Юмор остасы Данир Сабиров Инстаграм битенә яңа пародияләр яздырып чыгара. Аңа ярдәмгә музыкант Роберт Хәлилов та килә.

Һава десантлары гаскәрләре көнендә Данир Сабиров кечкенә онлайн концерт оештыра. Татар эстрадасының җырчыларына пародияләр ясап, Инстаграм битенә урнаштыра. Алар арасында Айдар Галимов, Фирзәр Мортазин, Габделфәт Сафин, ИлСаф, хәтта Флүрә Сөләйманова да бар.

Чыганак: Данир Сабировның Инстаграмы

Запись Данир Сабировтан яңа пародияләр: Айдар Галимов, Фирзәр Мортазин, Илсаф һәм? [видео] впервые появилась Tatar Today - татар яңалыклары..

Филүс Каһиров концертларына кызык ысул белән чакыра. Җырчыларга пародия күрсәтеп, концертлары турында сөйләп алды ул.

“Безнең концертларда мине гел моңсу яки опера җырларын башкара дип уйлыйлар. Ялгышасыз (җырлап). Безнең концертларда төрлесе бар, төрле жанрлар, төрле телләрдә җырлыйбыз. Тере музыка кораллары, тере тавыш, беркачан да фонограммага җырламыйбыз. Шуларга концертларга килеп инана аласыз… Пародияләр дә булыр бәлки…” дип сөйләде җырчы Филүс Каһиров.

Запись Филүс Каһиров яңа пародияләрен күрсәтә [видео] впервые появилась Tatar Today - татар яңалыклары..

«Хәерле иртә Казан. Урамда яз. Юллар юк. Ләкин мин барысы да яхшы булыр дип уйлыйм» диелгән видеоязмада. Бер атна да үтмәгән – егет күрсәткән ишек алдының юлын төзекләндерә дә башлаганнар!

– Вакыйгалар мин яшәгән Мәүлетов урамында бара. Безнең ишек алдында машина белән йөри торган түгел – көпчәкләрең шакмакланып бетә. Рөстәм Миңнехановның «Instagram»ын карап утырган идем. Ул бер видеоязма кертте: үзенең резиденциясен төшергән һәм кадр артында сөйләп тора: «Монда томан төшкән, әмма мин бар да яхшы булыр дип уйлыйм», ди ул анда. Башыма шушындый видео төшерү уе килде. Миңнеханов булып сөйли-сөйли ишек алдыбызны күрсәттем һәм интернетка элдем. Бер атна да үтмәде, ишек алдына техника килде, юлны эшли башладылар. Мин машинада килеп туктадым да чыгып видеоның икенче өлешен төшереп бетердем – һаман да Президент тавышы белән: «Ну, нәрсә? Молодцы! Ишеткәннәр безнең сүзне, эшлиләр. Әйдә, эшләсеннәр, халык өчен бит. Халык өчен – бу безнең өчен» дигән сүзләр әйттем. Тиз арада таралып та өлгерде, дип уртаклаша Айнур.

Бу юлларны төзекләндерүләренә нәкъ менә минем пародиям сәбәпче булгандыр, дип, 100 процент ышанып әйтә алмыйм, әмма андый шик бар. Кем белә, бәлки очраклы туры килүдер… Үзем өчен дә сер монысы. Әгәр файдасы булса, мин моңа сөенәм генә, – ди егет. 

Ә видеоязманың пародия генә булуын аңламаучылар шактый. Кемдер моны чынлап та Миңнеханов үзе сөйли дип кабул иткән. «Халык өчен дисез! Сез нәрсә сөйлисез!» – дип нәфрәтләнгән берсе. Икенчесе: «Миңнеханов биш катлы йорт фатирында нәрсә эшләп йөри икән?» – дип баш вата. Янәсе, Президент кеше башкала элитасы яши торган купшы йортларда гына йөрергә мөмкин бит. Ә монда – биш катлы «хрущевка»…

Болай булса, проблемаларын сөйләр өчен халык пародия осталарын эзли башламагае…

Запись Казанда пародияче Миңнеханов булып кылана – бер атнадан яңа юл салалар впервые появилась Tatar Today - татар яңалыклары..

