Архивы Пенсия фонды - Tatar Today - татар яңалыклары.

Пенсия фондында гыйнвар пенсияләрен түләү срокларын әйттеләр

Alfia — Sun, 22 Dec 2019 13:59:05 +0000

Россиядә гыйнвар пенсияләрен вакытыннан алда, декабрь ахырында түли башлаячаклар. Әлеге карарны Пенсия фонды идарәсен кабул иткән. Бу турыда оешманың матбугат хезмәте хәбәр итә.

«25 декабрьдән башлап Пенсия фонды бүлекчәләре Россия Почтасы, ә 27 декабрьдән кредит оешмалары, шулай ук Сбербанк аша пенсия түләүне башлаячак», — диделәр Пенсия фондында.

Ә пенсияләрне банк карталарына алучы пенсионерларга гыйнвар акчалары 30 декабрьдә күчереләчәк. Почта аша пенсия алучыларга аларны стандарт график буенча — киләсе елның 3 гыйнварыннан тарата башлаячаклар.

Алдарак «Татар-информ» хәбәр иткәнчә, Россия Президенты Владимир Путин 2020 елның 1 гыйнварыннан эшләмәүче пенсионерларның иминият пенсияләрен 6,6 процентка арттыру турында хәбәр итте.

Бу үзгәреш үзмәшгуль пенсионерларга да кагылачак, чөнки алар мәҗбүри иминият взнослары түләми. Эшләүче пенсионерларның пенсияләре бары тик 1 августтан гына артачак.

Мәгълүмат: tatar-inform.tatar

Запись Пенсия фондында гыйнвар пенсияләрен түләү срокларын әйттеләр впервые появилась Tatar Today - татар яңалыклары..

Пенсия фондына барып исән икәнеңне расларга кирәкме?

Alfia — Mon, 09 Dec 2019 16:14:38 +0000

Бер хәбәр килеп иреште: 85 яшьтән узган кешеләрне Пенсия фонды бүлекләренә чакыралар. Алар бүлектә үзләренең исән икәнен раслап кайта. Үлгән туганнары өчен пенсия алып ятучы кешеләр дә очраштыргалый икән. Пенсия фонды шуны фаш итмәкче, янәсе.

Чынлыкта хәбәр дөресме? Әби-бабайларга шулай дәррәү кузгалырга кирәкме? Арада кузгала алмаучылар да бар бит.

– Килү мәҗбүри түгел. Пенсия фонды белгечләре үзләре өйгә йөри. Өлкән кешене өендә очратмасалар гына почта тартмасында чакырып язу калдыралар, – дип әлеге мәсьәләгә Россия Пенсия фондының Татарстандагы бүлеге баш идарәчесе урынбасары Асия Вәлиуллина ачыклык кертте. – Килгәне килә, килмәгәне юк инде. Безнең актив йөрүче, банкта сакланучы акчасын үзе барып алучы кешеләр дә күп. Барысы да өйдә генә ятмый. Өеннән чыгып йөрмәгәннәр Пенсия фонды бүлегенә телефоннан шалтыратып сөйләшергә мөмкин. Анысын да кире какмыйбыз. Өлкәннәрне барлау – безнең көндәлек эш. Авыл җирендә 80 яшьлек әбиләр сыер сава, бәрәңге ала, моңа беркем дә аптырамый бит. Аннары килә алмаганнарның ышанычлы кешесе була. Әйтик, кызы, оныгы һәм башкалар. Аларны җибәрсә дә, зыян юк. Пенсия фондында чиратлар булыр, озак вакыт үтәр дип тә куркырга кирәкми. Андый хәлнең булганы юк. Безнең оешмага йомышы төшкәннәрнең байтагы хәзер эшен интернет аша башкара. Пенсия фонды сайтында һәркемнең шәхси кабинеты бар. Анда дәүләт порталы аркылы да кереп була.

Пенсия фондыннан аңлатуларынча, кеше үлгән очракта, аңа пенсия түләү туктала. Әби-бабай киләсе ай өчен пенсия алгач вафат булса, якыннары ул акчаны хөкүмәткә кире кайтармый.

Мәгълүмат: vatantat.ru

Запись Пенсия фондына барып исән икәнеңне расларга кирәкме? впервые появилась Tatar Today - татар яңалыклары..

Пенсия фонды нинди пенсионерларның шәхесләрен тикшерәчәк?

Alfia — Wed, 04 Dec 2019 17:01:05 +0000

Россия Пенсия фонды үлгән пенсионер туганы өчен гаилә әгъзалары тарафыннан законсыз пенсия бирү очракларын булдырмау максатыннан 85 яшьтән узган барлык пенсия алучыларны тикшерәчәк. Бу хакта Россия Пенсия фондының Татарстан бүлеге матбугат хезмәте хәбәр итте.

