Лабораториядә аккошны өч юнәлеш буенча тикшергәннәр. “Барыннан да элек кош гриппы булу-булмавын тикшерергә кирәк иде, чөнки Татарстанда һәм күрше субъектларда кош гриппы таралды. Аккошның кош гриппыннан үлмәве ачыкланды”, – диде Садриев.

Кошта сальмонеллез булуы ачыкланды. Әмма, кагыйдә буларак, суда йөзә торган кыргый кошлар ул авыруны таратучылар булып санала, шуңа күрә ул аккошның үлеменә китерергә мөмкин түгел, дип сөйләде лаборатория вәкиле.

Аккошның ашказаны буш, ә бавыры һәм бөерләре зурайган булуы ачыкланды. “Бу агулану билгеләре. Ул азыктан баш тарткан, димәк, билгесез матдә белән агуланган. Нәрсә белән агулануын әйтә алмыйбыз”, – диде ул.

Аккошның үлеме турында 31 июльдә билгеле булды. Июль башында сукбай эт “Черек күл” паркында каракошны буып үтергән иде.

«Татар-информ», Гүзәл Гайнанова

Запись Кабан күлендә яшәгән аккошның нилектән үлүе билгеле впервые появилась Tatar Today - татар яңалыклары..

Президент иң беренче чиратта театр каршындагы мәйданны, бинаның фоейсын һәм балконнарын карап чыкты. Бу юкка гына түгел, чөнки бүген Рөстәм Миңнехановка театрның төзекләндерү проектын тәкъдим иттеләр. Проект буенча аңлатмаларны театрның баш режиссеры Фәрит Бикчәнәтәев һәм белгечләр биреп үтте.

Хәзерге бина совет чорындагы постмодернизм үрнәге булып тора. Шуңа да, проектны төзегәндә бинаның биеклеге чикле булуын истә тотканнар. Яңа план буенча өстәмә репетиция заллары һәм җитештерү бүлмәләре барлыкка килергә тиеш.

Рөстәм Миңнеханов  яңартылган бинаның функциональ булырга тиешлеген ассызыклап үтте. Аның фикеренчә, бинаның тамашачылар, театрның хезмәткәрләре өчен дә уңайлы булуы мөһим. Шул ук вакытта, театрның йөзен дә югалтмау шарт. Ул шәһәрнең гомуми стилистикасына туры килергә тиеш.

“Без булганны саклап калырга тиешбез. Камал театры – шәһәребезнең йөзек кашы. Аның спектакльләренә халык яратып йөри.  Кабан күле буйларын әлеге бинадан башка күз алдына  китереп тә булмый”, диде Рөстәм  Миңнеханов.

Проект турында сөйләшүдә президентның ярдәмчесе Ләйлә Фәйзуллина, Наталия Фишман, җир һәм миллек мөнәсәбәтләре министры Азат Хамаев,  архитектура һәм торак-коммуналь хуҗалык министры Ирек Фәйзуллин, Казан шәһәренең башлыгы Илсур Метшин, Казанның баш архитекторы Татьяна Прокофьева һәм театр  вәкилләре  катнашты.

Сөйләшү тәмамланганнан соң Рөстәм Миңнеханов Кабан күле буйларын да карап чыкты. Исегезгә төшерәбез, хәзерге вакытта Кабан күле ярлары буйлап та төзекләндерү эшләре бара.

Запись Рөстәм Миңнеханов ярдәмчеләре белән театрга килгән. Камаллылар президентка нәрсә күрсәтә? [фото] впервые появилась Tatar Today - татар яңалыклары..