“Казан егетләре” төркеме солисты  Айдар Әгъләмов һәм аның тормыш иптәше Камилла әти-әни булырга әзерләнәләр.

Бу турыда аның тормыш иптәше Камилланың Инстаграм битендә белеп була.

“Озакламый минем Инстаграм әниләрнекенә әйләнер сыман”, дип яза ул.

View this post on Instagram

A post shared by KAMILLA RADIKOVNA (@kamilla_radikovna)

Фото: Камилланың Инстаграмы

Запись “Казан егетләре” төркеме солисты Айдар Әгъламовның гаиләсендә шатлыклы хәбәр впервые появилась Tatar Today - татар яңалыклары..

“Казан егетләре” солисты Илнат Фәрхуллин төркемнән китүен белдерде. Шулай ук ул алга таба автор-башкаручы буларак тамашачыга яңа җырларын тәкъдим итәчәген дә җиткерде.

“Бу вакытны да сукты сәгать! “Казан егетләре” төркемендә җырлаган соңгы көннәрем… Әйе, бик тә дөрес аңлыйсыз — мин төркемнән китәм! Чуарлы сүзләр, егетлэргә карата начар фикерләр көтәр кайберәүләр. Юк! Чын ир-егетләрчә хезмәт иттем, киткәндә дә түбәнлеккә төшмим. Беләм, күп сораулар туар. “Нәрсәгә? Нигә инде?” — диярсез. “Казан егетләре” төркемендә мин 7 ел егетләр белән бергәлектә иҗат иттем. Җиң сызганып бергә эшләдек, бер гаилә егетләре сыман дус яшәдек! Рәхмәтләрем чиксез үзләренә  һәм продюсерга! Алар янәшәсендә зур тормыш мәктәбе үтелде! Мин аларга нидер бирдем һәм тапшырып калдырдым, мин алардан өйрәндем. Бөртекләп кенә саллы тәҗрибә тупланды. Хөрмәтле тамашачым, күреп тордыгыз, минем һәрчак үз сүзем, үз фикерем булды һәм бар. Ялган йөз белән сәхнәгә чыкмадым һәр чыгышымда 100% бирелергә тырыштым. Үзебез һәм үзем иҗат иткән никадәрле җырларны сезнең хозурыгызга ирештердек, яратып кабул иттегез генә димим, басып алкышлаган чакларыгыз куп булды! “Казан егетләре”нең Илнатлы дәвере күңелегездә җылы хисләргә төренеп сакланачагына шикләнмим! Ә мин бит әле сезнең белән саубуллашмыйм! Иң күңелле яңалыгымны ирештерәм — иртәгәдән мин үз юлым белән атлый башлыйм! Бик күп җырлар иҗат иттем!
Мин иртәгәдән сәхнәдә автор-башкаручы! Бик тиздән яңа җырларымны да ишетерсез һәм клибымны күрерсез! Күңелдән чыккан жырлар, сезнең өчен! Димәк, алга! Хәерле сәгатьтә! Күрешербез! Яңалыкларым әле бик күп!Аллага тапшырдык, дуслар! Минем белән калыгыз!”, дип яза Илнат Фәрхуллин үзенең инстаграмында.

Запись “Ялган йөз белән сәхнәгә чыкмадым” – Илнат Фәрхуллин “Казан егетләре” төркеменнән китә впервые появилась Tatar Today - татар яңалыклары..

“Мәхәббәт” дуэты” Вәли Фазлыйәхмәтов белән Гөлназ ханым Гафурова янәдән сәхнәгә кайтып, хәзер милли образда чыгыш ясыйлар. Татар эстрадасына юлын “Казан егетләре”, “Раян” төркемнәреннән башлаган Вәли Фазлыйәхмәтов белән элемтәгә кереп, әңгәмә кордык. “Казан егетләре” төркеме турында калган фикерләре, хәзерге составы турында нәрсә уйлавы хакында сораштык.

