1 сентябрь Азат Абитов беренче тапкыр операция өстәленә ята. Сәбәбе: 2010 елны тезенең связкалары өзелә, ләкин ул операцияны 2020 нче елга кадәр кичектереп килә.  Операция катлаулы, ләкин уңышлы уза.

” Кемнәр минем иҗатны күзәтеп бара, алар белә: мин үлеп футбол яратам һәм бу мәхәббәт нәтиҗәсез калмады: 2010 нчы елда мин теземнең связкаларын өздердем. Операция күптән планлаштырылган, ул күптән кирәк иде, әмма төрле сәбәбләр аркасында, 10 елдан соң гына ясаттым.

Моңа мин бик шат (шуңа фотода бәхетле күренәмдер) Операция әйбәт үтте, диделәр, ләкин “Без уйлаганнан әз генә авыррак килеп чыкты”, диде табиб.

Минем связкаларны алыштырдылар һәм мениск удалить иттеләр. Икенче аякка да шундый операция кирәк, ансы 2017нче елда өзелде! Так что, әле 7 ел түзеп була.

Шуның өчен үзегезне, аяк-кулларыгызны саклагыз, дуслар, табибларга вакытында мөрәҗәгать итегез. Ә минем хәлем хәзер әйбәт: тиздән өйгә кайтам һәм гастрольләргә әзерләнә башлыйм. Күптән көтелгән операция узды, хәзер күптән көтелгән концертлар җитә, Алла бирса.

Сентябрьның икенче өлешендә сәхнәдә очрашырбыз! “, дип яза Азат Абитов

Чыганак: Азат Абитов инстаграм бите

Запись Азат Абитов оперция өстәленә ята… [видео] впервые появилась Tatar Today - татар яңалыклары..

28 майда Әлмәт районындагы Ирекле авылында бәхетсезлек очрагы була. Шул вакытта бер баланың тәненең 85 проценты ялкын утына пешә. Табиблар аңа тугыз операция ясаган. Бу турыда Татарстан Сәламәтлек саклау министрлыгының матбугат хезмәте хәбәр итте.

Ашыгыч ярдәм табиблары имгәнгән баланы Әлмәт шәһәренә «Татнефть» медицина-санитария частенә алып килә. 29 майда аның хәлен стабильләштерәләр һәм санавиация ярдәмендә Казанга Балалар республика клиник хастаханәсенә китерәләр.

Баланың хәле авыр була. Аңа тугыз операция ясыйлар, тән тиресен чистарталар. Бер ай дәвамында тырыша торгач. табиблар бу баланы «теге дөньядан кире алып кайтты», диелә бу хәбәрдә.
3 июльдә малайны өенә кайтарып җибәргәннәр. Хәзер ул реабилитация уза.

Фото: minzdrav.tatarstan.ru

Чыганак: МИНИСТЕРСТВО ЗДРАВООХРАНЕНИЯ РТ

Запись «Теге дөньядан кире алып кайттылар»: Татарстанда малайга тугыз операция ясаганнар впервые появилась Tatar Today - татар яңалыклары..

Айгөл йөклегенең 17нче атнасында эч авыртуга зарлана. Балтач хастаханәсенә килә. Хирург аны карый һәм эчендә шеш барын ачыклый. Хатынны МРТга җибәрәләр. Айгөлнең эчендә 12 см зурлыктагы шеш булуы билгеләнә. Аны ашыгыч рәвештә Казанга РКБга озаталар.

Акушер-гинекологлар һәм хирурглар операцияне авыртуны баса торган даруларсыз гына ясап, йөкле хатынны да, аның туачак баласын да саклап калып була дигән карарга килә.

Айгөлнең эченнән шешне алалар, ләкин аның белән бергә бер күкәйлеген дә алылрга туры килә. Бу шеш май тукымаларыннан һәм чәчтән торган булып чыга. Гадәттә мондый шешләрдә чәч була. Икенче көнне үк йөкле хатын үзе йөри һәм утыра башлый.

Операцияне хирургия бүлеге җитәкчесе Александр Киршин, анестезиолог-реаниматолог Людмила Камаева, шəфкать туташы Ираида Тямакова ясаган.

View this post on Instagram

A post shared by РКБ Татарстан (@rkb_tatarstan)

Фото: РКБ Татарстан инстаграмыннан 

Чыганак: РКБ Татарстан инстаграмыннан

Запись Татарстанда йөкле хатын-кыз эченнән чәч белән майдан гына торган шеш алганнар впервые появилась Tatar Today - татар яңалыклары..

