Архивы машина йөртү - Tatar Today - татар яңалыклары.

Уенчык машинада исерек килеш…

irina — Thu, 20 Jun 2019 05:33:40 +0000

Дөньяда нинди генә хәлләр булмый, кызык та, кызганыч та хәл АКШның Көньяк Каролина шәһәрендә була. Монда яшәүчеләр юлда сәер хәлгә тап булалар һәм кичекмәстән полиция хезмәткәрләренә хәбәр итәләр.

Тиешле урынга килеп җиткән тәртип сакчылары да аптырап кала: ни көләргә, ни еларга белмиләр, дигәндәй. Чөнки алар 25 яшьлек Механ Холманның уенчык машинада юлдан китеп баруын күрә. Ачыклануынча, кыз исерек була. Әмма уенчык машина транспорт чарасы дип саналмаганлыктан, бу очракта штраф каралмаган. Әмма шулай да кызны штрафка тарттыралар – җәмәгатьчелек урынында исерек килеш йөргәне өчен.

Фото: belkanews

Чыганак: Belkanews

Запись Уенчык машинада исерек килеш… впервые появилась Tatar Today - татар яңалыклары..

16 яше тулган яшүсмерләргә машина йөртергә ярыячакмы?

Редактор1 editor1 — Mon, 28 Nov 2016 16:01:59 +0000

Бүген Татарстан Дәүләт Советының 23 утырышында республика парламенты вәкилләре “Россия Федерациясенең аерым закон актларына 16 яшькә җиткән затларга “В” категориясендәге транспорт чаралары белән идарә итү хокукын бирү өлешенә үзгәрешләр кертү турында” 1169791-6 нчы номерлы федераль закон проектын (“яшүсмерләрнең машина йөртү хокуклары” турында) кире какты.

Парламентның законлылык һәм хокук тәртибе рәисе Шакир Яһудин билгеләп үткәнчә, закон проектына карата Татарстан буенча ЮХИДИ идарәсеннән, республиканың Юстиция министрлыгыннан тискәре бәя бирелгән. “Автомобиль – зур куркыныч тудыручы чыганак. Транспорт чаралары белән гражданнар 18 яше тулгач кына идарә итә ала. 16 яшьтән алып 18 яшькә кадәр яшүсмерләргә йөртергә хокук бирү, янәшәләрендә транспорт йөртергә хокуклы кешеләр булган очракта да, юл йөрү куркынычсызлыгы кагыйдәләренә туры килми”, – диде Шакир Яһудин. Аның тәкъдимен депутатлар хуплады.

Татар-информ

Запись 16 яше тулган яшүсмерләргә машина йөртергә ярыячакмы? впервые появилась Tatar Today - татар яңалыклары..

Машина йөртү таныклыгын алу кагыйдәләре тагын да катлауланды

Редактор1 editor1 — Fri, 02 Sep 2016 05:37:11 +0000

1 нче сентябрьдән автомобиль йөртү таныклыгына имтиханнар тапшыруда яңа кагыйдәләр гамәлгә кертелде.

Хәзер имтиханның теоретик өлешендә һәр хата өчен тагын өстәмә 5 сорауга җавап бирергә туры киләчәк. Моңарчы 20 сорауның, ким дигәндә, 18енә җавап бирергә кирәк иде. Ике хата бер үк сораулар блогыннан булырга тиеш түгел. Өстәмә сорауларга ялгыш җавап кичерелми. Шулай итеп, 2 хата китә икән, барлыгы 30 сорауга җавап бирергә кирәк булачак дигән сүз.

Машина йөртү мәйданында элеккечә 3 түгел, ә 5 күнегү эшләп күрсәтергә кирәк булачак. Инспектор элек имтихан бирүче янәшәсендә машина эчендә утырган булса, хәзер күнегү эшләнүен читтән күзәтәчәк. Шәһәргә чыгып йөртү имтиханы 5 балл буенча бәяләнә.

Имтиханны механик, шулай ук автомат тизлекне алмаштыру тартмасымы булган автомобильләрдә тапшырырга ярый. Әмма бер шарты бар: әгәр йөртүченең таныклыгы һәм стажы бар икән, ә имтиханны, мәсәлән, автомат системалы машинада тапшырса, аңа “механика” системалы машина руле артына утыру тыела. Моның өчен ул башта сынау тапшырырга тиеш.

tatar-inform.ru

Фото: moto.msk.ru

Запись Машина йөртү таныклыгын алу кагыйдәләре тагын да катлауланды впервые появилась Tatar Today - татар яңалыклары..