Васильево бистәсендәге Идел ярында — Казаннан 40 км ераклыкта уникаль пляж урнашкан. Ком һәм елга чуерташы урынына – ватык пыяла. Көчле елга дулкыннары ул пыялаларны шулкадәр ышкылаган ки, пыяла өстеннән яланаяк йөрергә дә була кебек тоела. Кызганычка каршы, җирле истәлекле урын булырга мөмкин булган пляж төзекләндерелмәгән. Шунлыктан балыкчылар һәм матур пыяла кисәкләре җыерга яратучылар өчен генә популяр.

Кайчандыр бу урында ватылган пыяла чүплеге — Васильево пыяла заводы калдыклары булган, ләкин ул күптән бөлгенлеккә төшкән.

Дулкыннар, пыяланы төрле төстәге шома “чуерташ” ка әйләндерер өчен, күп еллар кирәк була. Табигать чираттагы тапкыр кеше тормышының теләсә нинди эзләрен җир йөзеннән юарга сәләтле икәнлеген раслый.

Уникаль пляж Идел буенда берничә чакрымга сузылган. Җирле халык сөйләвенчә, биредә коенучы кешеләрне очратып булмый, ә менә балыкчылар һәм пыяла сувенирларын яратучылар — еш кунаклар. Алар гадәти булмаган формадагы үтә күренмәле «ташлар» эзли.

Чыганак: Kazancat сайты

Запись Казан янында “Пыялалы пляж” [фото] впервые появилась Tatar Today - татар яңалыклары..

Чыганак: Татар-Информ

Запись Татарстанда тагын бер пляжда коенырга рөхсәт иттеләр впервые появилась Tatar Today - татар яңалыклары..

Шулай итеп, тыңлаучылар яраткан журналистларын колакчыннар киеп тапшырулар алып баручылар ролендә түгел, ә пляж волейболын уйнаучылар сыйфатында күрә алачак.

Турнирның кагыйдәсе буенча, былтыр җиңүче булган команда киләсе елда ярышларны оештыра. Былтыр турнирда “Тәртип FM” җиңгән иде. Шул сәбәпле, быел ярышларны шушы радиостанция үткәрә.

Быел иң оста һәм төгәл итеп туп сугучы радио командасы исеме өчен көрәшкә “Тәртип ФМ”, “Татар Радиосы”, “Болгар”, “Татарстан”, Чаллының “Күңел”, Мамадышның “Нократ дулкыннары” һәм “Азан” интернет-радиосы хезмәткәрләре чыга. Командалар катнаш булачак.

Өч ел элек турнирга нигез салган, хәзер “Азан” интернет-радиосы баш мөхәррире булган Илнур Фәйзрахманов спорт уеннарының “Татар радиосы”ның ул вакыттагы директоры Алмаз Миргаязов белән берлектә гамәлгә куелганын искәртте. Илнур Фәйзрахманов әйтүенчә, алдагы елларда ярышларга якынча 35-40 лап кеше җыелган. “Без баштарак радиода алып баручыларны гына катнаштырырга дип уйлашкан идек, әмма кайбер радиостанцияләр эфирда эшләүчеләрдән генә команда җыеп бетерә алмый. Шуңа күрә инженерлар, тавыш режиссерлары да, кыскасы, радио эшчәнлегенә катнашы булганнар барысы да уйный ала”, – диде ул. Илнур Фәйзрахманов үзе дә уйнарга җыена. Турнирда радио коллективындагы 9 кеше үз көчен сынап караячак.

“Тәртип FM” алып баручысы Райнур Шакиров әйтүенчә, бу ярыш, беренчедән, сәламәт яшәү рәвешен пропагандалау чарасы, икенчедән татарча сөйләүче радио журналистларын очраштыру,берләштерү, татар телен камилләштерү, үстерү, үзара дуслыкны ныгыту, тыңлаучылар белән элемтәләрне ныгыту чарасы.

“Болгар радиосы” журналистлары “Болгар радиосы” символикасы төшерелгән футболкалар кияргә җыена. Ярышларда катнашу өчен барлыгы 8-9 лап кеше җыелган. Командада алып баручылар, музыкаль мөхәррир, монтажерлар да уйнаячак. “Бу турнир “Болгар радиосы” инициативасы белән башланып киткән иде. Мондый ярышлар кирәк дип саныйм. Ни өчен дигәндә, без еш күрешмибез. Бу волейбол уйнау гына түгел, коллегалар белән үзара танышу, аралашу, ниндидер проблемаларны уртага салып сөйләшү мөмкинлеге дә. Ярышлар арасында күңел ачарга да вакыт кала әле анда”, – дип белдерде радионың яңалыклар хезмәте баш мөхәррире Айнур Әхмәтов. Аның әйтүенчә, команданың җиңәргә исәбе булса да, әзерләнергә вакыты күп булмаган. “Тамашачыларны күбрәк җәлеп итү максатын күздә тотып, бәлки, киләчәктә турнирның форматын бераз үзгәртергәдер дип тә уйлыйм. Бу мәсьәләгә игътибарны арттырасы бар әле”, – дип фикерен җиткерде Айнур Әхмәтов.

