4 ноябрь төнге унике тирәсендә экстрен хезмәтләр чакыру өчен 112 бердәм номерына Березняк авылы, Ленин урамында шәхси йорт януы турында хәбәр килә. Фаҗига урынына беренче булып ДПК “Алга” хезмәткәрләре килә. Янгын сүндерүчеләр килгәндә ялкын йортның верандасын һәм чормасын камап алган була. Күршеләре йорт эчендә кеше булу ихтималын әйтә.

Янгын сүндерүчеләр утны 20 минутта сүндерә. Ялкынны сүндергән вакытта 57 яшьлек хуҗаның гәүдәсе табыла.

Янгын мәйданы 32 квадрат метр булган. Фаҗиганең беренчел сәбәбе – тәмәке тарткан вакытта саксыз эш итү.

Мәгълүмат һәм фото: tatar-inform.tatar

Запись Кукмара районында фаҗига: тәмәке белән йоклап киткән ир-ат һәлак була впервые появилась Tatar Today - татар яңалыклары..

Рөстәм Исхаков белдерүенчә, блогер Василийны республикакүләм Уңыш көненә чакырырга кирәк. Әлеге видеода журналист шулай дип Татарстанның авыл хуҗалыгы министры, бу вазыйфага күптән түгел билгеләнгән Марат Җәббаровка морәҗәгать итте. Инстаграмда эленгән әлеге видео астында, Америкада яшәп бизнес белән шөгыльләнүче эшмәкәр, татар активисты Илмир Әхмәтҗанов кызыклы комментарий калдырган. “Чакырмасалар, аны Вашингтон Сабантуена чакырам. Юл чыгымнарын түлим” дип яза ул.

Белешмә өчен. Тракторчы блогер Василий Иванов Кукмара районыннан. Инстаграмда Василий бары тик үзен, тракторист эшен, авыл тормышын чагылдыра. Гади авыл егетенә 30 меңләп кеше язылган. Аның видеоязмаларын бик яратып һәм зур кызыксыну белән карап баралар, күп итеп комментрийлар калдыралар.

Мәгълүмат: matbugat.ru

Запись Тракторчы Василийны Америкага Сабантуйга чакырдылар, юл чыгымнарын түлиләр впервые появилась Tatar Today - татар яңалыклары..

“28 сентябрь 15.15 сәгатьтә ашыгыч хезмәтләрнең 112 бердәм номерына Академик Королев урамында фатир януы турында хәбәр килде”, – дип ачыклык керттеләр министрлыкта.

Янгынны тиз сүндергәннәр. Гадәттән тыш хәл аркасында 38 яшьлек ир-ат имгәнгән. Ул янгынны үзе сүндерергә тырышкан.

Ир-ат 1-2 дәрәҗәдә пешкән, аны Кукмара районы Үзәк хастаханәсенә озатканнар.

Мәгълүмат: tatar-inform.tatar

Запись Кукмарада гадәттән тыш хәл: янгын вакытында бер ир-ат җитди зыян күрә впервые появилась Tatar Today - татар яңалыклары..

Шәһри Казан

Запись Кукмарада янгын вакытында ике сабыен югалткан әни: “Бернәрсә кирәкми, балаларым гына кирәк” впервые появилась Tatar Today - татар яңалыклары..

Кукмара районы Адай авылында гомер итүче Мингайшә Хәсәновага быелның октябрь аенда 85 яшь тулган. Бу уңайдан Instagram-да районның рәсми сәхифәсендә Мингайшә апаның фотосурәте дә урнаштырыла. Фотосурәттә бүләк тапшыручы социаль хезмәткәр Әлфия Хаҗиәхмәтова да бар. Рәсем асты язуына ышансаң, әбине инде 2014 елның 1 маеннан бирле социаль хезмәткәр тәрбия кыла икән.

Ялган имза
Фотосурәтне Мингайшә апаның абыйсының малае, күршедә генә яшәүче Ислам Хәсәнов күрә һәм аптырашта кала. Әбине бит килеп хәлен белүчеләр юк, дип сөйләде ул Азатлыкка.

Кукмара районының Instagran сәхифәсе

“Без бу хәлне күреп бик аптырадык, чөнки аны бездән башка караучы булганы юк. Фоторәсем пәйда булганчы, минем хатынга Әлфия Хаҗиәхмәтова килгән һәм ул: “Районнан, социаль яклау бүлегеннән әбине туган көне белән котларга килергә җыеналар, Әлфия әбине карыймы дип сорасалар, карый дип әйтерсең, мин сиңа караганда “старший”, дигән. Өстәл япмасы астында ниндидер кәгазьләр дә калдырганын әйткән, шуларны күрсәтергә кушкан”, дип исенә төшерә ул.

Ир бу сүзләрне ишеткәч, япма астындагы кәгазьләрне карарга Мингайшә апага кереп китә һәм күрсәтелгән хезмәтләр актына (акт сдачи-приемки оказанных услуг) тап була. Актта Мингайшә Хәсәнова имзасы тора.

