Архивы кызлы йорт - Tatar Today - татар яңалыклары.

Рәфинә Ганиуллина “Кызлы йорт” проектының ни өчен тукталуын аңлатты

Гузель — Sat, 02 Feb 2019 11:29:37 +0000

Рәфинә Ганиуллина инстаграмга кече сеңлесе Аиша белән төшкән фотоларын кертеп, “Кызлы йорт” проектына ни өчен нокта куюлуына ачыклык кертте. Алар туганлык җепләренең нечкә икәнлеген аңлап, әлеге проектны туктатырга булган.

“Туганың белән дус булу авырмы? Уртак эш берләштергәндә, дөрестән дә җиңел түгел. Безне күп җирдә «Кызлы йорт» – биш бертуган кыз проекты буларак көтәләр. Əмма, без туганлык җепләренең никадәр нечкә икәнлеген аңлап алгач, бу проектка нокта куйдык.
Бүгенге көндә ике сеңлем — безнең концерт программасында чыгыш ясый, «иң стойкийлары»
Дүртенче сеңлем – Аиша. Аның дөньяга карата үз фикере, сәхнәдә үз йөзе. Без бер дулкында, шуңа күрә бер-беребезне аңлап азапланмыйбыз. Үзе бүләк иткән мендәрчек сыман, бер якка сыпырсаң – кытыршы, икенче ягы – шома, безнең арада – менә шундый баланс. Яратам”, дип язган Рәфинә.

View this post on Instagram

Туганың белән дус булу авырмы? Уртак эш берләштергәндә, дөрестән дә җиңел түгел. Безне күп җирдә «Кызлы йорт» – биш бертуган кыз проекты буларак көтәләр.. Əмма, без туганлык җепләренең никадәр нечкә икәнлеген аңлап алгач, бу проектка нокта куйдык. Бүгенге көндә ике сеңлем — безнең концерт программасында чыгыш ясый, «иң стойкийлары»✌️ Дүртенче сеңлем – Аиша @ladygaisha ??? Аның дөньяга карата үз фикере, сәхнәдә үз йөзе ?? Без бер дулкында, шуңа күрә бер-беребезне аңлап азапланмыйбыз ? Үзе бүләк иткән мендәрчек сыман, бер якка сыпырсаң – кытыршы, икенче ягы – шома, безнең арада – менә шундый баланс ? Яратам??? Төпчек сеңлем турында соңрак, дәвамы бар… #исемсезхат #большойсольныйконцерт

A post shared by Рафина Ганиуллина (Rafina'D) (@rafinaganiullina) on Feb 1, 2019 at 10:41pm PST

Запись Рәфинә Ганиуллина “Кызлы йорт” проектының ни өчен тукталуын аңлатты впервые появилась Tatar Today - татар яңалыклары..

Рәфинә Ганиуллина “Кызлы йорт”ның яңа клибындагы аянычлы тарихны сөйли

Габдулла Тукай — Mon, 24 Oct 2016 11:42:36 +0000

“Кызлы йорт”ның “Туганнарым” җырына төшерелгән һәм күптән көтеп алынган клибы табадан төште. Клип беренче күренешләреннән үк күңелгә тәэсир итә, чөнки анда күп сынаулар аша узган көчле рухлы герой Ана Зөлфия ханымның язмышы сурәтләнә.

– “Туганнарым” җыры барлыкка килүгә үк, аңа клип төшерү идеясе туды. Бүгенге көндә эстрадада җиңел һәм шаян җырлар күп. Ә безнең саллырак, мәгънәлерәк тема күтәрәсе килде. Язмыш шулай хәл иткәндер инде: әни биш баласын җитәкләп әтидән китә һәм Арча районы Шушмабаш авылында яшәүче әтисе Мансур бабайга кайта. Әмма әни безне гомере буе әтигә карата яхшы мөнәсәбәттә үстерде. Клип нигезендә шушы күренешләр сурәтләнә, – дип сөйләде Intertat.ru хәбәрчесенә Рәфинә Ганиуллина.

