Архивы пенсия - Tatar Today - татар яңалыклары.

Авылда яшәүчеләрнең пенсиясенә өстәмә түләү каралган

Алсу Мансурова — Sat, 20 Mar 2021 14:43:19 +0000

Татарстанда эшләмәүче 60 меңгә якын кеше авыл җирлегендә күпьеллык эш стажы өчен пенсиягә өстәмә акча алачак. Россия Пенсия фондының Татарстан буенча бүлегенең матбугат хезмәтендә аның кемгә тиеш, нинди очракларда гариза язарга кирәк булуы турында аңлаттылар.

«Өстәмә акча алу өчен картлык яки инвалидлык буенча иминият пенсиясен алучы булырга, авыл хуҗалыгында кимендә 30 ел стаж тупларга, яшәү урыны буенча авылда теркәлергә һәм эшләмәскә кирәк. Закон буенча өстәмә акча тиешле һөнәрләр исемлеге бар», диелгән хәбәрдә.

Авылда яшәүчеләргә өстәмә акча 1511 сум, яки теркәлгән түләүнең 25 процентын тәшкил итә. Расланган түләү 2021 елның 1 гыйнварыннан 6044 сумга җитте. Ул пенсиянең расланган база өлешен индексацияләүгә бәйле рәвештә ел саен арта.

Әгәр дә пенсионер 80 яшькә җитсә яки беренче төркем инвалид булса, расланган түләү күләме икеләтә арта һәм 12088 сум тәшкил итә. Шул ук вакытта өстәмә акча закон буенча билгеләнгән түләүгә карап санала һәм 1511 сум тәшкил итә.

Авылда яшәүче кеше авыл советында, авыл кибетендә, балалар бакчасында, медпунктта эшләгән очракта, өстәмә түләү бирелми. Колхоз, совхоз яки фермер хуҗалыгына кергән оешмалар искәрмә була. Ул очракта ташлама саклана.

Хезмәт стажын шәһәрдә туплаган, аннары авылга яшәргә күчкән кешеләргә дә өстәмә түләү булмый. Әгәр кеше авылда эшләп, аннары шәһәргә күченеп торса һәм кабат авылга кайтса, аңа ташлама саклана. Авыл пенсионеры эшләвен дәвам итсә, аннары эштән киткәч өстәмә түләү алу өчен Пенсия фондына гариза язарга кирәк.

Әгәр өстәмә акча алучы кеше эшкә урнашса, аңа кабат Пенсия фондына мөрәҗәгать итәргә кирәк. Чөнки бу очракта өстәмә түләү булырга тиеш түгел. Эшкә урнашканнан соң, икенче айда Пенсия фонды эш бирүчеләрдән белешмәне тикшерә. Вакытында мөрәҗәгать итмәгән очракта артык түләү барлыкка килә, аны кире кайтарасы була.

Чыганак : "Ватаным Татарстан" сайты

Запись Авылда яшәүчеләрнең пенсиясенә өстәмә түләү каралган впервые появилась Tatar Today - татар яңалыклары..

Пенсиягә кемнәр иртәрәк чыгачак?

Алсу Мансурова — Thu, 11 Mar 2021 11:38:04 +0000

Кайбер категория хезмәткәрләр пенсиягә иртәрәк чыгачак. Россия Премьер-министры Михаил Мишустин лаеклы ялга вакытыннан алда чыгу вариантларын киңәйтә торган карарга кул куйды.

«Укытучы, табиб, очучы, янгын сүндерүче, коткаручы һәм башка категория хезмәткәрләргә пенсиягә иртәрәк китү мөмкинлеге гадиләштерелә. Хәзер пенсиягә иртә чыгу хокукын бирә торган эш стажына уку һәм өстәмә профессиональ белем алу чоры, шулай ук квалификация күтәрү курслары да кертеләчәк», – диелә хәбәрдә. Төп шарт – бу вакыт аралыгында хезмәткәр артында эш урыны һәм хезмәт хакы сакланган булырга тиеш.