View this post on Instagram

A post shared by Вали Фазлиахметов (@vali_fazliakhmetov)

–       Вәли әфәнде, “Казан егетләре”ндә эшләгән еллар нинди тәэсирләр калдырды?

–       Бу төркемдә эшләгән еллар минем өчен бик мөһим, мактаулы урында тора, чөнки ул мине күп нәрсәгә өйрәтте, беренче иҗади тәҗрибәм булды. “Казан егетләре”ндә  татар эстрадасына беренче адымнарымны ясадым, беренче дусларым, терәгем шунда булды. Мин боларның барысына да бик рәхмәтлемен. Продюсеры Рафаэль Мазитовка аерым рәхмәт әйтәсем килә. Ул безнең әтиебез кебек иде, бик күп яхшы идеяләр әйтте. Иҗатта гына түгел, тормышта да һәрберебезгә булышты.

–       Ул вакытта төркем составында булган егетләр белән сез әле дә элемтәдәме? Яңа состав турында фикерегез нинди?

–       Егетләр белән без бик тату эшләдек. Әле дә элемтәдә, сөйләшәбез, аралашабыз.  Хәзерге “Казан егетләре” төркеменә килсәк, алар төркемнең яңа стилистикасын оста алып баралар. Талантлы, тырыш егетләр.

–       Артур белән Марат аерылып, үзара матбугат аша мөнәсәбәт аңлашалар, бу хәлләрне күрдегезме? Нинди фикердә Сез?

–       Бу хәлне мин Сездән беренче ишетәм. Минем моңа ышанасым да, бу хәбәрне тикшерәсем дә килми. Төркемдә эшләгәндә алар бик тату иделәр. Дуэт белән эшли башлауларына да шаккатмаган идек. Марат та, Артур да бик яхшы кешеләр. Алар турында начарлыкны күргәнем, белгәнем булмады. Бу беләсезме нәрсә булырга мөмкин? Гүзәл Уразова белән Элвин Грей арасында килеп чыккан аңлашылмаучанлыкка охшаган. Пиар ход, дияр идем.

Запись “Казан егетләре”нең экс-солисты Вәли Фазлыйәхмәтов Артур белән Марат турында үз сүзен әйтте впервые появилась Tatar Today - татар яңалыклары..

Башта егетләр үзләре турында сөйләп, соңрак директор Зөлфия Ганиева кунакларны үзәк белән таныштырган.

Балалар артистларга үзләрен кызыксындырган сорауларын биргән, дип хәбәр итә Баулы районы газетасы.

– Без хәйрия концертларында еш катнашабыз, – ди төркемнең солисты Ильнат. – Балалар белән очрашуыбызга, алар белән аралашуыбызга бик шатбыз. Без аларга исәнлек телибез.

Ахырдан артистлар кечкенә тамашачыларга матур җырларын бүләк иткән.

Фотолар: Айгөл Хөсәенова, bavly-tat.ru

Запись “Казан егетләре” Баулыга изге ният белән килә [фото] впервые появилась Tatar Today - татар яңалыклары..

– Айдар, әллә концерт куярга барган җирдән генә никах укытып кайттың инде?

– Юк, киресенчә. Барысын да алдан планлаштырып эшләдем. Бер атна элек Камиллага тәкъдим ясадым. Ризалашты. Шуннан соң әти-әниләргә хәбәр иттек, озакка сузмыйча никах көнен билгеләп, Ырынбурга кайтып киттек. 11 июль көнне көндез никах укыттык, кичен “Казан егетләре” төркеме белән шаулатып концерт куеп, Ырынбур халкына бәйрәм ясадык.

– Хәләл җефетең белән таныштыр инде, бик яшь күренә…

– Камилла мишәр тамырлы Ырынбур татары. Ул миннән 10 яшькә кечерәк. Аңа хәзер 21, ә миңа 31 яшь. Без танышканда әле мәктәпне генә тәмамлап килә иде (елмая).

– Яшь аермагыз зур икән. Картлык сиңа иртәрәк киләчәк, куркытмыймы?

