“Мәхәббәт” дуэты” Гөлназ-Вәли барлык мөселман кардәшләребезне Корбан гаете белән котлый.

–  Раббыбыз шушы көнне ихластан дога кылырга, корбан китерергә, рухи тынычлык алып, Аның мәрхәмәтенә ирешергә насыйп итсә иде. Аллаһы Тәгалә барлык яхшы гамәлләребезне кабул итеп, гыйбадәтләребез өчен савапларын арттырып, ике дөньяда да Үзенең чиксез мәрхәмәтен бирсен! Аллаһы Тәгалә безгә бәхет, сәламәтлек, гаиләләребезгә, илебезгә, тынычлык, иминлек, муллык һәм хәерле бәракәтен иңдерсен. Котлы булсын бөек бәйрәмебез Корбан гаете! – ди Вәли Фазлыйәхмәтов.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись “Мәхәббәт” дуэты” Гөлназ-Вәли барлык мөселман кардәшләребезне Корбан гаете белән котлый [видео] впервые появилась Tatar Today - татар яңалыклары..

“Татарстан Республикасы бәйрәм һәм истәлекле көннәре турында” ТР Законының 1 статьясы нигезендә, 2017 елның 1 сентябре Корбан бәйрәмен билгеләп үтү көне итеп билгеләнде.

Билгеле булганча, Корбан гаете Ураза бәйрәменнән соң 70 көн узгач бәйрәм ителә. Бу көнне мәчетләрдә бәйрәм намазлары укыла.

Корбан гаетенең асылында Аллаһы Тәгаләгә якынаю теләге ята. «Без бу мөбәрак бәйрәмдә гает намазларын укып, Аллаһ ризалыгы өчен корбаннар чалып, игелекле гамәлләр кылып, Аллаһның рәхмәтенә якынаябыз. Шуңа күрә бу олуг бәйрәмебезне шатланып, каршы алабыз. Корбан гаете барлык мөселманнарны берләштерә, якынайта, аларның күңелләре сөю-хөрмәт, бер-беренә миһербанлык һәм шәфкать хисләре белән тула. Бу мөбәрак көнне нәфрәт-ачулар юкка чыга. Дошманлык һәм үпкә хисләре бетә», – ди дин әһелләре.

Тарихтан мәгълүм: Ибраһим (г.с.)нең баласы булмый. «Аллаһы Тәгаләдән: «Син миңа якынаерга телисеңме, Ибраһим? Син минем якыным, сөеклем, минем дустым булырга телисеңме” — дип әмер килгәч, Ибраһим: «Телим, яраббым”, — ди. Шул вакытта Аллаһы Тәгалә: «Алай булса, мин сиңа бала бүләк итәм. Балаңны кызганмыйча, син миңа корбан итә аласыңмы?” – диде. Ибраһим г.с., Аллаһы Тәгаләгә үзенең ихласлыгын күрсәтеп, баласын корбан итәргә алып китә. Соңгы мизгелдә күк капусы ачылып китеп, аннан корбанга тәкә килеп чыга. Ибраһим г.с. куйны чала һәм шул вакыттан бирле бу безнең өчен бәйрәм булып кала.

«Мөхтәрәм җәмәгать, әлбәттә, Аллаһы Тәгалә бәндәнең каннарын түгүче түгел, ул бары Ибраһим (г.с.)не шул рәвешле сынаган. Исмәгыйль (г.с.) үзе дә сынатмаган», — ди дини әһелләре.

Корбан чалганда Аллаһы Тәгаләгә корбанның ите дә, каны да кирәк түгел, аңа безнең тәкъвалыгыбыз гына ирешә. Бу хакта Аллаһы Тәгалә Коръәндә үзе әйтә. Кеше корбанны Аллаһы Тәгалә ризалыгы өчен чалып, гаиләсен, килгән кунакларын һәм күршеләрен, фәкыйрьләрне һәм мескеннәрне хөрмәт итә, аларның күңелләрен күтәрә. Шулай итеп, ул Аллаһның ризалыгына ирештерә торган гамәлләр кыла. Ибраһим г.с. һәм аның улы Исмәгыйль г.с. кыйссасы безгә тәкъвалы булырга, ягъни гөнаһлардан, файдасыз гамәлләрдән ерак булып, Раббыбыз Аллаһы Тәгаләгә карата итәгатьле булырга өйрәтә.