Яңа тәртип картлык буенча лаеклы ялга вакытыннан алда чыгу хокукына ия хезмәткәрләрнең бөтен категориясенә дә кагыла. Шул ук вакытта әлеге инициатива һөнәрләре даими рәвештә квалификацияне арттыруны таләп иткән кешеләр өчен аеруча актуаль булачак.
«Беренче чиратта, бу – мәгариф һәм сәламәтлек саклау өлкәсе хезмәткәрләре. Моңа кадәр аларның стажында бары тик эштә булу вакыты, вакытлыча эшкә сәләтсезлек дәвере, еллык һәм өстәмә түләнә торган яллар, көмәнле хатын-кызларны зыянлы факторлар йогынтысы янамаган эшкә күчерү чоры гына исәпкә алына иде», – дип искәртәләр Хөкүмәттә.

Сүз уңаеннан: Федерация Советы белән Хезмәт министрлыгы пенсиягә иртәрәк чыгу өчен эш стажына армиядә хезмәт итүне кертү мәсьәләсен кузгатты. «Армиядә хезмәт итү Конституциядә каралган бурыч булып тора һәм кешенең сайлау мөмкинлеге юк. Хезмәт итмәгән кеше пенсиягә кагылышлы мәсьәләдә яхшырак шартларга ия булып чыга», – дигән Федерация Советы комитеты рәисе урынбасары Елена Бибикова.

Чыганак: "Шәһри Казан" сайты

Запись Пенсиягә кемнәр иртәрәк чыгачак? впервые появилась Tatar Today - татар яңалыклары..

Пенсияләр яңадан артачак!

Алсу Мансурова — Tue, 23 Feb 2021 16:52:02 +0000

Федерация Советының Социаль сәясәт комитеты рәисе урынбасары Елена Бибикова Россиядә өлкән яшьтәге кешеләргә тиздән социаль пенсияләр артуы көтелә, дип белдерде.

Сенатор сүзләренчә, социаль пенсияләр 1 апрельдән артачак. Бибикова аңлатканча, социаль пенсияләрне иминият пенсиясенә хокукы яки хезмәт стажы, яки пенсия коэффициентларының тиешле күләме булмаган гражданнар ала алачак.

Бибикова шулай ук законда пенсиянең 2,6% ка арттыруы күздә тотыла, дип ассызыклады.
Ул шулай ук Конституциянең яңа нормаларының барлык социаль түләүләрне, федераль һәм төбәк түләүләрен дә кертеп, индексацияләргә мәҗбүр итүенә игътибарны юнәлтте.

Чыганак: "Шәһри Казан" сайты

Запись Пенсияләр яңадан артачак! впервые появилась Tatar Today - татар яңалыклары..

Пенсиягә алдан чыгу мөмкинлеге булган тагын бер категория аталды

Алсу Мансурова — Tue, 19 Jan 2021 05:29:07 +0000

Ковидлы пациентлар белән эшләүчеләр пенсиягә алдарак чыга ала.

Федерация Советының социаль сәясәт комитеты рәисе урынбасары Татьяна Кусайко сүзләренчә, коронавирус инфекциясе йоктырган пациентлар белән эшләүче табибларның пенсиягә алдарак чыгу мөмкинлеге бар.

“Коронавируслы авырулар белән эшләүнең бер ае хәзер өч айга исәпләнә”, – дип аңлатты Кусайко.

Запись Пенсиягә алдан чыгу мөмкинлеге булган тагын бер категория аталды впервые появилась Tatar Today - татар яңалыклары..

2021 елның 1 гыйнварыннан пенсионерларны нинди үзгәрешләр көтә

Лейла — Sat, 07 Nov 2020 09:49:32 +0000

Киләсе елда өлкәннәрне берьюлы берничә яңалык көтә. 1 гыйнвардан эшләмәүче пенсионерларга, картлык буенча пенсияләрне дә кертеп, барлык иминият пенсияләрен 6,3 процентка индексацияләү булачак. Пенсия уртача бер мең сумга артачак һәм 17 444 сум тәшкил итәчәк.

Моннан тыш, 2021 елдан пенсияләрне билгеләү өчен кирәкле стажның бер өлешен югалту куркынычы кискен кимиячәк. Элек кәгазьдә сакланган эш чорындагы язмаларны электрон хезмәт кенәгәсенә кертергә була. Моның өчен Пенсия фондына гариза җибәрергә кирәк булачак, дип аныклый «Парламентская газета». Алга таба хезмәт стажы турында мәгълүматны Дәүләт хезмәтләренең бердәм порталы аша да алырга мөмкин булачак.