“Клипны Казанда әнинең сыйныфташы Мәүлия апаның бакчасында төшердек. Бабай ролен Мәүлия апаның энесе Фәрит абый башкарды. Эзләсәк тә, бабайга шулкадәр охшаш кешене таба алмас идек. Кыяфәте белән бабайга бик охшаган ул. Әнинең яшь чагын К.Тинчурин театры артисты, җырчы Зөлфия Вәлиева уйнады. Зөлфиянең ышандырып уйнавы мөһим иде һәм ул моны башкарып чыкты. Исеме белән генә түгел, күңел халәте белән дә әнигә охшады. Клипта шулай ук әни белән әтине дә күреп була. Клипның режиcсеры – Замирә Рәҗәпова. Гаиләдәге биш кызның бишесе дә сәнгать өлкәсендә булу – уникаль күренеш. Шуңа күрә безне сәхнәдә бергә күрү – әнинең зур хыялы иде. Киләчәктә тагын да эчтәлеклерәк проектлар башкару нияте бар, Алла теләсә, – диде Рәфинә.

P.S. Клипны төшергәннән соң, “Кызлы йорт”ның әнисе Зөлфия Мансур инсульт кичерә. Бу хәлгә кызлар бик нык борчыла, чөнки клипның дөньяга чыгуын кызлардан бигрәк әниләре көтә. Шөкер, бүгенге көндә Зөлфия ханымның хәле яхшы, әлегә ул хастаханәдә дәвалана. Герой Ананың савыгып өенә кайтуын, озак еллар буе яшәвен телибез!

Эльвира ШАКИРОВА, Интертат.ру

Запись Рәфинә Ганиуллина “Кызлы йорт”ның яңа клибындагы аянычлы тарихны сөйли впервые появилась Tatar Today - татар яңалыклары..

“Кызлы йорт” үз тормышларына нигезләнеп төшерелгән яңа клипларын тәкъдим итә [видео]

Редактор1 editor1 — Sun, 23 Oct 2016 06:19:04 +0000

Бу көннәрдә биш кыз туганнан торган “Кызлы йорт” төркеме яңа клипларын тәкъдим итте.

Клип “Туганнарым” җырына төшерелгән. Жырның авторы Зифа Нагаева. Әлеге премьера турында Рәфинә Ганиуллина инстаграм битендә дә язып үтте:

“Ниһаять безнең “Туганнарым” жырына клип әзер булды! Клипның нигезендә безнең язмыш сурәтләнгән…
Һәрвакыт көрәштә, сынауларда сынмыйча..көчле рухлы герой Ана, без – биш кызны, берүзе тәрбияләп…аякка бастырды!
Әниебез, синең хәзер безнең уңышларыбызга сөенеп, рәхәт-матур тормышларда, безнең белән горурланып яшәр мәлең! Ә без синең өметләреңне акларга бурычлы!
Сайлагансың бер үзеңә…
Күпме соң без, азмы соң?
Күп булсак та, аз булсак та…
Бишебез – биш язмышың!” дигән Рәфинә.

Запись “Кызлы йорт” үз тормышларына нигезләнеп төшерелгән яңа клипларын тәкъдим итә [видео] впервые появилась Tatar Today - татар яңалыклары..

Рәфинә Ганиуллина гаиләсендә зур кайгы [фото]

Редактор1 editor1 — Mon, 12 Sep 2016 06:38:38 +0000

Танылган җырчы Рәфинәнең гаиләсенә бу көннәрдә бик авыр сынау килде.

Биш кызга гомер бүләк иткән, аларны тормыш авырлыкларына карамый аякка бастырган, язучы һәм журналист Зөлфия Мансурга 6 сентябрь көнне инсульт булган. Хәзерге вакытта ул кома хәлендә.

4 сентябрьдә газиз кызының туган көнендә булган Зөлфия ханым бүген гомере өчен көрәшә.

Фото Вконтакте челтәреннән алынды

Зөлфия ханымның терелеп, әле күп еллар яшәвен, ә туганнарына, газиз балаларына сабырлык телибез.

Запись Рәфинә Ганиуллина гаиләсендә зур кайгы [фото] впервые появилась Tatar Today - татар яңалыклары..