Василий Ивановның үз җир­легенең чын ватанпәрвәре икән­леген әллә каян чамалыйсың. Эшкә дә ул район атамасы язылган һәм герб төшерелгән баш киеме белән футболкадан килде. Хезмәт кешесе белән үзе­безчә кул биреп, хәл-әхвәл сорашканда: “Марат Әхмәтов бү­ләк иткән сәгатегез кайда соң?” – дип сорамый кала алмадым.

– Бу арада журналистлар күп килә, еш төшерәләр. Тиз-тиз генә өйгә кайтып, юынып, киенеп килгән арада, сәгать онытылып кала, – дип аңлатты Василий.

– Ә башка көннәрдә сәгатьне кулдан салмыйм. Вакытны төгәл күрсәтә, яхшы йөри, бик кадерле бүләк ул.
Техникага якын килү түгел, автомобиль маркаларын да чамалы гына белгән кыз өчен комбайнчы һөнәрен үзләштерү, билгеле инде, җиңелләрдән булмады. Әмма, күз курка, кул эшли, дигәндәй, янәшәдә генә “трак­торчы-профи”ның утыруы шик­ләнүләрне юкка чыгарды. Шулай итеп, Вахит авылыннан шактый еракта урнашкан басуга, комбайн иярләргә чыгып киттек.

“Җиңелнең кадере юк”

“Аллага тапшырдык, эшебез уң булсын!” – диде дә тугры дус­тына әйләнгән “тимер ат”ның кабинасына менеп утырды Василий Иванов. Нинди эшкә тотынса да, шушы сүзләрне әйтә икән ул. Аның артыннан шул ук сүзләрне кабатлап, мин дә иярдем. Комбайн дигәч тә, куркып калырга кирәкми икән. Кабинасына кереп утыргач, кыр тузаныннан бер­ничә тапкыр төчкерәсең, биеклектән аз гына башың әйлә­неп ала да ияләшеп китәсең. “Берүзегезгә генә күңелсез булмыймы соң?” – дигән сорауга Василий: “Эш турында гына уйлагач, күңелсезләнергә вакыт калмый. Моңсу булса, җырлап алырга да була”, – диде.

Василий Иванов Инстаграмда аны көтеп зарыккан язылучылары өчен туры эфирга кергән арада (техника җене кагылган кеше генә түгел, блогер да булгач, ике куянның койрыгын берь­юлы тотасың икән!), комбайн руле берничә мизгелгә минем кулларга эләкте. “Руль бик нәз­берек, каты борма, сизгер ул”, – дип, киңәшләрен биреп тор­ды тәҗ­рибәле кыр уңганы. Ул арада: видеога “Сәлам, дуслар! Бүген кормосмесь басуында…” – дип, эш көнен шәрехләргә дә өлгерде.

Дүрт аяклы ат та абынганны, беренче тапкыр зур техникага утырган кеше абына да абына инде. Комбайн туры юлыннан кырыйгарак авыша башлагач, Кукмара басуларына сизелерлек зыян китерүдән куркып, комбайнны иярләүне үз эшенең остасына тапшырдым. Ул арада Василийга әзерләнгән сорауларны яудыра башладым.

Бу көннәрдә Василийга төнге сменалар эләгә икән. Һөнәре буенча комбайнчы булмаса да, хайваннарга азык-төлек әзерләү чорында, кемнедер алыштырып, бу төр техниканы да иярләргә туры килә, ди ул. Сенаж әзерләүдә ике “Макдон” маркалы, урдыруда тагын өч трактор катнаша. “Сенажда күп эшлисе калмады, берничә көндә җиңеп чыгарга исәп. Җитешергә тырышабыз”, – ди кыр уңганы.

Василий Иванов сөйләвенчә, ул үзен белгәннән бирле техника белән мавыга.
– Яшьтән үк: “Үскәч, кем буласың?” – дигән сорауга, сары “К-700” тракторында эшлим, дип җавап бирә идем. Бу эшкә күңе­лем ята. Башка һөнәрдә үземне күз алдына да китерә алмыйм. Авыл тормышын бер нәрсәгә дә алыштырмас идем. Монда туган, монда үскән, картлыкны да шушында каршыларга язсын, – диде Василий.

