Кичә 11 ноябрь 112 бердәм номерына 15 яшьлек үсмернең күлдә боз астына төшеп китүе турында хәбәр килгән. Урынга 122нче янгын-коткару часте хезмәткәрләре, полицейскийлар һәм табиблар юлга чыккан.

Үсмерне күл буенда табып алганар. Ул яр буена үзе чыгуы хакында әйткән. Фельдшер аңа беренче ярдәм күрсәткән. Үсмер хастаханәгә барудан баш тарткан.

Аның сүзләренчә, ул дуслары белән яр буенда йөргән һәм бозга керергә уйлаган. 60 метрлап барганнан соң, ул боз астына төшеп киткән. Дуслары тизрәк качу ягын караган. Коткаручыларга әлеге хәлне үз күзләре белән күргән өлкәннәр ярдәм сорап мөрәҗәгать иткән. Бу урында бозның калынлыгы өч сантиметрдан да артык булмаган.

Калынлыгы җиде сантиметрдан да кимрәк булган бозга кергән өчен, 1,5-2 мең сум штраф каралган.

«Әлеге уңайдан әти-әниләргә балаларыгызны караучысыз калдырмагыз дип әйтәсем килә. Аларның сулыклар һәм башка куркыныч объектлар тирәсендә буталып йөрүләренә юл куймаска кирәк», – дип кисәтте ТР кече суднолар буенча баш дәүләт инспекторы Юрий Венедиктов.

Чыганак: Татар-информ
Фото: ГУ МЧС России по РТ

Запись Минзәләдә 15 яшьлек үсмер боз астына төшеп китә впервые появилась Tatar Today - татар яңалыклары..

Запись Минзәләдәге фаҗигане видеога төшерәләр впервые появилась Tatar Today - татар яңалыклары..

Олега Щелкановның «АвтоДвигатель» фимасында эшләве билгеле. Рушан Сибгатуллин исә «КАН-Авто» компаниясе вице-президенты Айрат Сибгатуллинның абыйсы булуы ачыкланган. һәркайсы моңарчы 600әр тапкыр парашют белән сикергән тәҗрибәле спортчы булган.

Җиде спортсмен дүрт мең метр биеклектән “ирекле төшү” алымын кулланып сикерә. Бу вакытта бер спортчы икенчесенең ачылган парашютына килеп керә. Бәрелешү нәтиҗәсендә, икесе дә аңнарын югалтып, запас парашютта төшкән. Егетләрнең берсе “Ашыгыч ярдәм” машинасында, икенчесе хастаханәдә реанимация бүлегендә вафат була.

Запись Парашют белән сикереп һәлак булган егетләрнең исемнәре әйтелде [фото] впервые появилась Tatar Today - татар яңалыклары..

“Бүген ул труппа белән танышып, уй-фикерләрен сөйләде. Иртәгә репетицияләр башлана”, – диде “Татар-информ” хәбәрчесенә театрның баш режиссеры Дамир Сәмерханов.

Сергей Потапов бер ай дәвамында Минзәләдә булачак. Премьера 15 октябрьгә тәгаенләнгән.

“Сергей Потапов – уникаль кеше, югары профессионал. Сүзендә тора торган кеше икән. Лондонга спектакль куярга чакырулы булса да, сүзендә торды – андагы куелышны кичектереп торып, Минзәләгә килде, – ди Дамир Сәмерханов. – Мин ул килгәнче артистларны әзерләп торырга тырыштым. Сергейга ярдәм итү өчен бөтен көчне куячакбыз”.

Искәртеп үтәбез: Минзәлә татар дәүләт драма театры “Россиянең кече шәһәрләре театрлары” федераль программасы нигезендә бөек әзәрбәйҗан шагыйре Хөсәен Җәвиднең “Иблис” трагедиясен куя башлады. Шигъри тел белән язылган пьесаны Г.Тукай исемендәге дәүләт премиясе лауреаты Ркаил Зәйдулла тәрҗемә иткән.

Мәгълүмат өчен: “Кече шәһәр театрлары” проекты кысаларында федераль бюджеттан Татарстанның алты дәүләт театрына 24 миллион сум акча бүлеп бирелде. Проект “Бердәм Россия” партиясе инициативасы буенча тормышка ашырыла. Кече шәһәрләр исәбенә халкы 300 меңнән кимрәк булган шәһәрләр керә. Исемлеккә Әлмәт, Түбән Кама, Минзәлә, Әтнә, Буа һәм Бөгелмә дәүләт театрлары һәм муниципаль театрлардан Яшел Үзән музыкаль театры һәм Түбән Кама шәһәре Яшь тамашачы театры кергән. Акчалар бөтен дәүләт театрларына да бертигез күләмдә биреләчәк. Акчалар спектакль чыгару өчен тәгаенләнә, төрле җиһазлар ниндидер куелыш өчен махсус кирәк булса гына алынырга мөмкин.

