Архивы ИльсияБадретдинова - Tatar Today - татар яңалыклары.

Илсөя Бәдретдинова яңа клибын Теләче урманында төшерә! Кызык буласыга охшаган [видео]

kadria — Tue, 28 Jul 2020 11:08:13 +0000

// Татар Тудей // Татар Бүген //

Илсөя Бәдретдинова бандасы белән Теләче урманында җыелып, клип төшерәләр.

Алмаз Мирзаянов белән Гүзәл Карамиеваның видеоларына күз салсак, клип бик кызык килеп чыгарга тиеш! Алмаз Мирзаянов сүзләре буенча: Апада начар әйбер булмый!

Видео Гузель Карамиева һәм Алмаз Мирзаянов инстаграм битеннән

Запись Илсөя Бәдретдинова яңа клибын Теләче урманында төшерә! Кызык буласыга охшаган [видео] впервые появилась Tatar Today - татар яңалыклары..

Илназ Гарипов “Ятим бала”ны “әниле” итә [видео]

Гузель — Thu, 20 Apr 2017 22:33:21 +0000

Шушы көннәрдә автор-башкаручы Илназ Гариповның үзе язган “Ятим бала” җыры хәзер Илсөя Бәдретдинова дуэты белән берлектә чыгачак. Алар инде җырга “яңа сулыш” өреп, студиядә яздырган. Илназ Гарипов “Ятим бала”ның килеп чыгу, язылу тарихы белән бүлешә. //Tatar Today//

Артист әйтүенчә, ул жырны Арча педагогия көллиятендә укыгында Лилия Габдрахманова сүзләренә язган булган. Үзенең беренче (сольный) концертында “Ятим бала” ны үзе генә башкарган. Аннан Казанда үткән икенче концертында, шулай ук дуэтлар белән чыгыш ясаган концертта ул Илсөя Бәдретдинова белән бергә башкарылган вариантын халыкка чыгарырга булган.

Әле күптән түгел генә Илназ Гариповның әнисе фани дөньялардан китеп барган иде… Бу аның өчен зур югалту булды. Җырчы белән халык бергә сыкранды, борчылды, кайгысын уртаклашырга теләде… Шуңа да, җырда үзәк урынны алып торган ятимлек темасы, кызганычка каршы, Илназ Гарипов өчен чит түгел. Ул үзе дә шушы ук фикердә.

“6 яшьтә әтиемне югалттык. Әни белән әби мине һәм абыемны тәрбияләп үстерделәр. 35 көн элек әниемне җирләдек. Ятимлек темасы миңа чит түгел. Бәлки, “Ятим бала” шуңа күрә язылгандадыр”, дип әйтә.

2-3 көн дигәндә, Илназ Гариповның үзе генә башкарган җыры Илсөя Бәдретдинова белән яздырган вариантында көтелә. Тамашачылар күңелләргә уелып керә торган, сүзләренә тетрәндергеч мәгънә салынган “Ятим бала” җырын дуэт буларак яңача кабул итәр кебек тоела.

http://tatar-today.ru/wp-content/uploads/2017/04/c6e53b3b11.360.mp4

Запись Илназ Гарипов “Ятим бала”ны “әниле” итә [видео] впервые появилась Tatar Today - татар яңалыклары..

Илсөя Бәдретдинова: “Бакча юк, сыер юк, ләкин бер әйбергә өлгереп булмый” [артист тормышы]

Редактор1 editor1 — Wed, 05 Apr 2017 18:44:38 +0000

Өйне җыештырырга күпме вакыт кирәк икән? Җырчы Илсөя Бәдретдинова шушы сорауны укучыларына биргән, үзе дә җавап кайтарган. Авыл кызы булганлыктан, ул авыл белән шәһәр тормышына күзәтү дә ясаган. //Tatar Today//