Миннән комбайнчы чыкмаячагын аңлап алгач, Василийга да моны әйттем. Аның фикеренчә, авыл хуҗалыгы техникасын шәп иярләүче булыр өчен “тимер ат”ларны яратырга һәм курыкмаска кирәк. Шулай ук, авыл тормышын үз итәргә. Кызганыч, соңгысы белән килешсәм дә, беренчесе белән эшләр пешмәячәк икән минем.

Бер мәлдә, комбайныбыз ал­га-артка өстерәлеп, яшел массада буталып алды. Василий исә моның сәбәбен, җирнең юеш һәм яшеллекнең калын булуында, дип аңлатты. “Комбайн ургычын ярты көчкә генә көйләдем, болай да техника авыр бара, чөнки печән бик тыгыз һәм калын. Яшел азыкның мондый булуы начар түгел, әлбәттә”, – дип көрсенде.

Комбайнга утырган көнне болытлар куерып, яңгыры явам-явам дип торды. Аллаһның рәх­мәтедер, басуны бер урап мен­гәнче, яңгыр яумый түзде, аннан инде чиләкләп койды. Һава то­рышының шулай үзгәреп торуы да кырда эшләүчеләргә йогынты ясамый калмый, билгеле. Әмма Василий Иванов әйтү­енчә, борчылырга кирәкми.

– Һава торышыннан зарланган юк. Уңышка әллә ни тәэсир итмәс дип уйлыйм. Тагын бер ай бар әле. Августта көннәр әйбәт булыр дип ышандыралар бит. Кукурузлар белән генә мәшә­кать­ләр булыр, алар гел соңга калып өлгерә, җыела. Кырдагы эшләр, барысын бергә исәпкә алсаң, беренче карларга кадәр дәвам итәчәк, – диде тракторчы-бло­гер.
– Авыр хезмәтегез өчен күп­ме түлиләр соң? – дип сорашам.
– Бер айда азрак та, күбрәк тә эшләргә мөмкин. Кышын, ремонт көннәрендә – 500-700, җәен 1500 сум түлиләр. Бу – бер сменага. Кайчак күбрәк тә чыга. Куелган норманы ничек үтәвеңә дә карый инде, – диде ул.

Блогерлык турында да сораштым. “Блогер булып, диванда ятып, акча эшлиләр хәзер”, – дип кызыктырган булдым. Әмма авыл хезмәтчәненең трактор гөрелтесен, ягулык исен, техника эшенең барлык кыенлыкларын җансыз телефонга алмаштырырга теләге юк икән.

– Мин эшләп ашарга кү­неккән. Җиңел килгәннең кадере булмый. Эшемне ташлап, блогер булып кына утыруның кирәген тапмыйм, – ди ул. – Эш кешесен хөрмәтли, эшләгән кешене вакытында күрә беләләр. Рәхмәт җитәкчеләребезгә.

Социаль челтәрдәге сә­хи­фә­сен карап баручылар Василийдан техникага кагылышлы ки­ңәш­ләр дә сорый икән әле. Кө­ненә йөзәр сорау килә, барысына да җавап бирергә тырыша блогер. “Шушындый тракторның бу өлешен ничек көйлисе, моны ничек төзекләндерәсе?” дигән­рәк сораулар еш килә. Эшләп карамаган техника калмады кебек инде, тәҗрибә бар. Белгән ка­дә­рен әйтергә тырышам”, – ди Василий Иванов. Әллә нигә бер реклама да куя. Анысы инде ипи-чәй­лек булса да акча китерер өчен.

Василийны көн буе телефон тотып кына йөри, диючеләр ялгыша. Блогына тәүлекнең 20 минуты, күп дигәндә ике сәгате генә китә икән.

– Телефонны ашарга утыргач ачам, шул арада килгән хатларга җаваплар язам. Язылучыларыма рәхмәт. Юлда күрсәләр дә таныйлар, сәлам биреп китәләр. Начар әйберләр турында сөйләргә тырышмыйм, эшнең дә кызык, матур якларын гына күрсәтәм, – ди ул.

Сөйләшә торгач, комбайн да күңелгә якыная төсле тоела башлады. Кызганыч, безгә дигән вакыт чыккан иде инде. Тел бистәсе булып утырып йөрүдән басу-кырларга файда юк бит. Шуңа күрә, Василий белән комбайн алдына утырып, фотосурәткә тө­шеп алдык та, хезмәт кешеләренә комачауламаска дип килештек. Көннәре санаулы, эшләре күп бит аларның.