“Татар радиосы” турнирга тыңлаучылары килеп җан атачакларына өметләнә. Ди-джей Ленар Гыйләҗев үзләреннән 3 егет һәм 2 кыз уйнаячагын әйтте. “Тамашачылар да булыр дип уйлыйм. Бу бит инде үзе бер бәйрәм. Дөрес, әзерләнергә бик вакыт булмады. Җәй көне кеше жыю авыр, кубесе җәйге ялда, мәсәлән, “Уян, Татар! 7:00 агентлары”. Шуңа күрә булган хезмәттәшләр белән, туп тотып карар өчен, 2-3 уен уйнап алдык”, – диде Ленар.

Мамадыш районының “Нократ дулкыннары” радиосы турнирда тәүге тапкыр катнаша. Ярышларга бу коллективтан барлыгы 5 кеше – 2 кыз һәм 3 ир-ат юл тотачак. Гөлназ Кадыйрова аларны “уникаллар” дип атады – бу журналистлар радиода гына түгел, филиал составындагы газета, сайт, телевидениедә дә эшли. Әңгәмәдәш билгеләп узганча, тыңлаучылар арасында да Казанга барып, яраткан хезмәткәрләре өчен җан атарга теләүчеләр табылган. “Араларында хәтта пенсионерлар да бар”, – дип, Гөлназ Кадыйрова барлыгы 5-6 кешенең Казанга барырга теләк белдерүе хакында әйтте. “Телевидениедән дә төшерергә барырга теләгәннәр иде. Эш тыгыз булганлыктан, барып чыкмас ахыры”, – дип белдерде ул. Мамадыш журналистларының җиңүгә омтылышы зур. “Әгәр без җиңә калсак, ә безнең характерыбыз корычтай дияр идем, турнирны үзебездә кабул итәргә әзербез”, – диде Гөлназ Кадыйрова.

Ярышларны тамаша кылу – бушлай. Беренче урынны алучыга күчмә кубок биреләчәк. Хөкемдарларның да спорт журналистлары булуы көтелә.

Татар-информ

Запись Бүген татар телле радиостанцияләр арасында волейбол турниры узачак впервые появилась Tatar Today - татар яңалыклары..

Элегрәк билгеләп үтелгәнчә, Әлмәт шәһәр пляжы бүген республикада, гомумән, илдә тиңе булмаган уникаль ял итү зонасына әйләнгән. Аны өч айда төзеп өлгерткәннәр.

Пляжга Таиландтан 2,5 мең тонна кварцлы ком кайтарылган, рулонлы газон җәелгән, җәяүлеләр өчен 880 метрга сузылган юл җиһазланган. Вейк-паркта су трассасы озынлыгы 600 метр тәшкил итә, өйрәнүләр өчен торган трасса – 150 метр.

Әлмәт шәһәр пляжында ятаклар, яктылык диодлы таганнар, пляж волейболы өчен җайланмалар түләүсез, ә вейк-парк, скалодром, бауда шөгыльләнү паркы, ачык бассейн һәм катамараннарда йөрү түләүле булачак.

Запись Рөстәм Миңнеханов Татарстанда иң матур, заманча пляж ачты [фото-видео] впервые появилась Tatar Today - татар яңалыклары..

Татарстан Парклары дирекциясендә әйтүләренчә, пляж республикада тиңе булмаган үзгә ял зонасы булачак. Пляж биләмәсендә яңа объект һәм ял зоналары барлыкка килгән. Әйтик, вейк-парк, су чаңгысында шөгыльләнү өчен ике трасса, гаилә белән актив рәвештә ял итү өчен махсус зоналар – скалодром, спорт тренажерлары, волейбол мәйданчыгы…

Пляжда балалар мәйданчыгы, туклану урыннары, көймә, катамараннарны прокатка бирү пунктлары, фитнес һәм йога белән шөгыльләнү урыннары да бар.

Моннан тыш биредә ачык һавада бассейны, саунасы, балалар су мәйданчыгы булган спрей-парк та пәйда булган. Пляж ак ком белән түшәлгән.

Шунысы игътибарга лаек: ял итәргә керү бушлай. Шулай да аерым зоналар түләүле һәм түләүсезгә бүленә.

Интертат

Запись Әлмәттә гаҗәп матур һәм үзгә ял зонасы булган пляж ачыла [фото] впервые появилась Tatar Today - татар яңалыклары..