2020 нче елның 1 апреле – “Мунча Ташы”на 40 яшь тулган көн. Бу үңайдан без сезгә театрның җитәкчесе Гамил Әсхәдулла белән интервью тәкъдим итәбез. Ул “Мунча Ташы”ның тарихы, театырда нинди үзгәрешләр булачагын һәм күп кенә башка кызыклы моментлар турында сөйләп үтте. Шулай ук Ульяна Князева нигә китә, татар җырчылары талашы Мунча Ташында буламы дигән сорауларга җавап бирде.

Запись “Мунча ташы”ндагы үзгәрешләр, Ульяна Князева китүен театр җитәкчесе Гамил Әсхәдулла ничек аңлата [видео] впервые появилась Tatar Today - татар яңалыклары..

“Мунча Ташы” эстрада театры артистлары тамашачыга мөрәҗәгать итеп, юл һәлакәтенә бәйле сорауларга ачыклык кертте һәм изге теләкләрен җиткерде.

Юл һәлакәтеннән соң, “Мунча Ташы” артистлары тамашачыга мөрәҗәгать итте. “Аллаһы Тәгалә безгә кисәтү ясады, ахры. Аллага шөкер, барыбыз да исән-сау. Юлларда исән-имин йөрергә язсын барыгызга да, бергә булыйк, көлеп яшик!”, ди театр җитәкчесе Гамил Әсхәдулла.

View this post on Instagram

A post shared by ⚡️TATAR TODAY агентлыгы⚡️🌍 🔊📺 (@tatar_today)

Запись Гамил Әсхәдулла юл һәлакәте турында: «Аллаһы Тәгалә безгә кисәтү ясады» [видео] впервые появилась Tatar Today - татар яңалыклары..

Театрның бер төркем артистлары һәм техник хезмәткәрләре төялгән автобус М7 трассасындагы Мамадыш районы тирәсендәге мәчет янында туктый. Кайберләре намаз укыйлар. Шуннан соң кузгалып киткәч күп тә үтми Кукмарага таба борыласы. 29 февраль“Мунча Ташы”ның концерты Кукмарада булырга тиеш иде. Авария аркасында ул булмый кала. Зур автобус берзаман юл кырыена китә башлый. Әллә юл кырыендагы саз, әллә башка нәрсә сәбәпче була. Һәрхәлдә, барысына да төгәл җавап ЮХИДИ тикшерүләреннән соң булачак. Автобус электр баганасына бәрелә, бу аның тизлеген бераз киметә. Пассажирлар арасында үлем-китем юк. Әмма бераз җәрәхәт алучылар да булган. Әнфис Кәлимуллинга гипс куярга мәҗбүр булганнар. Авария урынына Мамадыштан ашыгыч ярдәм машинасы килгән. Калганнар җиңел машинага утырып киткәннәр, автобус һәлакәт урынында калган. Аны юл читеннән чыгару җиңел түгел, чөнки ул 8-9 тонналы зур автобус.

Быел 1 апрельдә “Мунча Ташы” театры үзенең 40 яшьлек юбилеен үткәрә. 40 ел эчендә бер генә тапкыр да мондый хәлгә юлыкканнары булмаган. Тимер тимер инде ул. Иң мөһиме, бөтен кеше исән-сау! 40 ел исән-сау йөрелгән. Артист халкы гел юлда бит. Бу авария белән Аллаһы Тәгалә “Мунча Ташларын” зур афәтләрдән саклагандыр дип уйлыйк, Иншаалла.

View this post on Instagram

A post shared by ❤ Матбугат [108 000 баш ] ❤ (@matbugat)

Мәгълүмат: matbugat.ru

Запись “Мунча Ташы” автобусы юл һәлакәтенә очраган впервые появилась Tatar Today - татар яңалыклары..

– Быел да үзебезнең стильгә тугры калачакбыз. Аяк астында яткан көндәлек проблемалар юмор призмасы аша күрсәтеләчәк. Аеруча ир белән хатын арасындагы мөнәсәбәтләргә басым ясадык. Ел саен, мәзәкләребез, миниатюраларыбыз халыкка аңлаешлы булсын, дип тырышабыз. Кыскасы, глобаль үзгәрешләр булмаса да, яңалыклар җитәрлек, – ди Гамил абый.

