Архивы кабачки - Tatar Today - татар яңалыклары.

Кабачкилы запеканка рецепты

Редактор1 editor1 — Thu, 01 Sep 2016 20:23:18 +0000

Кирәк булачак:

1,2 кг кабачки, 400 г фарш, 2-3 баш суган, 2 аш кашыгы томат пастасы, 7-8 помидор, 100 г сыр, 4 йомырка, 4 аш кашыгы каймак, тоз, борыч, тәмләткечләр.

Туралган суганны майлы табада кыздырырга, фарш, тоз өстәргә, бераз кыздырганнан соң, томат пастасын кушарга.

Кабачкины угыч аша чыгартырга, тоз сибәргә һәм артык суын түгәргә.

Помидорларны түгәрәкләп кисәргә.

Йомыркаларны тугаларга, каймак, тоз кушарга.

Табаны майларга, кабачкиның яртысын бушатырга, икенче рәт итеп фарш салырга, аннары кабат кабачкины салып бетерергә. Помидорларны матур итеп төзәргә, каймак белән йомырка катнашмасын агызып чыгарга һәм сыр сибәргә.

Запеканка 180 градус кызулыка 30-35 минут пешә.

Фото: Вконтакте

Запись Кабачкилы запеканка рецепты впервые появилась Tatar Today - татар яңалыклары..

Каймаклы соус белән кыздырылган кабачкилар

Редактор1 editor1 — Mon, 29 Aug 2016 08:24:48 +0000

Кирәк булачак: кабачки, 1-2 йомырка, 100 мл сөт яки кефир, он, тоз, кара борыч, көнбагыш мае, сарымсак.

Пешерү тәртибе: Кабачкиларны чистартабыз һәм озынча итеп кисәбез. Кабачкига тоз, борыч, кечкенә угычтан чыгартылган сарымсак салып, яхшылап болгатабыз.

Йомырка, бераз тоз, сөт һәм онны кушып кляр ясыйбыз.

Кабачкиларны башта онга, аннары клярга манып алабыз һшм майлы табада ике яктан да кыздырабыз.

Кабачки янына каймаклы соус та әзерләсәгез була. Моның өчен каймакка, тоз, сарымсак, вак итеп туралган укроп, петрушка, базилик кына кушарга кирәк.

Баш фото: yablor.ru

Запись Каймаклы соус белән кыздырылган кабачкилар впервые появилась Tatar Today - татар яңалыклары..

Кабачкилы аджика рецепты

Редактор1 editor1 — Mon, 15 Aug 2016 11:10:03 +0000

Кирәк булачак: 05, кг кабачки, 80 г болгар борычы, 80 г кишер, сарымсак, 250 г помидор, 1 ачы борыч, 2 аш кашыгы томат пастасы, 30 г көнбагыш мае, 20-30 г шикәр комы, кирәгенчә тоз, 15-20 г уксус.

Әзерләү:

Кабачки, помидор, кишер, борычларны турарга һәм иттарткыч аша чыгарырга.

Яшелчәләрне яхшылап болгатырга һәм утка куярга. Кайнап чыкканан соң, бутап торып 20 минут пешерергә. Соңыннан, тоз, шикәр комы, көнбагыш мае, томат пастасы салырга. Теләгән кеше ачы борыч та куша ала. Тагын 10 минут кайнатырга.

Ваклап туралган сарымсакны салгач, тагын 5 минут пешерәсе. Уксус салгач, кайнатып чыгарырга һәм утны сүндерергә.

Аджика бераз суынгач, банкаларга тутырып куярга.

Запись Кабачкилы аджика рецепты впервые появилась Tatar Today - татар яңалыклары..

Кабачкидан пицца рецепты

Редактор1 editor1 — Thu, 04 Aug 2016 11:19:33 +0000

Кирәк булачак: 400 г кабачки, 1 ст. он, 3 йомырка, 1 ч.к. разрыхлитель, помидор, сыр, тоз, укроп-петрушка.

Пешерү тәртибе:

Кабачкины юабыз һәм эре угыч аша чыгартабыз.

Кабачки янына йомырка, тоз, укроп-петрушка салабыз да, яхшылап болгатабыз. Он белән разрыхлительны әлеге массага кушабыз һәм бутыйбыз. Шулай итеп, безнең камыр әзер.

Майланган табага әзер камырны тигез итеп җәябез.

Камыр өстенә туралган помидор тезәбез һәм өстен йомырка сарысы белән майлыйбыз.

Пицца духовкада 180 градус кызулыкта 30 минут пешә.

Пешеп җитәр алдыннан пицца өстенә сыр сибәбез һәм тагын бераз духовкада пешереп алабыз.

Запись Кабачкидан пицца рецепты впервые появилась Tatar Today - татар яңалыклары..