Архивы һөҗүм - Tatar Today - татар яңалыклары.

Чаллыда ашыгыч ярдәм хезмкәткәрләренә һөҗүм итәләр

Алина — Mon, 24 Dec 2018 08:08:57 +0000

Чаллы шәһәрендә урамда ашыгыч ярдәм хезмәткәрләренә исерек ир-атлар һөҗүм иткән. Бу хакта социаль челтәрләрдән файдаланучылар хәбәр итә.

Кичә Төзүчеләр бульварында исерек ир-атлар ашыгыч ярдәм хезмәткәрләренә ташланган.

Һөҗүм итүчеләр автомобильдәге авыруны хастаханәгә алып китәргә комачаулаган, шоферны кыйнамакчы булганнар.

 Татар -информ

Запись Чаллыда ашыгыч ярдәм хезмкәткәрләренә һөҗүм итәләр впервые появилась Tatar Today - татар яңалыклары..

Чаллыда полиция урамда кешеләргә пычак белән һөҗүм итеп йөрүчене эзли

Лэйсирэ — Sun, 23 Dec 2018 10:06:22 +0000

22 декабрь төнлә Чаллыда билгесез ир-ат урамдагы очраклы узып баручыларга пычак белән ташланган. Бу хакта “Челнинские известия” газетасы яза. Вакыйга Сөембикә проспектындагы “Dum Balla” рестораны янында була.

Җинаятьче кулыннан зыян күрүчеләрне ашыгыч рәвештә хастаханәгә озатканнар. Ләкин 22 яшьлек егетнең гомерен табиблар саклап кала алмый. Ул реанимация бүлегендә һәлак була. Тагын бер 24 яшьлек егетнең гомере өчен табиблар көрәшә.

Полиция хезмәткәрләре җинаятьчене эзли.

Фото: Реальное время

Запись Чаллыда полиция урамда кешеләргә пычак белән һөҗүм итеп йөрүчене эзли впервые появилась Tatar Today - татар яңалыклары..

Казанда 31 яшьлек ир-ат 15 яшьлек кыз балага пистолет белән һөҗүм итә

Алина — Wed, 12 Dec 2018 12:58:19 +0000

Казанда 15 яшьлек кыз балага пистолет белән һөҗүм иткән ир-атны тоткарлаганнар. Вакыйга Фучик урамындагы бер йорт янында булган.

“10 декабрьдә “Азино-2″ полиция бүлегенә Совет районында яшәүче хатын-кыз мөрәҗәгать итте. Аның балигъ булмаган кызына пистолет белән янаганнар. Бу хатын билгесез ир-атны җинаять җаваплылыгына тартуны сорый. Урынга килеп җиткән полиция хезмәткәрләре шаһитларны сораштыра. Фаҗига ничек булганы тиз ачыклана”, – дип сөйләделәр Эчке эшләр министрлыгының Казан буенча идарәсендә.

Казанда яшәүче ир-атны өендә тоткарлаганнар. Фатирда тентү барышында пистолет табыла.

Ир-ат гаебен таный, җинаять эшләгәндә исерек булуын әйтә. Аңа карата җинаять эше ачылган.

Елена Сәләхова tatar-inform.

Запись Казанда 31 яшьлек ир-ат 15 яшьлек кыз балага пистолет белән һөҗүм итә впервые появилась Tatar Today - татар яңалыклары..

Башкортстанда аюлар артыннан бүреләр дә малларга ташлана башлаган [фото]

Редактор1 editor1 — Sat, 08 Oct 2016 04:36:00 +0000

Башкортстанның Балтач районы Көнтүгеш авылындагы шәхси хуҗалыклардагы сарыкларны бүреләр буган. Бу хакта “Балтач таңнары” газетасы журналисты Дамир Хәйретдинов яза.

“Көнтүгештә мөгезле вак терлекләрен гомум көтүгә кушмаган шәхси хуҗалыклар бар. Күпчелек ихаталарда асралган сарыклар ирекле көтүләнә. Гадәттә, алар авылдан ерак китмиләр”, дип яза “Балтач таңнары”.

“Сарыкларым һәркөнне 19:00 сәгатьтән соң ихатага кайталар иде. 4 октябрь көнне 17:00 сәгатьтә аларны гел көтүләнгән урыннарында күрдек. Үзем унике баш сарык асрыйм, бу көнне кич 4 сарыгым кайтмады. Эзләдек, ләкин кайтмаган сарыкларны таба алмадык. Иртәнгә малларга бүреләр һөҗүм итүе турында билгеле булды. Өч сарыгымның үләксәләрен таптык. Берсенең язмышы билгесез. Бүре тырнагыннан исән калган бер сарыгым иртән ихатага кайткач бәрәнләде”, дип сөйләгән зыян күрүчеләрнең берсе Рәфисә Гәрәева.

Ерткычлар тешеннән зыян күргән сарыкларның кайсының муены җәрәхәтләнеп каны эчелгән. Тиресе генә торып калган корбаннар да бар. Бүреләр балаларын өйрәтергә чыккан булгандыр, күрәсең. Җәрәхәтләнеп, ерткыч тырнагыннан исән котылган маллар да бар.

“Иртән бер сарыгыбыз җәрәхәтләнеп кайтты. Муеныннан кан килеп тора иде. Җәрәхәт урынын эшкәртеп, “бәхетле” сарыкны абзарга кертеп ябып куйдым”, ди гомер буена ветеринария хезмәткәре булып эшләгән Фидаим Сабиров. Аның да бер сарыгы табылмаган.

Хәмзә Фәезов, Фигать Шамсуновлар ихатасында асралган малларга да бүреләр зыян китергән.

Август—октябрь айларында Көнтүгеш авылында мондый хәл ел саен диярлек теркәлә.

“Бу хәлдән соң кич урамга чыгарга да куркабыз,” диләр көнтүгешлеләр.

baltaci.ru

Татар-информ

Запись Башкортстанда аюлар артыннан бүреләр дә малларга ташлана башлаган [фото] впервые появилась Tatar Today - татар яңалыклары..