Җырчы Мөнир Рахмаевның тормышында шатлыклы вакыйга көтелә, ул тиздән әти булачак. Җырчы бу хакта үзенең инстаграмында хәбәр итте.

Мөнир Рахмаев инстаграмга тормыш иптәше белән төшкән фотосын урнаштырды һәм тиздән әти булачагы хакында әйтте. “Алла боерса, тиздән. Рәхмәт, җаным”, дип яза җырчы.

View this post on Instagram

A post shared by Munir Rakhmaev (@munir_rakhmaev_official)

Мәгълүмат Мөнир Рахмаев инстаграмыннан

Запись Мөнир Рахмаев шатлыклы хәбәр җиткерә впервые появилась Tatar Today - татар яңалыклары..

БЕР ИСЕМНЕ – ӨЧ ТАПКЫР

Эльмира Сөләйманова, Иркә, Илназ Баһ, Фирдүс Тямаев, Ландыш Нигъмәтҗанова – атказанган булдылар. Яңа мәдәният министры Ирада Әюпова ул яктан бигрәк юмарт булып чыкты. Хәзер буташып бетә торган: башта «исем алды» дигән хәбәре чыга – бер шаулашып алалар, берничә ай үткәч, документы бирелә – тагын бер шаулыйсың. Бер үк мактаулы исемне әллә ничә тапкыр алган шикелле була. Әллә шуңа да бик күп бирелгәндәй тоеламы соң ул исемнәр? Әйтик, Ландыш Нигъмәтҗановага Татарстанның атказанган артисты исемен бирү турындагы Карар 2018нең октябрендә үк имзаланган иде. Ә кәгазе һәм күкрәк билгесе бу елның апрелендә генә тапшырылды. Бу Ландыш бер исем алган иде түгелме соң инде, дигән аптыраулар шуннан чыга да инде.

Гомумән, мактаулы исем алуны тагын да сузарга мөмкин. Артистның документларын җыеп министрлыкка тапшыруын да киң җәмәгатьчелеккә хәбәр итәргә («боз кузгалды, тиздән исемле булыр») кирәк – менә сиңа бер үк исемне өченче тапкыр «алу» була.

Күптән түгел генә Илдар Хәкимовка да Татарстанның атказанган артисты исеме бирелде. Гәрчә хатыны Гүзәл Уразова 2010нчы елда ук журналистлар белән очрашканда: «Җаным, быел сиңа 30 яшь тула. Юбилей уңаеннан үзеңә дә Татарстанның атказанган артисты исемен эшләтербез» (Уразовага атказанган исеме шул елларда бирелде. – Авт.), – дип мактанган булган иде. «Эшләтү» озаккарак сузылган, күрәсең. 9 елдан соң гына исемле булды Илдар.

Гомумән, быел Хәкимов-Уразовалар гаиләсе рәхәтләнде инде исемнәргә. Кая куеп бетергәннәрдер ул хәтле күкрәк билгесен! Башта Гүзәл Уразовага Татарстанның халык артисты исеме бирелде. Апрельдә Башкортстанда Татарстан көннәре узганда, Илдарга да, Гүзәлгә дә Башкортстанның атказанган артистлары исеме тапшырылды. Аннан кайтып озак та тормадылар, Илдар Татарстанның атказанган артистын алды. Хәзер Илдарга Башкортстанның халык артисты исемен бирергә кирәктер инде – чылбыр өзелмәсен өчен. Хәер, Татарстанның һәм Русиянең халык артисты Салават та Башкортстанның халык артисты исемен быел гына алды әле, шуңа күрә Илдарга бераз сабыр итеп торса да ярар.

Ризван Хәкимов, Лилия Биктимирова – болары әле «эп-эсвижий» атказанганнар. Татарстан Президенты Указны апрель азагында гына имзалаган. Үзебезнең чыганаклар хәбәр итүенчә, Илназ Сафиуллинга да атказанган исеме бирергә тиешләр, ди. Хәзер кәгазьләре әзерләнеп беткәнен көтәләр, ди, имеш. Хәер, әле ел башланды гына – ел азагына хәтле байтак артистны исемле итәргә мөмкин.

АЛЛА ПУГАЧЕВАГА ДА ИСЕМ БИРИК!

«Татарстан Республикасының дәүләт бүләкләре турында»гы Законда язылганча, «Татарстанның атказанган артисты» –республиканың мәдәни үсешенә зур өлеш керткән һәм шушы өлкәдә 10 елдан да ким эшләмәүче артистларга бирелә торган югары дәүләт бүләге. Законда язылмаган тагын бер кагыйдә бар: Татарстаннан читкә китсәң, Татарстанның атказанган исеме тизрәк бирелә. Мәликә исемле җырчы кызыбыз бар иде, хәтерлисезме? Ул хәзер дә бар, Аллаһка шөкер. Мәскәүдә яшәп иҗат итә. Татарстанның атказанган артисты исемен нәкъ менә Мәскәүгә күченеп киткәч – 2017нче елда алган (әйе, ул да атказанганыбыз!). «Википедия»гә ышансаң, Мәликә профессиональ иҗат эшчәнлеген 2000нче елда башлаган. Ә атказанган исемен 2017дә алды. Законда әйтелгән 10 ел үтмәгән бит! Аның каравы Мәликә язылмаган кагыйдәне үтәгән – Татарстаннан күченеп киткән. Димәк, исемне алырга тулы хокукы бар булып чыга. Шатланабыз, горурланабыз, мактанабыз!