“Нишләптер авылда яшәгәндә бөтен нәрсәгә өлгерә идем мин! Иртән мәктәпкә киткәнче, идәннәрне юып китә идек. Савыт-сабаны ике зур савытка су җыеп, сода белән юа идек. Ә суны кышын да, җәен дә чишмәдән алып кайта идек. Мунчага суны чиләк белән ташып кара әле хәзер. Идәннәр буялмаган иде… Зәйнәп әби әз генә уксус кушкан су һәм мунчала белән ышкып-ышкып юдыра иде. Ә керләр? Мунча алдында юасың да, чишмәгә чайкарга алып китәсең. Суыкларда кер ката, чайкап булмый. Гәлүш эченә су тула. Йон оекбаш белән бергә ката. 20 сутый бәрәңге бакчасы, 10 сутый яшелчә бакчасы. Утырттык та, утадык та, суын да сиптек. Баз тутырып банкалар да яптык. Сыер, ике-өч үгез, сарыкның санын белгән кеше дә юк, тавыкныкын да… Аның өстенә үрдәк, каз. Печәнне дә чалгы белән чабып, сәнәк белән төяп кайта идек. Ярар сөйләгән сүз инде. Өлкәнрәк кешеләр мине аңларлар.

Ә хәзер? Фатирда яшим! Салкын-кайнар су агып тора, юынгыч астындагы чиләк тулмый. Керләрне машина юып, корытып чыгара. Ашарга мультиварка пешерә. Идәннәрне ышкып торасы юк. Бакча юк, сыер юк… Ләкин бер әйбергә дә өлгереп булмый. Миндә генә шулаймы соң ул?”, дип тамашачыларына мөрәҗәгать итеп язган ул.

Запись Илсөя Бәдретдинова: “Бакча юк, сыер юк, ләкин бер әйбергә өлгереп булмый” [артист тормышы] впервые появилась Tatar Today - татар яңалыклары..

Илсөя Бәдретдинова халыкка файдалы булырга теләп, салам өстендә ятарга да риза

Редактор1 editor1 — Fri, 17 Mar 2017 10:40:23 +0000

Татар эстрада җырчысы Илсөя Бәдретдинова үзенең концерт плакаты янына басып уйга баткан. Артистлар үзләренең афишаларын фотога төшереп, шулай тамашачыны концертка чакыралар. Ләкин Илсөянең алай түгел. Аның башка уйлар. //Tatar Today//

“Һәрбер районда эленеп тора бу банерлар. Һәм беләсезме, концерт беткәч, кая китә алар? Берәрсе авылга алып кайтып китә. Салам, печән өстенә каплый. Шулай итеп, салам өстендә ятып торып та, халыкка күпме файда китерәм мин!”, дип язган җырчы.

Запись Илсөя Бәдретдинова халыкка файдалы булырга теләп, салам өстендә ятарга да риза впервые появилась Tatar Today - татар яңалыклары..

Бар ир-ат та эшли алмаганны, Илсөя Бәдретдинова булдыра [видео]

Редактор1 editor1 — Fri, 10 Mar 2017 15:50:01 +0000

Җырчы Илсөя Бәдретдинова үзенең кызу, ялкынлы холкы белән аерылып тора. Шуны дәлилләп диярлек, ул экстрим спорт белән шөгыльләнергә ярата. //Tatar Today//

Бу юлы ул каргизгечтә (снегоход) рәхәтләнеп йөри. Үз-үзенә ышаныпмы, ул кызу тизлек җыя. Аны утыртып җибәрүчеләр әйтмешли: “Тайды”. 200 белән куган снегоход, әйтерсең лә, Илсөянең һәрвакытта да яратып куллана торган йөрү транспорты. Әфәрин, Илсөя Бәдретдинова, булдырасың!

Запись Бар ир-ат та эшли алмаганны, Илсөя Бәдретдинова булдыра [видео] впервые появилась Tatar Today - татар яңалыклары..