– Картаю процессы ирләрдә әкренрәк бара бит. Шулай булгач, киресенчә, 40та тигезләшәбез генә әле (көлә).

– Камилла белән озак очрашып йөрдегезме соң?

– 3-4 ел тирәсе.

– Эшлиме, укыймы?

– Мәдәният һәм сәнгать институтының 4 курсында укый. Ул да сәнгать кешесе.

-Айдар, сер түгел, син бик сайлана торган егет, сиңа ярарга авыр. Әйт әле, Камилла нәрсәсе белән үзенә җәлеп итте?

– Иң беренче гадилеге белән. Үзеннән әллә кем ясап, борын чөеп йөргән кызларны гомергә яратмадым. Камилла аралаша башлаганда нинди иде, һаман да шундый, чын. Төс-кыяфәте ягыннан да башкаларга охшамаган, икенче төрле экзотик чибәрлек хас аңа.

– Бар яклап та тикшердеңме соң, пешерә беләме?

– Бик тәмле пешерә. Бер юлы ашыйсым килә дигән сәбәп табып, аңа кунакка килдем, үзем әнисе белән телефоннан сөйләшкәнен күзәтеп утырам. Олыны олы итә белә торган, кешелекле бала икәнен шуннан аңладым. Өе дә чиста, бар җирдә тәртип, һәр нәрсә урынында, үзе гел елмаеп тора. Урыслар янында яшәсә дә, татар мәктәбен тәмамлаган, мәчеткә йөреп дини белем алган. Кыскасы, булачак балаларымның әнисен нәкъ шундый итеп күз алдына китергән идем мин (елмая).

– Нинди телдә аралашасыз?

– Өйдә татарча сөйләшәбез. Әти-әнисе белән дә татар телендә аралаша.

– Туй кайчан була?

– Көз көне.

– Кайда яшәячәксез?

– Казанда.

– Айдар, син бәхетлеме?

– Без бик бәхетле. Бөтен кешеләр дә яратып һәм яратылып яшәсеннәр иде. Мәхәббәт булган җирдә байлык та, саулык та була диләр. Матур торыйк, елмаеп яшик, һәркем бәхетле булсын!

Автор: Юлия НАСЫЙБУЛЛИНА, Интертат
Фото: instagram.com/aydar_aaa

Запись “Казан егетләре”ннән Айдар Әгъләмов үзеннән күпкә яшьрәк хатыны турында дөресен сөйли впервые появилась Tatar Today - татар яңалыклары..

Важное событие в нашей жизни с @kamilla_radikovna !) теперь мы одна СЕМЬЯ!) Чувства взаимной симпатии и любви друг к другу, перешло на новый уровень!) вчера у нас прошёл НИКАХ!) Было волнительно, было волшебно) ?❤️?!) Спасибо нашим родителям, родным братьям и сёстрам! Казань-Оренбург теперь ещё ближе!!!) Любите, влюбляйтесь! ) Все лучшее обязательно сбудется!) #семья #никах #lovestory #любовь #каквсказке #живи #мы #казань #оренбург #уралтатарлары #татарстан #россия #нашелето #татарлар

Публикация от АЙДАР ‘KAZAN_EGETLARE’ (@aydar_aaa) 11 Июл 2018 в 10:35 PDT

Один из важных и лучших моментов нашей жизни!) спасибо родная, что делаешь меня счастливым!)желаю всем найти свою пару!!)?#любовь #lovestory #казань #оренбург

Публикация от АЙДАР ‘KAZAN_EGETLARE’ (@aydar_aaa) 6 Июл 2018 в 6:47 PDT

Фото: инстаграм

Запись “Казан егетләре”нең тагын берсе өйләнә [фото] впервые появилась Tatar Today - татар яңалыклары..