Илһам Шакиров – 4, Әлфия Авзалова 5 ел зур сәхнәдә җырлаганнан соң ук атказанган булганнар бит әле, дияргә мөмкинсез. Илһам абый һәм Әлфия апа белән Мәликәне чагыштырырга алынмыйбыз, анысы сезнең җаваплылыкта.

Динә Гарипова белән Эльмира Кәлимуллинаны да Мәскәүдәге «Беренче канал» – «Голос» тапшыруы танытты. Беренче һәм икенче урын алган кызларыбызга шундук Татарстанның атказанган артисты исемен һәм Казанда фатир биреп куйдылар. Аңарчы исемнәрен дә ишеткән юк иде. Эльмирасы күренә, Динәне республика концерт-чараларында бөтенләй күргән дә юк. Яшәве дә Мәскәүдә бит.

Гомумән, Татарстанда тумаган һәм бер генә көн эшләмәгән булсаң да, Татарстанның атказанган артисты исемен бирергә мөмкиннәр. Татар гына булырга кирәк! «Татарлык» шул исем-фамилияңдә (ә бәлки, нәселеңнең җиденче буынында) булса, җитә инде. Марат Бәшәров, Камил Ларин – шундый атказанганнарыбыз. Җырчы Алсу – Татарстанның халык артисты ук! Татарстан мәдәнияте үсешенә бер тиенлек өлеш керткәннәре юк, әлбәттә. Булса соң, аның каравы «безнекеләр» дип мактанырга була! Ә менә Русиянең халык артисты Чулпан Хаматованың, Казанда туып үскән булса да, Татарстанның атказанган артисты исеме юк икән. «Казанның мактаулы гражданины» дигәнен дә 2017дә генә биргәннәр. Ничек алай булды икән әле ул? Документларын җыеп тапшырмагандыр, күрәсең, шуңа исемсез йөридер.

Быел зурдан кубып 70 яшьлеген билгеләп үткән Алла Пугачевага да Татарстанның халык артисты исемен бирергә кирәк дигән сүз чыккан иде әле анда. Аның Татарстанга да, татар милләтенә дә бер катышы да юк үзе. Булса соң! Бихисап күп исемнәре рәтенә «Татарстанның халык артисты» дигәне дә өстәлсен. Ул да әзрәк безнеке, дип мактаныр идек ичмасам.

АТКАЗАНГАННАР – ДӘҮЛӘТ СЕРЕ?

Интернетта бөтен нәрсә бар, дибез. Юк икән. Атказанганнар турында саннар юк икән. Татарстанның ничә атказанган артисты бар, аларның ничәсе республикада яши, узган 2018нче елда ничә мактаулы исем бирелгән – боларның берсе турында да мәгълүмат юк. Ни хикмәттер, дигән идем аны. Соңрак аңлашылды. Бездә атказанганнар турында мәгълүмат алу атказанган исемен алудан да кыенрак икән ләса!

Башта Мәдәният министрлыгына рәсми хат юлладык. Телдән генә сорау бирүдән мәгънә юк, аңа җавап биреп тә тормыйлар. Сорауларны рәсми бланкка матур итеп язып, баш мөхәррирнең имзасы вә мөһере белән раслап җибәрәсе. Хуш, җибәрдек. Бер атна үткәч шалтыраталар: «Гафу итегез, бездә андый мәгълүмат юк икән. Бу саннар Президент Аппаратында саклана». Шуны ачыклау өчен бер атна вакыт кирәк булган.

Хуш, Президент Аппаратына шакый башладык. Шакый дип, телефон аша инде. Сорауны кем исеменә, кайсы бүлеккә, нинди адреска җибәрәсе икәнен белергә кирәк бит. Аппаратта безнең белән бер атна тирәсе «футбол уйнадылар»: без белмибез – моңа шалтыратыгыз, без дә белмибез – тегеңә шалтыратыгыз. Шулай типкәләнә торгач, дәүләт бүләкләре бүлегенә килеп эләктек (ни өчен башта ук шул бүлек белән тоташтырмаганнардыр, юкса атамасы ук кычкырып тора бит). Җитәкчесе белән сөйләштек.

– Бу тегенди-мондый гына мәгълүмат түгел, рәсми саннар. Шуңа күрә рәсми сорау юллагыз, – диде хатын-кыз тавышы.

– Рәсми сорау юллыйсын беләбез. Нинди адреска юлларга икәнен генә белмибез. Сайтыгызда электрон почта күрсәтелмәгән бит.

– Сез нәрсә, сезгә берәү дә электрон хатка җавап биреп утырмаячак! Тем более шундый мәгълүмат! Хатыгызны бастырып, баш мөхәррирнең имзасы һәм мөһере белән раслатып, безгә алып килеп бирегез. Адрес – Кремль.

Юкса моңарчы рәсми хатларны гел электрон почта аша юлладык, бер проблема да килеп чыкканы юк иде. Татарстанда, электрон хөкүмәт, дип мактанабыз да бит әле. Кремльдә башкача эшлиләр булып чыкты. Юл төшкәндә, бер кереп чыгасы булыр инде – конверт алып куярга кирәк.

«ОТКАЗ АЛГАННАР»

Бөтен артист атказанган исемен алып бетерде бугай инде, дибез, диюен, тик саный башласаң, исем алмаганнар да бар ул. Атказанганнарга рифмалаштырып әйтсәк, «отказ алганнар» ягъни. Телдә күптән халык җырчысы булган Ришат Төхвәтуллинның әле атказанган исеме дә юк (Татарстан сәхнәсендә 2013нче елдан). Элвин Грейныкы да юк. Башкортстанның атказанган артисты дигәне генә бар. Элвин-Радик үзе былтыр ук «Татарстанныкын да аласым килә» дия башлаган иде инде, кем белә, бәлки, документларын җыеп та тапшыргандыр инде.

