«Мин киләсе елда бездән 520 километр ераклыкта урнашкан матур шәһәрнең мэры үксеп елавын телим. Өлфәт Мансурович, мине һәм Уфа халкын бәйрәмчә иллюминация белән шаккатырыгыз әле. Бу шаяру, әлбәттә, әмма моның өчен эшне хәзердән үк башларга кирәк», – дигән иде кичә Радий Хәбиров.

Instagram социаль челтәрендә дөнья күргән рәсемдә Казан мэры Илсур Метшинны куып баручы Уфа башлыгы сурәтләнгән. Шул рәвешле, карикатурачы Башкортстан Башлыгы вазифаларын вакытлыча башкаручының шаян сүзләрен визуальләштергән.

Камил Бузыкаев 1968 елда Башкортстанның Учалы районында туган. Дәүләткилдиев исемендәге республика сәнгать гимназия-интернатын һәм Акмулла исемендәге Башкорт дәүләт педагогика университетының сәнгать-графика факультетын тәмамлаган.

View this post on Instagram

A post shared by Камиль Бузыкаев (@artbeton)

Фото: instagram.com

Запись Казан мэрын ни өчен үксеп елатырга телиләр? впервые появилась Tatar Today - татар яңалыклары..

Бәйгедә катнашырга теләүче туташлар купальниклар киеп төшкән фотоларын 7 гыйнварга кадәр #агатаизкомандымечты хештегы белән юлларга тиеш, дип яза kazancat.ru.

Нәтиҗәләр 9 гыйнварда игълан ителәчәк.

“Бу эпизодик роль булачак, әмма бик матур”, ди фильм турында режиссерларының берсе Филипп Абрютин.

Фото: Бизнес онлайн

Запись Казан мэры Илсур Ментшинның улы кызларны кастингка дәшә. Җиңүче аның “сөйгән кызы” була впервые появилась Tatar Today - татар яңалыклары..

http://president.tatar.ru/rus/pressa/videoreports/video/4202327.htm

Татарстан президенты төшкән фотолары рәсми сайттан алынды.

Запись Казансу ярындагы “Ирек” мәчетенең беренче кадрлары чыкты [фото-видео] впервые появилась Tatar Today - татар яңалыклары..

Фильм Россия Кинематографистлар берлегенең Яшьләр үзәге инициативасы белән ике продюсерлык төркеме эшчәнлеге нәтиҗәсендә тормышка ашырылган. Болар – “Барс Синема Групп” кинокомпаниясе һәм Россия Кинематографистлар берлегенең “Молодежные инициативы” продюсерлык үзәге (Мәскәү). Үткән ел аның беренчел бюджеты 70 миллион сум булуы игълан ителгән иде.

“Хыял командасы” фильмы – балалар спорты турында тулы метражлы фильм. “Проект ат спорты, футбол, самбо турында өч новелланы берләштерә. Фильмның беренчесе – ат спорты турындагы фильм Казан ипподромында төшерелә. Төп артистлар – балалар һәм атлар”, – дип сөйләгән иде моннан бер ел элек фильмның продюсерларының берсе Альбина Нафигова.

Фильмның режиссеры – Максим Зыков, Филипп Абрютин. Тамашачының яшь чикләре 6+ дип күрсәтелгән.
Новелланың төп герое – эшмәкәр улы унҗиде яшьлек Артур Суров. Сюжет буенча ул Принц исемле юртагы белән Президент кубогына ярышларда беренче призны алырга омтыла. Әмма зур ярыш алдыннан булган чабышларда Катяның алдарак килүе ачыклана. Катя – атлар караучы кыз. Ярыш алдыннан Катя белән Артур арасында “сугыш” башлана – Артур әтисенең ышанычын акларга тиеш, Катяның җиңеп, яраткан атын саклап каласы килә.

Фильмда Артур Суров ролен Таһир Метшин башкара. Аның әти-әнисе ролендә – Россия актерлары Роман Мадянов белән Анна Чурина.

2011 елда Сергей Безруков продюсерлыгында Казанда төшергән “Реальная сказка” фильмында да Синдбад улы ролен Таһир Метшин башкарган иде.

“Татар-информ“, Рузилә Мөхәммәтова

Запись Илсур Метшинның улы кинода төп рольне уйный [видео] впервые появилась Tatar Today - татар яңалыклары..

Казанның “Ярдәм” мәчете үткәргән көндәлек ифтарга 1200 кеше җыелган иде. Быел Рамазан чатыры ике урында эшли. Ифтарны башкала мэры Илсур Метшин уздырды.