«Мунча ташы»на килгән тамашачының: «Бу сезон узган елгысыннан уңышлырак булды», – дип кайтып китүен искәртте театр җитәкчесе. Тамашаларын даими карап баручылар фикере бу. Билгеле, тәнкыйтьсез дә булмаган инде. Бөтен тамашачыга да ошап бетеп булмый, һәркем юморны үзенчә аңлый, ә кемдер, гомумән, аңламый бит. Гамил абый әнә шул фикердә.

Быел исә «Мунча ташы» тамашачысын юморлы музыкаль номерлар белән шаккатырмакчы була. Популяр музыкантлар катнашуы турында да әйтте Гамил Әсхәдулла:

– Монысы сюрпризларның берсе булачак. Кемнәр икәнен тамашага килгәч белерсез. Моннан тыш, Рамил Әсхәдуллин да үз җырларын бүләк итәчәк.

Сүз уңаеннан, «Мунча ташы» эстрада театры быел эшчәнлегенең 40 еллыгын билгеләп үтә. Шушы еллар эчендә халык мәхәббәтен яулый алган образлар быелгы программада да чыгыш ясаячак. Актерлар составында үзгәрешләр булмаса да, күпләрен бөтенләй көтелмәгән рольләрдә күреп булачак. Киемнәр һәм декорациягә дә басым көчле быел, ди театр җитәкчесе.

Тагын бер яңалык – яшь чикләвенең үзгәрүе. Быел ул 6+ булачак, дип сөйләде Гамил абый:

– Безнең тамашаларга балалар бик еш йөри. Быел моны да игътибарга алырга булдык һәм яшь чикләвен үзгәрттек. Билгеле, миниатюралар язганда бу исәпкә алынды.

Яңа программаның барлык серләрен дә чишмәде Гамил абый. Көндәлек ыгы-зыгыдан ял итәргә теләүчеләрне көтеп калабыз, дип кенә өстәде.

Лилия Гыймазова 

Мәгълүмат Ватаным Татарстан

Запись Гамил Әсхәдулла яңа программалары турында: «Үзгәреш юк, яңалык җитәрлек» впервые появилась Tatar Today - татар яңалыклары..

“Мунча ташы” эстрада театры җитәкчесе, Татарстанның халык артисты Гамил Әсхәдулла кызыклы видео төшереп, үзенең инстаграм битенә урнаштырган. Ул анда Җәвит Шакировны үзе янына җиләк җыярга чакыра. “Бергә җыябыз җиләкне, үзең җыйган тәмлерәк тә була” – ди ул.

“Бу видеоны Җәвиткә курсәтергә кирәк! Җиләксез кала бит инде. Салават башлы ул. Ник шул кадәр җиләк сатып ала дисезме? Киләсе елга җиләк, гөмбә җыйганга депутатлар салым түләтмәкче икән. Аннан гыйнвардагы юбилеена кайнатма ясап куймакчы бугай,” – дип тә өстәп куя Гамил Әсхәдулла.

https://www.instagram.com/p/BznKpuZBMyS/?utm_source=ig_web_copy_link

Мәгълүмат Гамил Әсхәдулланың инстаграм битеннән

Запись “Салават-Җәвит” җиләк кыйссасына “Мунча ташы”ннан Гамил Әсхәдулла да кушылды впервые появилась Tatar Today - татар яңалыклары..

– Рөстәм, кыскача гына балачак һәм үсмер елларыңны сөйләп үт әле.

– Балачагым бик күңелле үтте. Әлбәттә, 9 яшьтә әтидән калгач кыен булды.ләкин дуслар, күршеләр, туганнар булды. Еш кына әни белән төрле концертларга, мәҗлесләргә, чараларга йөрергә туры килде. Мәдәнияткә тартылуым да бәлки шуннан киләдер. Әтиемә дә 9 яшькә кадәр биргән тәрбиясенә рәхмәтлемен. Мәктәп елларында КВНнарда катнаштым. Укытучыларга пародияләр ясый идем. Гомумән, мәктәп елларында нинди чаралар үтте – барысында да катнаша идем.