Хыяллар турында

– Киләчәккә нинди планнар соң, Василий?
– Өйдә үгезләр, кәҗәләр тотабыз. Мал-туарны күпләп тә асрар идем, урын юк. Абзар җиткерергә телим. Фермер ук булып кит­мә­сәм дә, үзем өчен эшләргә исәп. Маллар асрап, үстереп булса, шәп булыр иде. Малайның да техника йөртергә теләге юк түгел. Исән-сау булып, шулай яшәргә исәп, – дип уртаклашты “тракторчы-профи”.
Саубуллашканда, Василий Ива­нов белән бергә эшләүче абыйлар: “Әллә Васябызны Казанга алып китәсезме?” – дип борчыла ук башлады. Юк инде, абзыйлар, күренеп тора, сезгә кирәк бит ул! Васи­лийның да әле үз җирендә озак еллар кирәкле булып, кадер-хөрмәт тоеп, имин картлыкка җитәсе бар.

Мәгълүмат: vatantat.ru

Запись Тракторчы-блогер Василийның яшь журналист кызны комбайнына утыртып ниләр сөйләвен белдегезме әле? впервые появилась Tatar Today - татар яңалыклары..

“Юл ясыйбыз дигән булып, юлсыз калдырдылар безне”, –  дип зарлана Нормабаш халкы. Авыл халкының әлеге сүзләрен раслаучы видеолар да бар. Юл-транспорт чаралары батып калмас өчен, юлны урап үтәргә мәҗбүр.

View this post on Instagram

A post shared by Балтаси – Хезмәт (@xezmet_gazetasi)

Мәгълүмат: xezmet_gazetasi 

Запись Балтач районында күңелсез күренеш [видео] впервые появилась Tatar Today - татар яңалыклары..

39 яшьлек инвалид ир-ат 5 гыйнварда югалган булган. Кукмара полицейскийлары һәм волонтерлар Шәмәрдән вокзалыннан Вахитов авылына кадәр 20 чакрым араны тикшергән, әмма ир-ат табылмаган.

Икенче көнне эзләүчеләргә 4нче зона янгын-сүндерү коткаручылары кушылган. Эзләү төркеме Тарлау, Янил, Вахитов, Чура, Түбән Шәмәрдән авылларын әйләнгән. Ул көнне дә уңай нәтиҗә булмаган.

Югалган ир-атны Ядегәр һәм Түбән Шәмәрдән бистәләре арасындагы урманлыктан табып алганнар. Ул агачка сөялгән килеш карда утырган. Ир-атны хастаханәгә озатканнар.

tatar-inform

Запись Кукмара районында ике көн дәвамында эзләгән инвалид ир-атны тапканнар впервые появилась Tatar Today - татар яңалыклары..

15-17 ноябрьдә концерты булган 27 яшьлек җырчы Радик Юльякшинның Кукмарадагы гастрольләре зур тавыш белән тәмамланган. Кукмара районының прокуроры Ришат Шакиров сүзләре буенча, прокуратурага Юльякшинның концерт төркеменең администраторы Илһам Утяшев мөрәҗәгать иткән. Аның әйтүенчә, клуб директоры Алмаз Мустафин концертны үткәргәндә законны бозган.

Аныңча,  иң башта конфликт төркемнең билет тикшерүчесе (соңыннан аның җырчының сакчысы булуы ачыклана) һәм Мустафин арасында чыккан. Залга керү Юльякшин вәкилләре аша оештырылган була. Ә билет тикшерүче-сакчы директорны танымаган, яисә бүтән сәбәпләр аркасында, Алмаз Мустафинны  залга кертмәгән. Шау-шу күтәрмәгәннәр, әмма акча бүлү вакыты җиткәч, конфликт зурая. Мустафин Юлькшин төркеменә тиеш булган акчадан 10 меңен алып, билет тикшерүче (сакчы) гафу үтенгәннән соң, кире кайтаруын әйткән. Шул сәбәптән, Шакиров башбаштаклык билгесе күреп (ст. 19.1 КоАП РФ), административ эш кузгата.

Материалларны район судына җибәрәләр, эшне карауны 8 декабрьгә билгелиләр. Бу маддә буенча 100 сумнан 300 сумга кадәр штраф каралган, ә хезмәттәге кешеләргә штраф күләме 300 дән 500 сумга кадәр. Аннан башка, директорны эшеннән алу мәсьәләсе күтәрелә.

