“Якын дустымның туган көне” дип бу хакта психолог һәм блогер Вероника Крутильникова язган. Инказан бу “якын дусның” Камилә Шәймиева булуын яза.

Камилә туган көнендә бик үзенчәлекле күлмәк кигән.

Камилә Шәймиеваның 38 яшьлеге Мәскәү үзәгендә – “храм Христа Спасителя” янындагы зур йортта билгеләп үтелгән. Туган көндә 16 кеше (Камиләнең һәм аның әнисен исәпкә алып) генә булган – алар барысы да хатын-кызлар.

«Дустымның әнисенә тост әйтүне сорагач, ул: “Минем кызымның бабасыннан кешеләргә хөрмәтне мирас итеп алуы белән горурланам. Гомумән алганда, бар кешеләргә дә”, – дип яза блогер.

Алга таба психолог ханым хөрмәт итүнең нәрсә икәнен психологларча аңлатып яза: “Хөрмәт итү ул кешегә хәбәр итү өчен төрле инструмент һәм символларны куллану: “Мин сине күрәм, сине кабул итәм. Без бер-беребездән аерылсак та, элемтәбез көчле”.

Минтимер Шәймиевнең 3 оныгы бар. 1989 елгы Тимур, 1997 елгы Ләйлә. Камилә Шәймиева – 1987 елда туган. Камилә – Радик Шәймиев кызы. Казан финанс институтына укырга керә, анда бер ел укыгач, МГИМОга күченә. Аннары миллиардер Владимир Евтушенковның “Система” оешмасына эшкә керә. Бизнес-аналитик булып башлый, 5 ел эчендә инвестицион директорга кадәр үсә.

2013 елда ТАИФНың 2 процент акциясе бирелә. 2015 елда 27 яшьлек Камилә “Форбс” журналы фаразы буенча, Россиянең 50 бай иң бай хатын-кызы исемлегенә керә. Ул – 190 миллион доллар белән исемлектә 9 урында була. Әмма бер елдан соң ул акцияләр башка кешегә тапшырыла.

Камилә Шәймиева 3 елдан соң “Реальное время”га интервьюсында исемлеккә кабул итүенә мөнәсәбәтен сөйли.

“Мин рейтингка эләккәч, еладым. Чөнки бу үз көче белән ирешкәннәргә карата гаделсезлек булып тоелды. Мине директорлар советына гаиләдә киңәшеп керттеләр. Мин туганнарыма моның өчен рәхмәтле: мин бизнес-процессларны аңладым, алар миңа кызык. Әмма миңа карата матбугатта һөҗүмнәрне авыр кабул итүемне күреп, алар киләсе елда минем акционер булуымның кирәге юк дигән карарга килде”.

Камиләнең бижутерия сата торган онлайн кибете бар (Exclaim), табибларны өйгә чакыра торган кушымтасы – Doc+. Ул “акчаны кадерләргә өйрәткән” өчен бабайсына рәхмәтле булуны әйткән иде. “Без һәр тиен кадерле, һәр сумны эшләп алырга кирәк икәнен белә идек. Җәен без бакчада колорадо кортларын җыйдык. Һәрберсе өчен бабай 10 тиен бирә иде. Ул жукларны санамый иде, безгә ышана иде. Мин ул акчаны эшләгәнгә сөенгәнемне хәтерлим”, – дип сөйли Камилә бер интеврьюсында.

Камиләнең гаилә хәле турында интернетта мәгълүмат юк диярлек. Әнисе – Наилә Шәймиева Республика стоматология поликлиникасының баш табибы.

“Реальное время” 2018 елда язуынча, Камилә Шәймиеваның ире – инвестицион банкир Дмитрий. Алар бизнесменнар җыела торган иртәнге ашта, “Кафемания” ресторанында танышкан. 3 ай очрашып йөргәч, аларны кыз гаиләсе белән таныштыра. “Мин һәрвакыт егетләрне гаилә белән таныштыра идем, – дигән Камилә. – Кем беләндер мөнәсәбәт башлануга, таныштырдым, чөнки ничек кабул итүләре мөһим иде. Минемчә, минем ирем бу тестны узды”. Туй “Подмосковные вечера” ресторанында узган, “ширбәт ае” – Көньяк Полюста. 2016 елда улы туган. Ул вакытта Лондонда яшәгән, баласының Россиядә тууын теләгән, шуңа да баласы туганда Мәскәүдә була.