– Белүемчә, син БДАУда белем алгансың. Ә укып бетергәч язмышың сине “Мунча ташы”на алып килгән. Ничек килеп чыкты бу? Тарихын сөйлә әле, укучыларга кызык булыр дип уйлыйм.

– Мәктәпне тәмамлагач күпләр театральныйга барырга киңәш биргәннәр иде. Ләкин әнием, үзе дә мәдәният өлкәсендә хезмәт куйгач, бәлки, мине нәрсәдәнәдер сакларга дигән теләктән – бу фикер белән ризалашмады. “Улым, син чын ирләр һөнәренә ия булырга тиеш”, – дигән иде ул. Шулай итеп, мин БДАУның урманчылык факультетына укырга кердем. Ә күңелем белән ул вакыттагы Уфа дәүләт сервис институтының “Кунакханәләр, рестораннар эше, туризм” белгечлеге буенча укыйсым килгән иде.

– “Мунча Ташы”нда ничек эшләп киттең? Беренче номерыңны яхшы хәтерлисеңдер бит?

– БДАУны тәмамлагач, дипломны кулга бирмәделәр. Районга кайтып эшләргә кирәк иде. Кайттым. Эш булмады. Урман хуҗалыгы өлкәсендә болай да кыскартулар бара иде. Шулай итеп, мин авыл советында үз белгечлегемә якын вазифада бер ел эшләдем. Ләкин бу эш күңелемә якын булмады. Мин тынгысыз, тиктормас кеше. Бер урында утырып белешмәләр язу миңа ошамады. Ничектер шулай Түбән Кама шәһәренә туган тиешле 80 яшьлек бер әбинең юбилеена барырга туры килде. Түбән Кама миңа бик ошады. Зур гына бизнеслары булган туганнарыбыз да бар бу шәһәрдә. Мин дә үземне шунда сынап карарга булдым. Әмма сәүдәгәрлек эшендә артык сәләтем булмады. Алгысынган күңел һаман нидер эзләде кебек.

“Мунча ташы” татар эстрада театрының Түбән Камада икәнлеге исемә төште. Бу театр артисты Ульяна Никандрованы таптым. Ул театрның репетицияләренә килеп кара диде. Килдем. 3 көн аларны күзәттем. Аннары алар да мине тыңлап карадылар да: “Әйдә, яшьләр белән берәр номер ясап кара”, – диделәр. Шулай итеп, Әнфис (Әнфис Кәлимуллин) һәм Илгиз белән концерт ахырында бер миниатюра күрсәттек. Халык дәррәү кул чабып кабул итте моны. Миңа бик ошады һәм шул көннән алып минем иҗади тормышым башланды дисәм дә була.

– Сезнең театрның төп максаты нәрсәдә?

– Театрыбызның төп максаты – көндәлек тормыштагы хәлләрне тамашачыга юмор аркылы җиткерү. Көнүзәк мәсьәләләрне дә читләтеп узмыйбыз.

– Һәм алдагы сорау белән бәйле тагын шуны сорыйм – сезгә чыгышларның текстларын кем яза? Кем уйлап чыгара? Яисә үзегезме? Берәр кызыклы хәлгә тарысагыз, ишетсәгез, күрсәгез – аны шунда ук язып, теркәп куясызмы?

-Язып бирүчеләр юк дисәң дә була. Чөнки театрыбыз бик үзенчәлекле. Шуңа күрә үзебез күзәтәбез, үзебез уйлап чыгарабыз, үзебез язабыз. Төрле мәзәкләрне тулыландырабыз, номерлар уйлап чыгарабыз. Беренче елларда авыр булды, яшермим. Ничек, кайдан, нинди кызыклы хәлләрне күрсәтергә дип баш ватам идем. Хәзер инде, русча әйткәндә, “втянулся”, өйрәнеп киттем, аллага шөкер.

– Рөстәм, сине хәзер урамда таныйлардыр инде. Йолдыз чире булмадымы синдә? Селфи төшәргә сорамыйлармы? Сорасалар, баш тартмыйсыңдыр бит?