Мустафин чыннан да хәзерге вакытта капельница астында ята икән. Булып узган выкыйгаләр буенча мәдәният директорының версиясе аерыла. Аның сүзләренә караганда, җырчының сакчылары дүртесе дә исерек хәлдә булган, алар тавыш чыгарган һәм методистларны залдан куып, кыйнаганнар. Бу хәл буенча Мустафин хокук саклау органнарына гариза бирергә җыенганын белдерде. Ә акча мәсьәләсенә килгәндә, ул аны үзләштермәгәнен аңлатты. “Һәр концерт өчен мәдәният йортына 15% каралган, ул концерттан 60 мең тирәсе чыгарга тиеш иде, ә алар ни бары 43 мең калдыры. 10 меңне санасаң да,  53 мең генә була, алар әле безгә бурычлы да булып кала”,- ди Мустафин. Прокурорның шәхси кызыксынуы булуын да әйтеп китте ул, алар Радик Юльякшин белән дуслар икәнен ассызыклады. Хәзер Кукмара директорына административ һөҗүм оештырылган: бухгалтерия һәм кадрлар ягыннан тикшергәннәр. “Гаиләгә басым ясыйлар, балаларың бар диләр, яныйлар. Ә прокурор яклыйсы урында, Элвин Грей ягына басты”, – дип уртаклаша Алмаз Мустафин.

Ә Elvin Grey социаль челтәрдәге битендә вакыйганың өченче тагын да гаҗәеп версиясен сөйли. «Кечкенә, ямьле районга безнең төркем өч көнгә килде. Беренче көнне үк персоналдан кемдер яңа директор булуын әйтте. Сәер, дип уйладым, кереп танышмады да. 501нче таныш мәдәният йорты директоры булыр иде. Директор белән әйбәт мөнәсәбәтләр уңышка гына. Ә икенче көнгә концертка кызыл кәчтүмнәрдән егетләр тартыла бышлады, ерак 90 еллардан дип әйтерсең. Аннары салган яңа директор килеп чыга. Ике минутлык цензурасыз сүзләрдән соң, кәчтүмнән булган егетләр Кукмарадагы иң хөрмәтле VIP персоналар булуын әйтә, алар өчен гадәттә, бер рәт сакланып калына, имеш. Үткәрдек без ул “хөрмәтлеләрне”.

Мәдәният йорты директоры минем директорга ябышты, аны танымаган һәм эчкән хәлдә залга кертмәгәнне сәбәп итеп. Артем (минем директор) андый шәхесләр өчен махсус чакыру билетлары әзерләнергә тиешлеген аңлатты. Моның белән генә тәмамланмады. Кукмара директоры кассадагы акчаны алып, шаһитләр барында гонорарны икегә бүлеп, акчаның яртысын үзенә алуы турында белдерде, икенче тапкыр аны танысыннар өчен һәм кайтып китте”. Артист дәвам итә: “Икенче көнне директор бүтән кешеләр аша безгә Кукмарага юлны япканын җиткерә”.

Алга таба тагын сәер вакыйга тасвирлана: “Казан ягына чыгарга җитешмәдек, безне бер малай туктатып, юл чатында юхиди хезмәткәрләре безне кулга алыр өчен көткәннәре турында әйтә. Башта ышанмадык, әмма юл чатына җиткәч, патруль машинасын күреп, борылдык. Бер километр үткәннән соң, инспекторлар арттан куып җиттеләр, әмма туктаткач, гафу үтенеп җибәрделәр.” Шулай ук, йолдыз үзенең прокуратурага мөрәҗәгать иткәнен яза. Соңрак, 27 ноябрьдә аның битендә чыккан ялгыш мәгълүмат Грейның сүзләренә шик белән карарга мәҗбүр итә: “Ул шәхес үз теләге белән эштән китәр өчен гариза биргән. Бүтән бу сорауны социаль челтәрдә күтәрмәвегезне сорыйм.”