Сәхнәдә мәзәк хәлләр дә булды, Фирдүс Тямаев булып кыланучы Асаф Вәлиев булып уйнаучыга бер пачка акча тоттырып, Асаф әфәндене Фирдүснең гитаристына әйләндерде. Чын Элвин Грейны көткән халык башта Әбри Хәбриев уйнаган ялганын карады, иң ахырдан чыны сәхнәгә чыкты. Шуңа да Элвин Татар-информ төшергән интернеттагы туры эфирга эләгә алмый калды. 

Эльвира Галиева фотосы, концерттан 100ләгә фотолар монда – https://cloud.mail.ru/public/jeaF/kdBaYJu4E 

Запись Концертта: Тямаев урынына клоны чыга, Элвинны күрергә теләүчеләр башта ялган Грейны карый [видео-фотолар] впервые появилась Tatar Today - татар яңалыклары..

– Быел «Казан егетләре» брендына – 20 ел. Шул уңайдан, без тамашачыларга яңа концерт программасын тәкъдим итәчәкбез. 1 октябрьдән Россиянең татарлар яшәгән төбәкләрендә чыгыш ясап, 20 декабрьгә генә Казанга кайтачакбыз, Алла боерса. Гастрольләрне Татарстанның район-авылларыннан башларбыз дип планлаштырабыз, аннан соң Уфа, Себер, Оренбург якларына кузгалабыз.

– Илнат, Казанда узачак концертларыгызда «Казан егетлә­ре»нең элеккеге составын күреп булачакмы соң?
– Казандагы концертыбыз кай­чан булачак, тамашачыны анда нинди сюрпризлар көтә – анысы әлегә сер булып калсын. Яңалыклар турындагы сүзебезне дәвам итсәк, төркемебез тагын бер зур яңа проект өстендә эшли. Ул «Туган ягым»- «Родной край» дип атала. Бүген дүртенче дискыбызга уннан артык җыр тупланып килә, шул ук вакытта бишенче диск буенча да эшләр бара. Әлеге проектның максаты – татар халкына, татар милләтенә югалып барган җырларны кайтару. Альбомыбызга авторларның туган якларына багышлап иҗат иткән җырлары тупланды. Моның белән без, татар авыллары күп һәм алар яши, дигән идея уздырасыбыз килә.

– Илнат, әле үзең дә күптән түгел генә икенче тапкыр әти булгансың икән.
– Әйе, улыбыз Тамирланга кырык көн булды. Кызыбыз Дианага дүрт яшь. Төркемдәге егетләр арасында иң кечкенә буйлысы булсам да, ике бала әтисе шул мин! Бу гаилә алдындагы җаваплылыкны тагын да ныграк арттырды.

Запись «Казан егетләре» төркеменең юбилеена элеккеге егетләрне чакырырлармы? впервые появилась Tatar Today - татар яңалыклары..

Әлеге төркемнең яңа җырларын киләчәктә ишетеп булачакмы?”, дигән сорау белән Казан шәһәрендә яшәүче Сания Альмиева “Шәһри Казан”газетасына мөрәҗәгать иткән.

Исегезгә төшерәбез, “Райян” төркеме 2009 елда Рамазан аенда төзелгән иде. Азат Адиев белән Вәли Фәзлиәхмәтов “Казан егетләре” төркеменнән аерылып чыгып, дини эчтәлектәге җырлар иҗат итә башладылар. Актив рәвештә дини бәйрәмнәрдә чыгышлар ясадылар, җырлар яздырдылар, клиплар төшерделәр. Тик соңгы бер елда тамашачы төркемне чыннан да күз уңыннан югалтты. Әлеге хәлгә ачыклык кертергә теләп, “ШК” хәбәрчесе Вәли белән элемтәгә керде. “Гафу итегез, мин сезгә барлык нечкәлекләрен дә әйтә алмыйм. Шунысы хак: төркем буларак та, аерым-аерым да чыгыш ясамыйбыз. Таркалуда шәхси сәбәпләр гаепле дип аңларсыз”, – диде безгә экс-җырчы.

Запись Элекке “Казан егетләре”ннән оешкан “Райян” төркеме кая югала? впервые появилась Tatar Today - татар яңалыклары..