Туган көннән видеомизгелләр:

ТАТАР ТУДЕЙ ТЕЛЕГРАМ КАНАЛЫ – https://t.me/tatartoday

Запись Шәймиевнең оныгы Камиләнең туган көне ничек узган? впервые появилась Tatar Today - татар яңалыклары..

Мәгълүмат Тatler.ru

Запись Татарстанның I-нче президенты оныгы Камилә Шәймиева иң бай хатын-кызлар исемлегенә ничек эләккән? Рус ире кем? впервые появилась Tatar Today - татар яңалыклары..

14 июнь Татарстанның Дәүләт Киңәшчесе Миңтимер Шәймиев  баянга “Алмагачлар”ын җырлап күрсәткән.

PghCrepesны нигеләүче, баянчы Илмир үзенең инстаграм битендә Миңтимер Шәймиев белән видео керткән. Бу видеода Илмир баянда уйный, ә Минтимер Шәймиев җырлый. “Тиздән Америкада гастрольләр белән” дип, шаяртып та куйган ул.

https://www.instagram.com/p/Byr7jzIIqQm/

Мәгълүмат баянчы Илмир Инстаграм битеннән

Запись Миңтимер Шәймиев җырлый [видео] впервые появилась Tatar Today - татар яңалыклары..

“Мин бит биш елга иртәрәк китәргә теләдем. Хакимият алмашты, без Борис Ельцин белән яхшы эшләдек. Кешелек факторлары үз ролен уйнады. Үз алдыңда, гаилә каршында бурыч бар бит. Сезгә вазифада тоткарлануым турында сөйлисем килә”, — диде ул.

Минтимер Шәймиев сүзләренчә, 2005 елда аны соңгы тапкыр Президент срогына барырга Россия Президенты Владимир Путин үгетләгән. “Әйдә, эшлә. Мин Татарстан өчен тыныч булырмын”, – дигән Путин. “Соңгы вакытта кагыйдәләр дә үзгәрде инде, Россия Президенты тәкъдиме буенча беренче җитәкчеләр җирле парламентларга расланды”, – ди Минтимер Шәймиев.

“2005 елда без сөйләштек, бердәм фикергә килдек. Путин: “Журналистларга минем үтенеч буенча калуыгыз, шуңа күрә эшне дәвам итәргә ризалашуыгыз турында турыдан әйтегез”, – диде. Әлбәттә, мин моннан файдаланмадым һәм берни дә әйтмәдем. Ризалык биргәнсең икән, кем булырга тиешсең, ахыргача шул булып каласың инде”, – дип сөйләде Минтимер Шәймиев.

“Минем өчен китү көтелмәгән хәл булмады”, – диде Минтимер Шәймиев. Шулай ук югалту һәм җиңелү хисе булмады, чөнки андый әйберләр булмады, диде ул. “Үзгәртеп кору елларында бездә омтылышлар һәм үрләр югары булды. Элеккеге СССР киңлекләре фонында, башка төбәкләрдән аермалы буларак, нидер эшли алдык. Авыр булды, әмма күпне эшләдек”, – дип нәтиҗә ясады Минтимер Шәймиев.

Татарстан Дәүләт Киңәшчесе һәм республиканың беренче Президенты белән әңгәмәне тулысынча “События” порталында укыгыз.

Запись Минтимер Шәймиев Путинның үзен нәрсәгә үгетләвен әйтә [видео] впервые появилась Tatar Today - татар яңалыклары..