– Әйе, танучылар бар. Кайчак хәтта бармак белән дә төртеп күрсәтәләр. Кәеф булмаган чакларда нервыга да тия инде. Кайчакта күңелгә рәхәт булып куя. Селфи төшәргә дә сораганнары бар. Мине күргәч, я фотога төшкәч, кешенең йөзендә елмаю чаткысы күренә икән – мин каршы түгел, чын күңелдән сөенәм генә.

– Тырышып эшләгәндә бер эш тә җиңел түгел анысы. Ә менә “Мунча Ташы”нда эшләүнең иң авыры нәрсәдә?

– Театрда эш җиңел дип әйтә алмыйм. Чөнки елның 6 ае гастрольләрдә үтә. Бәйрәм, туган көннәр, туганнарны кунак итүләр онытылды дисәм дә була. Иң авыры – гастрольләрдә балалардан, гаиләдән аерылып тору. Калганнарына – ашарга пешерү, уңайсыз җирләрдә куну, юлдагы хәлләргә өйрәнеп беттек инде. Аннары без бит бер команда. Ә күмәкләшеп эш иткәндә проблемаларны хәл итү җиңелрәк. Коллективта төрле хәлләр була. Театрның эчке дөньясы да бар, анда да төрле хәлләр булгалый.

– Төбәгенә карап тамашачыларның аермасы бармы?

– Төрле төбәкләрдә чыгыш ясыйбыз. Тамашачылар да төрле. Түбән Камада, Яр Чаллыда аеруча җылы кабул итәләр. Уфада да шулай ук. Аннары күптән түгел генә беренче тапкыр чыккан район үзәкләрендә инде икешәр зал җыябыз. Бу куанычлы хәл, әлбәттә. Башкортстанда Татарстанга караганда күбрәк тә чыгыш ясый башладык. Ике-өч елга бер Себер якларына да чыккалыйбыз. Ләкин безне тотып торган тамашачылар – Башкортстан белән Татарстан кешеләре. Яшәсен алар!

– Син үзеңнең нинди сыйфатларыңны билгеләр идең?

– Кайбер чакта кызумын да кебек. Сабыр да була алам. Холкым йомшаграктыр да. Әти җитеп бетмәде бәләкәй чакта. Улларыма матурлыкны күрсәтәсем килә. Табигатьнең, кешеләрнең, дуслык төшенчәсенең матурлыгын һәм башка кешелек кыйммәтләрен аңлатып, төшендереп үстерәсем килә. Иҗат җене кагылган кешеләр тормышта һәрчак үзенчәлекле була инде ул. Тиктормас, тынгысыз җан дип беләм үземне. “Бер эләгә инде үзеңә!” – диючеләр дә бар хәтта.

– Банкетларда чыгыш ясыйсың дип беләм.

– Банкетлар белән дә 7 еллап шөгыльләнәбез. Әнфис һәм Илгиз белән бер команда булып йөрибез. Әнфис – алып баручы, мин юмор номерлары белән чыгыш ясыйм, җырлаштырам, Илгиз – диджей. Әткәндәй, башка еллар белән чагыштырганда, кешеләр зур мәҗлесләрдән читләшә башлады кебек. Ләкин җәй көне туйлар, юбилейлар, сабантуйларга безне чакырып торалар.

– Соңгы вакытта нәрсәләр белән мәшгульсең?

– Уфа янындагы бер поселокта йорт салу белән мәш киләм. Бүген менә төзелеп бетеп килгән өебездә кундым. Шулкадәр саф һава, кошлар да сайрый, үзе бер хозурлык, сөенеп туя алмыйм.

– Ашарга еш пешерәсеңме? Нәрсәләр яратасың?

– Хатын балалар белән авылда булганда ашарга пешерергә туры килә инде. Ходай Тәгалә йомыркадан аермасын (Көлә. – Авт.). Токмач, бәрәңге, консервлар булганда яшәргә була инде.

– Ябыклыгыңа бәйле еш шаярталармы? Үпкәләмисеңме?