Илсөя Бәдретдинова: “Илфак җырларын сорамагыз! Башкарсам бер җырга штраф 50 меңнән башлана…”

Редактор1 editor1 — Sun, 26 Feb 2017 07:00:29 +0000

«Мин исән!» Әнә шул исем астында Илсөя Бәдретдинова үзенең яңа концертлары белән чыгышларын башлап җибәрде. Соңгы вакытта җырчы тирәсендә күп сүзләр йөрде, продюссеры булган Илфак Шиһапов белән аерылышканнан соң, тамашачы «башка сәхнәгә чыкмас микәнни?» дип куркып та калган иде кебек. «Бер утырып уйладым да, тәк, болай булмый, дип, өч ай эчендә концерт программасы төзедем. Шушы вакыт эчендә әзерләнеп, гастрольләргә чыгып киттек, башка елларда бер ел әзерләнә идек», – дип аңлата Илсөя үзе. Без шалтыратканда да җырчының Сарман якларына концерт белән чыгып киткән вакыты иде. Аның белән телефон аша аралаштык. //Безнең гәҗит//

– Бу, «Мин Илфактан башка да җырлый алам», дип дәлилләү формасыннан чыгып оештырылган концерт түгел. Кулымда балам бар, миңа яшәргә кирәк. Акчага гына кайтып калмый – күңел дигән әйбер дә бар. 13 ел гомерем шул тамашачылар янында үткән. Мин залга чыгып басам да, үзем җырлыйм, үзем залны күзәтәм. Һаман бер үк кешеләр килә. Кайчандыр үзләре әниләренә генә ияреп килгән балалар үсеп, гаиләләрен корып, хәзер үзләре кечкенә балаларын күтәреп концертка килә. Бу шаккаткыч! Минем концертларга йөреп, гаилә коручылар да бар. Синең концертка килә торгач: «И, бу юлы да килдеңмени?» – дип сорашып, дуслашып киттек тә, өйләнешеп тә куйдык, диючеләр бар.

– Ни өчен концерт программагызны «Мин исән!» дип атарга булдыгыз?

– Исемне үзем сайладым, соңгы арада гайбәтләр бик күп йөрде бит. Аерылганны сөйләделәр, ябыкканны, чирләгәнне, рак белән чирли икән, дип тә сөйләделәр – бер ун кешенең килеп әйткәне булды. «Бүтән концертлар белән чыга алмаячак икән», диючеләр дә очрады. Бөтен гайбәтләргә бер зур нокта куяр өчен сайладым бу исемне. «Болай да кыска гомерне мине сөйләүгә әрәм итеп, гайбәткә батып ятмагыз. Артымнан сөйләп йөрергә кирәкми, нинди сорауларыгыз бар – күземә карап сорагыз, ничек бар, шулай җавап бирермен», – дип, чыгышларым алдыннан ук әйтеп куям. Бу тамашачы белән очрашу, кемнедер шәхси тормышым кызыксындыра икән, килсеннәр, сорауларына җавап бирермен.

– Ә чынлап та, яныгызга килеп, шәхси сорау бирүчеләр бармы соң?

– Бар, күптөрле сораулар бирәләр. Әллә ниләр сорыйлар. «Иртән нәрсә ашадың»нан алып, «кем белән йоклыйсың»га кадәр.

– Сез, үземне җырчыга санамыйм, дисез. Шулай да концертларыгызга тамашачы зал тутырып йөри. Аларны нәрсә җәлеп итә икән соң?

– Бер дә әйтә алмыйм шул. Моны тамашачыларның үзеннән сорарга кирәк. Башта авылларда, аннан район үзәкләрендә йөрдек – бөтен җирдә шыгрым тулы зал. Минем Зәйнәп әбинең: «Бәхет тынычлыкны ярата», дигән яраткан сүзе бар иде. «Кычкырып әйтмә-ә! Куркытасың», – дия иде, шуңа күз тиюдән дә куркам, Аллага шөкер инде.

– Бу сезонда Илфак абыйның җырлары юк. Тамашачы сорыймы?

– Концертның башында ук: «Сорамагыз», – дип әйтеп куям. Җырларга теләгем юк түгел, мин ул язган җырларны яратам, алар балаларым кебек якын миңа, тик миңа ул җырларны җырларга ярамый. Илфак Илдусович рөхсәт итми. Өстәп әйтәм, җырласам, бик зур күләмдә штраф түләргә тиешмен. Минем аның кадәр акчам юк .50 меңнән башлана бер җыр өчен штраф.

– Илфак Шиһапов: «Илсөя законсыз рәвештә концертлар куярга җыена», – дигән сүз әйткән иде. Нәрсә дигән сүз ул?