Пародия өлкәсендә эшләүче популяр артистлар бу хакта ни уйлый икән:

Әбри Хәбриев: Пародияләр жанрында эшләү дәверендә, ягъни 12 ел эчендә әле бер артистның да негатив белдергәне юк иде. Киресенчә, син яхшы күрсәтәсең, дип әйтәләр иде. Рөхсәтне пародия күрсәтүгә түгел, ә аранжировкасын куллану өчен генә сораганым бар. Берсе дә каршы килмәде. “Күрсәәәәт” дип кенә җавап бирделәр. Бердәнбер рөхсәт сораган кешем – Закир абый Шаһбан. Ни өчен икәнен үзегез дә аңлагансыздыр. Закир абый каршы килү түгел, хуплады гына. Тик аңа пародияне әле дә күрсәтергә куркам, чөнки тамашачының дөрес аңламавы бар.

Алсу Фаракшина: “Әлбәттә, артисттан рөхсәт сорарга кирәк. Теләсә ничек кеше көлдерәм диеп, артистны ачуландырырга ярамый. Мин үзем артистка пародия ясыйм икән, ул бу хакта белә. Аркылы төшкәннәре юк, чөнки ямьсез яктан күрсәтмим. Пародиядә арттыру кирәк, әлбәттә. Ләкин чама булырга тиеш диеп уйлыйм. Бу, чыннан да, пиар. Күп кенә артистлар үзләре үк аларны күрсәтүне сорый”.

Рамил Шәрәпов: “Кагыйдә буларак, пародиянең билгеле бер чикләре булырга тиеш. Артистны мыскыл итәргә дә ярамый. Пародияне, гомумән, юморны аңламый торган артистлар бар. Әйбәт пародия булса да, артист аңа ачуланырга мөмкин. Гомере буе юморны аңламаган кеше әйбәт юморны да начар дип әйтәдер инде ул. Мин хәзер пародия белән шөгыльләнмим. Берара бу өлкәдә эшләп карадым, ләкин миннән чыкмый ул. Вакытында туктадым”.

Данир Сабиров: “Пародия яхшымы, начармы – ул артист өчен реклама һәм пиар! Бу юморны кемдер аңлый, кемдер аңламый. Татар эстрадасының кайбер артистлары матур булып күренергә ярата. Тик алай кызык булмый бит инде ул. Миңа да үпкәләүчеләр бар”.

Ризат Рамазанов: “Артисттан пародия ясау өчен рөхсәт сораганым булмады. Артистка пародия күрсәткәнче, аның холкын искә алырга кирәк. Халыкны көлдерәм дип, артистны артык мыскыл итеп булмый. Һәр нәрсәнең чамасы бар. Ләкин кайбер кеше, чынлап та, пародияне аңламый, үпкәли. Әгәр сиңа пародия ясыйлар икән, моңа сөенергә кирәк. Пародия – ул пиар. Мәсәлән, Рамил Шәрәпов, Илсур Сафин пародия өчен рәхмәт әйтеп шалтыратты. Миндә кешегә артык бәрелү, дигән әйбер юк”.

Эстраданың популяр артистлары Филүс Каһиров белән Фирдүс Тямаевның да пародиягә мөнәсәбәте белән кызыксындык:

Филүс Каһиров: “Моңа кадәр миңа пародия ясаучы булмады бугай. Беренчеләрдән булып “Рәвешләр” театр юморы күрсәтте. Пародиягә көлеп карыйм. Мине күрсәтәләр икән, бернинди гаеп юк. Мин каршы түгел. Әбри Хәбриев миңа пародия ясавы турында хәбәр итеп куйган иде”.

Фирдүс Тямаев: “Артист пародия ясый икән, җырчыдан рөхсәт алырга, аның ризалыгы белән генә куярга тиеш. Миңа килгәндә, миңа Данир Сабиров та, Рифат Зарипов та, Ризат Рамазанов та, Әбри Хәбриев тә, башкалар да пародия ясый. Көлеп, мескен итеп күрсәтәләр. Хайван белән дә чагыштыралар. Бу – минем өчен пиар гына!”

Эльвира ШАКИРОВА

Запись Пародия – пиармы, әллә мыскыл итүме? [артистлар фикере] впервые появилась Tatar Today - татар яңалыклары..

View this post on Instagram

A post shared by Айрат Хайруллин (@khayrullinayrat)

Үзенең Инстаграмына ул махсус видео урнаштырган. Анда Әлмәт яшьләре кешеләрне 22 апрельдә үткәреләчәк шимбә өмәсенә (субботник) чакыра.