“Шәймиев миңа ике тапкыр тәкъдим итте: „Өченчесенең булмавын беләсең бит…“ диде. 50 еллык юбилеемда Минтимер Шәриповичка вазифадан баш тартканын кабул иткәне өчен рәхмәт әйттем. Әгәр 2000 елда тәкъдимегезне кабул итсәм, хәзер сезнең алда элеккеге мәдәният министры Фәтхетдинов Салават Зәки улы булыр иде, чөнки бу эштә озак вакытка түзеп булмый“, – ди ул.

Шулай ук җырчы депутат булырга теләмәвен дә аңлаткан: “Беркайчан да тәкъдим итмәделәр, ә нигә мин үземне көчләп тагарга тиеш? Минем андый гадәтем юк. Минем үз эшем бар. Мин беркайчан да исемемне дә, фатирымны да сорамадым, мин үзем белгәнне эшлим”, – дип белдергән җырчы.

Фото: Татар тудей

Запись Салават Фәтхетдиновка министр булырга тәкъдим иткәннәр впервые появилась Tatar Today - татар яңалыклары..

Рөстәм Миңнеханов – видеоның төп герое, Ул Татарстан Дәүләт Киңәшчесе Минтимер Шәймиевкә үзмәшгульләр программасының уңай якларын аңлата.

Сәясәтчеләр арасындагы сөйләшү Минтимер Шәймиевнең Болгарга күченеп китәргә теләве турындагы хәбәреннән  башлана. «Үзмәшгуль, инде», дип шәрехли Рөстәм Миңнеханов.

Видеоның кызыклы мизгелләрен үзегез карап алыгыз:

”

Фото: Коммерсант

Запись “Рөстәм Миңнехановның телефоны Минтимер Шәймиевне тормышка өйрәтә” [видео] впервые появилась Tatar Today - татар яңалыклары..

20 гыйнвар Татарстанның беренче президенты Минтимер Шәймиевкә 82 яшь тулган көнне шагыйрә, автор-башкаручы, мөгаллимә Гөлнур Айзат үзенең Минтимер агага бәйле истәлекләре белән уртаклаша һәм аңа багышлап шигырь яза.

Авылдан Буага күченеп яшәгән вакыт. Ирем район администрациясендә эшләгән чак. Бик ашыгып, кабаланып кайтып керде дә:

– Бүген Минтимер Шәрипович килә. Аны каршыларга барам, кырларны күрсәтәбез, тамакны да шунда гына ялгарбыздыр. Ул елга балыгы ярата икән, тагын беләсеңме ни ярата?

– Юк, әйтә алмыйм, Азат.

– Кыстыбый! Мин дә яратам ич кыстыбыйны!

– Аңа азыкны пешереп торучылар күптер инде, танылган аш-су осталары пешерәдер?!

– Менә белмәдең шул, хатыны, Сәкинә апа пешерә икән!

– Кит әле! Булмас!

– Дөрес, Сәкинә апа тиз дә, тәмле дә пешерә икән! Менә сиңа заказ: ярты сәгатьтә кыстыбый өлгертә алырсыңмы?

– Ник мин пешергән кыстыбый белән сыйларга җыенасызмы әллә Минтимер Шәриповичны?

Ирем күлмәген тиз генә алыштырып, баскан килеш кенә чәен эчеп куйды да, сары мыегын бармагы белән сыйпап, серле елмаеп, чыгып та китте.

Ни уйларга да белмим, тиз-тиз эшкә керештем. Үзем кухня стенасындагы сәгатьнең ашыгып чабучы телен туктатырга теләп, ”күзләрем белән ашыйм”. Тиз-тиз бәрәңгене әрчеп, кәстрүлгә салдым да, камыр ясап, җәймәләр ясарга керештем. Үзем җәймәләрне җәя барам, пешерә барам, суынмаска, тастымал белән төреп, тактага тезә барам.

