Архивы кар - Tatar Today - татар яңалыклары.

Тагын буран була, диләр…

Алсу Мансурова — Fri, 26 Feb 2021 11:49:58 +0000

Татарстан синоптиклары буран, бозлавык һәм кар көртләре хакында кисәтә.
Һава шартлары начараю аркасында күз күреме 500-1000 метрга кадәр кимиячәк.

Иртәгә, 28 февральдә, Татарстанда һава шартларының начараюы көтелә.

ТР Гидрометеорология һәм әйләнә-тирә мохитне күзәтү идарәсенең матбугат хезмәтеннән хәбәр итүләренчә, төнлә һәм иртән республика территориясендә, Казанны да кертеп, көчле кар явачак. Төнлә дә, көндез дә буран чыгуы көтелә, буран вакытында күз күреме 500-1000 метрга кадәр кимиячәк.

Моннан тыш, җилнең тизлеге урыны белән секундына 15-18 метрга кадәр җитәчәк (республика башкаласында җил төнге сәгатьләрдә көчәер дип көтелә). Юлларда бозлавык һәм кар көртләре барлыкка киләчәк.

Чыганак : "Татар - информ" МА

Запись Тагын буран була, диләр… впервые появилась Tatar Today - татар яңалыклары..

Шаккаттыргыч күренеш: җәй уртасында кар ява [фото]

kadria — Tue, 14 Jul 2020 13:46:13 +0000

Җәйнең кызган чагында Красноярск краенда кар яуды. Бу бик сирәк күренешне Саяно-Шушенский тыюлыгы хезмәткәрләре күзәтте.

Чын аномалия, моңа гаҗәпләнәләр алар. Апрель уртасыннан бирле тыюлыкта эсселек -плюс 30 градуска кадәр. Ә июльдә кыштан сюрприз-кар яуды! Ни генә әйтсәң дә, кызу яздан соң җәй көйсез булып чыкты: көн саен яңгыр, яшенле яңгыр, әле җил һәм град. Әле кайбер җирләрдә корылмаларны, град белән, вак таш кебек җимерде, су басу да булды.

Ә тыюлыкның төньягында шушы көннәрдә кар яуды. 8 сәгать чамасы тәнәфессез эре булып яуды, инспекторлар шаккатты. Җир 5 сантиметрлы кар катламы белән капланды. Өстәвенә, бу вакытта урамда градус артык иде..

Кар алдыннан берничә көн яңгыр яуды, – дип билгеләп үтәләр тыюлыкта. – Аңлашыла, мондый һава яхшы ягы аз. Ә монда әле кар ява! Икенче яктан, җәй көне кар яуганын күрдем дип әйтеп була, килешәсезме?

Фәнни хезмәткәрләр сүзләренә караганда, июль аенда кар – бигрәк тә диңгез дәрәҗәсеннән мең ярым метр биеклектә – уникаль нәрсә. Әлбәттә,ак ” тун ” тиз эрегән, ләкин сирәк фото һәм видео ясарга мөмкинлек булган.

Фото: Комсомольская Правда

Чыганак: Комсомольская Правда

Запись Шаккаттыргыч күренеш: җәй уртасында кар ява [фото] впервые появилась Tatar Today - татар яңалыклары..

Синоптиклар һава торышына фаразлар ясый

Люция — Mon, 14 Jan 2019 06:42:19 +0000

Татарстан территориясендә аязучан болытлы һава көтелә. Бу хакта ТР Гидрометеорология һәм әйләнә-тирә мохитне күзәтү идарәсе хәбәр итә.

Бураннар туктап торачак, көньяк-көнбатыштан талгын җил булачак. Татарстан синоптиклары фаразлавынча, республика территориясендә урыны белән бераз кар явачак.

Көндезге сәгатьләрдә термометр баганалары Татарстан буенча -7…-12 градус, Казанда – 9 градус күрсәтәчәк.

Юлларда бозлавык хасил була, дип яза “Татар-информ”.

Фото: pixabay.com

Запись Синоптиклар һава торышына фаразлар ясый впервые появилась Tatar Today - татар яңалыклары..

Татарстанда көчле бураннарның күпме дәвам итәчәге билгеле

Лэйсирэ — Mon, 24 Dec 2018 15:19:44 +0000

Татарстан территориясенә көньяк-көнбатыштан килгән циклон йогынтысында кар-бураннар өч көн булачак. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә, дип яза Татар-информ.

Республикада бүген көн ахырына кадәр 5 – 7 мм күләмендә кар явачак. 25, 26 һәм 27 декабрьдә республикада аязучан болытлы һава торышы саклана, вакыт-вакыт көньяк-көнчыгыштан искән көчле җилнең тизлеге 18 метрга кадәр җитә.