Шулай ук 1 февральдән сугыш хәрәкәтләре ветераннарына һәм барлык категория инвалидларга айлык акчалата түләүләр дә артачак. Алдагы ел өчен куллану бәяләре индексыннан чыгып, нинди суммага икәне билгеләнәчәк. Әлегә ул 3,8 процент тәшкил итә.

1 апрельдән социаль пенсияләрне дә пенсионерның яшәү минимумы үсешенең фаразланган индексы күләменә индексациялиләр. Әлегә бу 2,6 процент. Әмма бу күрсәткеч әле төзәтелергә мөмкин.

Чыганак: kazanfirst

Запись 2021 елның 1 гыйнварыннан пенсионерларны нинди үзгәрешләр көтә впервые появилась Tatar Today - татар яңалыклары..

Табибиларга стаж исәпләүгә үзгәрешләр кертелә

Лейла — Mon, 10 Aug 2020 11:55:45 +0000

Коронавирус белән көрәшүче медицина хезмәткәрләренә пенсия стажын аерым исәпләячәкләр, дип белдерде премьер-министр Михаил Мишустин.

“Авыруларга ярдәм итүнең бер көне ике эш көне буларак исәпләнәчәк”, — диде ул коронавируска каршы көрәш буенча хөкүмәт каршындагы Координацион совет утырышында.
Бу норма 1 гыйнвардан сентябрь ахырына кадәр гамәлдә булачак, дип өстәде Мишустин һәм тиешле карарны имзалавын билгеләп үтте.

Карар Президент кушуы буенча кабул ителде, дип белдерде хөкүмәт башлыгы.

Чыганак: РИА-Новости

Запись Табибиларга стаж исәпләүгә үзгәрешләр кертелә впервые появилась Tatar Today - татар яңалыклары..

1 августтан россиялеләрне нинди яңалыклар көтә?

Лейла — Fri, 31 Jul 2020 05:07:45 +0000

Җәйнең соңгы аена хакимияттәгеләр чыбыркы һәм прәннек ысулы буенча законнарны планлаштырган. Пенсионерларның кайбер категорияләренә пенсияләр индексацияләнәчәк, әмма газ бәяләре артачак. Илләрнең бер өлеше генә ачыла, әмма аларда ял кыйммәт булачак. Моннан тыш, август аенда үзгәрешләр автомобиль хуҗаларын, төзүчеләрне һәм кыскартылган кешеләрне көтә.

Эшләүче пенсионерларның пенсияләренә 1 августтан төзәтмәләр кертелә. Эшләүче пенсионерларга (Россиядә алар 14 миллионнан артык кеше) пенсияләр 2016 елдан тулысынча индексацияләнмәгәнлектән, аларга, хезмәт стажын һәм керемне исәпкә алып, иминият пенсияләрен яңадан исәпләп чыгаралар. Өстәмә өч пенсия балы белән чикләнәчәк һәм максимум 279 сум тәшкил итәчәк.

Икенче яңалык-пенсиянен тупланма өлешен 9,13% ка арттыру. ПФРДА хәбәр итүләренчә, арттыру коэффициенты 2019 елда пенсия тупланмаларын инвестицияләү нәтиҗәләре буенча билгеләнгән: ул инфляциядән өч тапкыр артып киткән. Моннан тыш, 7,99% ка яңадан исәпләү пенсия тупланмаларын финанслашу программасында катнашучылар өчен автомат режимда узачак. Аларга тупланган акчалар тупланма пенсиядән түгел, ә ашыгыч пенсия түләвеннән түләнә.

1 августтан газ өчен 3% ка күбрәк түләргә туры киләчәк. Башта инфляция дәрәҗәсенә газ бәяләрен июньдә күтәрергә ниятләнгән иде, тик пандемиягә бәйле рәвештә Монополиягә каршы хезмәт индексацияне кичектерергә тәкъдим итте.