«БИЗНЕС Online» корреспонденты социаль челтәр аша Elvin Grey белән элемтәгә керә. Бу юлы йолдыз күпкә тыенкы, вакыйганы бары аңлашмау дип атый. Сак  хезмәтен яңа директор белән таныштырырга мөмкинлек булмавы сәбәбе аркасында килеп чыкканын әйтә һәм исерек хәлдә саклау хезмәткәре түгел, ә директорның булуын раслый. Җитәкченең бөтен гаепне мәдәният директоры кассирына сылтарга теләвен Радикның ачуын чыгара һәм ул бу сорауны прокурорны үз кулы астына алуын сорый. Акча кайтару буенча үз юридик нечкәлекләре булуын әйтә Юльякшин. Әгәр аны директор кайтарса, үз гаебен таный дигән сүз. Кассирның монда катнашы бөтенләй юк, әмма директор аны гаепле дип таба. Elvin Grey, шулай ук акча кайтарылса, аны мохтаҗларга тапшырырга вәгъдә бирде.

Радик Юльякшин бер рәттән русча, татарча һәм башкорт телләрендә җиңел җырлавы белән танылган. Аның сәхнәдә тотышы татар эстрадасының калган йолдызларыннан аерылып тора, нәкъ шуның белән ул яшь тамашачыларны яулап алган. Җырчы алты тапкыр 2006-2011 елларны Башкортстанда “Ел җырчысы” исеменә лаек булган. 2014 елда Григорий Лепс конкурсында җиңүгә ирешкән, 2015тә Болгар радиосының Гран-при  лауреаты. Шунысы кызык, Татарстанның  беренче җырчысы Салават Фатхетдинов та тәэсирләнгән:  “Вакыт үзгәргән икән, безнең әбиләргә хәзер татар моңы түгел, ә Элвин Грей кирәк, димәк.”

[“Бизнес онлайн” – Tatar Today]

Запись Elvin Greyның Кукмара гаугасының 2нче варианты: “Юльякшинның тән сакчылары мине куркыта башлады” впервые появилась Tatar Today - татар яңалыклары..

Элвин Грей белән Кукмара район мәдәният йорты директоры Алмаз Мостафин арасында килеп чыккан низаг бөтен интернетны шаулатты. Бәлки бу хәл тыныч кына үтеп китәр, республика дәрәҗәсенә үк чыкмас та иде. Тик йолдызның популярлыгы аны тагын да биеккә күтәрә, бу хәбәр исә  телдән-телгә йөри.

– Мин Радикны шәхсән белмим, бары тик сәхнәдән генә күргәнем бар, – ди Алмаз Мостафин. – Теләсә нинди концерт вакытында эчке тәртипне саклау өчен методист егет-кызларны дежурга куям. Концертның икенче көнендә мин үзем анда түгел идем. Бу көнне төркемнең салмыш сакчылары методист егетләргә бәйләнгән: «Без тәртипне үзебез саклыйбыз», – дип, кулларын артка каерып, чыгарып атканнар. Икенче көнне эшкә килгәч, бер-берсен бүлдерә-бүлдерә хезмәткәрләр зар түкте. Кич концертка үзем дә килдем. Залга үткәндә кәчтүм якасыннан бер егет эләктереп алды да: «Билетсыз кая барасың?» – дип җикеренергә кереште. Мин концерт карарга кермим, минем эшем – халык җыю. Аларга исә: «Егетләр, исәп-хисап ясаганда аңлашырбыз», – дидем. Аренда бәясе бездә җыелган акчаның 11-15 % тәшкил итә. Элвин Грей залны өч көнгә алды, шуңа 15 % дип ниятләдек. Дөрес, концерт алдыннан җырчының берәр вәкиле килеп, минем белән килешү төзергә тиеш иде. Әмма аларның бу эшкә вакытлары булмады.

Шуннан соң ни була соң? Алмаз әфәнде сөйләвенчә, җырчының концерт директоры кассир белән исәп-хисап ясаганда, төркем егетләренең «бишлелек» тәртибе өчен өстәмә 10 мең сум акча ала. Менә шуның өчен аны прокуратурага ялгыйлар да инде.

– Мине исереклектә гаепләргә маташучылар да булды. Аракы бөтенләй эчмим. Ә менә концерт төркеменең исерек килүләре хакында ЮХИДИ идарәсендә хәбәр бар иде. Аларны махсус экипаж да саклады, тик эзләренә төшә алмадылар.

Алмаз Мостафин 2013 елның 1 мартыннан Кукмара радиосын җитәкли. Быел апрель аенда  аны район мәдәният йорты директоры итеп куялар. Радионы да ул үз канаты астына ала. Моннан тыш, “Вконтакте” социаль челтәрендә “Наш Кукмор” хәбәрләр төркемен алып бара.