«Тукта, яңгыр, тукта, яңгыр» дип җырлый торган Ринат Рәхмәтуллинны хәтерлисезме? Аның шул бер җыры телдә инде, тик ул да атказанган исеме алырга тели икән. «Быел бу исемне кемгә генә бирмәделәр. Этенә дә, бетенә дә бирелде. 2015нче елда миңа да бирергә тиешләр иде, бирмәделәр. Туксанынчы елларда сугышкан өчен ике ел төрмәдә утырып чыккан идем – шул ярамады. Минем белән бер вакытта сәхнәгә күтәрелгән җырчылар быел әлеге исемне алды. Бары тик Мөнир Рахмаев һәм мин генә калдым», – дип зарланган ул «Интертат»ка. Мөнир дигәннән, ул да Ландыш, Иркәләр белән бервакытта чыккан иде сәхнәгә. Нишләп аңа да бирмәделәр икән берочтан? Өләшкәч-өләшкәч инде…

Халыкның яраткан җырчысы Таһир Якупов атказанган гына булып китеп барган. Бик күп танылган җырлар авторы, композитор Марсель Ивановның – ул 2015нче елда вафат булды – бөтенләй бер исеме дә булмаган.

19 ел зур сәхнәдә булган Нурзадәнең дә атказанган исеме юк икән. Гәрчә ул 2016нчы елда ук Мәдәният министрлыгына бөтен документларын илтеп тапшырган, барысы да тәртиптә, дип раслаган булсалар да. «258 бит документ илтеп тапшырдым, ышанасыңмы?! Министрлыкта да аһ иттеләр. 2002нче елда минем беренче альбомым чыкты. Аңарчы да җырламаган түгел, әлбәттә, җырладым – Искәндәр Биктаһиров төркемендә эшләп йөрдем. Шушы вакыт эчендә Казанда гына да 12 концерт куелды. Район-авыл җирендә куелганнарын санап та бетерерлек түгел, гастрольдән кайтып та кермим бит. Күпме альбом, күпме клип чыккан… Җырлаудан кала, телевизион тапшырулар да әзерләдем һәм алып бардым бит әле мин. «Мәйдан» телеканалында 56 тапшыруым чыкты. Ике тапкыр «Яшьлегем чишмәләре» концертын оештырдым. Мин исем өчен дип эшләмәдем. Тик миннән соң эшли башлаган кешеләр, миндә музыкант булып йөргән егетләр, бер сольный концерт та куеп карамаган кешеләр дә атказанган исемен алып бетерде бит инде. Шуңа күрә гарьләндерә. Бер авылга баргач, бер апа: «Синең, мөгаен, тиешле җирдә кешең юктыр, шуңа бирмиләрдер», – дигән иде. Ишетүемчә, министрлыкта минем папканы тартмага алып куйганнар. Тагын бераз эшләсен әле, дигәннәр», – дип сөйләде Нурзадә.

Казанда гына да өчәр көн тулы залга концерт бирә торган Илсөя Бәдретдинованың да атказанган исеме юк. Шул уңайдан җыр да яздырды бит, ишеттегезме икән:

«Журналистлар язар иде гәҗиттә алгы биттә,

Исән чакта шул медальне тагасы иде түшкә.

Бар Татарстан җыелып, Бауманнан әйдә үтик,

Дөньяның артына тибеп, мине атказанган итик.

Өй түрендәге сервантым

Премия белән тулган.

Башкалар күптән медальле,

Ник мин атказанмаган?»

Ну бу җырдан соң да исем бирмәсәләр инде Илсөягә… Бер генә юл кала – Мәскәүгә китеп барырга…

Ул исемнең бер файдасы да юк инде үзе. Без, журналистларның, эшен генә кыенлаштыра. Артист турында язма әзерләгәндә, интернетка кереп, биографиясен искә төшереп аласы була инде. Аллаһ сакласын, атказанган дигән исеме булып, онытылып кала күрмәсен.

Төгәл саннарны табып булмаса да, Республика Президенты сайтында мактаулы исемнәр бирү турындагы Указларның барысы да куеп барыла. Шул йөзләгән исем арасыннан берәмтекләп атказанганнарны санарга туры килде. 2018нче елда 35 кешегә Татарстанның атказанган артисты исеме бирелгән (бу – эстрада артистлары гына түгел, бөтен төр артистларны да санап). 7 кеше Татарстанның халык артисты исеменә лаек булган

Фәнзилә МОСТАФИНА, Безнең гәҗит

Фото: коллаж соцсети

Запись “Кайсы җырчылар атказанганнарга «отказ алганнар»?” впервые появилась Tatar Today - татар яңалыклары..

«Атналап өйгә кайтмаган чакларым була»

— Мөнир, беренчедән, өйләнүең белән тәбрик итәм. Булачак хатының белән нинди шартарда таныштыгыз?

— Рәхмәт! Без бер дә көтелмәгәндә таныштык. Ул минем электрон почтама ялгыш язды, мин аңа җавап итеп ялгышуын язып җибәрдем. Шулай итеп әкрен-әкрен генә аралашып киттек. Соңыннан мин аңа очрашырга тәкъдим иттем. Беренче очрашуга барганда ук, Илсөярнең (Илсөяр — Мөнир Рахмаевның хатыны — автор) минем хатын булачагын белгән идем инде. Үз кешем икәнен тойдым.

— Тиз арада гашыйк булдың, димәк?

