Архивы Олимпиада - Tatar Today - татар яңалыклары.

Казанда Олимпиада булырга мөмкин ел аталды

Лэйсирэ — Mon, 16 Jul 2018 10:27:58 +0000

Русия Олимпия комитеты башлыгы Станислав Поздняков 2036 елда узачак Олимпия уеннарын үткәрү бәйгесендә Петербур яки Казан катнашырга мөмкин булуын белдерде. Ул Казанда спорт инфраструктурасының яхшы җайланганын әйтте.

“2024 һәм 2028 еллар инде билгеләнгән – уеннар Европа һәм Америкада узачак, 2032 елда исә гаризаны башка кыйтгалар бирә. Минемчә, теориядә без 2036 елгы уеннарга гариза бирү турында сөйләшеп була. Бу, әлбәттә ки, алдагы перспектива, күп нәрсә була ала, шулай да, бүген үк зур спорт чараларын үткәрү мөмкинлеген карый алабыз”, диде Поздняков “Интерфакс”ка.

Аның сүзләренчә, уеннарны үткәрүгә элек мондый чара үтмәгән шәһәрләр дәгъва кыла ала.

“Мисал өчен, Петербур яки Казан. Шул ук Татарстан башкаласында спорт инфраструктурасы яхшы җайланган, Казан Европа һәм Азияне берләштерә, үзенчә, космополит үзәк булып тора”, диде комитет җитәкчесе.

2032 Олимпия уеннарында (Русия аны бирергә җыеса) катнашу өчен гаризаны 2024 елда, 2036 елгы Олимпия уеннарына гаризаны 2028 елда бирергә кирәк булачак.

Азатлык

Запись Казанда Олимпиада булырга мөмкин ел аталды впервые появилась Tatar Today - татар яңалыклары..

Алинә Заһитовага алтын медаль китергән чыгышы [видео]

Чулпан — Fri, 23 Feb 2018 15:06:16 +0000

15 яшьлек Алинә Заһитова тимераякта шууда алтын медальгә ия булды. Аның чыгышыннан видео тәкъдим итәбез.

Запись Алинә Заһитовага алтын медаль китергән чыгышы [видео] впервые появилась Tatar Today - татар яңалыклары..

Елена Исинбаева спортчыларны Олимпия уеннарына күз яшьләре белән озата [видео]

Редактор1 editor1 — Thu, 28 Jul 2016 08:19:50 +0000

28 июльдә Мәскәүнең “Шереметьево” аэропортында Русия спортчыларын Рио-де-Жанейрода узачак җәйге Олимпия уеннарына тантаналы рәвештә озаттылар.

Рио-де-Жайнерога волейбол, гандбол, өстәл тенисы, синхрон йөзү, бокс, ат спорты ярышларында катнашучылар – барлыгы 70 спортчы юл тотты.

Спортчыларны озатырга җанатарлар һәм Руссия Олимпия комитетының җитәкчесе Александр Жуков та килгән иде. Ул катнашучыларга әлеге авыр чорда уңышлар теләде һәм алар өчен уеннар вакытынды уңайлы шартлар тудырырга вәгъдә итте.

27 июльдә спортчыларга үз фатихасын Русия Президенты Владимир Путин да бирде. Әлеге чарада Олимпия уеннарына барудан мәхрүм калган атлетлар да чыгыш ясады. Олимпия чемпионы исемен яулаган Елена Исинбаевага сүз бирелгәч, спортчы күз яшьләрен тоеп кала алмады. “Кемдер өчен бу – беренче Олимпия уеннары иде, икенчеләре өчен – соңгысы булырга тиеш иде. Безне нахакка гаепләп, акланырга да мөмкинлек бирмәделәр ”, диде ул.

Запись Елена Исинбаева спортчыларны Олимпия уеннарына күз яшьләре белән озата [видео] впервые появилась Tatar Today - татар яңалыклары..

Владимир Путин Рио-де-Жанейрода узачак Олимпиада ачылышына бармаячак

Редактор1 editor1 — Mon, 25 Jul 2016 16:05:45 +0000

Русия президенты Владимир Путин Бразилиянең Рио-де-Жанейро шәһәрендә 5-21 августта узачак Олимпиада ачылышына бармаячак. //Азатлык радиосы//

Бу хакта аның сүзчесе Дмитрий Песков белдерде. Песков сүзләренчә, “эш графигы сәбәпле” Рио-де-Жанейрога бару планлаштырылмаган.