-Шаярталар, әлбәттә. Соңгы вакытта ит кундырдым әле бераз, корсак та үстердем.

– Үпкәләмисеңме дигәннән. Сәхнә образыңны күп тамашачылар белә инде. Ә менә өйдә син нинди?

– Нинди икән мин? Җитди булырга да тырышам, малайлар юаш үсмәсен димен. Каеш тәрбиясе дә бар бит әле. Кайсыбер моментларны улларыма шаяру аша күрсәтеп аңлатырга тырышам. Төрле алымнар кулланам. Ә менә хатыным Айгөл мин малайларны тиргәгән чакта алар авыз чите белән елмая, минем усал булуга ышанмыйлар ди.

– Ара-тирә шигырьләр язгалыйсың дип тә ишеткәнем бар. Бу сәләтеңне кайчан тойдың? Аны тагы да үстерергә теләмисеңме?

– Айгөл белән танышып, олы мәхәббәт хисләре туу белән шигырьгә сәләтем уянгандыр. Соңгы елларда музыкага тартылам. Рус җырларын татарчага тәрҗемәләштереп һәм киресенчә. Пародия сыман җырларга тырышам. Илһам килгән моментларда җиңел генә килеп чыга ул. Ләкин илһам кайчак килми интектерә. Шагыйрь түгел мин. Ләкин шушы процесс миңа бик кызыклы. Иҗади дусларым да күбәйде. Алмаз һәм Айдар Юнысовлар белән даими аралашып торам, Ильяс Кинҗәгулов белән тыгыз элемтәдәмен. Пародия өлкәсендә дә дусларым күп. Иҗатташ дуслар белән бер-беребезгә ярдәмләшеп, ниндидер киңәшләр биреп яшәргә иде киләчәктә дә.

– Рөстәм, син концертларда еш кына хатын-кызлар образында чыгыш ясыйсың. Авыр биреләме бу?

– Хатын-кыз образында да, ир-ат образында да чыгыш ясау җиңел түгел. Ләкин кайсыбер күренешләрне күзәтеп, үзең аркылы үткәреп күрсәткән хәлдә бу бик авыр булмый. Кимчелекләрне юмор аша күрсәтеп, ул кире күренешләрне бетерергә иде дип тырышабыз.

Автор: Ә.Шакирҗанова. Өмет
Фото: Рөстәм Хәсәновның шәхси архивыннан.

Запись “Мунча ташы” артисты Рөстәм Хәсәнов: “Әти җитеп бетмәде…” впервые появилась Tatar Today - татар яңалыклары..

Авызында бердәнбер көмешсу төсендәге тешен күрсәтеп, кет-кет килеп, сәгатьләр буе көлеп утырыр иде. Аңа кушылып без дә көләбез. Әле безнең борын асты да кипмәгән, күп мәзәкләрне аңлап та бетермибез. Әмма барыбер кызык, рәхәт. Бабай булып бабай көлгәч инде! Гаиләгә бүтән белән чагыштырып булмый торган нур кисәген алып керә иде “Мунча ташы” тамашалары.

– “Атасының суйган үгез акчасына күлмәк, аппаратура алып, дөньяга чыгып киткән егетләр алар”. Безгә беркем дә акча бирмәде. Чыгарып җибәрделәр, тышауланган ат кебек чабабыз да чабабыз. Артык нык чабып та булмый. Кемдер тышавын ычкындырып чаба. Алар ныграк элдерә, билгеле. Тик андыйлар егылсалар, нык егылалар – анысы да бар.

– Кем ашыкмыйча гына яши бүген?

– Затлы җырчыларыбыз бар. Алар менә ашыкмыйча, ипләп кенә баралар. Безнең буын, мисал өчен: Салаватның иҗатын яратам, Габделфәтнең җырлавы ошый. Алар менә бик ашкынмый. Ипләп кенә эшлиләр.

– Халыкны бозып бетерделәр диләрме?

