“МЕГА” кибете ачылган. Дилә ачылуын зарыгап көткән. Шатлыгын шигырь юллары аша белдерә. 

“Тәрәз төбенә утырып шигырь яздым әле. Бик матур килеп чыкты кебек.. Тик.. Иптәш кызга укыткан идем дә, нәрсәдер җитеп бетми диде. Үзгәрткәннән соң сезгә дә укытырмын. Тик шулай да, бер сәгатьтән менә шундые туды.

Сине сагынганмын бит беләсеңме?
Югалткач кына аңладым кадерен..
Син дә мине шулай ук көтәсеңдер,
Озакламый киләм сиңа , бәгърем!

Язлар үтте синнән башка,
Сизелми дә җәй керде.
Очрашу мизгелләрен көтеп,
Киемнәрем тузып бетте.

Бара белерменме икән сиңа таба?
Юллар бит буталган, онытылган…
Керер юлларын да башкача дип,
Хәбәр килде кичә бер дус кыздан.

Әмма теләк көчле, дәрте дә бар
Кесә генә сайрак, акча аз.
Бары синең рәхимлеккә ышанычым
Ташламалары гына булса бераз.

Бүген үк барырмын дигән идем,
Туктаттылар, җанымны телгәләп.
Бераз суын, нәпсенне тый диеп,
Болай да яшәдек бик рәхәт.

Ә мин инде хыялымда
Сумкаларымны тутырып.
Чыгып барам, бәхетемнән
Кредиткамны туздырып.

Озак булмады очрашулар…
Сагынылган!
Барам иртән иртүк!
Төннәрен ничек йоклармын инде,
Бирче Аллам түземлек!

Сез дә минем кебек өзелеп көттегезме “МЕГА” ачылганын? Кемнәр барып җитте? Уртаклашыгыз әле. Ничек анда ситуация? Барыргамы яки юкмы?”

View this post on Instagram

A post shared by Диля Нигматуллина (@dilyanig)

Күпләр шигырьне ошаткан. Кайберәүләр рифмага туры килеп бетми дип язган.

“Шәп килеп чыккан!!! ”

“Болай эчтәлеге әйбәт. Рифмага бик туры килеп бетми”, – дигәннәр инстачылар.

Запись Дилә Нигъмәтуллина: “Югалткач кына аңладым кадерен…” впервые появилась Tatar Today - татар яңалыклары..

Адәм баласы өчен көн саен кирәкле ризыклар – сөт, эремчек, сөт өсте, кефир, икмәк, токмач бәя­ләре 3-5-7 сумга “сикерде”. Моңа кадәр 40-42 сум торган шикәр комы 49 сумга җитте. Бер дистә йомырка хакы әле ноябрь аенда гына 45-50 сум чикләрендә тирбәлсә, Яңа ел алдыннан 70-80 сум булды. Карабодай бәясе, гомумән, ике тапкыр диярлек артып, 80 сумга менде. Сүз уңаеннан, Монополиягә каршы федераль хезмәтнең әнә шул кара­бодайның гына кыйммәтләнүен игъ­­­ти­барга алып, моны “корпоратив сүз куешу” дип бәяләвен әйтеп үтим.

Хәтта Чаллыда җитештерелә торган 5 сум 50 тиенлек бәдрәф кәгазе дә кинәт кенә бер сумга өскә “атлады”. Кибеттә бәя язылган кәгазь­ләрне алыштыру белән мәш килгән сатучы кыз: “Ә нигә соң әле кәгазь­нең дә бәясен күтәрәсез?” – дигән соравыма каршы: “Безгә һәр көн саен һәрбер әйбернең бәясен күтәреп торырга куштылар”, – дип, ничек бар, шулай җавап бирде. Бер­очтан икенче кибеткә кереп, электр кырынгыч бәяләре белән танышмакчы булдым. Монысында – “моңарчы күрелмәгән” ташламалар: 30-35 мең сумлык телевизор һәм суыткычлар бәһасен, Яңа ел бүләге, дигән булып, берәр мең сумга киметкәннәр… Азык-төлек кибетләрендә дә, башкаларында да кирәкмәсрәк товарларның гына бәяләре элеккечә калган. Соң, әйтик, 20 меңлек кырынгычны кем алсын! Хәтта ул өч кырынгычлы “Филипс” булса да. Шуңа күрә аның хакын җиде мең сумга ук төшереп куйганнар. Гәрчә әлеге электр могҗизасының бәясе дөньяның теләсә кайсы почмагында безнең акчага күчереп исәпләгәндә 6-7 меңнән артмаса да.