“Мин бу хәлгә аптырамас та идем, ләкин Мингайшә апаның кулы эшләми, ул авырый, кулын күтәрә дә алмый. Ул быелның гыйнварында инсульт кичерде, нәтиҗәдә кулы хәрәкәтләнми. Гыйнвар аенда нотариуста ышанычнамә ясаттык һәм аның өчен имзаны минем хатын куя”, ди ул.

Мингайшә Хәсәнова белән Ислам Хәсәнов

Инсульт кичергәч тә Мингайшә Хәсәнованы ничек итеп тәрбия кылулары хакында Ислам Хәсәновның хатыны Гөлия сөйләде.

“Инсульт кичергән кешеләрне Арча хастаханәсенә салалар, Мингайшә апаны да шунда салдылар. Адай белән Арча арасында йөреп торырга, бик күп памперслар, дарулар алырга туры килде. Бурычка акча алырга мәҗбүр булдык. Аннан кайткач та дүрт ай урын өстендә ятты, үзем тәрбияләдем. Ашаттым, астын алыштырдым, юындырдым. Мунчаны ул бездә керә. Башта Ислам күтәреп йөртте, аңа авыр күтәрү ярамады, үзенә инфаркт була язды. Соңыннан үзем ташый башладым. Мин дә ничә кат операция кичергән кеше бит әле. Ничек итсәк иттек, әбине аякка бастырдык. Менә хәзер Әлфиянең “мин карады” дип акча алып ятуы билгеле булгач, гарьлегемнән еладым. Ул бит хатын-кыз, Мингайшә апаның урын өстендә ятуын бөтен авыл белде, аз гына булышырга керсә дә була иде”, ди Гөлия.

“Тылсым” социаль хезмәте Мингайшә әбигә башкарган эшләрнең исемлеге бар (Азатлыкта фотолары бар – ред.). Ул хезмәт мөдире Нурсөя Мөбәрәкова тарафыннан имзаланган.

Шушы вакыйгалар өскә калкып чыккач, Ислам Хәсәнов прокуратурага берничә гариза кертә. Берсе – Әлфия Хаҗиәхмәтованың карчыкны карый дип акча алып ятуын тикшерү турында булса, икенчесе – ай саен тапшырылган хисап актларында аның имзаларын “ясап” ятуы турында.

Әмма дөреслек өскә калкып чыгар, канун бар бит әле, эшне прокуратура тикшерер дип көткән Хәсәновларның үзләрен тикшерә башлыйлар.

Прокуратура: “Тикшерерлек нигез юк”
24 октябрь көнне Адай авылына микроавтобуска төялеп өч кеше килеп төшә. Мингайшә Хәсәнова йортына кергәндә Ислам Хәсәнов алардан таныклыкларын күрсәтүне сорый, әмма күрсәтүне кирәк дип тапмыйлар. Боларны ир видеога төшерә.

Өйгә кергәч исә, әбинең алдына баш сузып: “Мингайшә апа, ничек сез Әлфия карамады дип әйтә аласыз, карады бит”, дип үгетлиләр һәм имза куярга кыстыйлар. Имза “Социаль яклау бүлеге билгеләгән караучыдан баш тартам”, дигән кәгазьгә кирәк була. Бары тик шунда гына әбинең кулы эшләмәве билгеле була социаль яклау хезмәткәрләренә. “Аның караучыдан баш тартуын видеога гына төшереп алыгыз алайса”, дигәннәре күренә видеода. Шул гына аңлашылмый: моңарчы караучы билгеләүгә ризалык бирмәгән, гариза язмаган әби ник бүген аннан баш тарту турында язарга тиеш?

Прокуратурага язылган гаризаларның язмышы сәер тәмамлана. Прокуратура аларны “Тылсым” социаль яклау бүлегенә юллый һәм алар җибәргән җавапны Ислам Хәсәновка күчереп язып, “прокурор тикшерүе уздыру өчен нигез юк” дип җавап бирә.

“Тикшерү барышында, М.М.Хәсәновага, 03-291 санлы килешү нигезендә 01.12.2017елдан 01.11.2018 елга кадәр гарантияләнгән һәм өстәмә социаль хезмәт күрсәтүләр башкарылуы турында билгеле булды. Социаль хезмәтләр Ә.Хаҗиәхмәтова тарафыннан күрсәтелгән” диелә бу җавап хатында.

Мингайшә апа

Ислам Хәсәнов бу җаваптан риза булмыйча, прокуратурага тагын бер гариза кертә, канун көченә өметен өзми. Тик тарих башка борылыш ала. “Күпне күреп, күпне сөйләшеп йөргән” Хәсәновларның үзләрен тикшерә башлыйлар.