– Миңа ул караңгы, Айгөл. Чынлап, район үзәкләренә андый шалтыратулар булган, бу миңа сәер тоелды. Телевидениеләргә дә шалтыраткан – ниндидер конракт турында сүз бара. Мин бернинди контракт турында да белмим һәм беләсем дә килми. Күп нәрсәне аңламыйм. Халыкка да барысын да әйтеп бетерәсем килми, алай түбән төшәсем юк. Безнең гаилә хәлләренең тамашачыга таралуын җаным-тәнем белән теләмәгән идем. Кирәк әйбер түгел иде, ләкин таралды, нишләтәсең?

– Гаилә хәлләре, дигәннән, Илфак абыйны алиментка биргәнсез икән. Үзе ярдәм итмәдеме?

– «Без комментариев», дип, өч өндәү белән язарсың. Ничек йомшаграк итеп әйтим икән – ә менә үзең ничек уйлыйсың, ярдәм иткәнме? Хатын-кыз алиментка кайсы очракта бирә?

– Илсөя апа, Илфак абый, яңа хатын эзлим дип, игълан биргән, моны ничек кабул итәсез?

– Бик зур уңышлар телим. Без аерылышканнан гына Илфак начарга әйләнмәде – кем өчендер ул менә дигән ир булырга мөмкин. Бәхетле булсын. Фатиры бар, эшли торган кеше. Ул өйләнсә, минем дә җаным тынычрак булыр иде. Чөнки хатын-кыз ул таракан кебек: кая тыксаң, шунда яшәп китә, ә ир-атка ялгыз көн күрүе авыррак.

– Шиһапов җырлары булмаудан тыш, быелгы концертыгыз тагын нәрсәләр белән үзенчәлекле?

– Ниндидер мөгез чыгару өстендә эшләмим: стриптиз биемим, фокус күрсәтмим, гадәти концерт, елдагыча. Алып баручым юк минем, үзем сөйлим, аралашам. Концертка эшләргә дип түгел, тамашачы белән күрешергә, сөйләшергә дип барам. Шулай да, төркемем үзенчәлекле. 9 кешедән тора, араларында татар, керәшен, башкорт, мишәр, Оливер исемле афроамериканец бар. Мин аны интернеттан таптым: татарча җырлаганын күрдем, интернет аша телефон номерын эзләдем, аның белән очрашуга бардым. Очрашуга, беренче чиратта, кеше буларак кызыксынып барган идем: ничек инде, минәйтәм, бүгенге көндә – безнең татар балаларыбыз татарча сөйләшә белмәгәнгә түгел, оялганга сөйләшмәгән заманда, кайдандыр Африкадан кайткан бер кеше татарча җырлап утырсын әле! Кечкенә генә бер кабиләдән, 17 балалы гаиләдән ул. Инглиз, француз телләрендә, үз кабиләсенең телендә бик ачык сөйләшә. Беләсеңме, ул шундый бер сүз әйтте: моннан биш ел элек, Казанга укырга килгән булган. Университет бетергән, югарырак белем алу өстендә эшли. «Менә шушы биш ел эчендә мин сезнең татар милләтегезгә, республикагызга, гореф-гадәтләрегезгә, җырларыгызга, пөхтәлегегезгә шуның кадәр гашыйк булдым! Татар җиренә читтән килеп яшәгән кеше буларак, мине кабул иткәнегез өчен зур хөрмәт йөзеннән, татарча сөйләшмәскә хакым юк», – ди. Аның белән әкрен генә татарча сөйләшәбез. Әлегә авыррак. Кайбер сүзләрне ике-өч тапкыр кабатлыйм. «Все, окей, – ди. – Аңладым», ди. Ул татарчага ныклап торып өйрәнә. Гастрольләргә чыгып киткәч, автобуста юл буе икәү сөйләшеп барабыз. Ул мине инглизчәгә, мин аны татарчага өйрәтәм. Концертларда без аның белән керәшен халык җыры «Чын-чын әйтәмен»не дуэт итеп башкарабыз.

– Быел концертларыгызда башка авторларның гына җырларын җырлыйсыз. Ияләшмәгәч, читен түгелме?