Декабрь аенда ел саен шулай: кибетләрдә халык, дөнья бетереп, әйбер җыя. Сәүдәгәрләргә шул гына кирәк: еллык планны бер ай эчендә 20 процентка диярлек үти ич алар! Берочтан халык хисабына баеп та калалар. Бу урында кысмыррак Дания кылт итеп искә төште әле. Кайчандыр шунда булганда, халкының акчаны саный белүенә исем-акылым иткән иде. Нәкъ менә шул декабрь аендагы “распродажа”лардан бер елга җитәрлек дип әйтерлек (80 процентлык запас дип укы) оекбаш, күлмәк-ыштан, аяк киеме, сөлге, савыт-саба һәм башка товарларны алып куя икән алар! Сатылмыйча яткан әйбер бәясе Яңа ел алдыннан биш тапкыр диярлек төшә анда чөнки. Ел башлангач, киштәләр яңа фасонлы, яңа модельле товарлар белән тула. Ә инде аларның бәясе, әлбәттә, күпләрне “тешли”.

Кызганыч, безнең сәүдә өл­кәсендә, кем әйтмешли, “ниппель” системасы шул – бәя төшми, ә һаман саен үсә генә. Җәен бензин хакы биш сумга күтәрелгәч, бер танышым, ачы елмаеп: “Нефть бушлайга калгач, бензин бәясе күпмегә үсәр икән?” – дип куйган иде. Чыннан да шулай бит бездәге хәлләр! Көлсәң көл, еласаң ела…

Фото: pixabay.com

Запись Россиядә сөт, икмәк, токмач, шикәр кебек ризыкларга бәяләр артты впервые появилась Tatar Today - татар яңалыклары..

Түбән Камада кибет басарга кергән бер хатын-кыз ишеккә кысылып калган әнә. Вакыйга иртәнге 4тә булган. Өч хатын-кыз кибет басарга уйлаганнар һәм ишекне каерырга тотынганнар (автомат рәвештә ян-якка ачыла торган ишек турында сүз бара).

Сигнализация эшли башлаган һәм вакыйга урынына полиция килеп җиткән. Ике кыз качып өлгергән, ә берсе ишеккә кысылып калган. Әле ярый ишек булган, югыйсә бурларның өчесе дә качып китәсе булган бит. Бездәге гадәт буенча, хәзер бу ишекне медаль белән бүләкләргә тиешләр инде.

Чыганак: Безнең гәҗит

Фото: pixabay.com

Запись Җинаятькә тиешле җәза: Түбән Камада кибет басарга кергән хатын-кыз ишеккә кысыла [фото] впервые появилась Tatar Today - татар яңалыклары..

Вазгыять Түбән Каманың “Сити Молл” сәүдә үзәгендә була. Ир-ат кибетнең балалар бүлегенә кереп, аннан бала ашамлыклары урлавы хакында хәбәр ителә. Аннан ул аларны пакетларга тутырып, ишеккә таба юнәлә.

Ләкин каракны  беренче катка төшеп җиткәндә үк тоталар. Ир-атның Башкортстаннан килүе ачыклана. Хәзерге вакытта аңа карата “Урлау” маддәсе буенча җинаять эше кузгатылган.

Чыганак: ProKazan.ru 

Фото: pixabay.com

Запись Татарстанда “Детский мир” кибетенә кергән ир-ат полицияне шаккаттыра впервые появилась Tatar Today - татар яңалыклары..

//Безнең гәҗит//

УЗГАН ЕЛ УК «БУЛА» ДИГӘННӘР

26 градус салкында Кече Нырсы халкы авыл уртасындагы җимерек кенә бер бина каршысына җыелып тора иде. Кайчандыр зәңгәрсу төскә буялган, тик буяулары купшып беткән иске агач бинаның ишегендә йозак, тәрәзәләре дә ватылып беткән. Бер читенә кулдан гына «Кибет» дип язылган элмәтакта кадаклаганнар. Безне юлга чакырган бикле кибет шушы буладыр инде, күрәсең. Ул да булмады, халык төркеме арасыннан аерылып чыгып, үзен Сәхия Шиһабиева дип таныштырган апа, каты төртсәң җимерелергә торган кибет ягына моңсу караш ташлаштыргалап, сүз башлады:

– 21 ел буе шушында сатучы булып эшләдем мин! Хәзер менә яптылар. Өч ел кибетсез яшибез. Ачмыйлар, кеше аз авылда, диләр. Ник, без кеше түгел микәнни соң ул? Авылда карчык-корчык кына – бөтенебез өлкән яшьтә, бөтенебез авырый. Чирләп урын өстендә ятучылар да бар, без кая барырга тиеш икән соң ул – кеше аз, диләр? Шәһәр җирендә кешенең этен дә күтәреп йөриләр, ә безгә – авыл кешесенә нишләп бер дә хөрмәт юк икән?!