25 ноябрь көнне Хәсәновларга полициядән, прокуратурадан берәр хезмәткәр, җирле фельдшер һәм авыл җирлеге сәркатибе белән берлектә тагын өч хатын килеп керә. Соңгы өч хатынның кемнәр, кайдан икәне билгесез. Ислам Хәсәнов ничек кенә сорамасын, хатыннардан берсе дә таныклык күрсәтми.

“Полиция белән прокуратурадан булганнарын формасыннан таныдым, ә менә хатыннарны танымадым. Икесе безнең янда утырды, берсе соңыннан гына керде. Улым Исмал аның абзарда йөрүен күргән. Мингайшә апа да соңыннан шул хатынның өендә актарынып йөрүен сөйләде. Мәҗбүр итә-итә газын кабызырга кушкан. Ул өйгә кергәч үзе дә әйтеп утырды: “Газын кабызырга куштым, анда янгын чыгарга мөмкин булган йорт икән. Ничек сез әбине кул куймаган дип әйтә аласыз, ул бит сөйләшә дә алмый, минем инсульттан соң булган кешеләрне күргән бар, дип әйтте” дип искә ала Ислам.

Чакырылмаган “кунак”лар ирнең рәсми рәвештә эшсез булуына да бәйләнә.

Әбинең акчаларын кая тотканыгызны да тикшертәм, диде
“Үзең эшләмисең, өч балаңны ничек карыйсың? Опека белән килеп тикшерергә кирәк әле сине. Бөтен нәрсәгезне тикшертәм әле мин сезнең, әбинең акчаларын кая тотканыгызны да тикшертәм. Газ хезмәтен, янгын сүндерүчеләр җибәрәм”, дип әйтеп утырды . Хәзер бар да ул әйткәнчә бара. Без аның фоторәсемен “Тылсым” социаль яклау бүлеге хезмәткәрләре белән төшкән гомуми бер фотода таптык, әмма анда да исеме язылмаган”, дип сөйләде Азатлыкка Ислам.

Ислам әйтүенчә, гаиләнең хәлләре катлауланачак дигән вәгъдә сүзләре чынга ашкан. 26 ноябрьдә Мингайшә Хәсәнованы тикшерергә газ хезмәте вәкилләре килеп төшә һәм Ислам Хәсәновтан гарантия йөкләмәсе яздыра. Мингайшә апаның йортында ниндидер фаҗига булса, ул җаваплылыкны тулаем үз өстенә алам дип язып имза куя.

Икенче көнне, 27 ноябрьдә үзләрен көттермичә МЧС хезмәткәрләре килеп төшә. Имеш, планлы тикшерү эшләре бар. Никтер ул тикшерү генә Саба районына караган хезмәткәрләр тарафыннан башкарыла һәм бу авылда бары тик ике йортка гына кагыла – Ислам Хәсәновлар йортына һәм Мингайшә Хәсәновага.

Кунакларның килүе моның белән генә тәмамланмый. Ислам Хәсәнов өенә полиция хезмәткәрләре килгән һәм әбинең пенсия акчасын нәрсәләргә сарыф итүләре турында сорау алган. “Тылсым” социаль хезмәте Ислам Хәсәновлар гаиләсе өстеннән гариза язган. Кыскача эчтәлеге: әбинең пенсиясен алып үзләре өчен тота, әбигә бирмиләр. “Бер дә ясалма имзаларны тикшермиләр, ә пенсияне тикшерәләр”, дип гаҗәпләнә Ислам.

“Прокуратура, ә безне кем яклый?”
28 ноябрьдә исә Ислам Хәсәнов Кукмара районы прокуратурасына бара һәм биредә дә аның керемнәре белән кызыксыналар. “Министрлыктан шундый сорау килде” дигән сылтау табыла, әмма нинди министрлык икәнен әйтеп тормыйлар. Авыл кешесенә прокуратура ни, министрлык ни, депутат ни, барысы да “өстәге” кешеләр булып санала.

“Авыл җирендә эш юк. 55 яшьлек ирне беркем дә эшкә алырга атлыгып тормый, шул төрле эшләрдә йөреп акча табам инде. Баганалар ясыйм, эретеп ябыштыру белән шөгыльләнәм. Олы улым балигъ булды инде, ул – музыкант, мәҗлесләрдә, төрле чараларда катнашып акча эшли. Ай саен 5-7 мең сумлык сөт тапшырабыз. Ел саен мал үстереп суябыз, бары да, югы да үзебезнеке – башкалардан начаррак яшибез дип санамыйм”, ди Ислам Хәсәнов.

Мингайшә апа яшәгән йорт

“Мин 2013 елдан бирле Мингайшә апаның опекуны булып торам. Аның өчен аена 1200 сум түлиләр. Акча җиткерә алмагач, Мингайшә апа да авырып китеп, бурычка акча алырга мәҗбүр булгач, колхозга эшкә чыккан идем, рәсми рәвештә эшләгәч, пенсия фондына хезмәт хакымнан процентлар күчкән дә, миңа шелтә булды. Опекун булган кешегә эшләп йөрергә ярамый икән, шул 1200 сумга гына яшисе икән. Ике айлык 2400 сумны кире алдылар”, дип сүзгә кушыла аның хатыны Гөлия.

