Архивы печенье - Tatar Today - татар яңалыклары.

Печеньедан тәмле торт рецепты

Редактор1 editor1 — Thu, 02 Mar 2017 06:44:50 +0000

Кирәк булачак: 1 кг “Юбилейное” печеньесы, 400г куертылган сөт (варенная сгущенка), 200г май, ванилин.

Ясау тәртибе:

Ак майны яхшылап болгатабыз. Ванилин, сөт салып яңадан бутыйбыз.

Печеньены катлам-катлам төзәбез. Араларын крем белән сылыйбыз.

Тортны вакланган печенье белән бизибез.

Чәйләрегез тәмле булсын!

Запись Печеньедан тәмле торт рецепты впервые появилась Tatar Today - татар яңалыклары..

“Почмаклар” печеньесын пешерергә өйрәнәбез

Редактор1 editor1 — Wed, 08 Feb 2017 12:31:07 +0000

Кирәк булачак:

200 г эремчек, 100г май, 100г шикәр комы, 1 йомырка, 2,5 ст он, 1 бал кашыгы разрыхлитель, 1г ванилин.

Пешерү тәртибе:

Эремчекне яхшылап уабыз.

Эремчеккә йомшак май, йомырка салып болгатырга.

Бераздан он, разрыхлитель, ванилин салып камыр басарга. Камыр кулга ябышмаска тиеш.

Әзер камырны 20 минутка калдырып торырга.

Камырны икегә бүлеп җәяргә һәм түгәрәкләп кисәргә (пилмәнгә кебек).

Түгәрәкләргә шикәр комы сибәргә һәм бер яктан капларга, тагын бер кат шикәр сибәргә һәм каплап куярга. Шулай итеп кечкенә почмаклар килеп чыгарга тиеш.

Печеньеларны 20 минут духовкада пешерергә.

Запись “Почмаклар” печеньесын пешерергә өйрәнәбез впервые появилась Tatar Today - татар яңалыклары..

“Чикләвек” печеньесы

Редактор1 editor1 — Wed, 07 Sep 2016 19:07:52 +0000

Кирәк булачак: 150 г шикәр комы, 2 йомырка, 250 г маргарин, 1/1 балкашыгы сода, 500 г он.
Печенье эчлеге өчен: 1 банка куертылган сөт, 100 г төелгән чикләвек төше.

Йомыркага шикәр комы салып тугларга, маргарин, сода һәм он өстәргә. Камыр басарга. Юка итеп җәяргә һәм аны яртышар кузы чикләвеге рәвешендәге махсус формаларга салып духовкада пешереп алырга. Пешкән ярымшарланы суытырга, формадан алырга, аларга эчлек тутырырга һәм кара-каршы китереп ябыштырырга. Шулай итеп, кузы чикләвеге рәвешендәге печенье хасил була.

Тәмле булсын!

Запись “Чикләвек” печеньесы впервые появилась Tatar Today - татар яңалыклары..

“Гөмбә” печеньесы

Редактор1 editor1 — Wed, 24 Aug 2016 13:07:35 +0000

Кирәк булачак: 460 г он, 200 г май, 150 г шикәр пудрасы, 1 бал кашыгы ванилин (вильный сахар), 2 йомырка, 40 г крахмал, 10 г разрыхлитель, 1 аш кашыгы какао.

Пешерү тәртибе:

Майны изәбез һәм ванилин белән шикәр пудрасы салып яхшылап болгатабыз. Барлыкка килгән массага берәмләп йомырка салабыз.

Йомыркалы массаны тагын бер кат яхшылап болгаткач, разрыхлитель, он һәм крахмал өстибез.

Камырны каплап, 30 минут суыткычта тотабыз.

Камырны 45-50 шарчыкларга бүләбез. Шарчыкларны майланган табага төзәбез һәм уртасына трубочка ярдәмендә басып чыгып, гөмбәләрнең аякларын ясыйбыз. Аларны какакога манып алсагыз да ярый.

Печенье 180 градус кызулыкта 15 минут пешә.

Чәйләрегез тәмле булсын!

Запись “Гөмбә” печеньесы впервые появилась Tatar Today - татар яңалыклары..

Бананлы, эремчекле печенье рецепты

Редактор1 editor1 — Mon, 01 Aug 2016 09:26:40 +0000

Кирәк булачак: 1 банан, 250 г эремчек, 4 аш кашыгы он.

Бананны чистатырга һәм чәнечке ярдәмендә изәргә. Банан яхшы пешкән булса әйбәтрәк булыр.
Банан янына эрмчек кушарга.
Барлыкка килгән массаны яхшылап болгатырга һәм әкренләп он салырга. Онны ашыкмыйча гына, чамалап салыгыз, чөнки камыр артык тыгыз булырга тиеш түгел.
Табаны яхшылап майлыйбыз яисә пергамент кәгазен җәябез. Камырдан түгәрәкләр әвәлибез.
еченьены панировкада әйләндереп алсагыз да була. Печеньены табага төзеп чыккач, 180 градуслы кызулыкта 12 минут пешереп алабыз.
Печенье кызаргач, икенче ягына әйләндереп салабыз да, тагын бераз духовкада пешереп алабыз.
Әлеге печеньега бал, джем, җиләк-җимешләр дә кушып була.

Чәйләрегез тәмле булсын!

Запись Бананлы, эремчекле печенье рецепты впервые появилась Tatar Today - татар яңалыклары..