Авыл кешесе бәхетле ул – ит белән бәрәңге генә ашап яши, дибез. Тик, шул ук вакытта артык бәхетле дә түгел икән – чөнки ит белән бәрәңгедән башка ашар әйберсе юк. Менә Кече Нырсы авылында яшәүчеләр үзләре үк сөйли: өлкән яшькә җиткәч, терлек асрап булмый, ә сөт-катык, эремчекләр төшкә генә керә хәзер, диләр. Төш итеп кенә калдырмыйча, ашап та карыйсың килсә, таягыңа таянасың да, өч чакрым ераклыктагы күрше авылга – Олы Нырсыга юл тотасың. Чөнки иң якын кибет – күрше авылда.

– Кибеткә барып кайту зур бер эш, мәшәкать булып тора. Икешәр сумка күтәреп йөрибез! Әйберләр төянеп кайткач өч көн буе аяк-куллар сызлый. Без бит 18 яшьтә түгел инде хәзер – авыл тулы өлкән яшьтәгеләр. Кәнфите ярый әле – ашамый да торырсың… Ипие кирәк! Бер алганда 8әр буханка ипи алабыз, шуны атна буе ашыйбыз. Кыш көне бик рәхәт – өй алдына чыгарып куясың да, шунда катып тик тора, бозылмый. Өйгә алып кергәч, җылыда йомшара соңыннан. Ә менә җәй көне авыррак – күгәреп бетә, – дип, җыелган халык берсен-берсе бүлдерә-бүлдерә зарын сөйләде.

Бу мәсьәлә буенча җирле халык район җитәкчелегенә дә чыккан булган инде. Узган елның октябрь ахырында Теләче районы башкарма комитеты җитәкчесе Рөстәм Нуруллин имзасы белән мондыйрак җавап биргәннәр: янәсе, башкарма комитет белән Мөхәммәтшина КФХсы арасында килешү төзелгән һәм кече Нырсыга азык-төлек сатуны ул оештырачак. Килешү шартлары нигезендә, атнага ике мәртәбә автолавка җибәреләчәк. «Шулай да, аз халык яшәгән авылларга чыгып сәүдә итү икътисади яктан үзен акламый, бу чыгымнарны каплау өчен җирле бюджетта акча каралмаган булуына игътибарыгызны җәлеп итәбез», – дип тәмамлана ул. Беренче тапкыр автолавка узган елның октябрендә үк килергә тиеш булган булса да, әле дә юк.

– Хатлары килсә дә, сатарга килүче күренмәгәч, җавап хатында күрсәтелгән номер аша район хакимиятенә шалтыраттым. «Килергә тиеш иде, килмәдемени соң?» – диләр. Ачуым килде. Минәйтәм, соң сез нигә бер дә әйткәннең үтәлешен тикшермисез соң? Мин шушында автолавка килгән килеш, автолавка юк дип шалтыратаммы инде, дим. Ярар, була-була, диделәр. Юк та юк. Тагын шалтыраттым. Килмәдемени, ди. Башка шалтыратмадым. Башына-очына чыга алмагач, аннары «Безнең гәҗит»кә чыгарга булдык инде. Җырдагыча, безгә дә бәхет бер килер микән? Бервакыт ниндидер кайнар элемтәгә дә шатыраткан идем инде бу кибет булмау мәсьәләсе белән. Анда урысча сөйләшергә кирәк икән. «Без сезне аңламыйбыз, без татарча белмибез», – диләр. Нәрсә соң инде бу – икетелле республикада яшәмибезмени соң без?

Халык үзенең зарларын сөйләргә дип 26 градус суыкта урамга җыелды

АВЫРСАК, КАЯ БАРЫЙК?

Авыл халкының тагын бер проблемасы бар. Монысы инде – сәламәтлек мәсьәләсендә. Күпчелек халкы – өлкән яшьтәгеләр булган кеченырсылылар медпункт булмаудан интегүләрен дә сөйләде.