Мин бит әле канун бардыр дип йөри идем, прокурорга да ышандым
“Хәзер керемнәрне тикшереп, яшәү минимумыннан аз икән дип балаларны да алып китсәләр, бик кызык булачак икән. Мин бит әле канун бардыр дип йөри идем, прокурорга да ышандым. Элек сүз әйткән өчен терәп ата торган булганнар, ә хәзер шулай тикшерүләр җибәреп үзең бауга менәрлек итәләр икән. Әллә газовиклар, МЧСлар җибәргәннән соң әбинең йортына ут төртергә җыеналар микән? Мин инде болардан нәрсә көтәргә дә белмим”, ди Ислам Хәсәнов.

Азатлык Мингайшә Хәсәнованың үзе белән дә сөйләште. Ул Ислам Хәсәновларда яшәргә риза түгел, үз өендә яшәргә тели. Әлфия Хаҗиәхмәтованың үзен карамавын да анык итеп әйтә.

Азатлык Кукмара районының “Тылсым” социаль хезмәте җитәкчесе Нурсөя Мөбарәкова белән элемтәгә керергә тырышты, әмма ул җәелеп китеп аңлатма бирергә теләмәде. “Ислам Хәсәновлар ниләр сөйләгәнен белмим, әмма сез әйткән фактлар дөреслеккә туры килми. Әлфия Хаҗиәхмәтова турында бер начар фикер дә әйтә алмыйм. Озак еллар безнең оешмада уңышлы эшли. Мингайшә Хәсәнованы да карады”, дип телефоннан сөйләшмим, теләсәгез Кукмарага килегез, очрашып сөйләшербез дип сүзне кыска тотып трубканы куйды.

Апас районында чикләүләргә эләккән өч каз түшкәсен бульдозер белән таптатып дан казанган, хәзерге вакытта Кукмара районы прокуроры булып эшләүче Ришат Шакиров белән Азатлык элемтәгә керде, әмма оператив җавап ала аламадык.

Азатлык радиосы язмасы, видео һәм фотосы  (чит ил агентлыгы)

Запись “Гарьлегемнән еладым” – Кукмарада 85 яшьлек ялгыз әби тирәсендәге гаугадан соң 55 яшьлек ирне прокуратура “бауга менәрлек итә” впервые появилась Tatar Today - татар яңалыклары..

Йорт­ның яр­ты­сы – әби­нең төп яр­дәм­че­се бул­ган, аны ка­рап тор­ган ур­тан­чы кы­зы Гөл­фи­я ха­ным­да, икен­че яр­ты­сы – оны­гы Ал­су­да. Онык ди­гән­нә­ре исә, йорт­ның үз исе­мен­дә бул­ган өле­шен әби­гә ки­ре сат­мак­чы бу­ла. Кук­ма­ра мәх­кә­мә­се дә онык­ка ул со­ра­ган сум­ма­ны би­рер­гә ти­еш­сез, дип, ша­пыл­да­тып ка­рар чы­га­рып куй­ган. Ка­зый­ла­ры бул­дык­лы – ке­ше­гә мәҗ­бү­ри әй­бер са­тып ал­дыр­та­лар.

Лә­кин 82 яшь­лек Фәү­зи­я апа маң­гай ти­ре бе­лән тор­гыз­ган йор­ты өчен оны­гы­на яр­ты мил­ли­он­га якын ак­ча тү­ләр­гә те­лә­ми.

Бу бу­тал­чык­лар­ның ба­шы Фәү­зи­я апа­ның төп­че­ге Гү­зә­ли­я ки­я­ү­гә чык­кан­нан соң баш­ла­на. Ире Ра­ил бе­лән баш­та ту­лай то­рак­та яши алар. Кыз­ла­ры Ал­су ту­а. Ту­лай то­рак­ның дым­лы һәм ка­раң­гы бүл­мә­сен­дә яшь ба­ла­га авыр бу­ла, гел чир­ли. Кеч­ке­нә ва­кы­тын­нан ук хас­та бу­лып кал­ма­сын дип, Фәү­зи­я апа оны­гын үзе яны­на ки­тер­тә, үзе ки­ен­де­рә, аша­та. Бер­ни­чә ел­дан яшь­ләр со­ци­аль ипо­те­ка­га өч бүл­мә­ле фа­тир са­тып ала. Бә­хет­ле тор­мыш итү өчен бө­тен шарт­лар да бар ке­бек, югый­сә. Лә­кин ан­да озак­лап яши ал­мый­лар – ае­ры­лы­ша­лар.
Га­и­лә тар­кал­ган ва­кыт­та ике як­ка да авыр бу­ла ин­де ул. Шу­лай да, ва­кыт­лар уз­гач, авыр­лык­лар оны­ты­ла, тор­мыш­лар җай­ла­на. Лә­кин Гү­зә­ли­я бе­лән Ра­ил­нең 14 ел элек бул­ган ае­ры­лы­шу­ы әле дә проб­ле­ма­лар ту­ды­ра. Алар­ның иң зу­ры­сы – бу өй бе­лән бәй­ле һәм аның ха­кын­да сөй­ләр өчен Фәү­зи­я апа­ның ур­тан­чы кы­зы Гөл­фи­я ха­ным кил­де без­гә:

– Бу өй гел әни исе­мен­дә бул­ды. Ул аны баш­ка бер­кем исе­ме­нә дә яз­дыр­ма­ды, үзе үл­гән­нән соң, без – өч кыз­ның кай­сы­сы авыр хәл­дә ка­ла, шул кай­тып яшәр, дип, гел әй­теп кил­де. Лә­кин әни үзе дә бел­мә­гән – бак­тың исә, без­нең элек­ке­ге ки­я­ү – Ра­ил, сең­ле­без бе­лән ае­ры­лыш­кан­нан соң, үзе­нең та­ныш ри­эл­то­ры аша, ял­ган юл­лар бе­лән, бу йорт­ны баш­та әти исе­ме­нә кү­черт­кән һәм әти, имеш, өй­нең яр­ты өле­шен оны­гы Ал­су­га (Гү­зә­ли­я бе­лән Ра­ил­нең кы­зы) бү­ләк ит­кән. Әни бу ту­ры­да 2008нче ел­да гы­на бел­де. Җир эш­лә­ре бе­лән БТИ­га бар­ган җи­рен­нән: «Апа, сез бу өй­дә ху­җа тү­гел бит, мо­ның ху­җа­сы баш­ка ке­ше­ләр», – дип әй­теп кай­тар­ган­нар аңа. Бу хә­бәр­не ишет­кәч, әни баш­та ышан­ма­ган, ахыр чик­тә, йө­рә­ге­нә ин­фаркт та бул­ды, – дип сөй­ли Гөл­фи­я.

Ме­нә шун­да со­рау ту­а – ни өчен Гөл­фи­я ха­ным элек­ке­ге ки­я­ү­лә­ре Ра­ил­не ял­ган ысул бе­лән йорт до­ку­мент­ла­рын әвеш-тә­веш ки­те­рү­дә га­еп­ли?

– Сең­лем­нең ире бе­лән ни­дән ае­ры­лу­ы ту­рын­да сөй­ләү­дән баш­лыйм. Ра­ил Гү­зә­ли­я­не һәр көн кый­на­ды, аның кой­рык сө­я­ге­нә ка­дәр сын­дыр­ды. Ике тап­кыр ре­а­ни­ма­ци­я­дә ятып чык­кан сең­лем түз­мә­де, ае­ры­лы­шыр­га га­ри­за яз­ды. Ае­ры­лыш­кан­нан соң да урам­да үтеп бар­ган­да күр­сә, тук­тап кый­ный иде ул аны. «Бел, мин си­не өй­сез, бер­нәр­сә­сез кал­дыр­ма­сам, исе­мем Ра­ил бул­ма­сын», – дип сөй­лә­де. Һәм сү­зен­дә тор­ды. Бер­гә яшә­гән өч бүл­мә­ле фа­тир­ла­рын са­тып, сең­ле­мә ни­ба­ры 300 мең сум ак­ча ти­де. Әни­нең өе­нең дә яр­ты­сын тар­тып ал­ды­лар. Өй­нең яр­ты ягы Ал­су­да бу­лу­ны бел­гәч, икен­че ягын та­гын ял­ган юл бе­лән тар­тып ал­ма­сын­нар, дип кур­кып, аны­сын үз исе­ме­мә яз­дыр­дым, – ди ул.

Гү­зә­ли­я бе­лән Ра­ил ара­сын­да­гы проб­ле­ма­лар мо­ның бе­лән ге­нә бет­ми. Ае­ры­лы­шып, бер­ни­ка­дәр ва­кыт уз­гач, 2009 ел­да ир элек­ке­ге ха­ты­нын ана хо­кук­ла­рын­нан мәх­рүм ит­те­рү ар­тын­нан йө­ри баш­лый. Ха­тын як­лап ту­ган­на­ры мо­ның үз сә­бәп­лә­ре бар, дип са­ный. Алар тас­вир­лап күр­сәт­кән­чә – Ра­ил Ги­ма­де­ев бик хәй­лә­кәр ке­ше, имеш. Шу­ңа кү­рә, янә­се, ир баш­та кы­зы­на әби өе­нең яр­ты өле­шен рәс­ми­ләш­тер­гән, со­ңын­нан бу кыз аның бе­лән яшә­гән оч­рак­та, яр­ты йорт­ның ак­ча­сын алып бу­ла­ча­гын аң­лап, ба­ла­ның әни­сен хо­кук­ла­рын­нан мәх­рүм итәр­гә бул­ган, дип сөй­ли ха­тын ягы.