– Сәерсендем башта. Менә Сарман районында яши торган олы гына яшьтәге Вәсимә Хәйруллина дигән апа бар. Күп кенә җырларымның сүз авторы ул. Темаларын башта үзем уйлыйм. Бер-беребезне ярты сүздән аңлыйбыз. Ә көйләргә килгәндә, Айдар Тимербаев, Альфред Якшимбетов, Ләйсән Мәхмутова, Ризван абый Хәкимов көйләренә язылган җырлар алар. Шул рәвешле 20 җыр тупланылды, диск чыгардым, анда Илфакның җырлары юк.

– Чыгышыгызны авыллардан башлагансыз, хәзер җырчылар авылларга бик йөрми кебек – чыгымнар керемнәрне капламый, диләр.

– Гайбәткә китмәсен, дип, исемен әйтмим. Әмма моннан бер ун еллар элек: «Без, дәрәҗә төшереп, авылларга чыкмыйбыз, күрәсе килгәннәр Казан уртасына килеп карасын безне», – дип утыра торган зур җырчылар да, кубарылып, авылларга чыгып киттеләр. Конкуренция бик көчле, артистларның да шулай ук ашыйсы, киенәсе килә, балалары да бар. Мин авылда торганда безгә Рөстәм Закиров килгән иде. Люция Мусина белән өйләнешмәгәннәр иде әле. Безнең авыл өчен шок булган иде, урамнарны җыештырып, юл читләрен буяп куйдылар. Казаннан артист килә бит! Шундый искиткеч зур вакыйга иде. Ничә генә ел вакыт үткән, бер карасаң. Ә хәзер алай түгел: килик әле сезнең авылга, дип, җырчылар үзләре шалтыраталар. Халык гарык инде артистлардан. «Ничә сәгатькә киләләр, биючеләре бармы, фонограммага җырламыйлармы соң?» – дип, сораштыралар – авыл халкы шәһәрләште хәзер. Тик мин гомер буе әйттем һәм әйтәчәкмен – авыл халкына хөрмәтем шәһәр халкы белән чагыштырганда зуррак. Авыл кешесе булмаса, каладагылар яши алмас иде. Үзем бөтен молекуляр составым белән авыл кызымын: сыер да савылган, печәне дә чабылды, тракторда да йөрелде. Бәрәңгесен дә күмдек, чөгендерен дә. Шуңа авыл кешесенең әйтәсе сүзен ярты авыздан аңлыйм мин. Авыл тамашачысы йөрәгемә якынрак.

– Элек сез җырлаган җырларны Айсылу Габдинова җырлый. Ничек кабул итәсез моны, авыр булып китмиме?

– Меңләгән кешеләр сәхнәгә киләләр дә китәләр, бала-чага белән булышып, вакытымны әрәм итә алмыйм. Бик талантлы кыз, чибәр, бик яшь кыз. Эшләсен, бер сүзем дә юк. Мин дә, ретро җырлар җырлаганда, башка җырчыларныкын җырладым бит. Шуңа Айсылуның моңа хакы бар дип уйлыйм. Әгәр җырлыйсы килә икән, Илфак Илдусович миңа түгел, аңа җырларга рөхсәт биргән икән – җырласыннар, ихтыяры. Бер генә мәгълүмат күңелгә авыр булды: «Илсөя ул җырларны халыкка җиткерә алмады, ә Айсылу үзенең искиткеч тавышы белән ул җырларны бөтенләй бүтән, югары дәрәҗәдә яңгыратачак», – дигән Илфак. Мин үземне беркайчан да җырчыга, йолдызга санамадым. Халык мине ничек бар – шундый итеп кабул иткән икән, мин аңа рәхмәтле, ахыргы бәяне дә халык үзе куярга тиеш. Мин бер генә кешегә дә начарлык теләмим. Бөтенебез бер тапкыр туган, бер тапкыр гына китәбез бу дөньядан, бөтенебезнең дә әнисе, бәхетле булсын, дип тудыра бу җиргә.