Вакыт 25 минут узды. Күз алдыма матур бөдрә чәчләреннән тир тамчылары агызып кыстыбый ясаучы Сәкинә апа йөгереп уза. Ул елмаеп минем кош теле кисә торган пычакка карап тора сыман: ”Әйдә, булдырасың, өлгерәсең, акыллым!”-ди кебек. Үзем вакыт-вакыт ишекне күзәтәм, Азат кыстыбый сорап кайтыр кебек. Сәгать теле 50 минут йөгереп арыгач, минем кыстыбыйларым әзер булып, өстәлне балкытып утыра. Алай-болай Минтимер абыйга алып китсәләр, ярарлыкмы икән дип берсен ашап та карыйм. Тәмле килеп чыккан!

Ул вакыйгага 16 ел вакыт узган икән инде. Әмма кыстыбый пешерә башладым исә, Минтимер ага белән Сәкинә апа кылт итеп күз алдыма килеп баса. Бүген Минтимер аганың туган көне! Сезне гаиләбез исеменнән туган көнегез белән ихлас котлыйбыз. Исәнлек, балаларыгыз һәм ватандашларыбызның олы хөрмәтен тоеп яшәгез!

Туган көнегез белән, Минтимер ага!
Болгарымның чал тарихы
Кабат яши, кабат тере!
Хәтерләрне кузгатырга
Татарның бар Минтимере!

Татарстан төп законы
Законнарның иң зур, бере!
Аңа нигез салды зирәк
Татарымның Минтимере!

Хөр Ватанда милләтебез
Белсен диеп ни килерен,
Юл күрсәтеп алдан барды
Акбабае-Минтимере!

Татарстан чәчәк ата
Дуслыктадыр аның сере!
Милләтләрнең үз кешесе-
Татарымның Минтимере!

https://www.instagram.com/aizetullova9914/

Запись Шагыйрә, җырлар авторы Гөлнур Айзат Минтимер Шәймиевка кыстыбый пешергән [истәлек] впервые появилась Tatar Today - татар яңалыклары..

Татар эстрада артистлары да республиканың беренче президентын котламыйча калмады. Җырчылар, алып баручылар инстаграм битләрендә Минтимер Шәймиев белән төшкән фотоларын урнаштырып, изге теләкләрен җиткерде:

С юбилеем Минтимер Шарипович!!! Трудно переоценить Ваш вклад в историю нашего народа! Туган конегез белэн! #МинтимерШаймиев #ЭльмирНизамов #Возрождение #Татарстан

Фото опубликовано Elmir Nizamov (@elmirnizamov) Янв 19 2017 в 10:06 PST

Туган көнегез белән, Минтимер Шарипович! Саулык-сәламәтлек, җан тынычлыгын, гаилә бәхетен телим! Һәр көнегеәз шатлыклы булсын! Сезгә мең рәхмәт! С днём рождения, уважаемый Минтимер Шарипович! #эльмиракалимуллина #кудряш #нашпервыйпрезидентрт #шаймиев #юбилейшаймиева #минтимершаймиев

Фото опубликовано Еlmira Kalimullina (@elmiramatur) Янв 19 2017 в 11:45 PST

Хормэтле кешебез,бабаебыз,олы жанлы,кешелекле мохтэрэм Минтимер Шариповичны олуг юбилее белэн ихлас кунелдэн котлыйбыз!!!Зирэк акыллы сэясэтче,татарны татар иткэн боек шэхесебез!Гомерле булыгыз,сэлэмэт булыгыз!Сез Безгэ бик кирэк!!!#первыйпрезиденттатарстана #сюбилеем #безбулдырабыз

Фото опубликовано Фарида (@alsufarida) Янв 19 2017 в 11:46 PST

Бүген бөек ШӘХЕСНЕҢ олуг юбилее! Минтимер Шәрип улы, Сезне зур бәйрәмегез белән ихластан тәбриклибез! Сау-сәламәт, корычтай нык булып, алга таба да яхшы гамәлләрегез белән сөендереп яшәгез! Сез – безне тарихта эзле иткән милләтебезнең алтын баганасы! Юбилеегыз мөбарәк булсын! #шаймиев #артурмарат #минтимершаймиев #дуэтартурмарат #артурмаратдуэты #артурмингазов #маратгалимов #казань #татарстан #татарлар

Фото опубликовано Артур Мингазов и Марат Галимов (@marat_artur) Янв 20 2017 в 12:01 PST

Туган көнегез белән,Минтимер Шәрипович! Сезнең белән бергә #безбулдырабыз !