– Гү­зә­ли­я­не эчә, ба­ла­ны ка­ра­мый, ай­нык тү­гел, дип яла як­ты ул. Әйе, сең­лем бе­раз эчеш­те­рә иде, лә­кин ай­ны­мый­ча то­таш эч­мә­де, кы­зын исә әни бе­лән мин ки­ен­де­реп аша­тып тор­дым, ба­ла­ның мәк­тәп­тә дә, өй­дә дә проб­ле­ма­ла­ры бул­ма­ды, – ди Гөл­фи­я ха­ным.

Сираҗи сүзеннән

Фото: https://pixabay.com

Запись Кукмарада 82 яшь­лек әби яр­ты мил­ли­он ак­ча тиеш: «Элекке киявем минем өйгә кул суза» впервые появилась Tatar Today - татар яңалыклары..

“Рамил Шәрәповның шаян бер сүзе бар:”Алимент – ул акылсыз ир-атның 18 еллык кредиты” Ләкин бүгенге көндә бу бик җитди мәсьәлә. Кукмарада гына алимент буенча бурыч 40 млн. сумнан артык тәшкил итә. Ә бу бит 300 дән артык баланың тормышы. 40 тан артык кеше административ, 4 – җинаять җаваплылыгына тартылган.
Алиментлар түли башласыннар өчен нинди чаралар күрергә кирәк дип уйлыйсыз?” , дип язып Ришат үзенең инстадусларына мөрәҗәгать иткән.

Әлбәттә прокурорның бу язмасы берәүне дә битараф калдырмаган. Инстадуслары бу мәсьәлә буенча аңа үзләренең фикерләрен, тәкъдимнәрен  җиткергәннәр.

“Эш таба алмаган ир-атларга эш табып бирергә, әгәр эшкә чыкмасалар җаваплылыкка тартырга.” , “Алимент түләмәгән аталар белән сөйләшүләр алып барырга, үзләрен бала һәм ялгыз ана урынына куеп карап, уйлау мөмкинлеге бирергә”, “Ялгызың бала үстерүче, ире алимент түләмәүче  аналарга субсидияләрне арттырсыннар иде”, дигән фикерләр язганнар пост астына.

View this post on Instagram

A post shared by Ришат Шакиров (@rishat__shakirov)

Запись Рамил Шәрәповның “Алимент- 18 еллык кредит” дигән сүзләре Кукмара прокурорын 300дән артык бала әтисе 40 миллион сумлап бурычлы булуын әйттерә впервые появилась Tatar Today - татар яңалыклары..

Бу гаиләнең барлык шөгыльләрен тәфсилләп язсак, урын җитмәс. Әлегә кәбестәләренә тукталырга булдык. Ә бу төр яшелчә аларда аз түгел — 700 төп үстерәләр! Елы-елы белән 800 дә була икән.

— Мин Яшел Үзән ягыннан. Анда кәбестәне элек-электән утырталар. Югары Арбашта күпләп үстерә башлаганыма 10 елдан артык бардыр. Электән 500-700 әр төп утыртабыз. Кайчак аннан да арттырабыз әле, — ди Илсөя апа…

— Кәбестә ничә сум тора?
— Көзен килограммы 8 сум. Бу — хезмәтең әрәм, дигән сүз. Орлыгы да кыйммәт бит. Шуңа кәбестә саклар өчен, аерым подвал ясадык. Шунда кыш чыгарып, яз башында сатабыз. Ул вакытта 15 сум була.

— Кәбестәне үзегез дә тозлыйсыздыр әле?
— Сатарга тозлаганым юк. Үзебез өчен бераз әзерлим. Кәбестә чапкыч белән чабам. Җитәрлек дәрәҗәдә ваклагач, савытка салам, берничә кишер уам һәм чама белән тоз сибәм. Савытның өстенә капкачны берәр авыр әйбер белән бастырып куям. Ике көннән әзер була, — ди Илсөя апа. — Табыннан ел әйләнәсе кәбестә ризыклары өзелми. Пирогка да, ашка да яхшы, салат ясап ашасаң да шәп. Җәй буе бөтен вакыт бакчага бирелсә, мәшәкатьле булса да, кышын рәхәт. Өстәвенә ул шөгылең азмы-күпме табыш та кертсә, арыганнар онытыла.

Лилия ЙОСЫПОВА

Фото һәм чыганак: Ирек мәйданы

Запись Кукмарада 700 баш кәбестә үстерүчеләр күп итеп акча эшләү серен ача [фото] впервые появилась Tatar Today - татар яңалыклары..

Аль­би­на ха­ным ре­дак­ци­я­гә үзе шал­ты­рат­ты. «Дүрт ба­лам бар, ике­се ин­ва­лид, ирем юк, өе­без­дә яшәр­лек тү­гел, бу­лы­шы­гыз», – ди­де ул. Ба­ры­сын да үз күз­лә­ре­без бе­лән кай­тып кү­рер­гә бул­дык.

