәрәҗәдә, зәвыклы итеп оештырылганын билгеләп үтте. “Премияләр бик күп булса да, аларны чагыштыру кирәкмәс, чөнки аның һәрберсе аерылып тора үз атмосферасы, җырчылары белән. Әлеге премиягә килгәндә, аның югары дәрәҗәдә эшләнгәнен әйтеп узасым килә. Сәхнә бизәлеше бик ошады, шулай ук программаның алты сәгатькә сузылмавы да хуш килде”, диде Гүзәлия.

Ришат Төхвәтуллин быел “Татар җыр сәнгатенең асылын саклап дөньякүләм дәрәҗәдә иҗат иткәне өчен” алтын йолдыз сыны белән бүләкләнде. Җырчы тамашачыны “Тиңнәр юк” җырын башкарып сөендерде. Ә соңыннан халык Ришатның хәзер инде Татарстанның атказанган артисты икәнен дә белде. Бу яңалыкны тамашачы овация белән каршы алды.

Запись ТНВ башлыгы Әминов “Милли премия”не алып бармакчы? Әнвәр Нургалиев, Гөлназ Асаева һәм башкалар акча түлиләрме? [видеорепортаж] впервые появилась Tatar Today - татар яңалыклары..

ТНВ генераль директоры Илшат Әминов яңа вазыйфа башкарачак

Лэйсирэ — Thu, 24 Jan 2019 10:30:56 +0000

Татарстан Журналистлар берлегенә яңа рәис сайланды. Дәүләт Советы депутаты, “Яңа гасыр” телерадиокомпаниясе генераль директоры Илшат Әминов шушы вазыйфаларны башкарачак. Бу хакта берлекнең XIX съездында билгеле булды.

Съезд Татарстан халыкларының Дуслык йортында узды. Илшат Әминов кандидатурасын президиум тәкъдим итте. Рәислеккә бүтән кандидатлар булмады. Делегатлар Илшат Әминов өчен тавыш бирде.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Римма Ратникова берлек белән 1995 елдан бирле идарә итте. 24 ел җитәкчелек иткәч, ул бүтән үз кандидатурасын чыгармаска карар кабул иткән.

Илшат Әминов кандидатурасын Татарстанның Журналистлар берлеге рәисе Римма Ратникова тәкъдим иткән иде.

Чыганак һәм фото: Татар-информ

Запись ТНВ генераль директоры Илшат Әминов яңа вазыйфа башкарачак впервые появилась Tatar Today - татар яңалыклары..

ТНВ башлыгы Илшат Әминовка өстәмә вазыйфа тәкъдим ителә

Лэйсирэ — Fri, 28 Dec 2018 15:34:58 +0000

“Яңа гасыр” телерадиокомпаниясе генераль директоры Илшат Әминов Татарстан Республикасы Журналистлар берлеге рәисенә кандидат итеп тәкъдим ителде. Бу хакта берлектә узган президиум утырышында билгеле булды.

Илшат Әминов кандидатурасын Татарстанның Журналистлар берлеге рәисе Римма Ратникова тәкъдим итте.

“Съезд алдыннан үз кандидатурамны чыгарыйммы дип озак уйладым. Озак уйлагач, мин 24 ел бик зур срок дип карар кылдым. 24 ел – тормышымның зур өлеше. Вакытында китә белү мөһим. Минтимер Шәймиев безгә яхшы мисал бирде”, – диде Римма Ратникова. Ул “депутат мандаты булган кеше берлеккә рәис булса, тагы да яхшырак булачак” дип, Илшат Әминов кандидатурасын ни өчен тәкъдим иткәнен әйтте.

2019 елның 24 гыйнварында ТР Журналистлар берлегенең XIX съезды узачак. Илшат Әминов – кандидатларның берсе генә. Калган кандидатлар кем булуы әлегә билгеле түгел.