“Минем урам-тыкрыклар хәзер ялтырый. Мин аны чистарттым, ышанасың килсә, ышан, юк икән юк. Өмә минеке, димәк шәһәрне чистартачакбыз һәм чүп-чарны профессиональ рәвештә капчыкларга тутырачакбыз. Бик җайлы, аска һәм өскә, физкультура да кирәкми. Иң яхшы спорт белән шөгыльләнү шушы була инде”, дип пародиядә җырлана. Шулай ук, хәрәкәтләр дә чын клипка охшатып ясалганнар.

Запись Әлмәт мэры “Тает лед” җыры белән кешеләрне язгы өмәгә чыгарга чакыра [видео] впервые появилась Tatar Today - татар яңалыклары..

Бу пародия бик үзенчәлекле башланып китә. Бозның катламын күрсәткән кеше, таеп, җыелган суга барып төшә.

Казан егетләре үз чиратында бөтен җирдә су дип, ләкин әле җәй җитәргә ашыкмый дип җырлый.

“Тает лед” җырының бу вариантын иң яхшы килеп чыкканы, оригиналдан да яхшырак, чынбарлыкны күрсәтә алган вариант”, дип язган күп кеше видео астына.

Запись Халык Казан егетләре башкарган “Тает лед” җырына пародияне оригиналдан яхшырак дип тапкан впервые появилась Tatar Today - татар яңалыклары..

Рамзан Кадыйров пародияны шаян нотада кабул итсә дә, Галустян икенчерәк тәэсирдә калган бугай. Хәзер ул Кадыйровка яңа пародияларны бары тик аның белән репетиция ясап, ризалыгын алып кына куя. Ютюбтагы видеода Михаил Галустянның Рамзанга яңа пародиясен күрсәтүе һәм Чечня республикасы башлыгының аны төзәтүен күреп була. Ник дигәндә, пародияның ошамавы да ихтимал бит, аннан тагын гафу сорарга туры килсә…

Запись Галустян әллә Чечня башлыгыннан курыкканмы, Рамзан Кадыйровка ошарга тырыша [видео] впервые появилась Tatar Today - татар яңалыклары..

Җиңел булмады бу концертны кую Нурзадәгә. 23нче октябрьдә көтмәгәндә әнисе вафат булды аның. Күптән түгел генә өченче инфарктын кичергән Рәмзия апаның йөрәге, 68 яше тулырга барлы-юклы бер ай калгач, тибүдән туктады. Ә 8нче ноябрьдә Нурзадә концерт куярга тиеш иде. Кайгы сөреме астында йөргән көннәрендә җырчы тамашачысын: «Концертны куя алырмынмы-юкмы – белмим», – дип кисәтеп тә куйды. Аны аңларга да була иде, әлбәттә: концертта шаярырга-көләргә кирәк, ә ике атна элек кенә әнисен югалткан кешенең шаярырга көче буламыни?! Тик Нурзадә тамашачысын кыен хәлдә калдырмады, билгеләнгән көнне концертын барыбер куйды. Без дә бардык аны тамаша кылырга. Концерт башланганчы рәтләр арасыннан: «Булдырырмы, ерып чыга алырмы, елап җибәрмәсме?» – дигән борчулы дулкын йөгереп үтте. Булдырды Нурзадә! Кайгысын эченә йотып, тамашачының күңелен күтәрде. Концерт ахырында тамашачы залында икенче бер дулкын узды: «Чын Артист икән Нурзадә, сынатмады!» Соңыннан Нурзадә: «Әти белән сөйләштем, ул: «Куй, кызым. Әниең дә шулай дип әйтер иде. Әниең куанып ятсын», – диде. Шуңа күрә концертны күчермәдем», – дип аңлатты.

3нче декабрьдә Рәмзия апаның кырыгын уздырдылар. Ә 4есе көнне Нурзадә туган авылы клубында әнисе истәлегенә концерт бирде. Рәмзия апа исән вакытта ук, хәйрия концерты уздырырбыз, дип планлаштырылган булган. Ул тәмамлангач, җырчы белән очрашып, гәп корып алдык.

Сүзне күңелсез темадан башлыйсы килми иде. Шуңа күрә әңгәмәне концерт турында сөйләшүдән башладык.

