Архивы корбан чалу - Tatar Today - татар яңалыклары.

Җырчы-продюссер Салават Миңнеханов Корбан сарыгы белән фотога төшүчеләргә кискен фикерен әйтә [видео]

kadria — Fri, 31 Jul 2020 12:30:39 +0000

// Татар Тудей // Татар Бүген //

Җырчы-продюсер, эшмәкәр Салават Миңнеханов халыкка, үзең коллегаларына мөрәҗәгать ясый. Инстаграмга чалынган сарык белән бергә фотога төшеп куючыларга үз фикерен әйтә.

Күп кешенең инстаграмында күргәнем бар, чалынган сарык белән фотога төшәләр, тиресен салдырганнар һәм шул сарык белән фотога төшәләр. Дуслар, андый фотоларны куймагыз зинһар, без сарыкларны Аллаһ ризалыгы өчен чалабыз, лайклар өчен түгел!, ди Салават әфәнде.

Видео Салават Миңнеханов инстаграмыннан

Запись Җырчы-продюссер Салават Миңнеханов Корбан сарыгы белән фотога төшүчеләргә кискен фикерен әйтә [видео] впервые появилась Tatar Today - татар яңалыклары..

Журналист Лаештагы корбан чалу комплексында булып, тәртибе, бәяләре белән таныша [видео]

Редактор1 editor1 — Sat, 10 Sep 2016 22:16:52 +0000

Лаеш районының Сокуры авылында урнашкан “Юлчы” мәчете каршындагы корбан чалу комплексында “Татар-информ” хәбәрчесенә корбан чалу йоласы ничек узачагы хакында сөйлиләр. Имам-хатыйб корбан чалдыру өчен махсус үзәкләргә мөрәҗәгать итүчеләрне чиратларга әзер булырга әйтә.

“Юлчы” мәчете каршында корбан чалу гает намазы укылганнан соң иртәнге сәгать алтыда башланачак. Быел монда ике меңнәр тирәсе сарык чалырга исәплиләр, корбанлыклар Волгоград өлкәсеннән китерелә.

“Юлчы” мәчете имам-хатыйбы Фәрит хәзрәт Гарипов сарыкларны һәркем үз мөмкинлекләреннән чыгып сайлый алачагын әйтте. “Беләсез сарыклар төрле була, кешеләрнең дә мөмкинлекләре аерыла. Шуңа бездә алты, җиде, сигез, тугыз меңлек сарыклар бар. Сарыкны эшкәртеп бирү бәясе 500 сум булачак. Сарык, эшкәртелгәннән соң дүрт өлешкә бүленеп, пакетларга салына һәм хуҗасына тапшырылачак.”

Корбан чалырга килүчеләрнең үз номерлары булачак, сайлап алынган сарыкка да шул ук номер эленәчәк. Махсус билгеләнгән кешеләр кемнең корбанлыгы әзер булуын хәбәр итеп торачак.

“Корбан чалучылар өчен чатыр корылды, – дип белдерде Фәрит хәзрәт Гарипов. – Кешеләр үз корбаннарын көтеп утырган вакытта пылау ашап, чәй эчеп тора алачаклар. Быел корбан чалу процессын тагын да тизрәк башкарырга ниятлибез. Максатыбыз кешеләрнең көтеп тору вакытын мөмкин кадәр киметергә.

Гает көне, беренче көн булганга, кешеләр дә күмәк рәвештә, күпләп килә. Шуңа ул көн бик тыгыз була. Беренче көнне корбаннарын чалырга теләүчеләргә кеше булып калырга киңәш итәр идем. Чират, әлбәттә, җиңел әйбер түгел. Шушы вакытны сабырлык белән көтеп торырганым өчен дә савап алам дигән хис-уй белән килсеннәр иде. Әгәр дә бик ашыгыч булмаса, икенче һәм өченче көннәрне килелергә мөмкин. Анда кеше азрак була, иркенләп, тынычлыкта корбан чалырга мөмкин булачак. Мәсәлән, без үзебез, хәзрәт буларак, беренче халыкның корбаннарын чалырга тырышабыз. Үзебезнекен, гадәттә, өченче көнгә калдырабыз,” – ди Фәрит хәзрәт.