Кук­ма­ра­ның Во­ро­ши­лов ура­мын­да ур­наш­кан бер ба­рак­ка кил­дек. Тыш­кы як­тан ма­тур гы­на бер ко­рыл­ма. Бу ба­рак­та өч фа­тир бар, бер­сен­дә – ба­ла­ла­ры бе­лән Аль­би­на Әс­кә­ро­ва, кал­ган ике­сен­дә сик­сән­не ку­ып ба­ру­чы ике пен­си­о­нер ха­ным яши. Без­нең бе­лән оч­ра­шыр­га алар да кер­гән иде.

Аль­би­на ха­ным га­и­лә­се бе­лән та­ныш­ты­ру­дан баш­ла­ды. Иң олы улы­на – 30 яшь, ул ин­ва­лид. Икен­че кы­зы­на – 29, ул да га­рип, ике ба­ла­сы­ның да ди­аг­но­зын «баш бе­лән бәй­ле», дип аң­лат­ты әң­гә­мә­дә­шем. Авы­ру ба­ла­ла­ры үзен­нән ае­рым яши аның – бер ту­ган­на­рын­да то­ра­лар икән. «Ни­гә алай?» – ди­гән со­ра­вы­ма: «Хә­зер үзе­гез аң­лар­сыз», – дип ке­нә җа­вап бир­де.

Ә кал­ган ике ба­ла­сы – 18 һәм 15 яшь­лек кыз­ла­ры үзе бе­лән бер­гә яши. Төп­че­ге әле ту­гы­зын­чы сый­ныф­та гы­на. Лә­кин бу ба­ла­лар­га мон­да яшәү өчен шарт­лар юк, – ди ана.

– Без мо­ңа ка­дәр Кук­ма­ра­ның Өл­ге авы­лын­да ис­ке ге­нә бер йорт­та яшә­гән идек. Кол­хоз­да озак ел­лар сы­ер сау­ган өчен, яшәп то­рыр­га дип ке­нә бир­гән­нәр иде ми­ңа ул өй­не. Ирем бе­лән ун ел гы­на яшә­дек тә, ае­ры­лыш­тык, ба­ла­лар­ны үзем үс­тер­дем. Өл­ге­дә­ге йорт­ны кай­чан өс­те­без­гә ише­лер, дип көт­тек ин­де – мор­җа­ла­ры да ис­ке иде, тү­бә­се дә чел­тәр­лә­неп бет­кән… Ул ва­кыт­та­гы авыл җир­ле­ге баш­лы­гы Га­фур абый­дан яр­дәм со­рап-со­рап ка­ра­дым, бер ки­леп ка­ра­ды да: «Әй, си­нең мон­да тү­бәң­не ге­нә алыш­ты­рыр­га ки­рәк икән бит ин­де», – ди. «Га­фур абый, ре­монт­лап ка­ра­гыз алай бул­гач, әгәр дә өй бө­тен ки­леш җи­ме­ре­леп тө­шә икән, яңа өй­не дә үзең са­лып би­рә­сең, га­зын да үзең кер­тә­сең түл­ке», – ди­дем. Шун­нан соң авыл баш­лы­гы­ның эзе дә бул­ма­ды, та­вы­шы да. Бер за­ман өй­нең сте­на­ла­ры ачы­ла баш­ла­ды. Мон­да ал­га та­ба яшәп бул­мый иде, авыл җир­ле­ге баш­лы­гы уры­ны­на да яңа ке­ше – Рә­ши­дә Хә­би­бул­ли­на кил­гән иде, ан­нан яр­дәм со­рап кит­тем. Баш­та яр­дәм бул­ма­ды. Бер ба­ру­ым­да гы­на: «Туй­дым ин­де мин син­нән, әй­дә, бер өй тап­тым, шу­ны алып ба­рып күр­сә­тим дә, шун­да яшәр­сең», – дип, без­не Кук­ма­ра­да­гы әле­ге ба­рак­ка алып кил­де, – дип сөй­ли Аль­би­на ха­ным.

Мо­ңа ка­дәр бер тап­кыр да күр­мә­гән, бө­тен­ләй бел­мә­гән өй­гә ки­леп ке­рә­ләр. Өй­не ка­ра­ган ва­кыт­та бер нәр­сә­гә ап­ты­рый – мо­ңар­чы кү­реп өй­рә­нел­гән су бе­лән җы­лы­ты­ла тор­ган тор­ба­лар тү­гел, сте­на­га ябыш­ты­рып ку­ел­ган ике электр җы­лыт­кы­чы гы­на бу­ла мон­да. Шу­лай ти­еш­тер ин­де, без­гә ка­дәр дә мон­да кем­дер яшә­гән бит, ди­мәк, ки­рә­ген­чә җы­лы­та­дыр бу җай­лан­ма­лар, дип уй­лый Аль­би­на ха­ным һәм аны-мо­ны ар­тык төп­че­неп тор­мый. Ул кү­че­неп кил­гән ис­ке өй бе­лән ча­гыш­тыр­ган­да, мо­ны­сы – җән­нәт. Яңа, бер­ни­чә бүл­мә­ле, шарт­ла­ры җи­тәр­лек ке­бек то­е­ла. Яши-яши ге­нә өй­нең тыш­тан ял­ты­рап, эч­тән кал­ты­ра­га­нын аң­лый­лар.