«Фонд хезмәткәрләре үзләре әлеге категория гражданнарның өйләренә йөри һәм аларга шәхесне раслау өчен Россия Пенсия фондының клиент хезмәтләренә үзләре мөрәҗәгать итү таләп ителми. Хезмәткәр пенсионер белән очраша алмаган очракта, почта тартмасында адресатка белешмәлек һәм шәхесне раслау кирәклеге турында хәбәр калдыра», — диде Татарстан Республикасы буенча Пенсия фонды идарәчесе урынбасары Асия Вәлиуллина

Декабрь дәвамында Пенсия фонды хезмәткәрләре шәхесне раслау, мәгълүматларны актуальләштерү һәм артык пенсия түләүне булдырмау максаты белән пенсионерлар яши торган йортларны шәхсән үзләре йөреп чыгачак.

Мәгълүмат: tatar-inform.tatar

Запись Пенсия фонды нинди пенсионерларның шәхесләрен тикшерәчәк? впервые появилась Tatar Today - татар яңалыклары..

Пенсиянең тупланма өлешен түләү механизмын яңадан карарга җыеналар

Alfia — Mon, 02 Sep 2019 11:05:42 +0000

Россиянең Пенсия фонды пенсиянең тупланма өлешен түләүдә айлык яки бер генә тапкыр түләү тәртибен билгели торган сумманы исәпләүне үзгәртергә тәкъдим итә. Бу хакта РИА Новости агентлыгы яза.

Мисал өчен, тупланма өлеш суммасын арттырырга тәкъдим ителә. Бу очракта җыелган пенсияне айлык түләүләр рәвешендә түгел, бер генә тапкыр алып булачак. Ә пенсиянең тупланма өлешен ул пенсионерның федераль яшәү минимумы күләменнән (8846 сум) 20 процентка артып киткән очракта гына алырга мөмкин.

Хәзер пенсиягә чыгучы россиялеләргә пенсиянең алар өчен исәпләнгән тупланма өлеше түләүләрнең гомуми күләменнән биш процентка түбәнрәк булса, тупланма өлеш бер генә тапкыр бирелә, калган очракларда пенсиянең тупланма өлеше билгеләнә. Россия Пенсия фонды исәпләүләре буенча, мондый пенсия билгеләү өчен тупланма өлеш 177 мең сумга якын булырга тиеш.

Мәгълүмат: tatar-inform.tatar

Запись Пенсиянең тупланма өлешен түләү механизмын яңадан карарга җыеналар впервые появилась Tatar Today - татар яңалыклары..

Булачак пенсиянең күләмен өйдән чыкмыйча да белеп була

Гузель — Mon, 08 Apr 2019 05:36:51 +0000

Русия Пенсия фондында булачак пенсиянең тулы күләмен ничек белеп булуы хакында сөйләделәр. Бу индексацияләрне исәпкә алмыйча эшләүче кешеләр өчен аеруча мөһим.

Пенсионер киләчәктә нинди сумма алачагы турында Пенсия фондының сайтында, шәхси кабинет аша белә ала. Монда агымдагы күрсәткеч, эштән азат ителгән очракта, индексацияләрне исәпкә алып, ничә сум пенсия каралганы турында мәгълүмат күрсәтелә. Интернет аша кереп карау мөмкинлекләре булмаган кешеләр Русия Пенсия фондының территориаль органына мөрәҗәгать итә ала.

Запись Булачак пенсиянең күләмен өйдән чыкмыйча да белеп була впервые появилась Tatar Today - татар яңалыклары..

Пенсия фонды халыкка татар телендә хата тулы календарь тарата [фото]

Редактор1 editor1 — Fri, 27 Jan 2017 06:40:52 +0000

Татарстанда яшәсәк тә, белдерү такталарында, урам исемнәрендә еш кына хаталар очрап тора. Инде менә Пенсия фонды идарәсе дә хата тулы календарь чыгарган //Tatar Today//.

Пенсия фонды идарәсе яңа ел уңаеннан менә шундый календарь чыгарган. Үзе бик матур, дини бәйрәмнәрнең кайчан буласы да язылган. Әмма татар телендә язылган хаталы сүзләр шаккатыра! Бер генә хата булса аңлар идең, ә алар бит сүз саен диярлек…

Запись Пенсия фонды халыкка татар телендә хата тулы календарь тарата [фото] впервые появилась Tatar Today - татар яңалыклары..