— Барысы да ничек кирәк, шулай булды. Тиз дә түгел, озак та түгел. Әле хәтерлим: башта аралашып алдык та, соңыннан, минем гастрольләргә китүем сәбәпле, аралашуны туктатып тордык. Ләкин әйләнеп кайткач, янәдән аралаша башладык, һәм үзеннән-үзе йөреп кителде шунда.

— Ул сине җырчы буларак белә идеме?

— Юк, ул, гомумән, татар эстрадасын тыңламый. Хәзер минем берничә җырымны гына белә. Һәм иң мөһиме: аның өчен мин җырчы түгел. Ул мине ир-ат буларак күрә.

— Еш талашасызмы?

— Юк, талашуларсыз яшәргә кирәк. Мин безнең мөнәсәбәтләрдә баш, шуңа күрә соңгы сүзне гел мин әйтәм, барлыкка килгән мәсьәләләрне үзем чишәм. Аллага шөкер без бер-беребезне аңлыйбыз, яратабыз.

— Арагызда көнләшү бармы?

— Без бер-беребезгә ышанабыз. Минем атналап өйгә кайтмаган чакларым була. Ул мине ашарга пешереп каршы ала, елмаеп, озата. Бер-береңә ышанырга кирәк — бары шул.

— Камыт комаучаламыймы?

— Юк, бер дә комаучаламый. Яшь чак инде күптән артта калды. Йөрмәдем, күңел ачмадым түгел, төрле хәлләр булды. Хәзер минем өчен гаилә иң беренче урында!

— Төрле хәлләр булды, дисең. Әллә хыянәт иткәнең дә бар иде?

— Әйе, хыянәт иткән чаклар булды. Ләкин Илсөяр белән башкача, минем аңа хыянәт итәсем килми. Миңа тынычлык кирәк. Һәм әлеге тынычлыкны мин хатыным янында тоям. Калганнарга карыйсым да килми!

— Илсөяр синең хыялыңдагы хатын параметрларына туры киләме?

— Әйе! Эчке дөньясы да, хыяллары да, ул үзе дә миңа туры килә. Белеме бар, үзе эшли. Холкы минем әниемнекенә охшаган: әни әти янында тыныч, ләкин безгә әни буларак ул беркайчан да үзен көчсез итеп күрсәтмәде. Хатын-кыз ирен тыңларга тиеш. Өйдә яткан хатын-кызларны өнәп бетермим. Һәр кешенең шөгыле булырга тиеш.

«Кесәдә өч йөз сум акча булган чагым бар иде»

— Сезнең гаиләләрегезнең матди ягы туры киләме?

— Туры килә дип әйтә алам. Хатыным үзен-үзе акча белән тәэмин итә ала. Әти-әниләре дә акчасыз утырмыйлар. Барысы да Аллага шөкер.

— Сез хәзер текә машинада йөрисез, фатирыгыз да берәү генә түгел. Ләкин бер ун ел элек сез тулай торакта торган идегез. Акча кайдан аласыз?

— Әйе, өем дә, ике фатирым да бар. Яшермим: кесәдә өч йөз сум акча булган чак та бар иде. Акча булмаганлыктан укудан тулай торакка җәяүләп кайта идем. Бүген бар булган әйберем үземнеке. Мин эшсөючән. Мине белүчеләр көне-төне эшләргә әзер булуымны беләләр. Мин акчам булмаган вакытларга рәхмәтле. Алар акчанын кадерен белергә кирәген аңлаттылар.

— Җырлап кына баеп китеп була әллә?

— Башка өлкәләрдә дә шәхси бизнесым бар. Мәсәлән, матурлык салоны, машина юу салоны һәм башкалар.

— Әлеге бизнесларны ничек ача алдыгыз?

— Мин беркайчан да хыялланудан курыкмадым. Бары тик алга бардым, тырыштым. Әлеге тормыш сөрәннәрем миңа ярдәм итә. Берничә киңәш бирә алам. Мәсәлән, күзләрегезне йомыгыз да, кем булырга теләвегезне күз алдыгызга китерегез. Тагын бер әйбер: белмәү наданлык түгел, белергә теләмәү наданлык. Һәм, әлбәттә, уңыш күктән төшми. Үзеңне «супер герой» итеп күз алдына китерергә дә, эшләргә, тырышырга кирәк. Һәм иң мөһиме: курыкмаска! Җаваплылыкны тоеп, эш итәргә кирәк.

«Хәзер эте дә, бете дә җырлый»

— Сезнең өчен сөенүчеләр күбрәкме, көнләшүчеләрме?

— Сөенүчеләр бик аз, дип әйтә алам. Кайберләре сөенгәннәрен күрсәтәләр, ләкин аларның шатлануы ялган. Начар яшәмим, Аллаһка шөкер, барысы да бар. Ә кеше көнләшә…

— Бәлки бәхетле мизгелләрдән фотолар кую кирәкмидер?

— Бәлки, кирәкмидер дә. Күз тияргә мөмкин. Башта никах фотосын куймам дип уйлаган идем, соңыннан кәефем яхшы булгач, фото белән бүлешергә булдым.

— Нигә сез татар эстрадасыннан читләштегез?

— Татар шоу-бизнесы хәзер бик үзгәрде. Барысы да акчадан тора. Син дә, безнең янда утырган ханым да җырчы була аласыз, бары тик акча гына булу — шарт. Хәзер эте дә, бете дә җырлый. Йөзләгән җырчылар арасыннан берничә җырчыны гына аерып алып була. Җырчы кешенең үз образы, үз җыры булырга тиеш.

— Туйны кайчанга планнаштырасыз?