Бу хакта тулырак: tatar-inform

Фото: Реальное время

Запись ТНВ башлыгы Илшат Әминовка өстәмә вазыйфа тәкъдим ителә впервые появилась Tatar Today - татар яңалыклары..

Илшат Әминов “Шаян ТВ” балалар каналының кайчан популяр булачагын юрады [видео]

Габдулла Тукай — Thu, 08 Nov 2018 17:30:52 +0000

//Tatar-today.ru// Рөстәм Исхакый фотолары//

12 ноябрьдән балалар өчен тәүлек буена татарча “Шаян ТВ” каналы күрсәтә башлый. Яңа канал тәүлек буе татар телендә эшләячәк. Татарча аңлап бетермәгән кунакларга урысча да аңлатма бирәчәкләр. Алып баручы сүзләрне урысчадан татарчага тәрҗемә итеп бара.

View this post on Instagram

A post shared by Tatarstan News. Tatar (@tatnews.tatar)

“Шаян ТВ” Татарстанның мәгариф министрлыгы ярдәме белән эшли. Шуңа күрә яңа каналның балаларны уку-укыту мәсьәләсендә дә өлеше зур булачак. Оригинал програмнар, уен-шоулар, викториналар, тәрҗемә ителгән фильмнар, мультфильмнар, фәнни-популяр, әдәби тапшыруларны караган балалар татарча гына сөйләшә башлаячаклар, дип фаразлый каналны оештыручылар. Сүз уңаеннан, Илшат Әминов беренче нәтиҗәләрне төгәл 3 айдан соң күрергә өметләнә. “Өч айдан “Шаян” балалар арасында популяр булыр дип көтәм”, ди ул.

Яңа каналда күрсәтеләчәк мультфильмнарны сыйфатына һәм эчтәлегенә карап сайлаганнар. Аларга күп тавышлы тәрҗемә ясалган. “Шаян ТВ” балалар өчен популяр каналга әйләнергә тиеш. Күрсәтеләчәк мультфильмнар да аларга ошар дип өметләнәбез”, ди ТНВ җитәкчесе.

“Шаян ТВ” тулысынча дәүләт канаты астындагы канал. Бюджеты 100 миллион сумнан күбрәк булачак, диде Әминов. Чыгымнарның өчтән ике өлеше җиһазлар алу, студия ясауга киткән, калганы сигнал тарату, контент һәм башка чыгымнар.

Әлегә каналны “Таттелеком” операторында, кабель аша, цифрлы мультиплекста, shayantv.ru сайтында һәм Youtube-та карап булачак. Калган операторлар белән дә сөйләшүләре бара.

https://www.instagram.com/p/Bp6vZaAgSX6/

Запись Илшат Әминов “Шаян ТВ” балалар каналының кайчан популяр булачагын юрады [видео] впервые появилась Tatar Today - татар яңалыклары..

ТНВ башлыгы Илшат Әминов ни өчен җырларга булган? [видео]

Редактор1 editor1 — Fri, 26 Aug 2016 07:14:53 +0000

25 августта Эфир телеканалы 25 яшьлек туган көнен билгеләп үтте. Шул уңайдан, Корстон күңел ачу үзәгендә зур бәйрәм тантанасы булып узды.

Бәйрәмгә телеканалның хәзерге хезмәткәрләре, шулай ук элек эшләп киткән алып баручылар да җыелган иде. Илшат Әминов та бәйрәм концертында катнашты.

#эфиру25 #корстонказань #роскошныйпраздникТВ

Видео опубликовано Марина Коновалова (@marinanew2015) Авг 25 2016 в 2:16 PDT

Ә бу видеода Татмедиа җитәкчесе гитара алып президент белән эшләгән вакытларын сагына ахры:

#эфиру25 #корстонказань #роскошныйпраздникТВ #основателидрузьяколлегигостипартнерызвезды

Видео опубликовано Марина Коновалова (@marinanew2015) Авг 25 2016 в 2:20 PDT

Запись ТНВ башлыгы Илшат Әминов ни өчен җырларга булган? [видео] впервые появилась Tatar Today - татар яңалыклары..