Бергәләп укылган ахшам намазыннан соң ифтар (авыз ачу) булды. Күрмәүче хәзрәт Фәнис Миңгәрәев тормыш мәгънәсе турында вәгазь сөйләде. Ифтар мәҗлесе “Ярдәм” мәчете имамы Раил хәзрәт Әхмәтовның дога кылуы белән тәмамланды.

“Ярдәм”дәге ифтар Россиядәге иң зур ифтарларның берсе булып санала. Анда төрле яшьтәге һәм төрле милләт кешеләре – инвалидлар, ятим балалар, күпбалалы гаиләләр, өлкән яшьтәге кешеләр җыела.

Запись Казан мэры «Ярдәм» мәчетендә ифтар уздырды [фото] впервые появилась Tatar Today - татар яңалыклары..

Инде күптәннән Татарстан башкаласы мэры булырга хыялланган 11 яшьлек Джейхун Әхмәтов бүген Казан ратушасында шәһәр башлыгы кәнәфиенә утырып карады. Мәктәп укучысының хыялын тормышка ашырырга Казан Мэры Илсур Метшин ярдәм итте. Ул Джейхун, аның әтисе һәм сеңлесе белән очрашты.

Мәктәп укучысы шәһәр башлыгының эш өстәле янында бик теләп фотога төште һәм Казан Мэрының вазыйфаи билгесен кулында тотып карады.

Джейхунның хыялы «Минем белән хыяллан» проекты ярдәмендә чынга ашкан. Әлеге проектны 2014 елда «Безнең эш» иҗтимагый хәрәкәте булдырган. Хәйрия проекты кеше тормышы өчен куркыныч чирләр белән авыручы балаларның хыялларын чынга ашырырга ярдәм итә. «Минем белән хыяллан» проекты җитәкчесе Светлана Салмина сөйләвенчә, ике ел эчендә әлеге проектта 20 бала катнашкан. «Хыялларның барысы да бик уникаль», – диде ул.

Джейхун Әхмәтовка табиблар Беркитт лимфомасы диагнозын куйганнар. Малай әти-әнисе һәм ике сеңлесе белән Түбән Камада яши. «Минем җитди мәсьәләләрне чишәсем, дипломат тотып йөрисем һәм шәһәр мэры буласым килә», – дип сөйләгән ул проектны оештыручыларга.

Илсур Метшин фонд мөрәҗәгатен шунда ук кабул иткән, малайның исә Казан мэры булып карау хыялы чынга ашкан.

Сөйләшү барышында Казан мэры һәм Джейхунны математика, җәмгыять белеме, тарих һәм спортка булган мәхәббәт берләштерүе ачыкланды. Джейхун Илсур Метшинга үзенең футбол, хоккей, йөзү, шахмат белән шөгыльләнүе турында сөйләде. Казан Мэры малайның мавыгуларын хуплады, шахмат аналитик фикерләү сәләтен яхшырта, хоккей катлаулы мизгелләрдә үз командаңа булышып, лидерлык сыйфатларын ачыкларга ярдәм итә диде. Футбол клубы президенты буларак Илсур Метшин Джейхунга «Рубин» футболкасын һәм футбол клубының тарихы һәм уенчылары белән танышу мөмкинлеге бирә торган «Рубин көндәлеген» тапшырды. «Игелекле гамәлләр көндәлеге» тагын бер бүләк булды. «Игелекле гамәлләр кылган вакытта һәм игелекле эшләр башкарганда, әтиең белән әниең әлеге көндәлеккә тамгалар ябыштырырлар», – дип аңлатты Илсур Метшин.

Шәһәр башлыгы кунактан мэр булу өчен нинди сыйфатлар кирәклеге белән кызыксынды. Малай үз-үзенә ышанып, акыл һәм эшләтү сәләте кирәк дип җавап бирде. Казан Мэры шулай ук яхшы итеп укырга кирәклеген әйтеп үтте. «Уку – ул хәзерге вакытта синең өчен иң җаваплы эш, һәм син аңа зур игътибар бирергә тиеш», – диде Илсур Метшин.

Джейхун мэр кәнәфиеннән «Казан Арена» стадионына юл тотты. Ул биредә «Sellout Sport System» спорт маркетингы агентлыгы белгечләре катнашында үткән уен киңәшмәсендә катнашты. Моннан тыш, «Лидер көне» кысаларында Джейхун лидерлык буенча үткән дәрестә дә булды. Әлеге чараны «TeamSoft» тренинг үзәге әзерләгән иде.

http://www.kzn.ru/

Запись Түбән Камадан 11 яшьлек малай Казан мэры булып алды [видео] впервые появилась Tatar Today - татар яңалыклары..

Запись Илсур Метшин да җырлау сәләтен күрсәтте [видео] впервые появилась Tatar Today - татар яңалыклары..