Корбанны өч көн дәвамында 1-3 сентябрьдә чалырга мөмкин. Корбанны кояш батканчы чалып өлгертергә кирәк.

Чалынган корбан итен өчкә бүлеп, бер өлешен ятим, мохтаҗларның күңелен күрү, аларга да бәйрәм шатлыгын ирештерү тиеш. Икенче өлешен туганнарга, күршеләргә өләшү, ә өченче өлеше белән, аш-су әзерләп, туганнар, дус-иш, күршеләр белән дустанә шартларда мәҗлес үткәрү, кунакка йөрешеп, дуслык, туганлык җепләрен, бердәмлекне ныгыту – күркәм гамәл.

P.S.: “Ярдәм” мәчете корбан чалу гамәлен үтәү буенча үз хезмәтләрен тәкъдим итә. Бу хезмәтләргә корбанны чалу, эшкәртү, итне бүлү һәм дога кылу керә. Корбанлык сарыкларга, бәрәннәргә һәм сыерларга заявкалар кабул ителә.

Заявкаларны Казан ш., Серов ур., 4а йорты һәм Ютазы ур., 8 нче йорт адресы буенча бирергә мөмкин. Элемтәгә керү өчен телефоннар: 8843 223 03 59, 8843 223 03 66, 8843 5120377.

Римма Гатина.

Запись «Корбан гаетенең асылында Аллаһы Тәгаләгә якынаю теләге ята» [Корбанга берничә көн кала] впервые появилась Tatar Today - татар яңалыклары..

Артистлар, җырчылар тормышы белән танышам дисәң, инстаграм челтәренә күз салу да җитә. Мәсәлән, Айваз Садыров  ел да гает намазына данлыклы, бай тарихлы Кышкар мәчетенә кайта икән.

Данлыклы Кышкар мәчете. Тарихы XVIII гасырдан башлана. Авыл мәдрәсәсендә Тукаебызның әтисе Мөхәммәтгариф, бабасы Зиннәтулла, Камил Мотыгый белән Галия Кайбицкаяның әтиләре Мотыйгулла Төхфәтуллин, драмматург Фатыйх Халиди, мәгърифәтче Таип Яхин белем ала. Үз авылыбыздан мәдрәсәдә бары өч кеше укый. Аларның икесе – минем бабам Садыйров Гали һәм аның энесе Садыйров Һади Садыйр уллары. Гает намазларына шушы мәчеткә кайтырга тырышам. Бүген дә биредә булдым. Шиһабетдин Мәрҗани Кышкар авылы турында болай дип яза: «Элек заманнан ук дәүләтле байлары һәм зур мәдрәсә тотып, күп шәкертләр җыеп дәрес әйтүче имамнары белән дан һәм шөһрәт казанган авыл». Олы тарихның чыбык очына үземнең дә катнашым барлыгын тоеп, туганнар белән исәнләшеп, авылдашларны хәтердә яңартып, хәл-әхвәлләрен сорап, авыл урамнарын акрын гына күзәтеп узгач, күңелдә рәхәт булып китә. Бәйрәмнәр мөбарәк булын!

Фото опубликовано Айваз Садыров (@aivazsadyrov) Сен 11 2016 в 9:28 PDT

Илдар Хәкимов та бәйрәм намазын авыл мәчетендә укыган:

Корбан гаете мөбарәк булсын дусларым!

Фото опубликовано Ильдар Хакимов (@ihakimov) Сен 11 2016 в 8:27 PDT

Булат Бәйрәмов корбан сарыкларын видеога төшерергә ашыккан:

Корбан гаете мөбарәк булсын!??????