ТНВ каналын алга таба район-авыллар карый алмаска мөмкин [актуаль тема]

Габдулла Тукай — Fri, 03 Jun 2016 10:33:15 +0000

Русия хөкүмәте акча юклыкны сәбәп итеп милли телеканалларны якындагы елларда эфир аша тапшырылачак мультиплекска кертергә җыенмый.

//Азатлык радиосы//

Русия думасы 8 июньдә “Мәгълүмат чаралары турында” һәм “Элемтә турында” кануннарга үзгәрешләр кертүне икенче укылышта караячак. Канун кабул ителсә, төбәкләрдәге милли телевидение тапшырулары кабель аша халыкка барып җитәкчәк 21нче канал булып барачак.
Һәр төбәктән бер милли канал әлеге 21нче “төймәгә” урнашачак, калган 20се федераль каналларга бирелгән инде. Канунда шулай ук милли канал тапшыруларының күпме өлеше үзләренеке булырга тиешлеге дә язылачак. Әлегә кадәр ул йә 30 процент, йә 75 процент булырга мөмкин дип белдерелә. Кабельле телевидениенең төбәктә яшәгән халыкның кимендә 50 процентына барып җитәргә тиешлеге дә күрсәтелә.

“Татарстан-Яңа Гасыр” телерадиоширкәте (ТНВ) җитәкчесе Илшат Әминов милли каналны кабель аша гына халыкка җиткерүне отышлы ысул дип атамый. Аның сүзләренчә, авыл халкы милли тапшырулардан бөтенләй мәхрүм калачак.

“Казан, Чаллы, Әлмәтне алсак, аларда 80-90 процент кабель кергән, анда проблем юк. Авылга нинди кабельле телевидение барып җитсен инде. Һәрбер йортка кабель сузу миллионнарча сумга төшәчәк”, ди ул.

Башкорт Иярчен Телевидение (БСТ) ширкәте җитәкчесе Галим Якупов та кабель аша милли каналны күрсәтүне отышсыз адым буларак бәяли. “Оператор һәр авылга кабель сузмаячак. Башкортстан халкының 40 проценты авылларда яши, һәр йортка кабель кертеп булмый – зур чыгымнар сорый”, ди Якупов.

Милли республикалар үз телевидениеләрен цифрлы форматта эфир аша тапшырулар алып барачак телевидениеләрнең дәүләт төзегән исемлегенә кертү өчен көрәшне дәвам итә. Татарстан, Башкортстан, Саха (Якутия) республикалаларының милли телевидение җитәкчеләре бергә җыелып Русия җитәкчелегенә, Думага, элемтә министрлыгына хат та юллаган иде.

Илшат Әминов

Әминов фикеренчә, нәкъ аларның әлеге мөрәҗәгате кабельле телевидениегә караган канунга үзгәрешләр кертергә этәргеч ясаган булырга тиеш. “Безнең максат эфир аша тапшырылачак цифрлы мультиплекска ничек тә эләгү. Мин мультиплекска милли республикаларны кертмәүне гаделсезлек дип саныйм. Русиядә яшәүчеләр рәхәтләнеп 20 каналны урыс телендә карасын, ә татарларга татар телендә тапшырулар барып җитмәсен. Бу дөрес түгел бит! Кануннар һәм Конституция нигезендә дә татар халкының үз телендә тапшырулар карага хокукы бар. Әгәр милли каналлар мультиплекска кертелмәсә, татар халкы безнең тапшыруларны иярченнәр аша гына карый алачак, ә аңа түләү кирәк булачак. Бу дөрес түгел бит!”, ди Әминов.