– Без халыкны бозмыйбыз. Безнең бөтенләй икенче жанр – эстрада театры. Без кешене ял итәргә, көләргә, күңел ачарга чакырабыз. Тәрбия бирү, акыл өйрәтү дигәндә, без фәкать тормыштагы проблемаларны көлкеле формада күрсәтәбез. Чынбарлыкны юмор призмасы аша күреп, кеше шуннан үзе тәрбияләнә. Болай сөйләп утырганчы, уйнап күрсәтеп, кешегә ныграк барып җитә. Безнең миссия шул. Сәхнәдә концерт түгел, туй ясаучылар да бар: биетәләр, җырлаталар. Банкет ясап остарган җырчыларга тартыла халык. Кеше шулай ял итә, шуннан җан азыгы эзли. Андый артистларны начар яки әйбәт дип әйтмим.

Акчарлактан

Фото: https://vk.com

Запись Гамил Әсхәдулла “Мунча ташы халыкны бозып бетерде” дигәнгә ни дип җаваплый? – Акчарлак впервые появилась Tatar Today - татар яңалыклары..

Әгәр дә “Яу” фильмы “Мунча ташы” тамашачысын кинозалларына китерә ала икән – мин бу фильмның кимчелекләренә күз йомарга әзер.

Ә әлегә төшерүчеләр фильм турында тәнкыйтьне кабул итәргә, конструктив тәнкыйть булган очракта, фильмга төзәтмәләр кертәчәген әйтә. “Безнең ашыгып, хәтта эш тәмамланмаган килеш, кинофестивальгә гариза бирүебез – фильм турында белгечләр фикерен ишетәсе килүдән”, – диде Альберт Шакиров.

Мин, әлбәттә, кино мәсьәләсендә дипломлы белгеч түгел, шулай да фикеремне әйтергә җөръәт итәм.

“Мунча ташы” юмор театрының Казанда гына да 10-13 мең тамашачысы бара. Моны аларның 1000 урынлык “Уникс” залында бер-ике атна дәвамында концерт куюыннан чамаларга була. Фильмны төшерүчеләр “Яу”ның бюджетын уртача алганда 6 миллион сум дип әйтәләр. Димәк, “Яу” комедиясе турында әлеге максатчан аудиториягә тиешле мәгълүмат барып ирешсә, әлеге тамашачының яртысы гына килсә дә, кино бюджетының уннан берен Казан тамашачысы каплый дигән сүз. Калганнарын – Татарстан районнары арасында тигезләп бүләбез.

“Яу”ны караган тамашачы икенче юлы килеп, “Мулла”ны, “Байгал”ны карарга мөмкин. “Остазбикә”не, тагын башка фильмнарны. Бу инде татар киносының үз тамашачысы бар, Татарстанда төшерелгән фильмнарның прокаты бар дип сөйләргә җирлек бирәчәк.

Ярар, акча һәм тамашачы мәсьәләсен бераз күзалладык. Инде фильмны “сүтеп җыеп” карыйк. Фильм 90 минут бара. Сәгать ярым! “Мунча ташы”ның ун мең тамашачысы минем белән килешмәскә дә мөмкин, әмма шулкадәр вакыт Гамил Әсхәдуллага карап утыру ялыктыра, җәмәгать. Ни өчен Гамил Әсхәдуллагамы? Соң ул бит фильмның төп герое. Хәтта әйтергә куркыныч һәм уңайсыз: әмма “Мунча ташы”ның “йолдызы” булган Гамил Әсхәдулла Казан ханы ролен башкара. Күз алдына китерегез: Гамил Әсхәдулла – Казан ханы! Башка рольләрдә әлеге юмор театрының башка артистлары һәм Тинчурин, Кариев һәм Әтнә театрлары артистлары.

Фильмда хәтта Салават Фәтхетдинов та төшкән. Сарай җырчысы ролендә, ягъни, үз образында. Бөтен күмәк күренешләрне дә кертеп, тамашада 200ләп артист һәм артист кебегрәк кешеләр төшкән. Әмма әле бу чик түгел. Альберт Шакиров әйтүенчә, әле фильм яңа кадрлар белән тулыландырылачак. Эксклюзив хәбәр буларак әйтәм – Фирдүс Тямаев та төшәчәк! Продюсерга Фирдүснең бик органик, уңайлы артист булуы турында хәбәрләр килеп ирешкән. Күрәсең, “Әпипә” проекты авторлары әйткәндер, яңа мюзиклда Фирдүс Тямаев шактый гына масштаблы роль башкара – ул җырчы кызларны гастрольгә йөрткән транспортның шоферы ролендә.