— Әлегә төгәл белмим. Уйлыйбыз: кирәк микән ул туй, юк микән? Без рәсми рәвештә ир белән хатын инде. Бары тик туй дигән тантананы үткәрергәме яисә үткәрмәскәме дпп уйлыйбыз. Илсөярнең дә туй дип исе китми, минем дә. Ләкин әгәр дә туй үткәрсәк, гөрләтәчәкбез, Аллаһ боерса.

— Ширбәт аен планнаштырасызмы?

— Әйе, уйланабыз. Кайсы якка очарга икәнен төгәл белмибез.

— Алга таба Казанда яшәргә уйлыйсызмы?

— Әлегә Казанда яшибез, ләкин алга таба башка илгә күчеп китәргә планнаштырабыз. Барысы да Ходай кулында.

Запись “Эте дә, бете дә җырлый”: өйләнүче Мөнир Рахмаев чит илгә китә? впервые появилась Tatar Today - татар яңалыклары..

– Сезнең никахыгыз күпләр өчен көтелмәгәнлек булды.

– Әйе, бәхет тынычлыкны ярата бит. Алдан кычкырып йөрисе килмәде. Мөнәсәбәтләребезгә күз тияр дип тә курыктык. Хәзер бит кеше дә шундый: башкалар бәхете өчен сөенә белми.

– Кәләшең белән таныштырсаң иде.

– Илсөяр исемле. Банк сферасында эшли. Матурлык өлкәсендә бизнесы да бар. Уңган, бар яклап та булган кыз. Без күптәннән таныш. 2 ел очрашып йөрдек. Ни өчен мин аны тормышым юлдашы итеп сайларга булдым? Бергә булган вакыт эчендә нинди генә чаклар булмады, ул һәрчак янәшәмдә калды. Авыр минутларда да һәрчак минем белән, минем яклы булды. Бер-беребезне бик яратабыз, тыныч, талашмыйча яшибез.

– Туегыз кайчан булачак?

– Тиздән, Алла боерса! Казанның иң зур залларының берсендә узачак. Кунаклар да күп булачак: 300-400 кеше. Артистларны чакырмыйм. Ихлас, матур туй булыр дип ышанам. Әлегә зал сайлыйбыз, көнен билгелибез. Хыяллар тормышка аша. Әкеренләп… Киләсе этап – балалар. Аларның күп булуын телим. Гаиләбез ишле булсын иде. Мин үзем дә күп балалы гаиләдән. Бергә җыелсак – шундый күңелле.

Ә тамашачылар инде минем турда нинди генә сүз йөртмәде. Озак өйләнми йөрсәң шулай бит. Әле эстрадада буйдак егетләр күп, алар хакында да начар уйламагыз. Һәрнәрсәнең үз вакыты: менә хәзер минем никах сәгатьләрем сукты, Аллага шөкер һәм без бик бәхетле!

Зоя Солошина, Шәһри Казан

Запись «Артистларны туйга чакырмыйм» – Мөнир Рахмаев хатыны белән таныштыра впервые появилась Tatar Today - татар яңалыклары..

Шәхси тормышын озак кына яшереп йөргәннән соң, Мөнир Рахмаев серен ачты. Ул сөйгәне белән фото урнаштырып, никах укытуы турында хәбәр итте. 

“Аллаһы Тәгалә мин яратам сине!!! Хөрмәтле язылучыларым, дусларым, туганнарым! Шатлыгым белән уртаклашырга ашыгам! Шәхси тормышымны бик озак яшердем! Ике ел бергә булдык һәм бу бәхет! Ул көн килеп җитте!

Бүген минем тормышымда мөһим вакыйга!!! Бу безнең никахыбыз!!! Җаным!!! Син минем организмга грипп вирусы кебек үтеп кердең!! Син минем барлык хыялларымда, бүгенге һәм киләчәкнең һәр картинасында! Нәкъ менә син булачак балаларымның әнисе! Син мине көчле итәсең! Тормышның авыр мизгелләрендә дә син һәрвакыт минем яклы һәм миңа көч бирәсең! Син минем тормышым!!! ЯРАТАМ СИНЕ!!! Аллаһы Тәгаләгә мәхәббәтебез өчен рәхмәт! Соңгы көнгә кадәр бергә һәм бары тик алга!”, дип уртаклашкан җырчы.

 

Посмотреть эту публикацию в Instagram

 

О всевышний как Я ЛЮБЛЮ ТЕБЯ !!! Уважаемые мои подписчики, друзья, родные ! Спешу поделиться своей радостью ! Долго скрывал я свою личную жизнь ! Два года вместе и это счастье ! Этот день настал ! Сегодня важный момент в моей жизни !!! Это наш с тобой НИКАХ родная !!! Минем ЖАНЫМ !!! Ты проникла в мой организм как вирус гриппа !!! ТЫ ВО ВСЕХ МОИХ МЕЧТАХ, в каждой картинке моего настоящего и будущего Именно – ты мама будущий моих детей ! Ты делаешь меня НЕРЕАЛЬНО СИЛЬНЫМ ! С тобой я не победим ! Многие уже поняли что я НЕПОТОПЛЯЕМ, только потому что ТЫ СО МНОЙ рядом ВСЕГДА ! В трудные моменты жизни ты всегда меня поддерживаешь и даешь мне силы ! Моя жизнь МОЁ ВСЁ !!! ЯРАТАМ СИНЕ !!! Спасибо Всевышнему за нашу любовь, до последних дней вместе и только вперед родная! #муниррахмаев #никахказань #татарстан #республикататарстан #казань #казан #никахмосква #никах

Публикация от Мунир Рахмаев | KAZAN | MOSCOW (@munir_rakhmaev_official) 12 Апр 2019 в 3:34 PDT

Запись Мөнир Рахмаев ике ел яшереп йөргән зур серен ача – бүген ул… впервые появилась Tatar Today - татар яңалыклары..