– 4 чакрымдагы һаман да шул күрше Олы Нырсы авылында бар да ул пункт, ләкин авыру кеше җәяү шунда бара, укол ясатып кайта аламы ул? – дип сөйли, мәсьәлән, Нурбикә апа Гарифуллина. Ул 35 ел инде тез буыннары сызлап интегә, урыныннан тора алмаган көннәре дә бик күп була икән. Андый вакытта күрше авыл медпунктыннан фельдшер чакырталар. Ләкин эш менә нәрсәдә: фельдшерлар машина белән барып алсаң гына килә, ди, барып алмасаң – юк инде, дип, кул селти әбиләр.

– Менә мин кан басымым 200гә кадәр күтәрелеп яттым. Күрше-тирәдә бер дә машиналы кешеләр юк. Килеп, бер укол кадыйлар да китәләр, бөтен дәвалану курсын алып бетерү өчен көн саен каян машина табыйм мин? – ди Баян апа Селезнева да.

Шушы мәсьәләләрне чишү юлларын эзләп, районның башкарма комитеты җитәкчесе Рөстәм Нуруллин янына бардык. Кече Нырсыга автолавка җибәреләчәк, дигән ышандырулы хатта аның имзасы тора бит…

– Халык сорый да ул соравын, тик хөкүмәткә: «Монда кибет куй әле», – дип булмый бит! Хөкүмәт сәүдә белән шөгыльләнми, кибет булу – эшмәкәрләрдән тора.

– Автолавка белән йөрергә бөтен районыгызда бер эшмәкәр юкмы?

– Нишләп район табарга тиеш аны? Элек коммунистларны авылларга колхозлар оештырырга җибәргәннәр бит инде. Бер авыл кешесе шалтырата ди югарыга: «Колхоз создали, теперь колхозников пришлите». Шуның кебек, сез дә…

– Халык сезгә: «Без ипи дә ашамыйча ничегрәк яшик икән?» дигән сорау бирергә кушты.

– Бик дөрес сорау биргәннәр, анысы. Бездә, кызганычка, кибетсез авыллар бар, ә автолавка юк. Ләкин быел республика программасы нигезендә авылларга яңа кибетләр салына бит. Шул программа буенча Кече Нырсыга да салыначак.

«Авыл кибете» («Сельский магазин») – халыкны азык-төлек белән тәэмин итү яхшырак барсын өчен Республика Президенты Рөстәм Миңнеханов тарафыннан хупланган программа. 100дән артык хуҗалыгы булган авылларга 2017нче елда аның нигезендә кибетләр салыначак. Быел, мәсәлән, бу программага Теләче районыннан 4 авылны кертүләрен сорап, гариза биргәннәр. Иң беренче урынга Кече Нырсыны язганнар. Тик тумаган тайның билен сындырмыйлар, кибет салу – ипи пешерү генә түгел, аңа вакыт кирәк. Ә ул төзелеп беткәнче карчыклар продукцияне һаман да күрше авылдан ташырмы? Автолавка мәсьәләсен хәл итеп булмасмы, дигән сорауны күтәрдем.

Башкарма комитет җитәкчесе, үз бүлмәсенә территориаль үсеш буенча урынбасары Илдар Миңнегуловны чакырып кертте.

– Без хатта, автолавка чыгачак, дип язганбыз, автолавка чыкмадымыни? Җитәкченең соравын көчәйтеп җибәрү өчен: «Октябрьдә ук чыгарга тиеш булган!» – дип өстәдем.

– Эшмәкәрләр риза түгел бит – үзебезгә зыянга эшләячәкбез, диләр. Без ул җирлектәге эшмәкәрләр белән сөйләштек инде. Берсе дә эшлим димәде. Менә бу «Авыл кибете» программасын көтсәк кенә… Без тәкъдим итеп карадык – ризалашмыйлар!

Нишләптер бу сүзләргә ышанасы килмәде. Кече Нырсыга 3-4 чакрым ераклыкта гына урнашкан Олы Нырсы авылында 3 кибет бар. Аларның өчесендә өч җитәкче. Шуларның берсе генә дә кул сузымындагы авылга товар алып чыгарга риза булмады микәнни? Сораштыруны «Юлдаш» кибете җитәкчесеннән башладым. Аның җитәкчесе Самат Мөхәммәтшин, чынлап та, хакимияттән автолавка алып чыгу тәкъдиме яңгыраганлыгын әйтте, тик башка бер авылга әнә шулай товар ташуы сәбәпле, Кече Нырсыга барырга вакыты булмавын аңлатты.