Иван бик озак вакыт дәвамында үпкә вентиляциясе системасына тоташтырылган булган. Ләкин Иванның трахеясында җөйләр барлыкка килгән. Сулыш алу юлына зыян килеп, ир-егетнең тыны кысыла, суларга һава җитми башлый. Иван аңын югалта башлагач, шундук “ашыгыч ярдәм” чакырткан. Егеткә вакытында ярдәм күрсәтелмәгән очракта, аның трахеясы җөйле тукыма белән капланып, әлеге хәл фаҗигале тәмамланырга мөмкин булган.

Сарман районы үзәк хастаханәсенә егет үлем хәлендә китерелгән. Табиблар ничек ярдәм итәргә белмәгәч, видео аша Республика клиника хастаханәсендәге коллегаларына мөрәҗәгать иткән.

Мөрәҗәгать 7:30 сәгатьтә кабул ителгән, Казан табибы 8:15 сәгатьтә вертолет белән районга юл тоткан. Табиб килгәндә, Иван аңсыз яткан. Трахеядагы яктылыкның диаметры нибары 2 миллиметр булган, һава кермәгән диярлек.

Республика клиника хастаханәсенең торакаль хирургия бүлеге (күкрәк читлеге органнары хирургиясе) мөдире Евгений Тришин трахеяны киңәйтү буенча операция ясаган. Гадәттә, мондый операцияне Россиянең алдынгы клиникаларында гына ясыйлар.

Бу операция – Иванны коткару, яшәтү өчен бердәнбер чара булган. Шулай итеп, егет Казан һәм Сарман табиблары ярдәме белән исән калган.

Чыганак: Шәһри Казан сайты

Запись Табиблар видео аша егетне теге дөньядан кире кайтаралар впервые появилась Tatar Today - татар яңалыклары..

Удмуртиядән килгән Павел Нагиевка операцияне 4 нче сентябрьдә ясыйлар. Операция 8 сәгать дәвам иткән.

– Пашаның авыруы тумыштан сидек юллары бозылу белән бәйле. Балага яшәү урыны буенча да, Мәскәүдә дә берничә тапкыр операция ясаганнар. Нәтиҗәдә, бөере тиешле дәрәҗәдә эшләми башлый. Башта ул корсак стенкасы аша диализ ала, аннары гемодиализга күчә. Безгә дә ул шул гемодиализда килеш килде. Әнисе бөеренең берсен бирергә ризалашты. Сәламәтлеген тикшергәч, ул донор була ала дигән карарга килдек, дип сөйләде бөер күчереп утырту бүлеге табиб-урологы Азат Амирян.

Белгеч сүзләренчә, трансплантологиядә башта донордан әгъзаны алу операциясе үткәрелә. Аннары ул әгъза күчереп утыртуга әзерләнә.

– Бу гаилә белән без бер елдан артык таныш. Безгә беренче килгәндә малайга әле 14 кенә яшь иде, ә без юридик яктан 15 яшьтән генә үткәрә алабыз. Бер ел диализда яшәп, аннары безгә килделәр. Җентекләп тикшердек, чөнки донорлыкта төп бурыч – аның зыянга булмавы. Комачаулаучы факторлар булмавына инангач, операция үткәрергә булдык. Әнисенең гомер озынлыгын саклап калу, тормышта үзен нидәндер чикләп калу булмасын дип тырыштык. Хәер, халыкара статистика донорларның хәтта озаграк яшәүләре турында да сөйли, чөнки алар үз сәламәтлекләренә игътибарлырак, ди хастаханәнең бөер күчереп утырту бүлеге мөдире, Татарстан һәм Идел буе федераль округы буенча штаттан тыш баш трансплантолог Шамил Галиев.

Табиблар әйтүенчә, операция уңышлы узган. Ана һәм бала өчен дә җитди чикләүләр юк. Дөрес туклану, артык алҗу, йөгенүләрдән, өшүдән саклау кебек кагыйдәләрне генә истә тоту кирәк.

– Бала хәзер тулы канлы тормыш башлый ала. Ул гемодиализга бәйле түгел. Аның бөер функцияләренең күрсәткечләре яхшы, ләкин барыбер педиатрларның даими күзәтүендә булачак. Без дә гомере дәвамында Пашаның сәламәтлеген, күчереп утыртылган бөернең эшчәнлеген күзәтеп торырга бурычлы, – диде Шамил Галиев.

Табиблар мондый төр операцияләрнең шактый четерекле булуын әйтә.