Шоу-индустрия белгечләре ышандырганча, Яңа ел алдыннан бәяләр 150-200 меңнән дә ким булмаячак. ⠀⠀

Димәк, Элвин Грей миллионга кадәр җитәргә мөмкин.
⠀⠀
Артист Данир Сабировның Яңа ел корпоративындагы чыгышы 100 мең сумга төшәчәк.
⠀⠀
Татарча җанлы альтернатив музыка 30 меңнән дә ким булмаячак. Гаилә парлары Азат-Алсу Фазлыевлар, Булат Бәйрәмов һәм Ләйсән Гыймаева, татар «мачосы» Мөнир Рахмаев та якынча шушы бәя категориясенә керә.

Фото: коллаж Татар Тудей

Запись Эстрада артистлары Яңа елда ничә сум түләсәң, җырларга әзер? впервые появилась Tatar Today - татар яңалыклары..

Татар эстрадасы җырчысы Мөнир Рахмаев әйтүенчә, күптән түгел аңа охшаган кеше белән интернетта таралган видео —  шантаж өчен эшләнгән видеомонтаж. Соңгы арада  социаль челтәрләрдә әлеге видео буенча фикер алышулар бик күп булды.

Эксклюзив интервьюда Мөнир Рахмаев аннан 10 000 сум таләп итүләрен, акча түләмәсә, видеоязманың туганнары һәм дуслары арасында таралачагы белән янаулары турында сөйләде. Әмма Мөнир аларга ышанмый, башкаларны  да мондый провакацион видеоларга ышанмаска өнди.

– Үзегегез белән булган вакыйганы шантаж дип атадыгыз. Социаль челтәрләргә дә шулай дип язып куйгансыз. Ни өчен ?

– Барысыда мин гастрольләрдә йөргәндә булды. Телефоныма ниндидер видео төшерүләре һәм әгәр мин әлеге видеоның туганнарым һәм дусларым арасында таралуын  теләмәсәм, 10 000  сум түләргә кирәклеге турында  хәбәр килеп төште.  Шуңа да мин әлеге вакыйганы шантаж дип атадым. Ниндидер кешеләр  минем исемнән минем туганнарыма  һәм дусларыма монтажланган видео җибәрә башладылар. Чынлыкта әлеге видеоязма—  шантаж өчен эшләнгән видео.

– Монтажланган видео дигәндә нәрсә күзаллыйсыз?

– Видеодан күренгәнчә, ул мин түгел. Үзегез беләсез, хәзер йөзне үзгәртеп, төрле эффектлар белән ясап куя торган махсус программалар бик күп. Мине уйлавымча, кемнеңдер мине уңайсыз хәлдә калдырасы килгән. Минем иҗатымны яратып бетермәүчеләр һәм миңа зыян китерергә теләүче кешеләр җитәрек.  Мине якыннан белүчеләр минем үземнең репутациягә ничек җитди  каравымны һәм ниндидер видео уеннарга гына түгел, хәтта шәхси тормышмны кайгыртырга вакытым юк икәнен бик яхшы беләләр.

–  Шундый гамәлләр эшләргә этәрүче нинди үзенчәлекләр бар сезнең иҗатыгызда?

– Шоу-бизнеснеста һәрвакыт көндәшлек бар. Көндәшлек  иҗатта, концертлар һәм җырларда гына түгел, тамашачы мәхәббәтендә дә. Нәкъ менә тамашачы мәхәббәте аша минем репутациягә  зыян китерергә теләделәр.

Интернетта кайсы гына танылган артистның исемен язып карама, минеке белән охшаш видеоязмалар күрергә була.  Ул видеоларны караганда мин беркайчанда минем белән дә шундый күңелсез вакыйга булыр дип күз алдына да китермәдем. Безнең халык шундый ышанучан. Һәркем дә шантажистлар корбаны була ала. Беребез дә моннан сакланмаган. Мин сәхнә кешесе булгач, минем белән алар аеруча да кызыксынган. Алар мин аларның таләпләрен үтәрмен дип уйлаганнар. Ләкин юк, мин аларга бирелмәдем.

– Әгәр шул вакыйга булган көнгә кире кайтсак, монтажланган видеоның нинди тавыш чыгарачагын белеп, сез 10 000 сум бирер идегезме? Бәлки чыннан да аларга акчаны бирергә кирәк булгандыр?

–  Нигә миңа аларга акча бирергә? Мин гаделлек яклы. Ялган белән эш иткән кешеләргә мин акча бирергә әзер түгел. Андый акча каеручыларга акча түләргә ярамый. Юк, мин аларга 1 сум да бирмәс идем.

Әгәр сүз хәйриячелек турында бара икән, миңа 15 000 һәм 20 000 дә жәл түгел. Ләкин, тагы бер кабатлап әйтәм мин ялган, шантаж белән эш итүчеләргә акча бирергә әзер түгел. Аларга акча биргәнче мин мохтаҗларга, авыру балаларга ярдәм итәм.

– Ялган белән шантажлап акча таләп иттеләр  дип полициягә гариза язар идегезме?

– Әлегә язмадым, тик якын арада язырга уйлыйм. Видео белән янап акча таләп итүчеләрне табыр өчен барысын да эшлиячәкмен.

– Әлеге вакыйганы танышларыгыз, туганнарыгыз, дусларыгыз ничек кабул итте?         