– Аларга барсам, якында гына тагын авыллар бар, алар да сорый башлаячаклар, җитешә алмыйм, – диде ул.

Авылдагы тагын бер кибет – «Гадел»нең җитәкчесе Илфат Вәзир улы белән элемтәгә кердек. Район хакимиятендә, җирлектәге бөтен эшмәкәрләр белән дә сөйләшеп чыктык, дип ышандырганнар иде бит. Илфат әфәнде белән сөйләшергә онытканнардыр инде: «Миңа андый тәкъдимнәр булмады», – дип җавап бирде. «Кече Нырсыда кибет булмагач, халык бик азаплана, сезнең автолавка белән анда сату итәргә теләгегез юкмы соң?» дигән сорауга, юк, дип җавап бирмәде ул. Әгәр бу тәкъдимне җирле түрәләр элегрәк әйткән булса, бәлки, Кече Нырсыда халык инде күптән автолавкадан алган тәм-томны ашап, тук һәм шат яшәр иде. Сөйләшү барышында Илфат әфәнде бу тәкъдимне тагын бер кешегә: «ИП Хәкимов» хуҗасына әйтергә киңәш бирде.

– Без ваграк эшмәкәрләр. Районда зурраклары да бар. Менә Хәмит Хәкимов: бу кеше заманында безнең хакимияттәге бер түрә иде. Район буенча 30-40 кибетләре бар, райпоны да, авыллардагы кибетләрне дә сатып алып бетерде, табыш китерми торганрак авыллардагы кибетләрне алмады. Аның белән сөйләшеп карагыз әле сез, – диде.

ФЕЛЬДШЕРЛАР ГАЕПЛЕ?

Элеккеге район хакимияте җитәкчесе урынбасарын табу ансат эш булып чыкмады. Гомумән, аның безнең белән сөйләшмәячәген әйттеләр. Бары тик оешманың директоры Самат Галеев белән генә аралашып булды, тик анысы да автолавка мәсьәләсен хакимият һәм оешманың хуҗалары гына хәл итә алуын җиткерде.

Адашкач, пип-пип килеп, бер тирәдә әйләнгәләгән каз бәпкәсе сыман, «автолавка, автолавка» дигән сүзләрне кабатлап, инде икенче мәртәбә хакимияткә чыктым. Анда исә, Хәмитовлар белән бу турыда бер мәртәбә сөйләшү булганын, тик артык табыш китермәве сәбәпле, Кече Нырсыга автолавка җибәрергә теләмәүләрен әйттеләр.

Менә шулай шул, капиталистик җәмгыятьтә, табыш китермәсә, берәү дә, «ипине кайдан алыр бу?» дип, синең өчен хәсрәтләнми. Үзе 20 ел буе райпо җитәкчесе урынбасары булып эшләгән Рәис абый Абдуллин белән очрашып сөйләшкән идек. Ул үткәннәрне искә алып: «Элек бәләкәй генә авылларга да ат беләнме, трактор арбасына төяпме, барыбер товар китерттерәләр иде. Райпо булганда кибетләр халык өчен дип эшләде», – дип сөйли. Ә хәзер кечкенә авыллар беркемгә дә кирәк түгел. Гаҗәп инде. Элеккеге чорга кире кайткан кебек – халыкның акчасы бар, ә алырга товар юк.

Кибет мәсьәләсе белән йөреп, Кече Нырсы халкының икенче проблемасын да җавапсыз калдырмадык, билгеле. Кызганычка, халык саны аз булу сәбәпле, бирегә өстәмә фельдшерны билгели алмыйлар, һәм шуңа пункт ачу мөмкинлеге дә юк. Ә менә аларның машина җибәргәндә генә килүләре – монысы икенче мәсьәлә. Бу хакта район башкарма комитеты җитәкчесенә әйткәч, әллә ни шаккатмады кебек ул:

– Бардыр инде, анысы, бардыр. Үзегез беләсез бит. Авыл җирендә булгалый андый хәлләр. Әйтербез фельдшерга ныгытып, йөрергә тиеш алар закон буенча. Анысы эшләп бетермәгәнлектер инде, мин монысын «юктыр», дип әйтмим. Бөтен җирдә бар инде ул. Бу кимчелек бетерелер…

Кече Нырсы халкы түземсезлек белән товарны авылга китерә башлауларын көтәдер. Ерак арага йөреп, әйбер алып кайтуы кыен аларга. Кайбер районнарда халык автолавка эшчәнлеген өнәми, ә монда менә анысы да юк. Чөнки районның автолавка хуҗаларына түләү өчен артык акчасы юк. Хәзер бөтен өмет «Авыл кибетләре» программасында инде. Тик менә шунысы кызык – алары да бер көн, керем китермәү сәбәпле, ябылып куймасмы?