Видео опубликовано Ведущий Булат Байрамов (@bulat_bairamov) Сен 11 2016 в 11:31 PDT

Гүзәл ханымнар, әлбәттә, тәмле коймаклар белән кызыктырды. Дилә Нигъмәтуллинаның тәмле ризыкларын тиз арада ашап  бетергәннәр.

Коймакны кыздырып олгерэ алмыйм, ашап баралар! Ай, тэмле булган ! Бэйрэм хормэтенэ дер инде. Корбан гаете мобэрэк булсын, дусларым!!! #курбанбайрам #мазарбашы #туганавылым #дилянигматуллина

Фото опубликовано Диля Нигматуллина (@dilyanig) Сен 11 2016 в 10:12 PDT

Ә Айсылу Лерон әнисе пешергән коймаклар белән мактанды:

Әнием коймаклары!!! Бәйрәм белән, дуслар!☺#корбангаете

Фото опубликовано Айсылу Лерон (@iceluleron) Сен 11 2016 в 10:05 PDT

Фото: kazved.ru

Запись Артистлар Корбан бәйрәмен каршы ала [фото] впервые появилась Tatar Today - татар яңалыклары..

Шәһәр хезмәтләре санкцияләнмәгән урыннарда корбанга сарык сату һәм тиешсез урыннарда чалуны булдырмас өчен оештырылган төстә эш алып барачак диде ул. “Шәһәрлеләргә мәчеткә бару уңайлы булсын өчен җәмәгать транспорты маршрутлары иртәнге дүрттән эшли башлаячак”, дип өстәде бүлек башлыгы.

Казан мэры Илсур Метшин шәһәрнең җаваплы хезмәтләренә, район хакимиятләренә Корбан бәйрәмен үткәрергә әзерләнергә йөкләде.

Корбан бәйрәме Уразадан соң 70 көн узгач бәйрәм ителә. Быел аны бәйрәм итү датасы Татарстан Президенты тарафыннан билгеләнгән. 12 сентябрь республикада “Татарстан Республикасында бәйрәм көннәре һәм истәлекле даталар турында”гы Татарстан Республикасы законы буенча ял көне дип санала. Шулай итеп, 2016 елда биш көнлек эш атнасында 10, 11, 12 сентябрь ял көннәре дип санала.

2016 елда Казан шәһәрендә корбан чалу урыннары:

1. «Фатиха» мәчете – Р.Зорге ур., 4а

2 .«Казан Нуры» мәчете – Ф.Әмирхан пр., 3

3. «Әл-Мәрҗәни» мәчете – К.Насыйри ур., 17

4. «Әҗем» мәчете – Фәткуллин ур., 15

5. Корбан чалу комплексы – Бертуган Петряевлар ур.,

6. «Тынычлык» мәчете – Тынычлык бистәсе, Мелитопольская, ур.15

7.  «Гадел» мәчете – Оренбург тракты, 193

8. «Ризван» мәчете – Х.Мәүлетов, 48а

9. Ат спорты клубы – Тынычлык бистәсе, Новосельская, 70

10. «Жомга» мәчете  -Юдино, Ильич ур., 4

11. «Рамазан» мәчете – Окольная ур., 25Б

12. «Сөләйман» мәчете – Левченко торак комплексы, Ютазы ур., 8

13.   «Ислам дине» мәчете – Чишмәле ур., 17а

14. «Биләл» мәчете – Вознесенское , Иркен ур., 33

15.  «Котдус» мәчете – Карьер, Яснополянский, 16

16. «Иман Нуры» мәчете – Нагорный, Юл ур., 32а

17. «Ислам» мәчете – Дәрвишләр бистәсе, Вяземская, 28

Татар-информ

Фото: almat-islam.ru

Запись Казанда корбан чалу урыннары билгеле булды [исемлек] впервые появилась Tatar Today - татар яңалыклары..