Фото опубликовано Saffarka (@saffarka) Янв 19 2017 в 11:30 PST

Запись Эстрада артистлары Миңтимер Шәймиевны туган көне белән котлый [фото] впервые появилась Tatar Today - татар яңалыклары..

– Эмиль, беренче пародияләреңне хәтерлисеңме?

– Мәктәп елларында ук укытучыларыма, күршеләргә, авылдашларга, аннан соң театр училищесында укыганда пародия күрсәтә идем. Театрда эшли башлагач, пародияләрне профессионал рәвештә ясый башладым. Башта театрда эшләүче кызларны төрле артистлар, ә соңрак Минтимер Шәймиев булып 8 март һәм башка бәйрәмнәр белән котлый идем. Минтимер Шәймиев пародиясе белән ТР Дәүләт Советында һәм Салават Фәтхетдиновның 50 яшьлек юбилеенда чыгыш ясарга туры килде.

– Үзенә ясалган пародияне күргәч, Минтимер Шәрипович нинди фикер белдерде?

– Кул чабып, көлеп утырды. Аңа ошады. Аннан соң Салават Фәтхетдиновны котларга үзе дә чыкты. “Бу Эмильдән әллә ниләр ишетерсең әле! Талант!…” – диде.

– Рөстәм Миңнехановка беренче пародияңне кайчан сөйли башладың?

– Беренче тапкыр пародия Камал театры сәхнәсендә куелган “Мәхәббәт FM” спектаклендә яңгырады. Аннан соң күренекле шәхесләрне, дусларымны Президент булып котлый башладым. Рөстәм Миңнехановның фикерен ишеткәнем юк… Ләкин пародияләр геройларыма ошамый икән, мин бу шөгылемнән туктаячакмын. Беркемне дә үпкәләтергә теләмим. Шуны да әйтергә кирәк: пародия белән күптән мавыксам да, шушы көннәрдә генә моңа игътибар артты. Бик күп журналистлар шалтырата. Мин, гомумән, үземә карата андый зур игътибарны өнәмим…

– Тагын нинди шәхесләргә пародия ясарга телисең?

– Ул турыда уйлаганым юк. Пародия – төп шөгылем түгел, мавыгу гына. Ул үзеннән-үзе барлыкка килә. Пародияне теләсә кемгә ясап булмый, үзенчәлекле, үз йөзе булган шәхесләргә генә ясала ул.

Интертат.ру

Запись Шәймиев Эмиль Талиповтан кычкырып көлгән, ә Рөстәм Миңнеханов аңа үпкәләмәгәе… впервые появилась Tatar Today - татар яңалыклары..

Туй мәҗлесе Боровое Матюшино бистәсенең иң затлы рестораннарның берсендә узды.

27 яшьлек Тимур  – Айрат Шәймиевның улы. Тимур Казанның 39нчы мәктәбен һәм Британиянең эшмәкәрлек көллиятен тәмамлаган. Хәзерге вакытта ААҖ «Дружбанефть» оешмасының җитәкчесе.

Тимурның тормыш иптәше – Түбән Кама шәһәреннән Регина исемле кыз. Яшьләрне туй мәҗлесендә Минтимер Шәймиев үзе дә булган.

Туйны  Михаил Галустян белән Екатерина Скулкина алып барган.

Боровое Матюшина бистәсендә яшәүчеләр, туйга килә алмасалар да, бик матур салют күзәтә алган. Утлы тамашаны күрүчеләр, аны җиңү бәйрәмендә була торган салюттан да ким булмавын әйтә.

Мәгълүмат, фото Вечерняя Казань сайтыннан алынды.

Запись Шәймиевның оныгы Казан артында гөрләтеп туй уздыра [фото] впервые появилась Tatar Today - татар яңалыклары..