Архивы Әлмәт районы - Tatar Today - татар яңалыклары.

Әлмәт шәһәрендә 72 яшьлек әби елгага егылып төшә: коткаручылар аны…

Гульназ Рашитова — Wed, 12 Aug 2020 15:46:32 +0000

Коткаручыларга хәбәр 12 август көнне 11:20 сәгатьтә килеп ирешә. 72 яшьлек әби үз саксызлыгы аркасында яр буеннан Зәй елгасына егылып төшкән. Янында булган кызы аңа ярдәм күрсәтергә тели, әмма ул әнисен судан чыгара алмаган.

Әлмәт коткаручылары һәм оператив төркем әлеге бу урынга 6 минуттан килеп җитә. Яр буен тикшергәннән соң, суга төшкән әби ярдан 10 метр ераклыкта табыла. Ул су агымы белән 300 метр аска төшкән була.

Көймә белән килгән коткаручылар әбине судан аңсыз хәлдә чыгара. “Ашыгыч ярдәм” күрсәткәннән соң, әбине шок хәлендә хастаханәгә илтәләр.

Фото: Шәһри Казан

Чыганак: Шәһри Казан

Запись Әлмәт шәһәрендә 72 яшьлек әби елгага егылып төшә: коткаручылар аны… впервые появилась Tatar Today - татар яңалыклары..

Әлмәт районында юл һәлакәте, 3 кеше җитди зыян күрә

Alfia — Thu, 10 Oct 2019 07:08:52 +0000

8 октябрь Казан-Оренбург-Акбүләк юлында юл һәлакәте була. Анда 3 кеше җитди зыян күрә.

Камаз йөртүчесе хәрәкәт итү барышында куркынычсыз тизлекне сакламый һәм идарәне югалта. Шуның нәтиҗәсендә ул каршы як хәрәкәт полосасына чыгып, Форд Транзит автомобиле белән бәрелешә.

Юл-транспорт һәлакәте нәтиҗәсендә шофер һәм Форд пассажиры хастаханәгә озатыла.

Мәгълүмат һәм фотолар: almet-rt.ru

Запись Әлмәт районында юл һәлакәте, 3 кеше җитди зыян күрә впервые появилась Tatar Today - татар яңалыклары..

Юллар үлем шугалагына әйләнә: Әлмәт районында ике кеше үлгән [видео]

Редактор1 editor1 — Sat, 03 Dec 2016 16:19:25 +0000

Әлмәт районында ике кеше үлеменә китергән һәлакәт булган, дип хәбәр итә Россия Гадәттән тыш хәлләр министрлыгының Татарстан буенча баш идарәсе матбугат хезмәте.

Әлмәт – Азнакай трассасының 12 чакрымындагы һәлакәт турындагы хәбәр 112 бердәм диспетчерлык хезмәте номерына 11.15тә алынган. «Фольксваген Поло» һәм 13нче модель “Лада” бәрелешү нәтиҗәсендә илдә җитештерелгән автомобильне йөртүче 35 яшьлек ир-ат һәм 38 яшьлек пассажир үлгән. Чит ил машинасын йөртүче 26 яшьлек егет күкрәк читлеге җәрәхәтләнеп хастаханәгә озатылган.

Татар-информ

Запись Юллар үлем шугалагына әйләнә: Әлмәт районында ике кеше үлгән [видео] впервые появилась Tatar Today - татар яңалыклары..

Татарстанда юл һәлакәтләре дәвам итә: бу юлы хатын-кыз һәм ике бала зыян күргән

Редактор1 editor1 — Wed, 02 Nov 2016 10:25:06 +0000

Татарстанның Әлмәт районында юл-транспорт һәлакәтендә дүрт кеше зыян күргән, дип хәбәр итә Россия Гадәттән тыш хәлләр министрлыгының Татарстан Республикасы буенча Баш идарәсе матбугат хезмәте.

Юл һәлакәте Ямаш авылы янында көндезге 10нан соң булган. «Ссанг Йонг» һәм «Джили» автомобильләре бәрелешү аркасында дүрт кеше зыян күргән, алар арасында хатын-кыз һәм ике бала да бар. Ике автомобиль дә җитди зыян күргән. Һәлакәт килеп чыгу сәбәпләре ачыклана.

Татар-информ

Запись Татарстанда юл һәлакәтләре дәвам итә: бу юлы хатын-кыз һәм ике бала зыян күргән впервые появилась Tatar Today - татар яңалыклары..

Татарстанда ИГИЛда хезмәт итәргә мөмкин кешене тотканнар

Редактор1 editor1 — Thu, 22 Sep 2016 18:22:05 +0000

Татарстанда Сириядә “Ислам дәүләте”ндә (ИГИЛ) хезмәт итәргә мөмкин кешене тотканнар.

Татарстанда Сириядә “Ислам дәүләте” террористик оешмасында (ИГ, Русиядә рөхсәт ителмәгән) хезмәт итүдә шик тоткан Русия гражданины тотылган, дип хәбәр итә Федераль куркынычсызлык хезмәте идарәсенең иҗтимагый элемтәләр үзәге.

“Русиянең Татарстан буенча Федераль куркынычсызлык хезмәте идарәсе һәм Русиянең Екатеринбург өлкәсе буенча Федераль куркынычсызлык хезмәте идарәсе тарафыннан Әлмәт муниципаль районында 1978 елда туган Русия гражданины Шоев Шәрифбәк Шоди улы тотылган, ул “Чит дәүләттә шул дәүләтнең законнары белән каралмаган, Русия Федерациясе законнарына каршы килгән хәрби хезмәттә катнашу” җинаять эше буенча шик астында булган иде”, дип хәбәр ителә.

Билгеле булганча, Шоев 2013нче елда Сириядә булган, шунда “Ислам дәүләте” лагерьләрендә хәзерлек үткән һәм хәрби гамәлләрдә катнашкан.

2016 елда ул Русиягә кайткан.

Хәзерге вакытта Шоев Шәрифбәк Екатеринбург шәһәренә, элекке яшәү урынына конвой белән озатылган.

Мәгълүмат “Риа Новости” сайтыннан алынды

Фото: 3mv.ru сайтыннан

Запись Татарстанда ИГИЛда хезмәт итәргә мөмкин кешене тотканнар впервые появилась Tatar Today - татар яңалыклары..