Документтан аңлашылганча, уку йортын ябу турындагы карар Кече Кирмән авыл җирлеге гражданнары җыелышында кабул ителгән. Югары Яке төп гомуми белем бирү мәктәбендә укучылар калмады.

Мәктәпне бетерү өчен чаралар планын раслаган махсус комиссия төзегәннәр. Хезмәткәрләрне хезмәт һәм социаль гарантияләр үтәп эштән чыгарганнар.

Мамадыш районы авылларында 37 мәктәп калган. Шуларның 34е — төп һәм урта, өчесе — башлангыч мәктәп-балалар бакчасы.

Чыганак: Ватаным Татарстан

Запись Мамадыш районында мәктәп ябыла. Сәбәбе нинди? впервые появилась Tatar Today - татар яңалыклары..

Яңа туган бозаулар нормадан ике килограммга җиңелрәк, ләкин алар аякка бик тиз басканнар. Әниләре дә җиңел кичергән: бишенче көндә инде 40 литр сөт бирә башлаган.

Фото: Шәһри Казан

Чыганак: Шәһри Казан

Запись Мамадышта гадәти булмаган хәл: бер сыер… впервые появилась Tatar Today - татар яңалыклары..

Җөри авылында коммунизмнан соң 19нчы тапкыр “Питрау җыены” узды. Урыс православ чиркәвендә Гайсә пәйгамбәр сәхәбәләре Питыр белән Паул хөрмәтенә билгеләп үтелүче бәйрәмне керәшеннәр аеруча үз итә.

Җөри авылы халкы туган тел дип кайсы телне атый икән? Бу сорау беренче карашка гына сәер яңгырый сыман. Чөнки якшәмбегә каршы төндә үткән “Питрау” җыенында рәсми чыгышларның күпчелеге урысча иде. Сәбәбе гади, җөриләрне котларга дип килгән төп кунак татар кешесе түгел – Татарстана премьер-министры Алексей Песошин.

Бәйрәм совет заманы традицияләре белән башланды, яңа корылманы кулланышка тапшыруны бәйрәмгә туры китергәннәр. Авылда 200 урынга исәпләнгән мәдәният йорты ачылды. Хөкүмәт рәисен каршы алучы әбиләр Песошинга вата-җимереп урысча “добро пожаловать” дип әйтә-әйтә ипи белән тоз тапшырды. Премьер авыл халкын мөһим вакыйга белән котлады.

Мәдәният йорты ачылышы

“Сер түгел, авыл җирлегендә мәдәният йорты мөһим роль уйный. Чөнки нәк авылда халык мәдәниятенең чын саклаучылары, рухи мирасны буыннан буынга тапшыручылар яши“, дип башлады Песошин үз чыгышын.

Мамадыш районы башлыгы Анатолий Иванов та бераз гына татарча кыстырып, Русиянең дәүләт теленә күчәргә ашыкты.

Татар дөньясында күптәнге бер бәхәс әле дә дәвам итә: Керәшеннәр татармы, яисә аерым бер милләтме? Хакыйкатьне эзләү галимнәр эше, әмма Мамадыш җирендә гомер итүче ун керәшен арасында бер урыс басып торса, барысы да телне ватып-җимереп булса да, олы агай теленә күчә. Зур кунак төрле мәйданчыкларга кергәндә дә аны матур итеп урысчалап, колач җәеп каршы алдылар.

​“Керәшен утары”ндагы йортларда барлык язмалар татарның хәзерге кирил әлифбасы нигезендә түгел, ә Ильминский заманында булдырылган алфавит хәрефләре белән язылган, мәсәлән, “Сӧн Буйы кряшенняры” дип. Гәрчә, төп мәйданда “Питрау бәйрәме белән, карендәшләр!” дип әдәби телдә язылса да.

Питрау җыенының рәсми ачылышында урыс кәлимәләре ешрак яңгырады. Хөкүмәт рәисе белән Мамадыш районының благочинные, урыс православ чиркәвенең җирле бүлеге җитәкчесе Владимир поп, билгеле, үз телләрен өстен күрде.