Фото фильмның социаль челтәрдәге аккаунтыннан

Эчтәлегенә килгәндә, вакыйгалар 1430 елда бара. Бу әле Казан ханлыгын чәчәк аткан чоры. Әлбәттә, дошманнар теш кайрый. Әстерхан ханы Мотыйк та Казан ханлыгы тәхете турында хыяллана, ханлыкны яулап алу өчен ул хәйләкәр план кора һәм ике яугирен Казанга озата. Азамат белән Батыр Казан ханы мәҗлесенә үтеп керергә тиеш булалар.

Фильмда вакыйгалар Булат белән Азаматның диверсант булып Казанга юл тотуы тирәсендә бара. Яугирләр, гүзәл кыз күреп башларын югалтып, киемсез дә калалар, татар һәм рус әкиятләре “законнары” буенча алар Убырлы карчык өенә дә эләгәләр, юлбасарлар өненә дә килеп чыгалар. Фильмда Мәскәү патшасына да, аның явына да урын бирелгән. Ханлыкның үзендәге эчке дошманнар да күрсәтелгән. Кыскасы, бөтенесе бергә тупланган “почти тарихи” җирлеккә корылган, кәмит белән болгатылган бер жанр барлыкка килгән. Болар барысы да “Мунча ташы” стилистикасына корылган.

Авторлар фильмны бүгенге көн турында диләр. “Моны тарихи фильм дип әйтергә ярамый. Бөтен персонажлар да уйлап чыгарылган. Барлык сюжетлар да уйлап чыгарылган. Бу тарихи декорацияләр белән бүгенге көнебезгә пародия, – дип аңлатты Альберт Шакиров. – Элекке заманда да, хәзер дә кешенең асылы үзгәрмәвен күрсәтә. Саранлык, көнчелек кебек кимчелекләр кайсы гына заманда да бар инде ул. Мәхәббәт һәм тугрылык кебек сыйфатлар да бар ”.

“Фильм “Мунча ташы” аудиториясенә юнәлтелгәнгә, шушы стилистикада төшерелде. Рольләрне дә башта алар арасында бүлеп чыктык”, – ди Альберт Шакиров. Проектка рольләр бүленгәннән соң гына чакырылган Айдар Габдрахманов, яңа кастинг оештырып, кайбер артистларны алыштыру турында да сорап караган. Әмма рөхсәт ала алмаган һәм аңа фильмны безнең үткән гасыр яшьлегендәге мәгълүм эстрада җырындагыча, “Я его слепила из того, что было…” дип эшләргә туры килгән. Җырны Алина Апина: “А потом что было, то и полюбила”, – дип дәвам итә бит. Айдар Габдрахманов фильмын яратуы турында әйтмәде, әмма эстрада артистлары белән клиплар һәм шундый видеопродукция төшереп азмы-күпме тәҗрибә туплап өлгергән яшь егет, “комедия жанрына караганда драма жанрына” өстенлек бирсә дә, үзенең бу эшен тырышып эшләвен әйтте.

Артистларның уены турында ни әйтим? Алар начар уйныйлар. Әмма ихлас уйныйлар. Әйтик, Гамил Әсхәдулла ханны уйнамый, ә хан булып кыланган Гамил Әсхәдулланы уйный. Башта куелмаган тавыш белән уңайсыз дикция колакны “авырттырса да”, карый-карый ияләшенелә икән. Ә Искәндәр Мотыйгулла уйнаган Әстерхан ханы булган кадрлар күрсәтелгәндә – гафу үтенәм! – мин экранга карамаска тырышып, инстаграм яңалыкларын укып утырдым. Ул бернинди режиссурага бирешми торган “нык” “актер” булып чыкты.