2018 елда Русиядә телевидение тулысынча цифрлы форматка күчеп бетәчәк дип белдерелә. Халык акча түләмичә генә яхшы сыйфатта карый алачак телеканаллар исемлеге булдырылды. Бу телеканаллар бер цифрлы пакетка (мультиплекс) җыелып тапшырылачак. Беренче мультиплекска 10 федераль канал кергән.

Беренче мультиплекска кергән каналлар исемлеге

Икенче мультиплекста шулай ук 10 канал. Алар бу исемлеккә эләгү өчен Русия элемтә министрлыгы үткәргән бәйгедә отучылар дип күрсәтелә.

Икенче мультиплекска кергән каналлар исемлеге

Документларда беренче һәм икенче мультиплекска кергән 20 канал илдә “мәҗбүри күрсәтелергә тиеш” дип ассызыклана. Якын киләчәктә менә бу 20 канал эфир аша да һәм кабель сузылган җирләргә дә барып җитәчәк.

Алдан исә, 2010 елда Русия җитәкчелеге беренче һәм икенчедән кала тагын өченче мультиплекс та булачак, аңа төбәкләрдәге дүрт канал һәм бер федераль канал кертеләчәк дип белдергән иде. Хәзер исә икътисади кыенлыклар туу сәбәпле бу мультиплексны булдыру эше бөтенләй тукталган.

Николай Никифоров

Русия элемтә министры Николай Никифоров 11 майда Думада чыгыш ясап, мәгълүмат кырына караган бөтен дәүләт програмнарын бюджеттан финанслау кимү сәбәпле, милли каналларны дәүләт ярдәменә өметләрен өзәргә һәм кабельле телевидениегә керергә чакырды. Никифоров сүзләренчә, дәүләт беренче мультиплекска кергән 10 федераль каналны гына финанслаячак, ә икенче мультиплекстагы 10 канал үз көннәрен үзләре күрәчәк. Шулай да Никифоров, 2018 елда икътисади хәлләр яхшыра калганда, өченче мультиплексны булдыру мөмкинлеген дә кире какмый.

Мультиплекска күчә башлауның беренче адымы цифрлы телечелтәр булдыру иде. Русиянең төрле төбәкләрендә ул өлешчә сынала башлады. 2012 елның 1 мартында Русия телевидение һәм радио челтәре (РТРС) Татарстанда DVB-T2 цифрлы форматында эфир аша телетапшырулар башлады, ул Казаннан 40-60 чакрым ераклыкка кадәр 1,5 млн халыкны хезмәтләндерә, дип белдерелде.

Илшат Әминов сүзләренчә, өченче мультиплекс өчен әлләни акча да кирәкми, бөтен нәрсәне төбәкләр үзләре хәл итә алачак.

“Төбәкләрдә мультиплекс җиһазлары төзелгән дип әйтергә мөмкин. Бездә, Чуашстанда, Екатеринбурда… Аның ешлыгы да бар. Бәйге үткәрсәләр, лицензия бирсәләр, аларга (Мәскәүгә) сорау булмаячак, без аны әллә кайчан эшләп куяр идек инде”, ди Әминов.

Галим Якупов

БСТ җитәкчесе Якупов та һәр гаиләнең яхшы сыйфатта милли каналны да карау мөмкинлеге булсын өчен, Мәскәү федераль акчаларга түгел, ә төбәкләр акчасына тагын бер мультиплекс төзергә рөхсәт бирергә тиеш дигән фикердә. Мәсьәләне хәл итүдә “башка юлны күрмим мин” дип белдерде ул “Кабельщик” сайтына.

Русия җитәкчелеге ерактагы авыллар 4-5 телевидениедән кала башка каналларны карый алмый, сыйфаты да начар дип цифрлы телевидение булдыру эшенә керешкән иде.

Запись ТНВ каналын алга таба район-авыллар карый алмаска мөмкин [актуаль тема] впервые появилась Tatar Today - татар яңалыклары..