Айгөл ЗАКИРОВА

Казан – Теләче – Казан

Запись “Авылда кеше аз дип, кибет ачмыйлар, картларга хәзер ризык төшләренә генә керә” впервые появилась Tatar Today - татар яңалыклары..

“Тәрҗемәләре дә шәп! Безнең дәүләт “белгеч”ләре тәрҗемә иткән булса, әллә нинди тозлы-тозсыз, калька, керделе-чыктылы тәрҗемә сүзлэр төзеп чыгарлар иде”, дип язган бер кулланучы.

Икенчесе дә шул сүзне хуплый: “Гаҗәп, тәрҗемәләре казанча түгел, ә дөрес татарча килеп чыккан. Казанда сирәк була торган күренеш булса кирәк бу”, – дигән ул.

“Тәрҗемәләр аксый, әмма ит булмаганда үпкә тансык диләр, моның өчен дә рәхмәт”, – дип язучы да бар.
Икенче бер кулланучы татар телендәге язуның беренче булып торуына игътибарны юнәлтә: “Ә иң шаккатмалысы: татарча – беренче, “большой брат” икенче булып кына бара икән. Монысы инде фантастика дәрәҗәсендә!” ди ул.

Запись Казанда “Магнит” кибете нинди телдә эшләвен белгәч, татарлар шаккатты [фото] впервые появилась Tatar Today - татар яңалыклары..

Кунаклар диваннарны карап, тотып, аңа утырып, сыйфатын үзләре тикшереп карады. Алай гына да түгел, Илсөя үзенең кибетенә кунакка килгән һәр кешене ягымлы йөзе белән каршы алып, һәрберсе белән фотога төшеп, кайнар чәе һәм тәмле ризыклары белән сыйлап та җибәрде.

– Бөтен материаллар да чит илдән кайтартылган, югары сыйфатлы. Алга таба ни буласын белмим, әмма мин үз диваннарымны яратам. Ә үзем яратмаган әйберне мин кешегә тәкъдим итә алмыйм. Концертлардан бушаган арадаһәрвакыт шушында булачакмын. Килегез, болай гына, мине күрер өчен генә булса да килеп китегез. Ә бүгенге шушы минем өчен бик тә мөһим булган чарага вакытыгызны кызганмыйча килгәнсез икән, бик зур рәхмәт сезгә,  диде ул.

Кибет ачылышындагыбер генә кунак та монда очраклы гына килмәгән иде. Мәсәлән, Казанда яшәүче Илсөя исемле ханым:
– Илсөянең үзен дә, аның иҗатын да бик хөрмәт итәм. Менә шулай туры килде, фатирыбыздагы җиһазларны яңартырга булдык. Һәм шушы көннәрдә Илсөянең кибете ачылышы турында ишеттек. Башка кибетләрдән алмыйча, җырчының үзен дә күрербез дип, шушы көнне махсус көттек. Күңелебезгә хуш килгән берничә диванны карап та куйдык инде. Ахыргы вариантын сайлап аласы гына калды, диде җырчының адашы.

Шулай ук Казаннан булган Фәнил әфәнде дә әлеге кибеттә сатылуга куелган диваннардан ниндидер җылы бөркелеп торуын әйтте. “Соңгы вакытта кибетләрдә күннән эшләнгән җиһазларны тәкъдим итәләр. Ә алар салкын. Монда тәкъдим ителгәннәрнең төсләре дә җылы,материаллары да яхшы”,  диде ул.

Бәйрәм атмосферасына тагын да ямь өстәп, Илсөянең һәм иҗатташ дусты Римма Никитинаның җырлары яңгырады. Без дә җырчыны тормышындагы әлеге зур вакыйга белән котлыйбыз. Уңышлар телибез сиңа, Илсөя!

Зөһрә САДЫЙКОВА
Шәһри Казан

Запись Илсөя Бәдретдинова кибет ачылышында һәр килгән кунакны үзе каршы алды [видео] впервые появилась Tatar Today - татар яңалыклары..