– Әлбәттә алар миңа терәк булды.  Ә миңа начарлык теләүчеләр, киресенчә шатланды.

“Татарская якудза” – телеграм-каналы Мөнир турында эротик видеоны әле дә саклый.

Запись Мөнир Рахмаев эротик видеоның бәясен, тарихын, полициягә әйтү-әйтмәвен сөйли впервые появилась Tatar Today - татар яңалыклары..

“Әлегә бик сөйләшәсем дә килми, шок булды”, ди җырчы безгә.

“Юмор белән карарга тырышам. Бу монтаж һәм шантаж ясаучылар үз җәзаларын алырлар дип уйлыйм. Бу хәлне тизрәк онытасым килә. Әле дә гастрольләрдә йөрим. Мине белгән артистлар барсы да минем хәлдә алар да калырга мөмкинлекне аңлый. Шуңа күрә танылган кешеләргә сак булырга кирәк, социаль челтәрдәге битне ватым теләсә нәрсә эшли алалар”, дип уртаклашты ул. Мөнирдән видеоны таратканчы 10 мең сум таләп итәләр, ул бер тиен дә бирмәгәч җырчының дусларына тарата башлыйлар.

Всем Саламуалекум Уважаемые ! Это видео ПРЕДУПРЕЖДЕНИЕ. Меня взломали в контакте и отправляют от моего имени МОНТАЖНОЕ видео и СМС по всем социальным сетям ! Мошенники шантажируют и требуют от меня денег !!! Это Фэйк Профессиональный видео монтаж ! Будьте бдительны и внимательны ! Берегите себя и своих близких ! Ваш Мунир Рахмаев !

Публикация от ????? ???????? (@munir_rakhmaev_official) 13 Авг 2018 в 4:09 PDT

 

Җырчының иҗатташ дуслары Мөниргә теләктәшлек күрсәтеп социаль челтәрләрдә махсус постлар чыгара башлады.

Запись Мөнир Рахмаев интим видео буенча Татар-тудейга анлатма бирде впервые появилась Tatar Today - татар яңалыклары..

– Мөнир, мондый эсседә гастрольдә йөрүе авыр түгелме?
– Татарстан, Башкортстан районнарын айкап чыктык та алга – Пермьгә киттек әле менә. Киләчәктә Себерне яуларга исәп. Ниятебез чынга ашыр дип уйлыйм, чөнки «Әпипә-шоу» гөрләп бара! Ул — 2012 елда ук башланган проект. Беренче мәртәбә УНИКСта концерт куйдык. Аннары, бераз туктап торгач, яңартырга булдык. Хәзер «сольный» концертларга халык аз йөри, аңа тамаша, шоу кирәк. Безнең концертлар исә нәкъ шундый, аншлаг белән уза. Ландышны да, мине дә халык яхшы белә. Төркемебездә тагын тавыш операторы, ике биюче кыз. Җырлыйбыз, биибез, уеннар уйнатабыз, ахырдан бергә фотога төшәбез. Анда инде су буе чират җыела. Мондый концертны берәүнең дә куйганы юк әле. Әйткәнемчә, бик «мощно» уза! Ике сәгать ярым мәдәният йортын «дер» селкетәбез.

– Килгән һәркемгә бүләк вәгъдә итәсез. Бүләк алгач, төркемдәге кешеләргә, аренда түләгәч, үзеңә файда каламы?
– Теләсә нинди бизнес чыгымнарсыз бармый. Ләкин бу күңелле чыгым, бүләк ясарга яратабыз, календарь ише вак-төяк, балаларга тәм-томнар өләшәбез. Һәркемне өйләренә майлап озатабыз. Иң-иң актив кеше төп приз – «Әпипә-шоу – 2018» дигән язулы эшләпә.

– Кайда Мөнир шунда эшләпә инде алайса?
– Ул бүләк итәргә дип махсус сатып алынган эшләпәләр.

– Үзеңнең коллекциядә ничә эшләпә бар?
– 116.

– Алар кайда саклана?
– Махсус шкаф ясатым. Җыештыручы килгәндә, тузаннарын сөртә, көя ашамасын өчен махсус спрей белән эшкәртә. Алла боерса, ул эшләпәләр миңа кирәк булачак әле.

– Модасы чыга ич инде аларның…
– Олыгайгач, эстрададан киткәч, ул эшләпәләрдән күргәзмә, йә аукцион уздырачакмын.

– Иң кыйммәтлесе ничә сум тора?
– 24 мең. Кибеткә кергәч эшләпә күрәм һәм ошый икән, киеп карыйм да алам. Бәясе мөһим түгел.

– Концертлар аншлаг белән уза, дисең. Ландыш белән икегезнең энергетикагыз шулай туры килүнең нинди хикмәте бармы?
– Ландыш та, мин дә матур, костюмнарыбыз башкаларныкын кабатламый, тамашачыны кыздыра беләбез. Без – бик «мощный» тандем, ярты сүздән бер-беребезне аңлыйбыз.

– Ландыш – өч бала анасы. Ерак төбәкләргә чыгып китәргә бу комачауламыймы?
– Бу сорауга мин җавап бирә алмыйм, үзеннән сорагыз. Ландыыыыш!…

Ландыш Нигъмәтҗанова:
– Мин бит 13 ел сәхнәдә. Бүген генә ничек авыр булсын?! Иҗат – эш. Без моңа ияләшкән.

– Татарстанда тамашачы җыю авырлашканда, чит төбәктә татар җырчыларын ничек кабул итәләр?
– Аллага шөкер, халык концертларга килә. Килмәсәләр йөрмәс идек. Мөнир белән мине зәңгәр экраннан гына түгел, чынбарлыкта күрү, тотып карау, аралашу өчен дә киләләр, сораулар яудыралар.

