Архивы ока - Tatar Today - татар яңалыклары.

Чаллыда хатын-кыз ватык Ока машинасында яши [фотолар]

Редактор1 editor1 — Sun, 23 Oct 2016 07:36:11 +0000

Көннән көн кышка якынлашабыз, һава торышы да салкыная бара. Менә шундый һава шартларында Чаллыда яшәүче хатын-кыз көннәрен җимерелеп беткән Ока машинасында үткәрергә мәҗбүр.

Инде менә бер ай дәвамында Чаллы халкы тәрәзәдән бер хатын-кызның ничек машинада гомер итүен күзәтеп ята. Хатын нинди сәбәпләр аркасында урамда калуы әлегә билгесез. Барлык әйберләрен ул пакетларга төйнәп, машина янына төзеп куйган. Үзе иске Окага кичләрен йокларга керә. Машинаның тәрәзәләре җимерелеп беткән, әмма хатын ул тишекләрне чүпрәк-чапрак белән каплап куйган.

Әлеге районда яшәүчеләрнең сүзләренчә, каршы йортта әлеге хатынның туганнары тора икән, әмма аны нигәдер өйгә кертмиләр. Хәер, башкалар да йортсыз калган хатын өчен бик борчылсалар да, ярдәм итәргә ашыкмый.

“Челнинские известия”,

Запись Чаллыда хатын-кыз ватык Ока машинасында яши [фотолар] впервые появилась Tatar Today - татар яңалыклары..

Чаллыда өч машинага ут төртүнең сәбәбе билгеле

Редактор1 editor1 — Fri, 16 Sep 2016 22:17:17 +0000

Чаллыда 14 сентябрь төнендә магнитола урлауны яшерер өчен өч автомобильне яндырган җинаятьчеләрне тотканнар. Моның турында шәһәрнең эчке эшләр идарәсе әйтте.

Беренче тапкыр – “Ока” янганы турында – 2:30 сәгатьтә, ә биш минуттан “Лада Калина” яна дип хәбәр килгән. Бу ике машина тулысынча янып беткән, шулай ук якында торган KIA Sportage машинасына зур зыян тигән.
Өч егеткә каршы җинаять эше ачылды.

Тотылгач, алар шул төнне нәрсә булганын сөйләп бирделәр. Эчеп утырганда, егетләр “Лада Калина”ны урларга булганнар.
“Тәрәзәсен ватып, машина эченә кереп утырганнар, ләкин кабыза алмаганнар. Шунда алар магнитоласын алып китеп, инде “Ока”ны урларга уйлаганнар. Монысы да барып чыкмагач, егетләрнең берсе, ватып ачканны һәм урлаганны яшерер өчен, ике машинага да ут төрткән” дип сөйләделәр полиция хезмәткәрләре. Хәзерге вакытта бу җинаять эше буенча тикшерү эше алып барыла.

Мәгълүмат ProKazan.ru сайтыннан алынды

Запись Чаллыда өч машинага ут төртүнең сәбәбе билгеле впервые появилась Tatar Today - татар яңалыклары..

Алабугадагы юл һәлакәтендә “Ока” машинасы икегә “өзелгән”. Зыян күрүчеләр бармы? [фото,видео]

Редактор1 editor1 — Fri, 01 Jul 2016 11:31:36 +0000

Юл-транспорт һәлакәте бүген Алабуга районында, Тугарово – Окружная чатында, булган.

Юл чатында FORD TRANZIT вахта автобусы “Ока” машинасы белән бәрелешкән. Һәлакәт икенчел дәрәҗәдәге юлдан чыгып килүче FORD TRANZIT машинасының, төп юлдан җилдерүче “Ока”га юл бирмәве аркасында килеп чыккан.

Бәрелеш шулкадәр көчле булган ки, “Ока” машинасы икегә “бүленгән”. Бәхеткә, “Ока” машинасы йөртүче вак-төяк тән җәрәхәтләре белән генә котылган.

Интертат

Запись Алабугадагы юл һәлакәтендә “Ока” машинасы икегә “өзелгән”. Зыян күрүчеләр бармы? [фото,видео] впервые появилась Tatar Today - татар яңалыклары..