26 гыйнвар Казанда “КамАЗ-мастер” такымы белән матбугат очрашуы үтте. Татарстан әләме турындагы соравын җаваплап такым җитәкчесе Владимир Чагин “Без Татарстаннан булуыбыз белән горурланабыз, һәрвакыт ярышларда Русиянеке белән бергә Татарстан әләмен дә күтәрәбез”, диде //Азатлык радиосы//.

“КамАЗ-мастер” узышчылары белән матбугат очрашуы “Дакар-2017” ярышында Татарстан такымының җиңеп кайту хөрмәтенә оештырылган иде. Иң элек журналистларга КамАЗларның башка ил машиналары белән ярышы, җиңү мизгелләреннән видео өзекләр күрсәтелде. Сораулар бирү вакытында Азатлык хәбәрчесе “КамАЗ-мастер” такымы җитәкчесе Владимир Чагиннан, “КамАЗ” – Татарстан символы, сез ярышларда һәрвакы Татарстан әләмен күтәрәсезме?” дип кызыксынды.

“Без Татарстаннан булуыбыз белән горурланабыз. Инде Русиядә дә Татарстанның спортта алдынгы төбәк икәнен таныйлар. Казан – илнең спорт башкаласы санала. Игътибар итсәгез, Дакар видеосында да күренде, җиңү вакытларында, гомумән халыкара ярышларда җиңүче машина кабинасына Русия әләмен дә, Татарстан әләмен дә эләбез”, диде Владимир Чагин.

Afrrica Eco Race 2017. Долгожданный финиш на розовом озере #kamazmaster #africarace #dakar #ралли

Фото опубликовано Камаз-мастер (@kamazmastersport) Янв 16 2017 в 2:23 PST

Чагин 90нчы елларда Татарстанны белмәүләрен дә искә төшерде. Ул вакытта Европада КамАЗ сүзен дә авырлык белән әйткәннәр икән.

“Әле Европа берлеге булмаган вакытта, Европа илләре арасында чикләр бар иде. Без Африкага ярышка барабыз, Франция-Испания чиген үткәндә таможня хезмәткәрләре Русиянеке булган өч йөк машинасы узып китте дип кенә язган. Алар КамАЗны ул вакытта исемен дә, үзен дә белмәгәннәр. Әлеге вакыйгалардан соң күп вакытлар үтте, бүген КамАЗның Татарстанныкы булуын беләләр. Безнең такым ярышларда күбрәк җиңгән саен читтә республиканың даны арта”, диде  Владимир Чагин.

Быел “КамАЗ-мастер” такымына 28 ел тула. Шул вакыт эчендә өч буын узышчылар алышынган, әле дә яңа кешеләр килү дәвам итә икән. Владимир әфәнде икенче буыннан чыккан йөртүче санала. 2011 елдан узышларда катнашмый, такым белән җиткәчелек итә. Аның сүзләренчә, КамАЗлар алга таба да дөньякүләм ярышларда катнашырга ниятлиләр.

Ралли Дакар -2017: “Синяя армада” возвращается! #kamazmaster #dakar #africarace #ралли

Фото опубликовано Камаз-мастер (@kamazmastersport) Янв 16 2017 в 2:11 PST

Запись Владимир Чагин: “КамАЗ-мастер” ярышларда җиңгән саен, республиканың даны арта” [фото-видео] впервые появилась Tatar Today - татар яңалыклары..

Интернет киңлекләренә Red Bull командасы төшергән видеоролик чыкты. Әлеге роликта “КАМАЗ мастер”ның узышчысы Айрат Мардеев  та төшкән. Ул “Дакар” ярышларында катнашкан Камаз машинасында  Volkswagen Polo белән узыша.

Мәгълүмат Бизнес – Онлайн сайтыннан алынды

Запись “КАМАЗ-мастер” узышчысы Айрат Мардеев Red Bullның видеоролигында төшкән [видео] впервые появилась Tatar Today - татар яңалыклары..

РБК фотосы

Русиянең “КАМАЗ-мастер” узышу такымы җитәкчесе Владимир Чагин “Дакар-2017″дә катнашу өчен такымның акчасы юк, дип белдерә. Бу хакта “Р-Спорт” спорт яңалыклары агентлыгы яза. “КАМАЗ-Мастер” җитди финанс кыенлыклары кичерә, төп инвестор “Внешэкономбанк” такымны акча белән тәэмин итүне туктатты, дип белдерелә.

“Без ярышларда катнашу өчен зур авырлыклар белән генә акча табабыз. Хәзер “Ефәк юлы”нда катнашу өчен көч-хәл белән акча юллыйбыз, ә менә “Дакар”га әзерләнергә финаслар юк”, ди Чагин.

Запись “Акча юк. Әмма бирешмәгез!”, “КАМАЗ-Мастер”ның “Дакар-2017″гә барырга акчасы юк [видео] впервые появилась Tatar Today - татар яңалыклары..