– Ничә ел туйлар алып баргач, анда төрле хәлләр булганын беләм бит инде мин. Хезмәттәшләр дә үзләре күргән-белгәннәр белән уртаклашып тора. Шуларның барысын бергә җыйнап, туйга пародия ясыйсы килде. Әйтик, концертта йомыкый ди-джей утыра ди. Тормышта да бар бит шундый эшенә җавапсыз караучылар. Тамаданы бар дип белмәгән кияү белән кәләшләр дә очрап тора. Администратор булып уйнаган артист килә дә: «Кайчан бетерәсез инде?» – дип сорый. Мин әйткәнне көтеп тә тормый ул, үзенекен тукып, китеп бара. Бар бит андый администраторлар! Нинди генә очрак булса да, тамада ерып чыга белергә тиеш, дип күрсәтергә теләдек.

– Тамаша башында: «Болар кияү ягыннан кодагыйлар, болары кәләш ягыннан», – дип таныштырдың. Үзеңнең туганнарың идеме ул, әллә өйрәтелеп куелган тамашачымы?

– Берсен дә өйрәтеп куймадык. Минем концертларга даими рәвештә йөри торган үз тамашачым бар. Алар ел да килә, гел беренче рәтләрдә утыра. Шуларны кода-кодагыйлар дип таныштырдым. Кияүнең әти-әнисен уйнарга тиешле абый белән апага гына сәхнәгә чыгып, бал-май каптырырга куштык. Алар – инде 11 ел бер дә калдырмыйча концертыма йөрүче кешеләр. Гел иң беренче булып билет алалар һәм гел беренче рәттән.

– Концертыңда бөтен тамадалар белән була торган хәлләрне күрсәттең, ә үзең алып барган туйларда нинди гадәттән тыш хәлләр булганы бар?

– У-у, бик еш булып тора алар. Бер тапкыр кәләшне көтәбез-көтәбез – юк та юк бу. Берзаман килеп керделәр. Аягын сындырган икән! Гипс салдырып килгән. Шаян кыз иде ул үзе: «Ачуланмагыз, уеннарыгызда катнаша алмыйбыз инде», – ди. Нинди ачулану, исән-сау утырып кына торыгыз, дидем.

Берсендә туйга килгән бер хатынны бәйрәм уртасында бәби табарга алып киттеләр. Бик каты сикереп биеп йөргән иде шул ул. Без туйны бетергәнче, тапты, дигән хәбәре дә килде аның.

Берсендә җәй көне Казандагы бер ашханәдә туй алып бардым. Бик эссе, коры көн иде дип истә калган. Күңелле генә узды, бетереп, урамга чыктык. Хәзер яшьләр һава фонаре очырырга булды. Очырдылар. Күршедәге тулай торакның түбәсенә менеп утырмасынмы фонаребыз! Янып тора. Аллаһ сакласын, дерт итеп кабынып та китә ала бит. Шуннан ирләр тиз генә түбәгә менеп, фонарьны очырып җибәрделәр инде.

Берзаман лимузиннар модада иде бит. Мин туйларын алып барырга тиешле кияү белән кәләш тә ресторанга лимузинда җилдереп килеп туктарга булды. «Бөке»гә эләгеп, сәгать ярым чыга алмый утырган болар! Лимузин озын булгач теләсә кайда борыла да алмый бит ул. Нишлисең, туйны башладык, җырладык-уйнадык инде. Сәгать ярымга соңга калып килеп кергән кияү белән кәләшнең беренче сүзе: «Лимузин алырга уйлаган көнебезне каһәрләдек», – дигән булды.

– Туйларны күп алып барасың, бер җирдә узган мәҗлес белән икенчесе арасында аерма бармы соң?

– Республика эчендә генә йөреп калмадым, Кулаткы, Шыгырдан, Түбән Новгород, Мәскәүгә дә барып җиттем инде мин. Аерма дигәннән, безнең якта хәзер заманча туйга күчтеләр. Әйтик, һәр кешегә котлау сүзе бирү бетте. Ун-унбиш кеше бергә җыелып чыгып әйтә. Ә читтә традицияне бозмыйлар. Мәсәлән, Шыгырданда ир-атлар һәм хатын-кызлар аерым утыра. Йөздән артык кеше була анда. Һәм һәрберсе басып, котлау әйтеп чыга! Төркемләп әйтегез, дигәнне ишетергә дә теләмиләр. Анда туйга кунаклар кичке 10да җыела гына башлый, мәҗлес иртәнге 4ләргә хәтле дәвам итә.