Шул ук вакытта буран һәм кар явуы көтелә. 26 декабрьдә көндез һәм 27 декабрьдә төнлә урыны белән көчле буран көтелә. Юлларда бозлавык һәм кар көртләре хасил була. Синоптиклар бу көннәрдә 10–15 мм кар явачак, дип фаразлый.

Иртәгә, 25 декабрьдә, төнлә һава температурасы – 13 градус, аязганда – 16 градус була. Көндез бераз җылыта һәм -6, -11 градус салкын көтелә.

26 декабрьдә төнлә -15 градус, аязганда -20 градус, ә көндез -5, -10 градус булуы көтелә. 27 декабрьдә көндез -3 градус салкын була,диелгән әлеге хәбәрдә.

Моңа кадәр “Татар-информ” Татарстандла ЮХИДИ хезмәткәрләренең машина йөртүчеләргә шәһәрдән читкә чыгудан тыелып торырга киңәш итүен хәбәр итте.

Фото: tatar-inform

Запись Татарстанда көчле бураннарның күпме дәвам итәчәге билгеле впервые появилась Tatar Today - татар яңалыклары..

Синоптиклар иртәгә нинди һава торышы фаразлый?

Алина — Sun, 23 Dec 2018 13:13:40 +0000

Республика территориясендә һәм Казанда иртәгә иртән һәм көндез көчле кар явуы һәм буран көтелә, юлларда күз күреме начарлана. Бу хакта Татарстан Гидрометеорология һәм әйләнә-тирә мохитне күзәтү идарәсенең матбугат хезмәте хәбәр итә.

Синоптиклар республика халкын бозлавык булуы һәм юллардагы кар көртләре турында кисәтә.

Җилнең тизлеге секундына 15тән 20 метрга кадәр җитәчәк.

Татар- информ

Запись Синоптиклар иртәгә нинди һава торышы фаразлый? впервые появилась Tatar Today - татар яңалыклары..

Иртәгә юеш кар явачак

Лэйсирэ — Fri, 26 Oct 2018 15:45:21 +0000

Шимбә, 27 октябрь көнне Татарстанда юеш кар яварга мөмкин, дип кисәтә республиканың Гидрометеорология һәм әйләнә-тирә мохитне күзәтү үзәге матбугат хезмәте. Төнлә температура +2…-3 градус, көндез +6 градус булачак.

28 октябрьдә көндез шулай ук юеш кар, карлы яңгыр явуы фаразлана. Төнге температура +1 … –4 градус, көндез +3 -8 градус җылы булачак. Юлларда бозлавык булырга мөмкин.

Фото: https://pixabay.com

Запись Иртәгә юеш кар явачак впервые появилась Tatar Today - татар яңалыклары..

Яз төрлелеге: башта кояш, аннан бозлавык, кар һәм яңгыр [һава торышы]

Редактор1 editor1 — Mon, 17 Apr 2017 12:24:07 +0000

Татарстан Гидрометеорология һәм әйләнә-тирә мохитне күзәтү идарәсе Татарстан территориясенә көньяк циклоны килү сәбәпле, һава торышы һәм юл шартлары бозылу турында кисәтә. Бу 19-21 апрель көннәрендә күзтеләчәк. //Татар-информ//

Республика территориясендә уртача һәм көчле җепшек кар, яңгыр явуы көтелә. Урыны белән буран чыгачак, күз күреме сизелерлек кими. Кар катламы ятарга мөмкин. 20-21 апрельдә тизлеге секундына 17-22 метрга кадәр җиткән көчле җил булуы көтелә. Юлларда бозлавык хасил булу ихтимал. Һава температурасы -3..+2 градуска кадәр төшә.

19-20 апрельдә республиканың көньягында һәм көнчыгышында +8..+10 градус җылы булачак. Юлларда бозлавык, аерым урыннарда кар көртләре пәйда булырга мөмкин.

Запись Яз төрлелеге: башта кояш, аннан бозлавык, кар һәм яңгыр [һава торышы] впервые появилась Tatar Today - татар яңалыклары..

Татарстанда кабат көчле бураннар көтелә, сак булыгыз!

Редактор1 editor1 — Sun, 19 Feb 2017 13:09:42 +0000

Гидрометеорология һәм әйләнә-тирә мохитне күзәтү идарәсе 20 февральдә төнлә һәм көндез һава торышы начарлануы турында кисәтә //T атар информ//.

Татарстанның кайбер районнарында һәм Казанда 500-1000 метр күз күреме белән буран (Казанда төнлә һәм иртән); көньяк-көнбатыштан секундына 17-22 метр тизлектәге җил (Казанда секундына 15-18 метрга кадәр); бозлавык (Казанда төнлә һәм иртән); кар көртләре, аяк астында кар боткасы булыр дип көтелә.

