Төрле хәлләр булганы бар. Актаныш гримёркасында анекдотлар сөйли-сөйли, диплом алырга чакырганнарын да ишетмичә калган чагым булды. Бер тапкыр авылдашлар алдында янәдән чыгышлап, сынау тотамын – микрофон кышкы, чатнап торучы, гәүһәр, рәхимсез суыклыктан туктады. Микрофонсыз, ачы суыкта сөйләдем. Авыл клубына, тамашачы булып кына кереп утырам дисәм дә, мине игълан итеп куюлары бар. Нишлисең инде, йөз-кыяфәтне карамыйча гына чыгасың да басасың ул.

Инкарь итмим, сәхнәдә матурлык патшалыгы булуы мотлак бит. Тамаша залында утыручы кеше сине аңларга да, тиргәп тә куярга бик мөмкин бит. Импровизация төшенчәсен бик үз итәм, монда чөнки бихисап төрле күренешләр сыя ала. Ул гадәттә, минемчә, планлаштырылган, сценарий катыркасында язылып куелган сүздән дә яхшырак, эчтәлеклерәк, төслерәк килеп чыга. Яратам мин сәхнәне, яратам газиз халкымны!
Кайчак, авыл клубларында сәхнә артларында да булгаларга туры килгәләли. Бу чакларда инде, бөтенләй бер икенче сулышка ия буласың. Ашыгасың, кабатлап азапланасың. Сценарийга күз белән әз генә булса да “күз салырга” тырышлыкка әвәс булып та китәсең. Дулкынлану хисләре, пәрдәләрне узып чыкканчы дәвам итә бирә. Ничек чыгып басасың икәнен белеп бетереп тә булмый.

Эстрада артистларын-җырчыларын каршы алган, аларга гримёркада ярдәм иткән чакларда бар. Бу вакытлар иң кызыклысы да, шаяны да булгалап киткәли. Ниндидер кызыклы хәлләр белән бүлешенелә, әле самовар кайнады микән, телефонны зарядкага куярга “озайткыч” эзләү белән үтә тамашага тиклем саналган минутлар. Кием-салымны әзерләп куярга да ярдәмләшү бит әле мотлак, икенче номерга. Иң үзенчә хәл-вакыйга тиз-тиз генә рәвештә бер биюченең чәчен плойка ярдәмендә бөдрәләтү булган иде. Ул каушыйсың, ул борчыласың, минутлар, вакыт үтә бара бит ул. Көтеп тормый синең өйрәнгәнеңне. Байтагы булды, әмма бик яратам җаным белән мин, гримёрка якларын.

Гомумән алганда, сәхнәнең көч-көдрәте хәтсез дип уйлыйм мин, ул бер сизелмәс кенә тәгълимәт вә сихәт аркылы дәвалый, кирәк булганда – төшеп беткән кәефне күтәрә, тормыш кичерешләренә ямь һәм тәм өсти. Яратам, җан атам мин сәхнәм дип…
Юлай Низаев, китапханәче.

Запись “Микрофон кышкы, чатнап торучы рәхимсез суыклыктан туктады! Ә мин…” [фото] впервые появилась Tatar Today - татар яңалыклары..

Казанда реконструкциядән соң элеккеге «Казан» милли-мәдәни үзәге бинасы ачылды. Хәзер китапханә фондларын Кремль урамындагы элеккеге бинадан күчерү процессы тулы куәтенә бара, шуңа күрә уку заллары әлегә эшләми. Китапханә җитәкчелеге бу чорны бушлай экскурсияләр үткәрү өчен файдаланырга карар кылды.

Беренче экскурсияләр 1 сентябрьдә 16.00 һәм 19.00 сәгатьтә үтте. Алга таба алар көн саен үткәреләчәк. Экскурсоводлар-китапханә директоры урынбасарлары Тәбрис Яруллин һәм Лилия Җәләлова.

Бинада климат-контроль, дымлылыкны көйләү һәм янгыны сүндерү системасы булган алты китап саклау урыны урнашкан.

Икенче этажда терасса белән ресторан урнаштырылган.

2 этаж

Чыганак: KazanCat сайты

Запись Татарстанның Милли китапханәсенең яңа бинасында бушлай экскурсияләр бара [фото] впервые появилась Tatar Today - татар яңалыклары..

Оештыручылар социаль челтәрләрдә: “Әгәр дә сезнең башкалар белән бүлешердәй китабыгыз бар икән, без аны үзбезнең булачак китапханәгә бик шатланып кабул итәбез.  Сезнең һәр китап үз укучысын табачак, ә үзегез күңелегезгә хуш килгән китап белән таныша алачаксыз”, – дип хәбәр  иткән иде. Нәтиҗәдә, 100гә якын китап җыелган. Теләгән кеше хәзер дә әлеге акциядә катнаша ала.

Китапханә киштәләрендә төрле китапларны табып була: мәктәп программасына кергән классик әсәрләрне дә, бүенге көндә язылган детекив та бар.

“Казан яры буена килеп күп кешеләрнең китап укып утыруларын яисә имтиханнарга әзерләнүен күргәч, без урам китапханәсен булдырырга уйладык. Монда төрле китаплар табып була, классик әсәрләр шактый күп. Шуңа да, мәктәп укучылары монда килеп укырга мөмкин.  Үзенчәлекле китаплар арасыннан Толстойның “Воскресение” романын әйтеп була. Ул 1959 чыккан, битләре шактый таушалган. Әлеге китапны күп укыганнары сизелә. Шулай ук яңа китаплар да бар, фәнни китаплар да табып була. Безнең китапханәдә  теләгән китапны  укырга алып торырга яисә монда да укырга мөмкин. Үз китапларын да алып килсәләр шат булыр идек” – ди оештыручыларның берсе Алиса Лисовая.

(видео Бизнес-онлайн сайтыннан алынды)

Запись Кремль яры буендагы урам китапханәсендә нинди китаплар укып була? [видео] впервые появилась Tatar Today - татар яңалыклары..