– Улыгыз концертлар белән чыгып китүегезне ничек кабул итте? Февраль аеннан алып, апрельгә кадәр бара бит чыгышларыгыз…

– Аңа җәй көне 14 яшь тула. Ул миннән ике башка зур, 42нче размер аяк киеме кия, күтәреп йөртә. Үзе – холкы, йөрешләре, кыяфәте белән – бик нык Илфакка охшаган, ксерокопиядән чыгартып алган кебек. Ул моны минем эшем дип кабул итә, белә моның бердәнбер яшәү чыганагы икәнен дә. Улым бик акыллы малай, мин түгел, ул мине өйрәтә тормышка. Улым «отличник» – минем бер проблемам да юк. Үзе уяна, «Хәерле иртә, әнием!», – дип, мәктәбенә китә, әкренләп үзе йомырка кыздырып та ашый башлады. Тормышымдагы бердәнбер ир-ат ул. Терәгем. Минем болай гастрольләрдә йөрүемне күргәч, кайвакыт әйтеп тә куя: «Арыйсың», – ди. Миңа ничек авыр икәнен күрә ул. Кайткач, яныма килә дә: «Әни, сиңа бик авыр, әллә әзрәк ял итәсеңме, башка җиргә эшкә керәсеңме?» – ди. «Соң, әйдә, улым, керәм башка җиргә эшкә – заводка урнашам 15 меңгә. Сине ничек укытам да, нәрсәгә яшибез?»– дим. Башка керем чыганагыбыз юк бит. Бу бит Казан. Улым бүгенге көндә бик матур, президент патронажы астындагы гимназиядә укый. Көчле укытучылар укыталар, ул үзе дә мәктәбен өзелеп ярата, шуңа күрә минем ул баланы аерып алып китәргә хакым юк әлегә. Ул мәктәбендә укып бетерсен өчен генә дә Казанда яшәү өчен көрәшергә тиешмен.

P.S. Илсөя Бәдретдинованың концертлары узачак район-авыллар исемлеген дә тәкъдим итәбез:

23 ФЕВРАЛЬ – МӨСЛИМ

24 ФЕВРАЛЬ – ӘЛМӘТ РАЙОНЫ, БИШМУНЧА АВЫЛЫ

26 ФЕВРАЛЬ – ЧИСТАЙ

27 ФЕВРАЛЬ – АКСУБАЙ

28 ФЕВРАЛЬ – АЗНАКАЙ

1 МАРТ – БУА

2 МАРТ – БУА

3 МАРТ – АПАС

4 МАРТ – МИНЗӘЛӘ РАЙОНЫ, ТҮБӘН ТӘКЕРМӘН АВЫЛЫ

5 МАРТ – ҮРГЕ ЯРКӘЙ, БАШКОРТСТАН

6 МАРТ – ДҮРТӨЙЛЕ, БАШКОРТСТАН

7 МАРТ – КУЯН, БАШКОРТСТАН

8 МАРТ – ЧАКМАГЫШ, БАШКОРТСТАН

9 МАРТ – НЕФТЕКАМА, БАШКОРТСТАН

10 МАРТ – ТУЙМАЗЫ, БАШКОРТСТАН

12 МАРТ – ӘТНӘ РАЙОНЫ, БӘРӘСКӘ АВЫЛЫ

14 МАРТ – БИЕКТАУ РАЙОНЫ, БИТАМАН АВЫЛЫ

15 МАРТ – САБА (2нче көн)