“Бу проектта җиңелгәннәр юк, без барыбыз да җиңүчеләр, чөнки шәһәребез тагын да ямьләнеп, матураеп китте”, дип әйткән иде Илсуп әфәнде, бәйгегә нәтиҗә ясап.

Һәркем үз өй алдын, бакчасын бизәргә, хәтта әкияткә әйләндерергә тырышты. Казанда яшәүче Зәлия ханым да гаиләсе белән өй кырыен чәчәккә күмеп, урамнарында тылсымлы, матур урын ясады.

“Мин кечкенәдән бакчада казынырга, бигрәк тә чәчәкләр белән шөгыльләнергә, аларның төрлесен үстерергә яратам. Кызым бәйге турында әйткәч, аның хыялын чынга ашырырга булдык.  Бәйге дип кенә түгел, ә эшкә барып-кайтып йөргән чакларда күзне иркәләүче, үзенз тартып торучы матур урын ясарга тырыштык.

Бернинди плансыз, кул астындагы юк-бардан, интернеттан һәм үзебез уйлап тапкан төрле клумбалар оештырдык. Фигуралар барлыкка килде. Бергә эшләгәч, авырлыгы сизелмәде дә: ирем кисте, бөкте, иң беренче авыр эшләрне ул башкарды; мин формасын китерергә булыштым,чәчәкләрне утырттым, ә кызым савытларны буяп, фигураларны җанландырды.

Үтеп баручылар, күршеләр безнең эшебез белән канәгать булып, уңышлар теләп, сокланып йөрде. Эшебез белән без дә бик канәгать идек, чөнки безнең өй яны төрле төсләргә күмелде, әкият утравын хәтерләтә башлады. Акча-көч жәлләмәдек, буш вакыт саен үз эшебездә идек, чәчәкләрне утырттык, алар хуш ис, ямь биреп атты. Фотолар ясап, конкурска җибәрдек, ә мактаучылар саны көн дә арта барды. Безнең өй янында хәтта фотога да төшеп китә башладылар. Күңелем гөрләде: кешеләргә куаныч китерәм дип уйладым…

Тик чәчәкләрнең шаулап аткан чагында мин алар арасындагы иң кыйбатлыларның кимеп баруын сиздем. Ә бер көнне иртә белән чыккач, күземә күренә дип уйладым… кемдер минем иң матур, затлы лилия чәчәген клумбадан җире белән казып алып киткән. Һәм шушы хәл дәвам итте: кемдер без күрмәгән арада петуния, лилия чәчәкләрен, хәтта ясалма чәчәкләрне дә урлый барды. Безнең кәефебез югалды, шушы каракка бик рәнҗедем, ул бит без чын күңелдән тырышып утырткан чәчәкләр иде, ә алар урынында тишекләр генә кала барды.

Бүтән урлатмас өчен иң затлы, матур чәчәкләрне казып алып, бакчага утыртырга туры килде. Күршеләр дә бу хәлгә бик гаҗәпләнде, киңәшләр белән булышырга теләде, без булмаганда  өй янына күз-колак булып торгалады. Тик каракны без тапмадык, чәчәкләрне дә кире кайтара алмадык. Әле урлап кына түгел, чүп тулы пакетлар, тәмәке, сыра шешәләрен дә клумбалар өстенә ыргытып калдыргаладылар. Шушы хәлләрдән соң кыйммәтле, матур чәчәкләрне урам ягына утыртмаска булдык, фигураларны да яхшырак бөркеттек. Кешеләрнең бу кадәр тәртипсезлеге, намуссызлыгы башыма сыймый. Без бит беркемгә дә начарлык эшләмәдек, киресенчә, балалар һәм олылар, үзебез өчен дә матурлык ясарга тырыштык.

Быел да чәчәкләр утырттык, тик гадиләрне генә, безгә карап, күршеләр дә өй яннарын матурайтты, чәчәкләр бизә җибәрде җибәрде. Хәзер инде чәчәкләребезне барлыйбыз, шикләнеп күзәтеп торабыз, ләкин безнең өй кырые әле дә кешеләрнең, үзебезнең күзне кызыктыра, димәк, тырышлыгыбыз юкка булмаган.

Минем иң зур теләгем – кызларымда да чәчәкләргә, җиргә карата мәхәббәтнең яшәве. Ә урлаучылар, матурлыкны бозучылар алар бар һәм булачак, безнең өчен әлеге күңелсез хәл бары яхшы дәрес  булып калачак”, дип сөйләде Зәлия ханым.

Гөлия Гәләвиева

Запись Метшинның матур бәйгесе кешеләрне караклыкка тарта [үткәннән бүгенгә караш] впервые появилась Tatar Today - татар яңалыклары..