– Бу операциядә иң катлаулысы – пациентның олы кеше түгел, ә бала булуында. Балага операция ясау кыенрак. Әгъзалар олы кешенекеннән кечерәк булгач, тагын да игътибарлы, җентекле эш сорала. Өстәвенә, бала психологиясе дә бөтенләй икенче бит. Сабый елап та җибәрергә мөмкин, мондый мизгелләргә әзер булу кирәк, – ди Азат Амирян.

Бүлек мөдире аның сүзен җөпләп, балаларга караш олыларга караганда күпкә үзгә булуын аңладык, диде.

– Төп кыенлыкларның берсе – олылар өчен кулланыла торган барлык даруларның да балаларга туры килмәвендә. Әлегә безнең мондый операцияләрне 15 яшьтән генә ясавыбыз аңлашыла да, чөнки 15 яшьлек балада матдәләр алмашы процесслары олыларныкына бераз якынрак, – ди Шамил Галиев.

Табиблар Паша өчен бу операциянең гаять мөһим булуын әйтте.

– Әгәр балага операция ясамасаң, атнасына өчәр тапкыр 4әр сәгать диализ аппаратына бәйле булыр иде. Монда уку турында иркенләп сөйләү мөмкин дә түгел, аның хәрәкәте чикле булыр иде, дигән сүз. Бөер эше сидек бүлеп чыгаруга гына түгел, үсеш гормоннары формалашуга да тәэсир итә, шунлыктан бөер күчереп утырту аның гомуми үсешенә этәргеч бирәчәк, – ди Азат Амирян.

“Кирәк икән, кирәк!”

Белгечләр, бу вакыйгада төп герой – ана, ул үз-үзен корбан итәргә әзер булып, улына икенче гомер бүләк итте дисәләр дә, Пашаның әнисе Виорика Тронина үзен батырлык эшләгән каһарман итеп санамый.

– Моны батырлык димәс идем, үз балаңа ярдәм итү – минем бурыч, – ди ул.

Йөклелегенең 38 атнасында ук, Веорикага баланың сидек юлы киңәйгән, дип әйткән булганнар. Гемодиализга мохтаҗ булачак, дип кисәтмәгәннәр.

– 12 яшькә без бөернең җитәрлек дәрәҗәдә эшләмәве дигнозына кадәр килеп җиттек. Гемодиализга 2016 елның августында утырдык. Бара алганда, мәктәпкә йөрдек, укытучылар өйгә дә килеп укытты. Атнасына 3 тапкыр 4әр сәгать гемодиализда булды. Шул вакытта ук Казанга килдек, тик 15 яшьтән кечерәкләрне алмауларын әйттеләр. Быел июньдә 15 яшь тулгач, кабат килдек, – дип сөйләде Виорика “Интертат” хәбәрчесенә.

– Операциягә ничек әзерләндегез, куркуыгызны ничек җиңдегез, – дип сорыйм аннан.

– Әзерләнергә кирәк, дигән сорау тормады да кебек минем алда. Кирәк икән, кирәк. Курыкмадым. Хастаханә табиблары турында бәяләмәләр уңай булуы да булышты дияр идем. Операциядән соң җиңеләю, өмет тоям, – ди ана.

Донор булу өчен Пашаның әтисе дә тикшерелгән булган. Аның бөере дә күчереп утырту өчен идеаль туры килә дип әйткән булган табиблар. Тик гаилә башлыгы хатынының, өч баланың бердәнбер тукландыручысы булганга, донор булуны Веорика үз өстенә алган.

– Операциядән соң 4 көн дәвамында әтиебез безнең янәшәдә булды, безне карады, тик озак тора алмады, өйдә әле тагын 13 һәм 10 яшьлек балалар да бар бит, – ди ул.

Мәктәпне сагындым…

Бу уку елында әле уку тәмен татырга да өлгермәгән Паша мәктәпне сагынган.

– Дусларымны, сыйныфташларымны сагындым. Мәктәпкә кайчан киләсең, дип дустым Влад та шалтыратты. Барасым килә инде, – ди ул.

Хастаханәдә дәваланган чорда укытучысы да шалтыратып, хәл белешеп торган.

– Әлегә өйдә укыячакбыз, мәктәпкә бераз тернәкләнгәч барыр инде, әле вирус эләктерү куркынычы да бар бит, – ди Виорика.

Әни кешедән Пашаның ни белән мавыгуы турында да сораштык.

– Квадроцикл, скутерым бар, ди Паша әнисеннән иртәрәк.