– Бе­рен­че кыш­та ук ниш­ләр­гә бел­мә­дек. Өй­нең сте­на­ла­ры плас­тик­тан эш­лән­гән, ә аңа ябыш­ты­рып ку­ел­ган җы­лыт­кыч­лар бик нык кы­за һәм сте­на­ны да кыз­ды­ра. Мо­ның ар­ка­сын­да те­лә­сә кай­сы миз­гел­дә ян­гын чы­гар­га мөм­кин. Мин бу хәл­дән бик кур­кам, шу­ңа кү­рә дә җы­лыт­кыч­лар­ны төн­гә ге­нә ку­ша тор­ган бул­дык. Ан­да да әле бер­ни­чә мәр­тә­бә то­рып ка­рыйм, ут-ма­зар чы­га күр­мә­сен, дим. Шу­шы җы­лыт­кыч­лар­ның электр чы­бык­ла­ры­на бир­гән кө­чә­не­ше­нә түз­ми­чә, счет­чик та янып чык­ты ин­де. Әле ярый үзем өй­дә чак­та бул­ды, – дип, өй бе­лән бәй­ле бе­рен­че проб­ле­ма­ла­рын сөй­ләп күр­сәт­те Аль­би­на ха­ным.

Икен­че проб­ле­ма­сы – ут­ка бәй­ле. Бе­рен­че­дән, өй­дә­ге электр чы­бык­ла­ры ис­ке икән. Икен­че­дән, тү­бә­дән яң­гыр үтеп, алар­ны чы­ла­та, шу­ның нә­ти­җә­сен­дә, хәт­та, ки­чен ут ян­ды­рыр­га гы­на уй­ла­саң да, кыс­ка ял­га­ныш ва­кы­тын­да­гы ке­бек электр чы­бык­ла­рын­нан оч­кын­нар чәч­ри баш­лый. Мон­дый кур­кы­ныч миз­гел­не Аль­би­на ха­ным­ның кыз­ла­ры, дә­лил бу­ла­рак, те­ле­фон­на­ры­на да тө­ше­реп ал­ган.

Автор: Айгөл Закирова 

Чыганак һәм фото: Сираҗи сүзе

Запись Кукмарада 4 балалы ялгыз хатынны алтынчы елын кем утсыз яшәтә? впервые появилась Tatar Today - татар яңалыклары..

Кукмара районы прокуратурасы балигъ булмаган балаларның хезмәт хокуклары үтәлүен тикшергән. Тикшерү “Кукмараның 4 номерлы  урта мәктәбе” муниципаль бюджет белем бирү учреждениясендә булган. 

РФ Хезмәт кодексы буенча хокук бозу ачыкланган –  12 яшьлек укучыны мәктәп территориясендәге үләнне чабарга мәҗбүр иткәннәр. Шулай ук, бу хезмәт өчен яшүсмер бензин чалгысы  кулланган. Инструкция буенча, 18 яшькә җитмәгәннәр бу корал белән эшләргә тиеш түгелләр. 

Моннан тыш, язгы вакытта, белем бирү оешмасы администрациясе тарафыннан  мәҗбүри хезмәткә 30 балигъ булмаган бала тартылган була.  Хезмәт килешүендә, хезмәт шартлары һәм түләү, шулай ук эш вакытлары күрсәтелмәгән була. Укучыларны, эшкә алу һәм хезмәт килешүенең вакыты чыгу белән эштән азат ителү турындагы боерык белән таныштырмаган булалар.

Тикшерү нәтиҗәләре буенча, прокуратура “Кукмараның 4 номерлы урта мәктәбе” директорына карата, РФ Административ хокук бозулар буенча кодексның 5.27 маддәсенең 4 өлеше, (хезмәт турындагы законны һәм хезмәт хокуклары турындагы башка норматив актларны бозу) шулай ук, РФ АК ның 5.27 маддәсенең 3 өлеше  нигезендә (РФ федераль законнарында һәм норматив актларында каралган хезмәт саклау буенча дәүләт кагыйдәләрен бозу) административ хокук бозу буенча эш ачкан. 

Мәктәп директоры 25 мең сум күләмендә штрафка тартылган. 

Запись 12 яшьлек укучыны мәктәп территориясендәге үләнне чабарга мәҗбүр иткәннәр впервые появилась Tatar Today - татар яңалыклары..