– Эчеп йөрергә вакытым да юк. 36 авыл клубы, 350 хезмәткәр белән эшлим. Апрель аенда түбәсез клубны кабул итеп алдым, ноябрьдә яңартып кердек, – ди Алмаз әфәнде.

Шушы вакыйгадан соң директорга үз теләге белән гариза язарга кушалар. «Уйла, балаларың, гаиләң бар» кебек янаулар да ишетелә икән.

– Әлеге хәл – күтәреп йөрергә флаг булды, – ди ул. – Районда миңа теш кайраучылар күп. Директор итеп куйдырмаска йөрүчеләр дә булды. Шулар тарафыннан һәркөн саен басым, янау ишетәм. «Без сине бу районда эшләтмибез, Кукмараның данын республикага тараттың» ишеләре дә бар. Бер карасаң, моның ише вак-төяк һәр җирдә җитәрлек. Чебеннән фил ясадылар. Мине җир белән тигезләргә телиләр.

Алмаз Мостафинны иң гаҗәпләндергәне шул: район прокуроры аны яклыйсы урында, Элвин Грей ягына баса. Имеш, ул аның күптәнге дусты. Әмма монда шунысы бар: методист егетләргә төркем сакчылары тарафыннан «яу» булганны дәлилләүчеләр юк. Вакытында полиция чакыртмавы өчен Алмаз әфәнде үзе дә үкенеп туя алмый. «Мин аны болай зурга китәр, дип уйламадым. Ничек инде районга килгән кунак артистларны полициягә тотып бирәсең?» – ди ул.

Өстәмә 10 мең сум акча кая киткән соң? Беркая да китмәгән. Директор сүзләренчә, ул шул ук көнне хисапчы аша узып, кассага салынган.

– Мин 10 мең акчага калган кешеме инде? Шул акча белән пычранып йөримме? – дип аптырый ул.

Әйтергә кирәк, һәр мәдәният йортында вип-персона, ягъни зур кешеләр өчен билгеләнгән рәт була. Кукмара да бу яктан искәрмә түгел икән.

– Сигезенче рәттәге билетларны без сатмыйбыз. «Өстәгеләр» «фәлән урын калдыр», «төгән урын кирәк» дип шалтыратып кына әйтәләр. Бу урыннарга утырып прокурор гаиләсе дә, администрация вәкилләре дә шактый тамаша кылды. Мин анда концерт караганым юк. Уйлы күңел уйлана, диләр бит. Коррупциягә каршы көрәшүчеләр нигә концертны бушлай карый? – дип гаҗәпләнә ул.

Алмаз Мостафин үзеннән түгел, ә методист егетләреннән Радик Юльякшин төркеменең гафу үтенүен көтә. Шулвакытта 10 мең акчаны кире кайтарасын да тәгаенләп куя. Ә Мәскәү кунаклары исә гафу үтенергә җыенмый.

«ЭШТӘН АЛУНЫ ПРОКУРАТУРА ХӘЛ ИТМИ»

Кукмара районы прокуроры Ришат Шакиров белән дә сөйләштек. Ул әлеге хәлне болай аңлатты:

– Радик Юльякшинның концерт төркеме мөрәҗәгате буенча тикшерү үткәрдек. Тикшерү дәвамында шул мәгълүм булды: төркем белән мәдәният йорты директоры арасында  аренда бәясе килешенгән була. Өченче концерт ахырына якынлашканда, концерт директоры кассир белән исәп-хисап ясый башлый. Шулчак директор аларны үз бүлмәсенә чакыра һәм Юльякшин егетләренең гаепләрен күрсәтә, өстәмә 10 мең сум ала. Үзе: «Егетләр минән гафу үтенсәләр, акчаны кире кайтарам», – дип тә искәртә. Тик концерт озакка сузылу сәбәпле, директор көтеп тормый, кайтып китә. Билгеле, егетләр аны күреп, гафу үтенә алмый. Без Мостафинга карата «самоуправство» маддәсе буенча эш ачтык. Ул бүген судта. Директорның да, егетләрнең дә алкоголь куллануын тикшермәдек, шуңа аларның кайсы салмыш булуын әйтә алмыйм.