– Техника җене кагылган инде. Шуларны сүтеп җыеп мәш киләләр. Китап уку, конструктор, пазл җыю, рәсем ясау кебек шөгыльләрдән бик ерак, озаклап бер урында утыручылардан түгел безнең бала. Менә двигатель сүтеп җыю, көпчәкләр карау кебек эшләрнең остасы инде. Су коенырга ярата, дип өстәде әнисе.

– Билгеле, һәр операциядә рисклар була, аларны исәпкә алып, эшли белергә генә кирәк.

Операциядән соң Паша һәм әнисе өч атнадан артык безнең күзәтүдә булды. Әни кеше үзен тыныч, яхшы хис итә, аны берни борчымый. Бала да үзе сия ала, әгъза яхшы урнашты дигән сүз. Сөенеп кайтып китәрләр дип өметләнәбез, – диләр табиблар.

Киләчәктә хастаханә бөер күчереп утырту операцияләрен кечерәк яшьтәге балаларга да үткәрергә ниятли. Татарстан кешеләренә Мәскәүгә йөрергә туры килмәс иде, ди Шамил Галиев. Тик моның өчен ул махсус өйрәнү узган, проблеманың нечкәлекләренә кадәр белгән белгеч булырга тиешлеген әйтте. Бүген нәниләргә әлеге операцияләрне Мәскәүдә Россия балалар клиник хастаханәсендә, Трансплантология институтында ясыйлар.

Татарстанда бөер күчереп утырту буенча елына 24-30 лап операция ясала. Әгъзалар исән кешедән дә, мәрхүмнәрдән дә алынырга мөмкин. 2015 елдан республикада күрше төбәкләрдән пациентларга да операцияләр уздырыла. Республика клиник хастаханәсе Удмуртия, Чувашстан, Мари Эл, Ульяновск өлкәләреннән авыруларны кабул итә. Андыйларга былтыр 8, быел 7 трансплантация башкарылган.

– Узган атнада гына әле Мари Элдан 33 яшьлек хатын-кызга әнисеннән бөер күчереп утырттык. Киләсе атнада Удмуртиядән бер пациентны кабул итәчәкбез, – диде Шамил Галиев.

2004 елдан бүлек ачылганнан бирле, Татарстанда бөер күчереп утырту буенча 286 операция ясалган. Татарстанда бөер күчереп утыртуга елына 60-70 лап кеше мохтаҗ. Диализда 1400 ләп кеше исәпләнә.

Автор: Гөлнар ГАРИФУЛЛИНА
Фото: Гөлнар Гарифуллина
intertat.tatar

Запись Казанда әнисе улына икенче гомер бүләк итә, ә өйдә тагын ике баласы көтә впервые появилась Tatar Today - татар яңалыклары..

• Аневризма ул – кан тамыры тышчасының бер урында юкарып киңәюе.

Пациентның өлкән яшен һәм элек үпкәсенә операция ясалганын исәпкә алганда, ачык операция ясау куркыныч тудырыр иде. Шуңа күрә БСМП табиблары командасы, аневризманың бөер артериялары куышлыгына да керүен исәпкә алып, пациентка бераз соңрак аорта инфрареналь бүлегенә стент-графт кую буенча операция ясарга карар кыла.

• Стент-графт ул – кан тамырларында тайпылышлар булганда дәвалау өчен кулланыла торган махсус металл конструкция.

– Шул рәвешле, Татарстанда беренче тапкыр стент-графт ярдәмендә ботта кечкенә генә кисем аша корсак аортасына протез куярга уйладык. Аневризма шартлау куркынычы проблемасын хәл иттек. Бер үк вакытта эндографт белән уң як бөер артериясенә дә протез куярга ниятләдек. Процедура уңышлы узды, пациент үзен яхшы хис итә, – дип белдерде Рәмис Якубов.

Табиб әйтүенчә, кечкенә генә кисем аша протезларның корсак һәм бөер аортасына куелуы – уникаль технология казанышы. Ул, болай эшләгәндә, барлык кан тамырлары функцияләре сакланып кала, дип аңлатты.

Рәмис Якубов олы яшьтәге пациентларның гадәти операцияләрне авыр кичерүен искәртте.