Августтан Бөек Британия, Төркия һәм Танзания белән һава юллары яңартыла. Россия Федерациясеннән Стамбул һәм Анкарага очарга мөмкин. 10 августтан Төркиянең Анталья һәм Эгей ярлары курортларына рейслар ачыла. Бу ил өчен коронавируска тест нәтиҗәләре белән белешмә кирәк түгел, карантинны утыртырга кирәкми. Бөекбритания белән катлаулырак — 1 августтан анда очарга була, әмма 14 көн үз-үзеңне изоляциядә үткәрергә туры киләчәк. Танзибар утравына август башыннан очышлар ачыла, белешмә кирәк түгел.

Төзелештә стандартларның һәм кагыйдәләрнең яңа исемлеге үз көченә керә. Төп яңалык-исемлектән артык нормалар алынган һәм, гомумән алганда, төзелеш һәм проект эшләре регламенты гадиләштерелде.

Чыганак: МК

Запись 1 августтан россиялеләрне нинди яңалыклар көтә? впервые появилась Tatar Today - татар яңалыклары..

Пенсионерлар өчен өстәмә түләүләр кертергә тәкъдим иттеләр. Аның күләме…

Гульназ Рашитова — Tue, 21 Jul 2020 15:37:08 +0000

Русиядә коронавирус пандемиясе чорында өлкән буын гражданнарына ярдәм буларак, 15 мең сум күләмендә бер тапкыр бирелә торган түләүләр кертергә тәкъдим иттеләр. Россия Иҗтимагый палатасы әгъзасы Солтан Хәмзәев Россия премьер-министры Михаил Мишустин исеменә хат юллаган, дип яза “РИА Новости”.

Коронавирус инфекциясе таралу сәбәпле, Россия халкын риск төркеменә эләккән өлкән кешеләргә һәм пенсионерларга ярдәм итү мәсьәләсе борчый. Пенсионерларның даруларга гына да уртача чыгымнары 4 мең сумга артты. Күпчелек пенсионерларның өстәмә керемнәре юк, пенсия акчасына гына яшиләр, — дип язган Солтан Хәмзәев хатында.

Аның сүзләренчә, пандемия вакытында пенсионерлар йогышлы авыруларны кисәтү өчен дарулар сатып алырга акча тотарга мәҗбүр була. Алар чыгып йөрмәскә һәм табиб киңәшләрен дә үтәргә тиеш.

“Шул сәбәпле, гражданнар мөрәҗәгатенә һәм Россия гражданнарына адреслы ярдәм күрсәтү тәҗрибәсенә нигезләнеп, һәр пенсионерга бер тапкыр 15 мең сум күләмендә адреслы ярдәм күрсәтү механизмын эшләүне сорыйм”, диелгән бу мөрәҗәгатьтә.

Чыганак: Шәһри Казан

Запись Пенсионерлар өчен өстәмә түләүләр кертергә тәкъдим иттеләр. Аның күләме… впервые появилась Tatar Today - татар яңалыклары..

1 августтан эшләүче пенсионерларның пенсиясе күпмегә артачагы билгеле

Лейла — Tue, 14 Jul 2020 09:26:59 +0000

Эшләүче пенсионерларга пенсияләрне арттыру 1 августтан башлана.

Пенсия күләме өч пенсия баллыннан да артмаска мөмкин. 2020 елда пенсия баллының бәясе-93 сум, шуңа бәйле рәвештә, максималь өстәмә күләме 279 сум тәшкил итәчәк.

Тупланма пенсияләрнең күләме 9,13 процентка артачак.

Чыганак: Вечерняя Казань

Запись 1 августтан эшләүче пенсионерларның пенсиясе күпмегә артачагы билгеле впервые появилась Tatar Today - татар яңалыклары..

30 елдан артык эшләдек, пенсиябез ник аз?

Лейла — Wed, 01 Jul 2020 08:46:48 +0000

Ирем – 8 700 сум, үзем 9 500 сум пенсия алам. Икебезнең дә эш стажы 30 елдан күбрәк, авыл хуҗалыгында эшләгән идек. Пенсияләр арта диләр, ник безнекендә үзгәреш сизелми соң?

Запись 30 елдан артык эшләдек, пенсиябез ник аз? впервые появилась Tatar Today - татар яңалыклары..