– Нинди сораулар бирәләр? Әллә яңа образың сорау уятамы?
– Иҗатны болай да күреп торалар бит, күбрәк шәхси тормыш белән кызыксыналар. Балаларны сорыйлар, гастрольләргә киткәндә кем белән кала, диләр. Андый сорауга «карар кеше бар» дип кенә җавап кайтарам. Чөнки хәзер өч бала үскән гаилә күп балалыга әйләнде. Бераз көлке дә тоела. Элек җиде-сигез бала булган. Әти-әниләре иртән чыгып киткән, бер-берсен караганнар, йорттагы бөтен эшне дә башкарганнар. Хәзер дә өйдә утырсаң, берәү дә китереп бирми. Гаилә өчен дип йөрисең инде. Гомумән, хатын-кыз бөтен нәрсәгә өлгерергә тиеш: гаиләсен карарга да, баласын, ирен тәрбияләргә дә, эшенә дә, үзенә дә…

– Бөтен халык диңгездә. Сез быел кайда ял иттегез?
– Иң шәп ял – авылда. Шәһәр кызы булсам да, авылда үскәч, әле дә теләп кайтам. Фәрит тә шулай. Балаларны Казанга алып килсәң, комда уйнап керәбез дә, калган вакытта телевизор каршында утыралар. Авылда исә аларга телевизор да, телефон-планшет та кирәкми, урамнан аерып булмый үзләрен. Күрше балалары белән уйныйлар. Кызыбыз күршеләргә кереп чәйләп чыгарга да җай таба… Мине чакыралар, телефонны Мөниргә бирәм, яме.

Мөнир белән сөйләшүне дәвам итәбез:

– Әйе, ниһаять биш елдан соң сигез көн Төркиядә шактый купшы кунакханәдә ял итеп кайттым.

– Ялдан соң хәлгә керергә тагын ял кирәк, диләр. Килешәсеңме?
– Мин эшсез утыра алмыйм, көн дә егәрдә: мәҗлесләр, туйлар, бәйрәмнәр һ.б. алып барам. Шуңа да миндә андый проблема юк.

– Эш дия-дия өйләнми калырсыңмы инде…
– Бөтен нәрсәнең үз вакыты! Юкка гына мин татар шоу-бизнесының энерджайзеры түгел бит. Яхшыларның иң яхшысы!!!

Фотолар vk.com челтәреннән алынды

Идел

Запись Мөнир Рахмаев өч бала анасы Ландыш Нигъмәтҗанованы ияртеп алып чыгып китә впервые появилась Tatar Today - татар яңалыклары..

– Мөнир, сабантуйлар ничек узды? Кайларда булдыгыз?

– Сабантуйлар бик яхшы булды, бер сулышта узып китте. Минем өчен уңышлы ел булып чыкты, 16 июнь көнне 7 сабантуйда җырлап, рекорд куйдым.

– Ничек барысына да өлгердегез, җидесе дә бер районда идеме?

– Юк, төрле район-шәһәрләрдә. Иң беренче сабантуй Әлмәт шәһәреннән башланды. Әлмәттән Чирмешәнгә киттем. Чирмешәндә җырладым да, Кама Аланына йөгердем. Аннан янәдән Чирмешәнгә кайттым. Бер авылының сабантуен гөрләтеп чыктык та, Мәләкәскә киттем. Мәләкәстән Мөслим районына барып чыгыш ясадым һәм ахыргы нокта – Әгерҗедәге сабантуйда катнашып, аны тәмамладым. Ул көнне өйгә төнге икедә генә кайтып кердем.

– Сабантуйларда хәйран гына эшләп алгансыз, димәк?

– Быел, Аллага шөкер, сабантуйлар күп булды. Барысына да вакытында барып өлгердем, соңга калмадым…

– Казан сабантуенда да җырлаячаксызмы соң?

– Әлбәттә, Казан сабантуенда 4 мәйданда җырлаячакмын. Европадан килгән кунаклар алдында үзебезне күрсәтергә кирәк. Быел сабантуйда чит ил кунаклары күп булачак чөнки. Татар кешесенең ничек ял иткәнен күреп китсеннәр әле…

– Сезнең сәхнә киемнәрегез бик үзенчәлекле һәм һәр бәйрәмдә төрлечә. Казан сабантуенда тамашачыларны шаккаттырырлык берәр образ әзерләмәдегезме?

– Футбол буенча дөнья чемпионаты белән бәйле рәвештә, сабантуйда футболчылар стилендә, ягъни, өскә футболка белән шорты һәм аякка гетры белән кроссовки киеп чыгарга планлаштыра идем. Футбол дулкынында булганнар аңлар дип уйлыйм, шул форматка туры китереп киенәсем килә.

– Футбол карарга яратасыз димәк?

– Әйе, яратам. Һәр уенны карап барам.

– Берәр уенны карарга барачаксызмы?

– Битләрне буяп, җанатарлар белән бергә үзебезнең командабыз өчен кычкырып, сызгырып җан атасым килә. Тик, кызганыч, гастрольләр графигы тыгыз булу сәбәпле бер уенга да эләгә алмыйм. Футболчыларыбызга уңышлар телим, ә җанатарларны 23 июнь көнне булачак Казан сабантуена чакырып калам.

Автор: Юлия НАСЫЙБУЛЛИНА, Интертат

Запись Мөнир Рахмаев Казан Сабантуенда чит ил халкын шаккаттырырга җыена впервые появилась Tatar Today - татар яңалыклары..