– Корсак аортасы аневризмасы – мәкерле чир. Гадәти хирургия юлы белән операция ясарга уйлаган булсак, бөтен корсакны ачарга, эчәклекне аерырга, күтәрергә кирәк булыр иде. Геннадий Атлановның төп кан тамыры яки аортасы нәкъ менә умырткасы алдында шактый киңәйгән иде. Аны ясалма протезга алмаштыру кирәк булды. Бәхеткә, бүген эндографт кую кебек технология бар. Ботта кечерәк кисем аркылы бот тамырлары буенча протез куела. Аның өлешләре аорта эчендә рентген операция бүлмәсендә ангиограф контролендә җыела.

Тагын бер авырлык шунда булды: пациентның аневризмасы шактый югары иде. Ул бөер артерияләренә дә үтеп кергән. Кан тамырлары функцияләрен башкарачак протезның бөер артерияләрен каплап, бөерләрне үтерүе ихтимал иде. Шуңа күрә махсус технология куллану карар ителде. Безгә аны беренче тапкыр 5 ел элек Израиль профессоры күрсәткән иде. Шуны эшләп карарга булдык. Эндографтлар бер үк вакытта бөер артерияләренә дә куелды.

Бу “чимини” дигән технология – тәрҗемәдән “мич торбалары” дигән сүз. Ул өскә карап торучы берничә торбадан гыйбарәт. Бу бөер артерияләрен капламаска мөмкинлек бирүче технология. Шул рәвешле, бер-берсен измәсен өчен, барлык кан тамырлары ачыла. Технология беренче тапкыр файдаланылды. Бу мини инвазияле операция санала, ягъни тәнне кисү юк дәрәҗәсендә, корсакта бер кисемсез бөер һәм аортаны тулысынча протезлау мөмкинлеге бирә, – дип сөйләде хирург Рәмис Якубов.

Ул бу операциянең кыйбатлы булуын, якынча 700-800 мең сумга төшүен билгеләп узды. Пациентка квота буенча ясалганлыктан, аның өчен бушлай үткәрелгән.

– Операциягә тотыла торган материаллары шулай кыйбат, эндографтлар Америкада җитештерелгән, алар кыйммәт тора. Уникаль технологияләр шактый зур гәүдәле олы кешенең гомерен саклап калырга булышты. Без аны марттан бирле күзәттек, аның өчен махсус кирәкле җайланмаларга заказ бирдек, чөнки без һәр кешегә миллиметрына кадәр төгәл туры китереп индивидуаль продукция кулланабыз, – ди табиб.

Рәмис Якубов әйтүенчә, мондый катлаулы операцияләр алдыннан пациентның гаиләсенә, якыннарына операциянең үзенчәлекләре алдан аңлатыла.

– Безнең бурыч – аның бөерләрен саклап калу һәм аневризма капчыгын өзелүдән саклау дидек. Корсак аортасы аневризмасы – кеше гомере өчен куркыныч тудыра торган халәт, ул теләсә кайсы вакытта шартлап, кеше корсак куышлыгында кан китүдән санаулы минутлар эчендә үләргә мөмкин, – ди табиб.

Корсак аортасы аневризмасына атеросклероз сәбәпче.

• Атеросклероз ул – липидлар алмашы бозылу нәтиҗәсендә артерияләрнең хроник авыруы.

– Олы яшьтә пациентларның күпчелегендә регенерация күзәтелә, кан тамырлары сыгылмалы түгел, ә бик зәгыйфь. Бу ниндидер сегментта өзелүгә китерә. Басым астында кан атылып чыга дигән сүз. Тутыктан торба шартлаган кебек. Монда да шул ук хәл. Бу очракта тутык булып атеросклероз тора. Ул кан тамырларын ашый, боза, дип ачыклык кертте Рәмис Якубов.

Аның әйтүенчә, мондый технология белән операцияләр хастаханәдә сирәк ясала. Чөнки, беренчедән, кыйбат, икенчедән, катлаулы.

– Системалар иңбаш артерияләреннән алып бот артерияләренә кадәр куела. Бер үк вакытта 3-4 кеше эшләргә тиеш. Корсак куышлыгында шушы катлаулы конструкцияне әзерләү Союз-Аполлон космик кораблен җыю белән бер, чөнки миллиметрына кадәр төгәл туры китерү мөһим. Өлкәннәр өчен мондый аз җәрәхәтле операцияләр бигрәк тә кирәк, алар мондый процедураларны җиңелрәк кичерә. Башка төрле авырулары да күп булган пациентлар гадәти операцияләрне авыр кичерә, еш кына үлем белән тәмамлана, ник дигәндә, аларның йөрәк кан тамырлары инде таушалган, – дип аңлатты хирург.