 Рузилә Мөхәммәтова

Запись Ни өчен дөньякүләм танылган театр режиссеры Сергей Потапов Лондонны Минзәләгә алыштырган? впервые появилась Tatar Today - татар яңалыклары..

Авыл хуҗалыгы министры урынбасары сүзләренчә, Татарстан игенчеләре бөртекле культураларны 30 августка, республика көненә җыеп бетерергә җыена. Әлеге эштә хатын-кызлар да катнаша икән. Мисал өчен, Минзәлә районының “Чулман” агрофирмасында Венера Бикмөхәммәтова “Дон-1500” комбайнын йөртеп, бер мең тонна ашлык суктырган. “Алексеевский районындагы “Алга” җәмгыятендә Ләйлә Вәлиуллина да “Дон-1500” комбайнында эшли”, ди Илдус Габдрахманов. Ләйлә бу көннәрдә әтисе белән урып-җыю эшләрендә катнашып республиканың массакүләм мәгълүмат чараларында еш күренә башлады. Аны хөкүмәт йортында “Татарстан гүзәле” бәйгесе финалисты булып, комбайнда эшләвен авыл хуҗалыгы министры Марат Әхмәтов президент Рөстәм Миңнехановка уңай мисал итеп китерә.

Комбайнны йөгәрләгән 35 яшьлек Венера Бикмөхәммәтова хәбәр иткәнчә, моңа кадәр ул берничә ел комбайнчы ярдәмчесе буларак эшләгән. Шуннан соң декрет ялында булган. Быел исә үзе “Дон-1500” комбайны руле артына утырган. Ярдәмче итеп үзенә Ленар Губев исемле студент егетне алган.

“Быел тәвәкәлләдем дә, үзем комбайнчы булып эшләргә ниятләдем. Моңа кадәр ирем дә комбайнчы иде, хәзер исә механизаторлар отряды командиры вазифасын башкара. Кыенлыклар килеп чыкса миңа да ярдәм итә, ул булышмаса, бик читен булыр иде үземә”, ди комбайнчы ханым.

Комбайннан кала ул машина да йөртә. Тракторчы-машинист таныклыгын исә 2007 елда алган булган. Рульдә йөрүдән тыш, Венера Бикмөхәммәтова ягулык салу станциясендә хезмәт куя.

“Безнең отрядыбыз бик әйбәт, һәрвакыт ярдәм итәләр. Хатын-кыз комбайнчы булуыма кимсетеп караучылар юк. Өйдә дә аңлыйлар үземне”,  диде ул.

Хуҗалыкта уңыш, алдагы елларда караганда, быел әйбәтрәк дип белдерде әңгәмәдәшебез. Төрле басуда — төрлечә, кайберләреннән 20-25 центнер җыеп алабыз, ди Венера Бикмөхәммәтова.

Һәр техникага аерым караш кирәк дип саный ул, шул исәптән комбайнга да. “Инде 15 елдан бирле кырлар иңләгән “Дон-1500” белән эшләүнең үзенчәлекләре, комбайнның үз холкы бар. Иген уруда да һәр комбайнчының үз сере. Мин ярдәмчемә дә киңәшләр бирәм, аңа шул серләрне өйрәтәм. Эссе булса да, эшләве кыен түгел. “Дон”нарда да кондиционерлар бар бит, аны бөтен кешедә белеп кенә бетерми. Авырлык шунда гына — кайчагында көч җитми”,  ди комбайнчы.

Венера Бикмөхәммәтова басуда алдынгы комбайнчы булу өстенә, 4 кызның әнисе да. “Балаларымны карарга иремнең әнисе ярдәм итә. Кызларымны комбайнга утыртмас идем, безнең заманда эш җитәрлек, авылда да тормыш икенче төрле. Теләкләре булып, эшли алсалар, каршы булмаячакмын”,  диде әңгәмәдәшебез.

Татар-информ

Запись 4 бала анасы Венера Бикмөхәммәтова: “Быел тәвәкәлләдем дә, үзем комбайнчы булып эшләргә ниятләдем” [фото] впервые появилась Tatar Today - татар яңалыклары..