Ришат әфәнде Радик белән танышлыгын кире какты. «Мин аны артист буларак кына беләм, шуннан арысы юк», – диде ул.

Район прокурорыннан Элвин Грей концертын карау-карамавы белән дә кызыксындым.

– Карадым. Низаг чыккан көнне анда түгел идем. Мәдәният йортының 8нче рәте прокуратуга беркетелмәгән. Башка органнар тарафыннан урыннарны броньлау бармы-юкмы икәнен әйтә алмыйм. Мин концертка законлы рәвештә кердем, – диде ул.

Ришат Шакиров Алмаз Мостафинның эштән алыну хәбәрен шулай ук кире какты.

– Бу миннән дә, судтан да тормый. Эш урынында калдыру-калдырмау мәсьәләсен җитәкчелек хәл ителә. Ә гаеп нигезендә, директорга карата 300-500 сум күләмендә штраф салынырга мөмкин.

«ШОУ ЯСАМЫЙК»

Кукмара районы мәдәният бүлеге җитәкчесе Рамил Нуриев әлеге вакыйганы шәрехләүдән баш тартып: «Әле берни дә ачыкланып бетмәгән. Алмаз эшеннән азат ителмәгән. Шоу ясамыйк. Аңа берәүнең дә гариза яз, эштән кит, дигәне юк», – диде.

«ГАЕПЛЕЛӘР ҖӘЗАСЫН АЛЫРГА ТИЕШ»

Район хакимияте урынбасары Равия Кәримуллина Алмаз Мостафинга карата үз тарафыннан булган басымны кире кага.

– Низаг килеп чыгуы турында без хәбәрдар. Әмма директор хастаханәдә яту сәбәпле, аны бу мәсьәлә буенча кабат борчымадык. Кайбер басмалар язганча, «көн саен гариза язарга да чакырмыйм». Монда гаеп атта да, тәртәдә дә бар. Әмма без, беренче чиратта, үзебезнең район эчендәге тәртипне карарга бурычлы. Мәдәният учагы җитәкчесе үз вазыйфасын тиешенчә башкару белән бергә, башкаларга да үрнәк булырга тиеш. Бу вакыйга буенча прокуратура һәм исәп-хисап палатасы шөгыльләнә. Чөнки сүз казна акчасы турында да бара. Тиешле нәтиҗә һәрьяклап тикшерелгәннән соң гына чыгачак. Ул хезмәт инструкциясе һәм хокук ягыннан бәяләнәчәк. Алмаз Мостафинны эшкә мин алмадым, шулай ук мин азат та итмим. Ул гаризаны үз гамәлләрен анализлап, үзе язарга мөмкин. Алмаз Радиковичны мин булдыксыз кеше, дип әйтә алмыйм. Ул үзенә тапшырылган эшне тиешенчә, җиренә җиткереп башкара. Дөрес, бинасындагы тәртипне үзе күзәтергә тиеш. Аның өчен ул җавап бирә бит. Әмма концерт төркеменең тәртип саклаучы, оештыру эшләренә билгеләнгән кешеләре бар икән, ул аларның эшенә кысыларга тиеш түгел.

Әлеге низагтан соң Элвин Грей “Вконтакте”дагы шәхси битендә болай дип язган иде:

Интертат.ру

Запись Elvin Grey ны Кукмара яхшы каршыламый, концерт төркемен исереклектә гаеплиләр…[шау-шу тудырган хәл] впервые появилась Tatar Today - татар яңалыклары..

Менә 27 июль көнне дә Зөлфәт “инста дусларын” Кукмара районының Вахит күмәк хуҗалыгы сыерлары белән таныштырды, ничек сөт савулары турында сөйләде.

Зөлфәт Зиннуровның инстаграм битенә язылучылар әлеге видеоны югары бәяләде. “Оста һәм хис белән сөйлисең.Сиңа Рәсәйнең җыелма футбол командасы уеннарын комментировать итәргә кирәк-алар да нәкъ менә шулай басып торалар!”, дип язучылар да булды.

Кукмара районы Вахит күмәк хуҗалыгында.

Видео опубликовано Зульфат Зиннуров (@zulfat_zinnurov) Июл 27 2016 в 1:40 PDT

Запись Зөлфәт Зиннуров Кукмара районына барып сыер сауган? [видео] впервые появилась Tatar Today - татар яңалыклары..