Аның каравы районның имам-мөхтәсибе Илһам хәзрәт Миңнегалиев һәм Татарстан керәшеннәре оешмасы рәисе Иван Егоров саф Тукай телендә генә сөйләде. Бәйрәмнең төп игәнәчесе, “Ак барс” һолдингы җитәкчесе Егоров Җөри егете. 1961 елның 21 гыйнварында бу авылда дөньяга килгән, биредә Питрауны 1999 елдан бирле үткәреп килә.

“Хөрмәтле авылдашлар, туганнар, барыгызны да халкыбызның иң матур бәйрәме Питрау җыены белән котлыйм. Чәчәк белән җиләк тулы Тырлау аланы безне, карендәшләрне инде 19-нчы тапкыр сагынып, көтеп алды. Шушы дәвердә Питрау керәшеннәрнең визит картасына әверелде. Татарстанда гына түгел, Русия буена танылу алды. Борынгы бәйрәмнәр, гореф-гадәтләр, йолалар керәшеннәрдә күп. Алар бик тә үзенчәлекле, халкыбыз әле бай мирасны югалтмый, буыннан буынга тапшырып килә. Бүген дә матур Тырлау аланында ата-бабадан килгән, бәясе булмаган рухи байлыкларыбызны күрә аласыз. Җәй быел матур килде дип әйтик, чәчүне дә вакытында тәмамладык дип әйтик, печәннәр дә вакытында өлгерде, күкләребез аяз, терлекләребез тук, табыннарыбыз мул булсын”, дип башлады үз чыгышын Егоров.

Иван Егоров үз чыгышында бәйрәмгә, Татарстаннан тыш, Башкортстан һәм Чиләбе өлкәсе керәшеннәренең килүен әйтеп китте. Соңгылары үзләрен ногайбәкләр дип атыйлар.

“Чишмәлек” фольклор төркеме солисты Зоя Утешевага 68 яшь. “Безнең балалар барысы да беләләр телне. Керәшен телләребезне дә беләләр, обыйчайларыбызны да. Уважительно относиться итәләр. Өйдә дә шулай өйрәтәбез инде. Инәйләр укыган мәктәптә, но татар телендә. Без малочисленные населениегә относимся. Кирәкме туган телдә укыту? Безнең өчен барыбер, но безнең үз денебезне ташлыйсыбыз килмибез, шуңа тырышып ятабыз.

Зоя түтәй яшләребез туган телне белә дисә дә, “Керәшен чибәре” бәйгесендә катнашучы чиләбе кызы, 20 яшьлек Вероника Барышникова “мин яхшы аңлыйм, әмма җөмләләрне дөрес төзи алмыйм”, дип урысчага күчәргә мәҗбүр булды. “Бездә мәктәптә урыс телендә генә укыталар, минем бабай ике ел татар сыйныфында укыган. Яшьләрнең күпчелеге туган телне аңлый, сөйләшүчеләр аз, биштән бере генә диярлек. Араларында үзен ногайбәк түгел, урыс дип йөртүчеләр дә җитәрлек. Мин үземнең балалар туса, аларны ногайбәк теленә өйрәтер идем. Тик моның өчен бу сыйфатларга ия булучы ирне табу кирәк. Андыйлар бик аз”.

Кызлар “Иң яхшы җырлаучы”, “Иң яхшы биюче”, “Иң сөйкемлесе”, “Йолаларны яхшы белүче”, “Иң оста чигүче”, “Халыкчан костюм иясе”, Иң җор телле”, “Этник костюм белгече”, “Иң оста пешерүче” һәм “On-line чибәре” номинацияләрендә көч сынашты. 12 кыз арасында беренче урынга һәм 50 мең сумлык бүләккә Мамадыш кызы, 18 яшьлек Алиса Исакова ия булды.

Питрау-2018 җыенының абсолют батыры исеменә хәзер Биектауда яшәүче Теләче егете Раил Нургалиев иреште.

