Спикер сүзләренчә, республикада көрән аюлар популяциясе шактый арткан. “Безнең исәпләүләр буенча республикада бүгенгә 120 чамасы аю бар”, дип билгеләп үтте ул. Бу сан язгы-җәйге-көзге чорында актуаль. Кышка миграция чорында аюлар Марий Эл, Удмуртия, Киров өлкәсенә китә. Татарстандагы өннәрендә 40 ка якын аю кышлый.

“Узган ел көрән аюны Кызыл китаптан алу мәсьәләсен куйган идек, чөнки гражданнардан мөрәҗәгатьләр саны арта. Узган ел Мамадыш районында умартачылардан 36 шикаять булган, аюлар көненә 20 умартаны алып киткән очраклар бар”,  дип сөйләде Юрий Матвеев. Моннан тыш, Яшел Үзән районында ике баласын иярткән ана аю гөмбәчеләр каршына чыккан, ә Мари Эл территориясендә бу ана аюның кешегә һөҗүме теркәлгән.

“Без көрән аюны Кызыл китаптан чыгарырга мәҗбүр булабыз, дип уйлыйм”, диде ул.

Татар-информ

Запись Умартачылар зары: Мамадышта аюлар 20 умартаны алып китә впервые появилась Tatar Today - татар яңалыклары..