Ә, гомумән алганда, корсак аортасы аневризмасыннан операцияләр ясау буенча программа БСМП да берничә ел гамәлдә.

– Чират кәгазе буенча, мохтаҗ булган һәр пациент үзенең протезын көтә. Универсаль размерлар юк, шуңа күрә бу эш бераз чикләнгән, – диде табиб.

Геннадий Атланов операциядән соң икенче көнне инде аягына баскан. 4-5 көн узгач, өенә дә чыгарылган. Шулай да, пациентка даими күзәтү астында булу киңәш ителгән.

– 3-6 айдан томография ясарга киңәш итәбез, шулай тиеш. Аннары 3-5 ел эчендә елга бер тапкыр булса да күренү кирәк, диде Рәмис Якубов.

“Йөткергәндә авыртудан хәтта кычкырып җибәрә иде”

Геннадий Атланов гомере буе заводта станоклар көйләп, наладчик булып эшләгән. Тормыш иптәше Валентина Степановна иренең авыруы ничек башланганын искә алып сөйләде.

– Операциягә кадәр язын ук авырта башлаган иде инде. Аңа салкын тиде, табиб чакырган идек, ике тәүлек узгач кына килде. Эче турысында уң яктан бик каты чәнчеде аның, йөткерә дә алмый, йөткергәндә хәтта авыртудан кычкырып җибәрә иде. Аның температурасы да бик югары иде. Табиб дарулар эчәргә кушты, ләкин авыртуы үтмәде, аннары ашыгыч ярдәм чакырдык. Шуннан тикшерү узгач, корсак аортасы аневризмасы чире ачыкланды. Шул ук көнне БСМП га алып киттеләр, реанимациягә салдылар. Дәвалагач, бераз хәле җиңеләйде. Шуннан безгә операция кирәк, дип әйттеләр. Кирәкле җайланмалары әзерләнеп беткәч, күптән түгел ясадылар. Геннадий үзе дә операциягә әзер иде. Аның моңа кадәр дә операцияләр кичергәне бар иде. Үпкә шеше булып, бер өлешен алганнар иде. Операциядән соң тиз тернәкләнде. 14 октябрьдә 84 яшь тулачак, – дип сөйләде Валентина Степановна.

Автор: Гөлнар ГАРИФУЛЛИНА

Чыганак һәм фото: Интертат

Запись Чаллыдан Геннадий Атланов: “Йөткергәндә авыртудан хәтта кычкырып җибәрә идем… Булыштылар” впервые появилась Tatar Today - татар яңалыклары..

Үз нейрохирургларыбыз компьютер томографы һәм электрон-оптик үзгәрткечтән файдаланып, яңа җаһазлар ярдәмендә умыртка баганасына өч операция ясады. Консультант сыйфатында Brainlab (Германия) компаниясе вәкиле катнашты. //Татар-информ//

Операцияләр уңышлы узды дияргә була, диләр министрлыкта. Элек медсанчасть медиклары яңа җиһазны үзләштерү өчен Мәскәү фәнни-тикшеренү институтына барганнар.

Запись Яңа җиһазлар ярдәмендә катлаулы операцияләрне хәзер Әлмәттә ясыйлар впервые появилась Tatar Today - татар яңалыклары..

Хәзерге вакытта Родриго инде 43 операция кичергән. Шуларның 7се борынга ясалган. Ләкин ахыргы операция вакытында егетнең организмы яңача борынны кабул итми башлаган. Шуңа да Родриго үзенең курчак кыяфәтен 46,5 мең долларга (3 миллион) иминиятләштергән.

Coming up soon on #channel5 #realitytvshow #realityshow #rodrigoalves #humankendoll pic.twitter.com/9L3w73bVTw

— Rodrigo Alves (@RodrigoUHNWs) 11 июля 2016 г.

Хәзер Родриго сау-сәламәт һәм бүтән пычак астына ятарга җыенмый.

Human Ken doll Rodrigo insures himself for £1 million after 43 cosmetic surgeries https://t.co/cCf3OWuBz8

— Rodrigo Alves (@RodrigoUHNWs) August 10, 2016

Шуны да әйтергә кирәктер, курчакка охшаш булу өчен Родриго Алвес 340 мең доллар (22 миллион) акча сарыф иткән.

https://lady.mail.ru/

Фото http://forum-dollplanet.ru/

Запись Кен курчагы кебек булырга теләгән ир-ат, 22 миллион сум акча түләп, 43 операция ясата [фото] впервые появилась Tatar Today - татар яңалыклары..