Запись Татарстанда кабат көчле бураннар көтелә, сак булыгыз! впервые появилась Tatar Today - татар яңалыклары..

Кичә – карлы-буран, бүген – чиләкләп яңгыр

Редактор1 editor1 — Tue, 08 Nov 2016 12:12:15 +0000

Урамда күбәләк-күбәләк кар яуды кичә. Бәйрәм көннәрендә чана тоткан, Кар бабай әвәләгән балаларны күреп, әллә соң чынлап торып кыш җиттеме дип тә уйлап куйдым.

Юктыр, чия яфрагын коеп бетерми торып, кыш булмый диләр түгелме соң? Авылга кайткач, күреп килдем: чия яфрагын коярга өлгермәгән.
Балтач районының Янгул авылында яшәүче халыкка табигать белән бәйле фаразларны җиткереп торучы Әмир абый Шәрәфиевкә шалтыратып, чын кышны кайчанрак көтәргә дип сорадым. Аның да иң беренче әйткән сүзе шул булды: сеңлем, әле чия яфрагын коеп бетермәгән. Халык әйтсә, хак әйтә. Димәк, әле бу чын кыш түгел.

– Беренче кар 11 октябрьдә төште. Беренче кардан соң алты атна үткәч, ул кырык ике көн була инде, чын кыш җитә. Быел ул егерменче ноябрьләрдән соң булачак. Аңа кадәр әле ике тапкыр җылытып алачак. Алар арасында суыклар да булыр дип торам. Салкынлык унбиш градуска кадәр җитмәгәе. Табигатьтә бит барысы да исәпләнгән, үсемлекләргә дә, хайваннарга да кышка әзерләнергә кирәк. Беренче салкыннар алар өчен кисәтү була, – ди Әмир абый.

Көннәр суытуга, авыл халкы казлар суйдыра башлады. Хәер, хәзер мал суяр өчен көннең суытуын көтеп тә тормыйбыз. Һәр кешенең өендә зур-зур суыткычлар тора. Әмир абый да бабасын искә алды.

– Бабайдан халык, мал суярга буламы әле, дип сорый иде. Ул аларга, кар шыгырдамый бит әле, мал суярга ашыкмагыз, дия иде. Минем киңәшем кемгә дә булса кирәксә, малны ике атнадан гына суярга ниятләгез, – ди ул.

Синоптиклар фаразына килсәк, бүген Татарстан һәм Казан буенча һава торышы шартлары бозылу көтелә. Республиканың Гидрометеорология һәм әйләнә-тирә мохитне күзәтү идарәсе хәбәр итүенчә, көндез юеш кар һәм пыскак яңгыр көтелә. 15-17 метрга кадәр көчәючән җил, бозлавык һәм томан да булуы көтелә. 9 ноябрьдә көндез 0 градус күрсәтә, карлы яңгыр явачак.
Сүз уңаеннан: Кабан күлендә җәй чыккан аккошлар да кышка керергә ашыкмый. Боз ката башлаган күлдәге аккошларны күреп, шәһәр халкы 112 диспетчер хезмәтенә шалтыратып, аккошларны коткарырга сораган. Хәбәр килеп ирешү белән, коткаручылар инде күл янына килеп җитә. Ярдан 50 метр ераклыкта йөзеп йөргән аккошлар янына алар көймәгә утырып, әле бик нык катарга өлгермәгән бозны вата-вата бара. Ләкин кошларны алай җиңел генә тота алмыйлар. Икесен тотуга, ярты сәгатьтән артык вакыт китә, аларның берсенең канаты сынганлыгы ачыклана. Ә өченче аккошны бер сәгатьтән соң гына тоталар. Кошлар Казан зоопаркындагы ветеринария табибларына тапшырылган.

Шәһри Казан

Запись Кичә – карлы-буран, бүген – чиләкләп яңгыр впервые появилась Tatar Today - татар яңалыклары..

Казанда 69 яшьлек пенсионер хатын юл һәлакәтенә очрап, умыртка баганасын сындыра

Редактор1 editor1 — Mon, 31 Oct 2016 19:48:23 +0000

Кичә башкалабыз Казанда булган тагын бер юл һәлакәте ачыкланды. 69 яшьлек ханым Оренбург трактында үзе йөрткән «Фольксваген» машинасында юл кырыена төшеп китеп умыртка баганасын сындыра. Сәбәбе – тиешледән артык тизлекне арттыру. Аны ашыгыч ярдәм белән хастаханәгә алып китәләр.

Татар-информ

Запись Казанда 69 яшьлек пенсионер хатын юл һәлакәтенә очрап, умыртка баганасын сындыра впервые появилась Tatar Today - татар яңалыклары..