– Казандагы концертыңны башкарып чыгарга кайлардан көч таптың, Нурзадә?

– Дөресен генә әйткәндә, белмим дә. Ниләр сөйләгәнемне, ничекләр ерып чыкканымны хәтерләмим хәтта. Иҗатташ дусларым барысы да сәхнә артында торды: берәр хәл булса, минем урынга чыгып, концертны дәвам итәселәр иде. Җырларны ничек җырлаганмындыр, анысын да белмим. Ә хәзер менә кайбер җырларны башкара алмыйм – елата.

Әлеге концертымның сценариен әни әзерләгән иде бит. Гомумән, ул бик күп концертларга сценарийлар әзерләде инде. Иртәгә концерт буласы дигән көнне биш-алты тапкыр шалтыратып: «Бу әзерме, теге әзерме?» – дип сорашып торыр иде. Мин быел да концерт алдыннан күңелемнән гел әни белән сөйләшеп йөрдем. Әле һаман да сөйләшәм. Кайвакыт машинада барганда бармаклар үзеннән-үзе «Әни» дигән номерны җыя…

– Рәмзия апа турында интернетта да бик матур сүзләр яздылар, бик хөрмәт иткәннәр үзен…

– Әни бервакытта да тормыштан зарланмады. Коляскада утырса да, авылда ай саен узган урам концертларында жюрида утырды. Өч көн саен гала-концерт куйдылар. Ул югары белемле режиссер бит. Гомер буе клубта эшләде. Мин үземне белә башлаганнан бирле клубта үстем инде. Шулай да әни минем артист булуымны теләмәде. «Яшь чакта гына күңелле, олыгайгач авыр ул», – дия иде. Тик инде мин барыбер сәхнә юлын сайлагач, каршы килмәде, һәрчак терәк булды. Телевизордан карый да: «Нишләп бу күлмәгеңне кидең? Чәчеңне менә болай итеп куй. Болай эшләмә, килешми. Менә болай эшлә», – дип гел әйтеп тора иде. «Сәхнәдән тамашачыга артың белән борылып китмә, күп сөйләмә, сүзеңне уйлап сөйлә», – дигән төпле киңәшләрен биреп тора иде. Әни бик матур киенде, сумкасында һәрвакыт кершән белән иннек булыр иде. Хәтта больницага барганда да, нинди генә хәлдә булса да, иренен буямыйча бармый иде.

– Концертка әтиең дә килгән иде. Ул да юксына торгандыр Рәмзия апаны…

– Юксынмаган кая! Ул хәзер авылда үзе генә, иптәшкә мәчемне калдырдым инде. Әти: «Телевизорда карый торган бер нәрсә юк икән», – ди. Әни исән чакта телевизорны сирәк карадылар, вакытларын сөйләшеп, чәй эчеп, бергәләп нәрсәдер эшләп уздырырлар иде. Концерттан соң бер кочак чәчәк биреп кайтардым әле әтигә. Әнигә илтеп бирергә куштым…

Энем Ханты-Мансида яши. Аңа бигрәк тә авыр булды инде: әнине соңгы тапкыр май аенда күргән иде бит.

Минем дә үкенечләрем калды. Вафатына бер көн кала әнине кайтып күрдем, тик соңгы сулышын алганда янында була алмадым… Бер концерттан соң да әни белән фотога төшкәнебез булмаган икән. Анда чабышасың, берсе белән хушлашасың, икенчесен озатасың бит. Җәй көне әни: «Казансу буйларын бер күрәсем килә, бик матурайган икән», – дигән иде. Мин бишенче катта яшәгәч, миңа кунакка килә алмады бит ул. Яңа фатир алдым, беренче катта. «Хәзер, әни, син дә килә алачаксың инде», – дигән идем. Насыйп булмады. Казансу буйларын да күрсәтеп кала алмадым… Эш дип чабабыз да чабабыз шул. Якын кешеләребез мәңге яшәр кебек. Менә без дә, әни шундый актив булгач, аны шулай тиз югалтырбыз дип уйламаган да идек.