Фильмда төрле сюжетларга урын бирелеп, алар бөтенесе кульминация буларак, Казан ханлыгы мәҗлесендә бергә килеп төйнәлә. Фильмны караганда “Иван Васильевич меняет профессию” фильмы да искә төшеп китә – режиссер кайбер кадрлар белән әлеге фильмга дә “сәлам юллаган”.

Фильмны тамашачыга тәкъдим иткәндә төшерүчеләр Казан тирәсендә тарихи жанрны эшләрлек урыннар калмавына зарланып алдылар. Фильм төшерү өчен урын эзләү шактый мәшәкатьле булган. Гел табып та бетерә алмаганнар. Хәзер, әнә – техниклар кадрларны тимерчыбыклар, рельслар кебек заман “рәхәтлекләреннән” чистартып утыралар.

Фильм тәкъдим ителгәч, аны зурдан кубып мактаган кеше журналист һәм җәмәгать эшлеклесе Әлмира Әдиятуллина булды. Милләт өчен фаҗигале вакыйгаларны күрсәткән кино төшерү төркеменә ул рәхмәтләрен укыды һәм фильмны мөмкин кадәр зуррак аудитория күрергә тиешлеген әйтте. Әлмира ханым мөселман кинофестиваленең иң тугры тамашачысы. Үзе генә түгел – аның бер төркем теләктәшләре бар.

Әгәр бу фильмны карап кемнәрдер “алай булган яки булмаган” дип бәхәс куптара, авторларны сүгә һәм хакыйкатьне табарга теләп тарих китапларына ябыша икән – бу фильм авторларының зур уңышы. Кайбер журналистлар тарихи фаҗигага киная белән карарга ярамый, фәлән-төгән дип буза куптара икән, монысы да табигый. Кемдер кенәзне мунча кертү күренешеннән борынын җыерган булып кылана икән – монысына да гаҗәпләнмим. Әгәр кемдер Гамил Әсхәдулланың уеныннан көлеп кенә кайтып китә икән, монысы булырга мөмкин… Без тере милләт икән, бөтен реакция табигый.

Ә мин бу фильмны хуплыйм. Без үзебез турында шулай киная белән генә әйтә алабыз. Без үзебездән көлеп кенә үзебезне уйланырга этәрә алабыз.

Кыен чакта чарасызлыктан көлә башлау да була бит әле. Бу – саташу ук түгел, башы гына.

Чыганак: "Интертат.Татар"

Автор: Рузилә МӨХӘММӘТОВА

Фото: Кинофестиваль матбугат үзәге һәм Рамил Гали фотолары

Запись “Мунча ташы” милли фильм төшерә: Салават Фәтхетдинов актер булган, Тямаевны шофер итмәкче впервые появилась Tatar Today - татар яңалыклары..

Театрның концерт тамашалары тәмамланды. Бу уңайдан Гамил Әсхәдулла тамашачыларга зур рәхмәтен белдерә.

 

Концертлар тәмам аллага шөкер!?????Тамашачыларыбызга зур рәхмәт безнең белән булган өчен!!!??????җәй көне мине корыч атым тракторым көтеп тора ! Буген беренче көн “җиктем” әле?????

Публикация от Гамил Асхадулла (@gamil_askhadulla) 4 Май 2018 в 7:47 PDT

Запись “Мунча ташы” хуҗасы Гамил Әсхәдулла үзе җир сөреп бәрәңге утырта [видео] впервые появилась Tatar Today - татар яңалыклары..

Казанда, чын мәгънәсендә, брендка әверелгән “Мунча ташы” тамашалары гөрли. 37 еллык тарихы булган театр быел башкалада 13 көн буе тамаша куя! //Интертат//

Аның ничә еллар дәвамында халыкны үзенә җыя алуы гаҗәп, шул ук вакытта мактауга лаек. Бу юлы артистлар халыкны ничек шаккатыра икән дигән кызыксыну белән УНИКС концертлар залына юл тоттым. Гримеркага килеп кергәндә, артистлар тамашага әзерләнү, битләренә грим салу белән мәшгуль иде.

Эльвира ШАКИРОВА

Запись “Мунча ташы” эстрада театры Казанда тулы заллар җыя алганмы? [фотолар] впервые появилась Tatar Today - татар яңалыклары..