Бәйрәм барышында халык төрле уеннарда катнашты, татар эстрадасы йолдызлары Ришат Төхфәтуллин, Венера Ганиева, Георгий Ибушев кебек җырчылар белән хозурланды, төрле бәйгеләрдә катнашты.

“Питрау-2018” керәшен мәдәнияте республика фестивале төнге сәгать бердә генә бәйрәм салюты белән тәмамланды.

(Мәгълүмат ят агент булган Азатлык радиосыннын алынды)

Запись Питрауда кылыч, капчык күтәреп “сугышалар” [видео] впервые появилась Tatar Today - татар яңалыклары..

Машина Мамадышның Азино үзәк урамында тукталган була. Бу хәлдән соң, машина хуҗасы полициягә мөрәҗәгать итә.

Әйтеп үтәргә кирәк, мондый вазгыять үткән ялларда Казанда да булган. Республика башкаласында яшәүченең машинасының арткы тәрәзәсен йорт түбәсеннән төшкән кар өеме ватып кергән.

Запись Сакланыгыз, Казанның торак йортлар түбәсеннән кар ишелеп төшә башлады! впервые появилась Tatar Today - татар яңалыклары..

View this post on Instagram

A post shared by 🟡 Татар Малай 🟡 (@tatar__malay)

“Авыл клубына 14 яшьтә чыга башладым. Бүгенге көндә дә клубта яшьләр булганга мин бик шат. Киләчәктә безнең авыл клубы Мамадыш районы авыллары арасында дискәтүкләр үзәге булыр дип ышаным! Аның өчен безгә яңа зур клуб кирәк”, ди ул үзе дә яңа клуб турында искә алып.

Запись Танылган блогер “Татар малае” аша Чәбия авылы халкы клуб сорый [видео] впервые появилась Tatar Today - татар яңалыклары..

Узган атнада Рәмис гадәттәгечә, машинасына утырып, эшкә дип чыгып киткән. Машинаның тәрәзәләре ачык булган. Кинәт, егет аркасыннан нәрсәдер тешләгәнен сизеп алган. Салонда бөҗәкләр күренмәгән, тешләүченең кем икәнен дә Рәмис ачыкларга ашыкмаган.

Бераздан, егетнең тыны кысыла башлаган, күз күреме дә начарланган, тавышы да беткән. Бәхеткә каршы, Рәмис дустына шалтыратып элгергән. Иптәше тиз арада Рәмис туктаган җиргә килеп җиткән һәм аны хастаханәгә алып барган. Егет берничә көн табиблар карамагында калган. Хәзер Рәмис инде өйдә, эшкә дә чыккан.

Район хастаханәсенең терапевт бүлегендә эшләүче табибларның сүзләренчә, Рәмисне нинди корт чакканын хәзер инде билгеләп булмый, чөнки мондый симптомнар бик сирәк күзәтелә. Бал кортының булуы да мөмкин. Гомумән, быел Татарстанда, шул исәптән Мамадышта да, бал кортларыннан зыян күрүчеләр бик күп.

Мәгълүмат mamadysh-rt.ru сайтыннан алынды

Запись Билгесез бөҗәк тешләгәннән соң, Мамадыш егетенең тавышы бетеп, күзләре күрми башлаган впервые появилась Tatar Today - татар яңалыклары..

8 августта Татарстан Президенты Рөстәм Миңнеханов эш сәфәре белән Мамадыш муниципаль районында була. Анда ул Түбән Ушмы авылында капиталь төзекләндерелгән мәдәният йортын ачу тантанасында катнаша.

Рөстәм Миңнехановның һәр эш сәфәре минутлап планнаштырыла. Ләкин Мамадышта президентны сюрпризлар да көтеп торган икән. Шулай, бар да программа буенча барганда, кинәт республика башлыгы каршына бер төркем хатын-кызлар килеп  чыга һәм фото төшәргә сорый. Рөстәм Миңнеханов каршы килми һәм эшеннән беразга бүленергә риза була.