16 МАРТ – САБА, ЛЕСХОЗ

21 МАРТ – БУЗДӘК, БАШКОРТСТАН

22 МАРТ – КАНДРА, БАШКОРТСТАН

23 МАРТ – ОКТЯБРЬСКИЙ, БАШКОРТСТАН

24 МАРТ – ЧИШМӘ, БАШКОРТСТАН

27 МАРТ – АГЫЙДЕЛ, БАШКОРТСТАН

28 МАРТ – ЯНАУЛ, БАШКОРТСТАН

29 МАРТ – БАЛТАЧ, БАШКОРТСТАН

30 МАРТ- ТӘТЕШЛЕ РАЙОНЫ, ШУЛГАН АВЫЛЫ, БАШКОРТСТАН

31 МАРТ – ТУКАЙ РАЙОНЫ, КҮЗКӘЙ АВЫЛЫ РТ

1 АПРЕЛЬ – ТУБӘН КАМА РАЙОНЫ, ТҮБӘН ЧАЛЛЫ АВЫЛЫ

3 АПРЕЛЬ – МАМАДЫШ

8 АПРЕЛЬ – ӘТНӘ РАЙОНЫ, КЫШЛАУ АВЫЛЫ

12 АПРЕЛЬ – УФА

23 АПРЕЛЬ – НУРЛАТ

Әңгәмәдәш – Айгөл ЗАКИРОВА

Запись Илсөя Бәдретдинова: “Илфак җырларын сорамагыз! Башкарсам бер җырга штраф 50 меңнән башлана…” впервые появилась Tatar Today - татар яңалыклары..

“Мин исән!” – Илсөя Бәдретдинованың яңа программасын Кукмара борай бәлеше белән каршылаган

Редактор1 editor1 — Mon, 20 Feb 2017 16:21:01 +0000

Җырчы Илсөя Бәдретдинова яңа концерт программасы белән Татарстан районнарында гастрольләрдә йөри. Ул Илфак Шиһапов кушканны үтәгән: яңа төркем җыйган, яңа җырлар туплаган. Концертларга йөрүчеләрнең күп булуын, бик җылы кабул итүләрен әйтә. Йолдыз шушы көннәрдә Кукмарада булган. Хис-тойгыларын тамашачыларына да сөйли. //Tatar Today//

Халыкта концерт программасының исеме кызыксыну уятты. “Мин исән!”. Ул шушындый исемне тормышында авыр вакытлар булса да, ышаныч һәм өмет көчле, үзенең нык булуы, аягында төз торуы белән аңлата.

Кукмарадан ул бик күп бүләкләр, күчтәнәчләр, ә иң мөһиме, җылы мөнәсәбәт һәм рәхмәтле тамашачылар истәлеге белән кайта.

“Кукмарадагы кебек тәмле итеп борай бәлешен беркайда да пешермиләр”, ди ул тәмле күчтәнәчне алгач.

Яңа программада гел яңа йөзләр, яңа милләт вәкилләре булгач, фикерләр дә төрле инде тамашачының. Күбесе канәгать калса да, төртмәле фикерләр дә яңгырамый калмаган. “Теге негр тазарып бетә инде бу бәлешләрдән”, дигән берәү.

Запись “Мин исән!” – Илсөя Бәдретдинованың яңа программасын Кукмара борай бәлеше белән каршылаган впервые появилась Tatar Today - татар яңалыклары..

Илсөя Бәдретдинова яңа программалы концерт куюга борчылыпмы, шампунь салып керләр юа башлаган

Редактор1 editor1 — Fri, 17 Feb 2017 09:33:02 +0000

Җырчы Илсөя Бәдретдинова үзенең өр яңа концерт программасы белән Кукмарага барырга җыена. Ләкин концерт алдыннан да үзенең тормыш мәзәкләре белән бүлешмичә калмый. //Tatar Today//

“Хәерле иртә, кешеләр! Бүген Кукмарада концерт минем. Залым күптән тулы… Йоласын туры китереп, бер шешә суга лимон суын сыгып, лимонад ясап, инде миннән шактый биегрәк булганга: “Бәләкәй, кая әле син?” дип миннән көлә-көлә, улым мәктәпкә китте. Әкрен генә шулпа кайнап утыра. Концертлар белән мәш килеп йөреп, өйдә порошок бетеп киткән… Шампунь салып керләр юам. Эчә торган су да беткән. Шикәр дэ юк икән. Ләкин күңелдә шундый рәхәт. Бар да әйбәт бит. Зәйнәп әби әйтә иде: “Бәхет тынычлыкны ярата! Куз тидерерсең. Бер кешегә дә сөйләмә”, дип. Шуңа күрә, барысын да сөйләмим. Раббыма мең рәхмәт әйтәм дә, өйләремне җыештырам әле. Тузанга малай “Илсөя шапшак”, дип язып куйганчы”.

Белгәнебезчә, Илфак Шиһапов белән килеп чыккан хәлдән соң, Илсөя Бәдретдинова аның җырларыннан баш тартып, үзе төзегән өр яңа программа белән чыгыш ясарга җыена. Җырчыга алдан ук уңышлар һәм зал тулы тамашачы теләп калыйк!