P.S. «Безнең гәҗит» редакциясе коллективы газета битләре аша тагын бер тапкыр Нурзадәнең һәм туганнарының тирән кайгысын уртаклаша. Бу язмабыз да Рәмзия апаның рухына дога булып барып ирешсен иде. Нурзадә авыр вакытында янәшәдә булган дусларына, туганнарына, якын кешеләренә рәхмәтен җиткерә.

Запись Нурзадә: “Әнинең Казансу буйларын карыйсы килгән иде, күрсәтә алмадым – үкенечем шул…” впервые появилась Tatar Today - татар яңалыклары..

“29 октябрьдә YouTube сайтында урнаштырылган ролик 11 меңнән артык карау җыйды. Әлеге видеода Эмил Талипов президент Рөстәм Миңнехановка пародия ясый.

– Эмил, әлеге видео кайчан, кайда төшерелде? 

– Видео Рамил Төхвәтуллинның юбилей кичәсендә төшерелде. Ялгышмасам, аны җырчы Раяз Фасыйхов яздырган, ә менә интернетка кем куйганын белмим. 

– Президент әлеге видеоны күргән микән?

– Белмим, ләкин күреп аны яратмаган булса, мин белер идем . Пародия – минем төп шөгылем түгел. Мин – Камал театрның артисты. Ә пародияләрне мин бары дуслар, туганнар арасында гына күрсәтәм.

– Беренче тапкыр пародияләрне кайчан ясый башладың?

– Мәктәптә укыган чакта. Мин укытучыларга пародияләр ясый идем.  Аннары, Камал театрында эшли башлагач, төрле чараларда катнаша башладым. 10 ел элек 8 март бәйрәмендә хатын кызларны Минтимер Шәймиев исеменннән котладым. Пародиямне ошаттылар.  Рамил Төхвәтуллин әлеге чыгышымны Дәүләт советында эшләүче хатын кызлар өчен дә кабатларга сорады. Мин ризалаштым. Ул вакытта Рөстәм Миңнеханов премьер-министр иде, минем чыгышмны күрде, көлде.

– Ә Минтимер Шәймиев  кайчан күрде?

– Театрыбызның дусты Салаватның юбилей кичәсендә. Җырчыны Шәймиев исеменнән котлаганда, Минтимер Шәриповичның реакциясен күрдем. Ул да бик көлде.

– Пародияләрегезгә үпкәләгән кешеләр булдымы?

– Юк дип өметләнәм. Чыгыш алдыннан мин текстны кат-кат укып чыгам. Кешеләрне бер сүз белән дә үпкәлтергә мөмкин, Аллам сакласын! Һәр кешенең юмор хисе төрле бит…

– Пародияләрне яратмаучылар да бар…

– Ә беләсезме пародияләрне кем бик ярата?  Салават Фәтхетдинов. Ул миңа: “Кайда телисең, ничек телисең миңа пародия ясый аласың!”, диде.

– Эмил, сезнең инде бер концерт программасы әзер диярлек. Әгәр дә чыгыш ясарга тәкъдим итсәләр, ничә сумлык гонорарга риза булыр идегез?

– Мин акча сорый белмим. Шәймиевка пародия ясау мондый суммага булачак, Миннехановка шуның хәтле дигән прейскурантым да юк. Дуслар өчен мин бушка чыгыш ясыйм. Юбилейларга чакырсалар, “ничә сум түлик” дигән сорауга: “күпме бирсәгез, шуңа риза”, дим.  Ә акча минем өчен артык булмас, дөресен әйтәм…  Олыгайган саен, акча турында ешрак фикер йөртәм. Театрда түләнгән хезмәт хакым җитсә, мин аннан чыкмас та идем, көне-төне репетицияләрдә генә булыр идем. Ләкин, кызганыч…. Мин Галиәскәр Камал артисты. Мин халык арасында яхшы, матур күренергә тиеш. Ә бу акча сорый.

– Сез әле өйләнмәгәнме?

– Әлегә юк. Ләкин гаилә турында уйланырга вакыт дип саный, миңа бит инде 32 яшь. Тормыштагы кайбер вакыйгаларны алдан планнаштырып булмый:  кайчан туачагыбызны, өйләнәчәгебезне, бу дөньядан кайчан китәчәгебезне алдан белә алмыйбыз.”

Запись Шәймиев, Миңнеханов булып сөйләүче Эмил Талипов гонорарлары турында сөйли [видео] впервые появилась Tatar Today - татар яңалыклары..