Менә шулай итеп, Мамадыш кызлары президент килүенә алдан әзерләнеп, аның белән истәлеккә фотога  төшә.

Мәгъүмат mamadysh-rt.ru сайтыннан алынды

Запись Рөстәм Миңнехановка бер төркем кызлар ябырыла [фото] впервые появилась Tatar Today - татар яңалыклары..

Зәһәр елан (аны кара елан дип тә йөртәләр,) әлеге ир-егеткә эш урынында һөҗүм иткән.  Ул көнне Валентин, гадәттәгечә, кырга эшкә киткән, комбайн руле артына утырып эшләгән, беркадәр вакыттан техниканы карарга дип чыккан. Шулай туры килгән ки, механизатор егет туктаган урында елан да тукталган. “Аякка, әйтерсең, кадак кададылар!”, дип сурәтли авыртуларын мамадыш егете. Авыртуның сәбәбе елан чакканнан булуын ул яланаяк калгач кына белгән: аякта 2 кечкенә яра булган. Аягы шунда ук тоймый башлаган, шулай да, Валентин хезмәттәшләре янына техникасында барып җитә алган. Соңгылары шунда ук табиблар чакырткан. Әлеге язма героеның бүген дә аягы авырта икән. Табиблар аңа йөрергә кушмый.

Терапия бүлеге мөдире Владимир Шәнгәрәев билгеләп үткәнчә, пациентка да, якыннарына да алай бик борчылырлык сәбәп юк. Шеш акрынлап кимергә тиеш. Табиблар еланнан каза күргән ир-егетнең савыгуын уңай фаразлыйлар, дип яза районның “Нократ” газетасы.

Татар-информ

Запись “Аякка, әйтерсең, кадак кададылар!”, ди зәһәр елан тешләгән комбайнчы [фото] впервые появилась Tatar Today - татар яңалыклары..

 “Фото 1 августта кичке сәгатьләрдә төшерелде. Без Кукмара ягыннан Мамадышка таба бара идек. Әлеге билгесез тапны күргәч, без туктарга уйладык һәм, машинадан төшеп, фото ясадык. Төшерелгән әйбернең нәрсә икәнен тәгаен әйтә алмыйм. Хәзерге вакытта барысы да булырга мөмкин, бәлки НЛОдыр”, дип сөйли фото авторы Эльвира Ханнанова.

Күктәге әлеге сәер әйберне тагын ике кеше күргән, ул 10 минут дәвамында урыннан кузгалмыйча торган аннары юкка чыккан.

Фотодагы билгесез тап, чыннан да, оча торган тәлинкәгә охшаш. Әмма аның НЛО булуына ошану, ошанмауны һәр кеше  үзе хәл итә.

Мәгъүмат, фотолар mamadysh-rt.ru сайтыннан алынды

Запись Мамадышта НЛО күргәннәр [фото] впервые появилась Tatar Today - татар яңалыклары..

 Татарстан егетләре үзләренең романтик булулары белән аерылып тора. Күптән түгел Казан егете йөргән кызына 100 машина ярдәмендә тәкъдим ясаган иде. МЧС хезмәткәре, Мамадыш егете – Марат Гасимов та сөйгәненә сюрприз ясарга булган.

Яшь пар шәһәрнең су буенда концерт карарга килгән булган. Кинәт Марат сәхнәгә менеп, яраткан кызы – Алинәгә мәхәббәтен аңлаткан һәм 101 роза чәчкәсе бүләк итеп, кияүгә чыгарга тәкъдим ясаган. Алинә, әлбәттә, “Әйе!” дип җавап биргән.

Яшьләр 10 ай очрашып йөргәннәр, ә туй көнен киләсе елга билгеләгәннәр.

Мәгълүмат, фото  Мамадыш-рт.ру сайтыннан алынды

Запись Мамадыш егет концерт вакытында сөйгәненә тәкъдим ясаган [фото] впервые появилась Tatar Today - татар яңалыклары..