Запись Илсөя Бәдретдинова яңа программалы концерт куюга борчылыпмы, шампунь салып керләр юа башлаган впервые появилась Tatar Today - татар яңалыклары..

Изге Вәли көненә Илсөя Бәдретдиновадан, Тямаевтан котлау, ИлГәрәйдән чәчәк урынына яңа җыр

Редактор1 editor1 — Tue, 14 Feb 2017 14:14:03 +0000

Гүзәл Уразова Гашыйклар көненә котлап яңа клип чыгарган. Ә калган артистлардан нинди котлау ала икән тамашачылар? //Tatar Today//

Илсөя Бәдретдинова махсус үзеннән һәм төркеменнән мондыйрак котлауны җиткерә.

“Кадерле дуслар! Мин махсус үземнең һәм төркемемнең исеменнән Гашыйклар көне белән котлауларымны җиткерәм. Һәр көнегезне яратып, яратылышып, рәхәтләнеп яшәргә язсын сезгә! Бер сәбәпсез генә чәчәкләр биреп, бәлеш пешереп, “Мин сине яратам, матурым” дип, кочаклашып, дөньягызны онытып, бәхетле булырга язсын һәрберегезгә!” ди.

Фирдүс Тямаев та үзенең матур сүзләре белән уртаклашып видео төшерә: “Хөрмәтле дуслар! Сезне Изге Вәли көне белән чын күңелдән котлыйм! Бер-берегезне яратып, аңлашып яшәгез! Бары тик аңлашып яшәсәгез генә, гаиләдә иминлек һәм бәхет булыр”, дип әйтә.

ИлГәрәй бәйрәмдә үзенең мәхәббәткә һәм хисләргә багышланган яңа җырын тәкъдим итүе белән аерыла. Җыры “Гашыйк мин” дип атала. Сөйгән ярыгызны чәчәк бәйләме белән генә түгел, ә минем яңа җырым белән дә сөендерсәгез була”, дип яза.

Запись Изге Вәли көненә Илсөя Бәдретдиновадан, Тямаевтан котлау, ИлГәрәйдән чәчәк урынына яңа җыр впервые появилась Tatar Today - татар яңалыклары..

Илсөя Бәдретдинова: “Илфак миңа проектка кебек караган, ә мин аны яраттым…”

Редактор1 editor1 — Thu, 09 Feb 2017 22:15:52 +0000

Җырчы Илсөя Бәдретдинованың тормышында әлегә барысы да ятышлы түгел икән. Ник дигәндә, ул тормыш иптәше Илфак Шиһапов белән аерылу процессын гына түгел, җырларын бүлешү эшен дә алып бара. //Tatar Today//

Белүебезчә, Илфак Шиһапов махсус Илсөя Бәдретдиновага язып бирелгән җырларын хәзер аңа башкарырга рөхсәт итми. Үзенең яңа программасы белән чыгыш ясарга әйтә. “Үземнең барлык хокукларымны юридик фирмага тапшырдым. Менә аның белән суд юлларында йөрсен. Чөнки ул хокуксыз һаман да минем җырлар белән яңа концертлар куярга җыена”, ди ул.

Җырчы бу хәлгә, гомумән, үзгә бер карашта. “Мин Илфакны алимент түләмәгәне өчен судка бирдем. Концертлар өчен түгел. Миңа аның сүзләрен ишетергә авыр. Ул миңа, имештер, проектка кебек кенә караган. Ә мин аны чынлап торып яраттым. Минем аннан матур, акыллы, бишлегә генә укучы улым бар һәм мин аңа аның өчен бик рәхмәтле. Концертларны мин Мальдивыга барыр өчен куярга җыенмый. Минем кулда улым бар, аны үстерергә кирәк”, дип тамашачылары белән уртаклаша.

Яңа постында: “Бетәме бу берәр кайчан?” дип тә борчылып язган ул.

Запись Илсөя Бәдретдинова: “Илфак миңа проектка кебек караган, ә мин аны яраттым…” впервые появилась Tatar Today - татар яңалыклары..