Корбан гаете җылы айларга туры килгәнлектән, түбән температура саклау өчен, быел корбан чалу комплексында пластик тәрәзәләр, кондиционер да куелган.

http://tatar-inform.ru/upload//video2/10_09_tatar_mechet_1.mp4

Мәгълүмат Татар-информ сайтыннан алынды

Фото https://yandex.ru/images/search сайтыннан

Запись Журналист Лаештагы корбан чалу комплексында булып, тәртибе, бәяләре белән таныша [видео] впервые появилась Tatar Today - татар яңалыклары..

Казанда корбан чалу урыннары билгеле булды [исемлек]

Редактор1 editor1 — Sat, 03 Sep 2016 08:52:04 +0000

Ислам динендә иң төп бәйрәмнәрнең берсе – Корбан бәйрәме 12 сентябрьгә туры килә. Казан мәчетләрендә бәйрәм намазы 5.40 сәгатьтә укылачак. Бәйрәм намазыннан соң корбан чала башлыйлар, аны өч көн дәвамында – 12-14 сентябрьдә башкарырга мөмкин. Татарстан башкаласында корбан чалу өчен 17 махсус урын әзерләнгән. Бу хакта эшлекле дүшәмбедә телләрне үстерү һәм иҗтимагый оешмалар белән элемтә бүлеге башлыгы Илнур Шакиров хәбәр итте.

Шәһәр хезмәтләре санкцияләнмәгән урыннарда корбанга сарык сату һәм тиешсез урыннарда чалуны булдырмас өчен оештырылган төстә эш алып барачак диде ул. “Шәһәрлеләргә мәчеткә бару уңайлы булсын өчен җәмәгать транспорты маршрутлары иртәнге дүрттән эшли башлаячак”, дип өстәде бүлек башлыгы.

Казан мэры Илсур Метшин шәһәрнең җаваплы хезмәтләренә, район хакимиятләренә Корбан бәйрәмен үткәрергә әзерләнергә йөкләде.

Корбан бәйрәме Уразадан соң 70 көн узгач бәйрәм ителә. Быел аны бәйрәм итү датасы Татарстан Президенты тарафыннан билгеләнгән. 12 сентябрь республикада “Татарстан Республикасында бәйрәм көннәре һәм истәлекле даталар турында”гы Татарстан Республикасы законы буенча ял көне дип санала. Шулай итеп, 2016 елда биш көнлек эш атнасында 10, 11, 12 сентябрь ял көннәре дип санала.

2016 елда Казан шәһәрендә корбан чалу урыннары:

1. «Фатиха» мәчете – Р.Зорге ур., 4а

2 .«Казан Нуры» мәчете – Ф.Әмирхан пр., 3

3. «Әл-Мәрҗәни» мәчете – К.Насыйри ур., 17

4. «Әҗем» мәчете – Фәткуллин ур., 15

5. Корбан чалу комплексы – Бертуган Петряевлар ур.,

6. «Тынычлык» мәчете – Тынычлык бистәсе, Мелитопольская, ур.15

7. «Гадел» мәчете – Оренбург тракты, 193

8. «Ризван» мәчете – Х.Мәүлетов, 48а

9. Ат спорты клубы – Тынычлык бистәсе, Новосельская, 70

10. «Жомга» мәчете -Юдино, Ильич ур., 4

11. «Рамазан» мәчете – Окольная ур., 25Б

12. «Сөләйман» мәчете – Левченко торак комплексы, Ютазы ур., 8

13. «Ислам дине» мәчете – Чишмәле ур., 17а

14. «Биләл» мәчете – Вознесенское , Иркен ур., 33

15. «Котдус» мәчете – Карьер, Яснополянский, 16

16. «Иман Нуры» мәчете – Нагорный, Юл ур., 32а

17. «Ислам» мәчете – Дәрвишләр бистәсе, Вяземская, 28

Татар-информ

Фото: almat-islam.ru

Запись Казанда корбан чалу урыннары билгеле булды [исемлек] впервые появилась Tatar Today - татар яңалыклары..