Песков Халыкара Олимпия комитетының Бразилиядәге халыкара уеннарга Русия спорт түрәләрен һәм министр Виталий Мутконы аккредитацияләмәүгә Кремльнең “кызганыч белдерүен” әйтә.

24 июль Халыкара Олимпия комитеты Рио-де-Жанейрода узачак Олимпида-2016да Русия атлетларына катнашу мөмкинлеге биреп аларга шартлар куйды.

Русияләр WADA таләпләренә туры килгән допингка сынау үткән вакытта гына Олимпиадада чыгыш ясый алачак. Допинг сынауны халыкара лабораторияләр расларга тиеш. Уеннарда катнашу рөхсәте алганчы спортчыларны спорт төре федерациясе һәм допингка каршы комиссия төрле яклап тикшерәчәк.

Запись Владимир Путин Рио-де-Жанейрода узачак Олимпиада ачылышына бармаячак впервые появилась Tatar Today - татар яңалыклары..

Русия спортсменнары 2016 елгы Олимпия уеннарында катнашмыячак

Редактор1 editor1 — Fri, 22 Jul 2016 11:32:45 +0000

Русия спортсменнарына Олимпиадага барыр юллар өзелә. Спорт арбитраж суды да аларга каршы булып чыкты.

Спорт арбитраж суды Русия Олимпия комитетының шикаятен һәм Халыкара җиңел атлетика федерациясенә (ИААФ) Русия спортсменнарны Рио-де-Жанейрода узачак Олимпидада катнаштыру гаризасын кире какты. Моның турында Спорт арбитраж судының рәсми сайтында хәбәр ителә. Шулай итеп, алар 2016 елгы Олимпия уеннарында Русия флагы астында чыгыш ясый алмаячак.

Җиңел атлетика федерациясе Русия җиңел атлетларының халыкара ярышларда катнашуга бирелгән гаризаларын алдан ук кире каккан иде. Бары озынлыкка сикерүче Дарья Клишинага гына быелгы Олимпия уеннарында чыгыш ясарга мөмкинлек бирелде.

“Спорт арбитраж суды Русия Олимпия комитетының шикаятен һәм 68 спортчыны кире какты”, диелгән хөкем гаризасында.

19 июньда Лозаннаданың Спорт арбитраж судында Бөтенрусия җиңел атлетика федерациясенең Халыкара җиңел атлетика федерациясенә каршы булган эше буенча тыңлаулар тәмамаланды.

2016 елгы Олимпия уеннары 5 августтан 21 августка кадәр Рио-де-Жанейрода узачак.

Мәгълүмат Газета.ру сайтыннан алынды

Запись Русия спортсменнары 2016 елгы Олимпия уеннарында катнашмыячак впервые появилась Tatar Today - татар яңалыклары..

Казанда үткән Универсиада һәм дөнья чемпионаты вакытында спортчылар допинг кулланган

Редактор1 editor1 — Mon, 18 Jul 2016 18:26:52 +0000

Казанда 2013 елгы Универсиада һәм 2015 елгы Су спорты төрләре буенча дөнья чемпионаты вакытында спортчылар допинг кулланган.

Бу хакта бүгенге матбугат конференциясе вакытында Бөтендөнья допингка каршы агентлык (WADA) комиссиясе башлыгы Ричард Макларен җиткерде. Аның сүзләренчә, Сочидагы Олимпиада алдыннан Россия допинг куллануның яңа системасын әзерләгән.

“Эш җитди халыкара ярышларга барып җиткәнче элеккеге эшләнмәләр допинг-пробаның уңай нәтиҗәсен уңышлы яшереп килде. Сочида Россиягә яңа, тагын да камилрәк методлар кирәк булган”, – дип белдергән Макларен.

Ишеткән булсагыз, Россия җыелмасын тулысынча Олимпиададан мәхрүм итү турында сүзләр йөри.

Интертат

Запись Казанда үткән Универсиада һәм дөнья чемпионаты вакытында спортчылар допинг кулланган впервые появилась Tatar Today - татар яңалыклары..